Lesbók Morgunblaðsins - 28.04.1957, Side 1
16. tbl.
Sunnudagur 28. apríl 1957
XXXII árg.
Sigurbjörn Einarsson prófessor:
REISN EÐA HRUN
I.
„RAUNVERULEGT frelsi, eins og
vér skiljum það orð, getur ekki
þrifizt án trúar. Ef skorið er á rót-
ina, visnar blómið og deyr Og rót
lýðræðisins, rót vorrar frjálsu
menningar, er trú vor á Guð, á
kristindóminn. Ef vér skerum á
rótina, deyr blóm lýðræðisins og
menningarinnar“.
Þannig komst Ole Björn Kraft,
hinn kunni danski stjórnmálamað-
ur og fyrrverandi utanríkisráð-
herra, að orði í ræðu á fundi Ev-
rópuráðsins í októbermánuði næst
liðnum. Og hann sagði ennfremur:
„Þjóðir vorar sjá nauðsyn nýrra
lífernishátta. Sú tilfinning vex, að
hinn andlegi heimur sé ekki síður
mikilvægur en hinn efnislegi og að
siðgæðisleg endurfæðing geti ein
bjargað Vesturlöndum. Þetta er
engin stjómmálastefnuskrá. Það er
eggjan til hvers og eins um að lifa
lífinu samkvæmt því, sem hann
veit réttast, að gera trúna að lifandi
krafti í lífi þjóða vorra. Það er
hægt að verja með vopnum rétt-
inn til þess að velja sér þjóðskipu-
lag, mannfélagshugsjón. En það er
ekki mögulegt að berjast við hug-
Sigurbjörn Einarsson prófessor.
sjón með vopnum. Hugsjón verður
aldrei sigruð nema með hærri hug-
sjón“.
Þessi orð em ekki greind hér
vegna þess út af fyrir sig, að þau
eru athyglisverð. Ekki heldur
vegna þess, að þau eru flutt a£
mætum manni á virðulegum vett-
vangi. Það er í sjálfu sér gott og
blessað, en þótt orð séu til alls
fyrst, þá vantar heiminn margt
annað fremur en að heyra meira
eða minna sjálfsagða hluti sagða
vel og réttilega á háum stöðum við
hátíðleg tækifæri. En þessi hug-
vekja var ekki flutt af neinu slíku
tilefni, er krefðist hennar sem til-
bærilegrar eða hagkvæmrar kurt-
eisi. Hún hefur að bakhjarli hug-
hvörf, sinnaskipti, sem ræðumaður
hefur tekið, en þar er aftur á bak
við hreyfing, sem hefur á undan-
förnum árum farið víða um lönd,
sáð áhrifum sínum og náð marg-
víslegum ítökum.
Snemma á þessu ári var haldin
ráðstefna í Strassborg í sambandi
við þing Evrópuráðsins. Ráðstefn-
an var haldin að frumkvæði
manna, sem hafa skipað sér undir
merki þessarar hreyfingar og hana
sóttu stjórnmálamenn, þingmenn
og ráðherrar, frá níu Evrópulönd-
um. í ályktun, sem ráðstefnan
sendi frá sér, segir svo:
„Á þessum dimmu dögum finn-