Lesbók Morgunblaðsins - 06.12.1959, Blaðsíða 15
LESBÓK MORGTTNBLAÐSINS
583
Síldveiði
í Vestmann-
eyahöfn.
entafélagsins. Félagið veitti námsstúlk-
um 12,500 kr. námsstyrki á þessu ári.
Stofnað var Skattstjórafélag íslands
(25.)
Þorvaldur Garðar Kristjánsson end-
urkosinn formaður Varðarfélagsins í
Reykjavík (27.)
ÝMISLEGT
Vb. Bragi frá Siglufirði var tekinn
að ólöglegum veiðum í landhelgi (1.)
Tólf bílstjórar í Reykjavík voru
kærðir fyrir ölvun við akstur um
fyrstu helgi í mánuðinum (3.)
Lögreglan í Reykjavík handtók tvo
unglinga, sem stolið höfðu 180 flöskum
af sherry frá Áfengisversluninni. CÍÍið
var upp drukkið (3.)
Sláturfé reyndist rýrt í haust sunnan
og vestan (7.)
Ungur maður gabbaði Slökkvilið
Reykjavíkur og fekk rúmlega 700
króna sekt fyrir tiltækið (10.)
Niðurskurður fór fram á öllu sauðfé
á næstu bæum við Múla í ísafirði,
Gerfidal og Laugabóli (18.)
350 grindahvalir voru reknir á land
í Dalvík (20.) Samkomulag varð um
að kirkjan þar skyldi njóta alls arðs
af þessu happi. En vegna mistaka var
allt hvalkjöt dæmt óhæft sem skepnu-
fóður (28.) Nokkuð af því hafði verið
flutt til Reykjavíkur og byrjað að
selja það til manneldis, en salan var
stöðvuð (28.)
Maður, sem sviftur hafði verið öku-
leyfi ævilangt, stýrði bíl í sumar, lenti
í árekstri og var fyrii það dæmdur í
30 daga varðhald (21.)
Fjögur ný frímerki gefin út (27.)
Fjórir bandarískir hermenn gerðu
aðsúg að tveimur íslendingum á Kefla-
víkurflugvelli og rændu þá. Ofbeldis-
mennirnir náðust (28.)
Flogið var með þjáðan kikhóstasjúkl-
ing upp í 14000 feta hæð en við það
batnaði sjúkdómurinn (29.)
—oOo—•
AV. Frásögn um Byggi h/f á Kefla-
víkurflugvelli í seinasta annál var ekki
allskostar rétt, og á því að falla niður.
Æ ttarriki
MAÐUR er nefndur William Marsters
og var bóndasonur frá Gloucestershire
í Englandi. Ungur að árum fór hann
til Nýa Sjálands og kvæntist þar
stúlku af Maori-þjóðflokknum. Hún
hét Esther. Árið 1862 fluttust þau til
eyðieyar langt úti í Kyrrahafi. Heitir
hún Palmerstone. Með þeim var systir
konunnar, er Adeline hét.
Ekki höfðu þau verið lengi þarna er
Adelina fannst lífið óþolandi. Þá tók
Masters hana sér fyrir konu líka, með
góðu samþykki Esthers. Þegar Esther
átti von á fyrsta bami sínu, sótti Mast-
ers frænku hennar, er Naomi hét, til
Nýa Sjálands, og skyldi hún sitja yfir
henni. Naomi settist svo að á Palmer-
stone og varð þriðja kona Marsters.
Allar konurnar þrjár voru ]afn
réttháar og samkomulagið var ágætt.
Þær fóru svo að hlaða niður börnum,
og eftir 18 ár hafði Marsters eignazt
60 börn með þeim. Hann var sjálfur
kennari þeirra og prestur og hann setti
lög. Tvær helztu greinar laga hans voru
þær, að altaf skyldi töluð enska á
Palmerstone, og að alsystkini mætti
ekki ganga í hjónaband. En hálfsyst-
kin máttu eigast.
Samkvæmt opinberum skýrslum,
sem birtar voru í Nýa Sjálandi 1946,
voru afkomendur Marsters þá orðnir
um 5500, og voru þeir dreifðir víðs
vegar um Kyrrahafseyar. Nú fyrir
skömmu fór Cobham lávarður, land-
stjóri í Nýa Sjálandi, til Palmerstone.
Segir hann svo frá að þar sé nú 87
íbúar og allir komnir út af Marsters
landnema. Og ekki var að sjá neina
úrkynjun í þeim, þrátt fyrir það að
þeir eru allir afkomendur systkina.
Lítið lífgunartœki
CHEMETRON Corporation í Banda-
ríkjunum hefir nýlega búið til hið
minnsta lífgunartæki, sem þekkist. —
Það vegur ekki nema tæplega Vi pund.
Því er aðallega ætlað að lífga ný-
fædd börn, með því að dæla lífslofti
niður í lungnu þeirra. Það er alvana-
legt að slím sé í öndunarfærum ný-
fæddra barna, eða þau eru hálflöm-
uð, máske vegna þess að móðurinni
hafi verið gefið mikið af kvalastill-
andi meðulum meðan á fæðingu stóð.
Tæki þetta er svo nákvæmt, að engin
hætta er á því að það ofbjóði lungum
barnanna.
KULDABLÓÐ
Að undanförnu hafa læknar haft
það ráð, að lækka líkamshita sjúkl-
inga áður en hjartaskurður er gerður
á þeim. Hefir það verið gert á þann
hátt að láta sjúklinginn liggja í ísköldu
vatni nokkurn tíma áður en uppskurð-
ur hefst. Hægir þá hjartað á sér, blóð-
rásin verður ekki jafn ör og eðlilegt
er, og læknirinn hefir 6—8 mínútur
til umráða, áður en blóðrásin verður
fyrir sjúklinginn.
Nú hefir bandarískur læknir, dr.
Frank Collan í Nashville, fundið upp
annað ráð, sem betra þykir. Hann
lætur dæla Köldu blóði, blönduðu súr-
efni, í æðar sjúklinganna. Þetta kalda
blóð dreifist um allan líkamann, en
kælir þó fyrst hin innri líffæri. Og
vegna súrefnisins er engin hætta á að
blóðrásin truflist eða verði ófullnægj-
andi.