Lesbók Morgunblaðsins - 12.08.1956, Blaðsíða 3
LESBÓK MORGUNBLAÐSINS
439
Úti fyrir skólanum að athöfninni iokinni.
Gunnlaugs saga ormstungu og
Hrafns hefir tekið þig sterkum
tökum. Það er viðkvæm saga, allt
frá draumi Þorsteins Egilssonar á
Borg til efri ára Helgu hinnar
fögru, og svo vel sögð, að ekki
verður betur gert. Engin bók, rit-
uð á íslandi hefir verið oftar prent-
uð. Passíusálmarnir ná henni ekki,
en það er vegna þess, að þeir verða
aldrei þýddir til fulls. Þín ritgerð
um það, hvar þeir börðust Gunn-
laugur og Hrafn sýnist mér sann-
færandi, og sérstaklega er það
áhuginn, að vilja staðsetja atburð-
inn, sem ber vott um frændsemi
vora og náskylt hugarfar.
Þeir voru orðnir margir, sem
hafa kynnt sér Gunnlaugs sögu
ormstungu, rakið hennar sögulegu
og sálfræðilegu rök, — en þú ert
sá fyrsti, er ég veit, sem hefir sezt
við að rista einn höfuðatburð sög-
unnar í norskan kjörvið. Sá viður
hefir reynzt endingargóður, harðn-
andi og batnandi öld eftir öld í
þínu eigin landi, og gjöf þín mun
endast lengi hér vor á meðal. En
þú ert og sá fyrsti til að færa oss
slíkan kjörgrip að gjöf, og hjálpa
til að festa söguna í voru eigin
minni.
Þú hefir afhent mér, sem For-
seta íslands, þennan grip. Og það
er mér tvöföld ánægja, að geta
nú afhent Mýrasýslu og hennar
nýja, ágæta barnaskóla gjöf þína.
Tvöföld ánægja vegna þess, að
þessi skóli er í héraði Gunnlaugs
og nálægt Gilsbakka, og vegna
hins, að þetta er mín fæðingar- og
fóstursýsla, sem mér finnst gott
að geta minnst. Þetta tvennt vinn-
ur saman og rekst ekki á.
Haf þú kæra þökk, Jon Suul,
fyrir þessa gjöf, er þú á gamals
aldri færir oss, og sem þinn góði
hugur og erfiði hefir skapað. Þú
ert áhugamaður, einnig sem vér
köllum í tréskurði. Vor elzti og
bezti tréskeri, hefir sagt við mig,
að þetta sé gott verk. Vér, sem hér
sitjum sjáum það sjáif, hve vel
myndin fer á veggnum, traustlega
og gróft skorin, með mildum nátt-
úruiitum.
Hér er hún á réttum stað í
barnaskóla héraðsins, þar sem
unglingarnir geta íhugað sorg og
siðfræði hinnar fornu snilldarsögu,
og við hliðina á húsmæðraskólan-
um, þar sem nútímans Helga
fagra, eldar, saumar og vefur gæfu
margra framtíðarheimila.
Ég afhendi hér með þessa skurð-
myr.d Jons Suul, sýslumanns úr
Veradal í Þrændalögum, barna-
skóla Mýrasýslu til ævarandi
eignar, með því eina skilyrði að til
allra flutninga af staðnum, þurfi
samþykki þjóðminjavarðar íslands.
FORMAÐUR SKÓLANEFNDAR
ÞAKKAR
Þá tók formaður skólanefndar,
séra Bergur Björnsson til máls,
þakkaði Forsetanum fyrir að hafa
valið þennan skóla til þess að
verða gjafarinnar aðnjótandi, og
þakkaði Jóni írá Súlu fyrir gjöf-
ina, sem hann kvað lengi mundu
prýða þennan stað og verða æsku-
lýðnum hvöt til þess að kynnast
sem bezt fornsögunum, og þá eink-
um sögu Gunnlaugs ormstungu,
sem var fæddur og upp alinn í
þessu héraði. Og lengi mundi æska
þessa héraðs minnast með þakk-
læti listamannsins, er gert hefir
þessa mynd og gefið hana af svo
góðum hug, og jafnframt mundi
hún þá með hlýum hug minnast
föðurlands hans, sem einnig var
föðurland fyrstu landnámsmann-
anna á íslandi. Bað hann Jón að
bera Noregi kæra kveðju frá Borg-
arfjarðarhéraði. —
Þar með var þessari látlausu at-
höfn lokið, og nú prýðir myndin
einn af fegurstu skólum þessa
lands.
Á eftir var skoðað byggðasafnið,
sem geymt er í skólanum. Eru þar
margir merkilegir munir, sem gott
er að bjargað hefir verið frá tor-
tímingu.
Nú var lagt á stað og ekið upp
í Hvítársíðu, yfir Kljáfossbrú og
upp að Reykholti. Var staðnæmst
þar um hríð og staðurinn skoðaður.
Var svo ferðinni haldið áfram yfir
Reykholtsdal, Bæarsveit og Anda-
kíl upp í Skorradal. Þar var stað-
næmst í skóginum litla hríð til
þess að virða fyrir sér dalinn, sem
nú var draumfagur í skini kvöld-
sólarinnar. Þar var nokkuð minnst