Lesbók Morgunblaðsins - 03.07.1977, Blaðsíða 3

Lesbók Morgunblaðsins - 03.07.1977, Blaðsíða 3
Fuglalff. Einu lifandi fuglarnir eru flugvélarnar, sem dreifa eitri yfir jörðina og allt kvikt er dautt, maðkar og flugur jafnt sem fuglarnir. Glansnúmerið, 1934—1963. Myndin virðist búin að vera lengi í smíðum og glansnúmerið, sem fjöldinn mænir á, er alltaf þaðsama: Fífl meðbombu. Allt gott kemur a8 ofan, 197Ó. Mann- skrýmsli á hval, sem um leio er byrla, úoar ein ein- hverju yfir jörðina. er það gott fyrir grœn- metio, eoa er þetta fólk. sem orSið er að grœn- meti? Náttkjóllinn eftirFINN SÖEBORG Konan mín hafði sagt að hana langaði í náttkjól í afmælisgjöf og einnig gert mér skiljanlegt að hún byggist við að fá hann. Mér var engrar undan- komu auðið og varð að hleypa kjark í mig og fara og kaupa hann, enda þótt ég sé skelfing feiminn við að annast slík innkaup. Ég fór inn í eina stór- verzlunina og fann eftir nokkra leit þá deildina sem seldur var slíkur dýrðar- fatnaður. Eins og ég hafði búizt við var aðeins kven- fólk þar inni — bæði utan og innan við afgreiðslu- borðið. Ég hafði mest löngun til að koma mér út aftur, en þetta varð nú einu sinni yfir mig að ganga. — Var það eitthvað sem ég get hjálpað yður við? Bráðlagleg lítil afgreiðslu- stúlka sneri sér að mér. Nú var um seinan að flýja af hólmi. — Ég ætlaði gjarna að líta á náttkjóla, sagði ég ákveðinni röddu, handa konunni minni. Þessi síðasta viðbót var ekki aðeins yfirborðskennd heldur hreinlega asnaleg. Nú var vitanlega afgreiðslustúlkan og nær- staddir kaupendur þess fullvissir, að það væri síst af öllu handa konunni minni, sem ég ætlaði að kaupa náttkjólinn. — Hvaða númer notar konan yðar? spurði hún. — 87 svaraði ég bara til að segja eitthvað. Ég hafði ekki hugmynd um i hvaða númerum náttkjólar voru framleiddir og hefði því eins vel getaðsagt 614. — Það getur ómögulega passað sagði afgreiðslu- stúlkan brosandi. Er konan yðarstóreða lítil? - — Oh, hún er svona meðalstór. — Svona á stærð við mig? reyndi hún fyrir sér. — Kannski aðeins hærri.sagði ég, en hún hefur ekki eins stór — ehe ég á við . . . Ég vogaði mér ekki einu sinni að skotra augunum til hliðar. Ég hafði á tilfinnihgunni að hinir viðskiptavinirnir virtu mig fyrir sér. — Þá mundi það líklega vera stærð 42, sagði afgreiðslustúlkan. Lítið á þetta Ijómandi módel, það er alveg nýkomið. Hún lagði eitthvað híalín með bróderingum og kniplingum og ég veit ekki hvað á borðið. Þetta er frá ítalíu, fræddi hún mig á. — Já, það sé ég, sagði ég alveg ruglaður. — Hvernig sjáið þér það? spurði hún undrandi. — Ég var á ítalíu í sumar, svaraði ég, en iðraðist um leið þessarrar framhleypni minnar og hóf þess í stað að tauta eitthvað um hið indæla spaghettí sem þar væri framreitt. — Snertið og finnið hve lekker hann jr. Hún hélt náttkjólnum fyrir framan mig. Ég rak í hann tvofingur. — Hann er gagnsær, sagði ég. — Gerir það nokkuð til? spurði hún. — Já, sagði ég kolruglaður, eða nei meina ég, öfugt við, eða röfl er þetta i mér, en er hann ekki frekar skjóllítill að vetri til. Stúlka nokkur við hliðina á mér flissaði upp- hátt. Það var skelfing vandræðalegt. — Lítið nú á. Afgreiðslustúlkan tók nátt- kjólinn og sveipaði honum um sig svo að maður gæti almennilega séð hvernig hann liti út. Það var alveg eins og hún hefSi farið í hann og ég roðnaði upp i hársrætur. — Hvað kostar hann ? skrækti ég alveg utan við mig. Þetta varð einhvern endi að taka. — 148 krónui', svaraði hún. Það var helmingi meira en ég hafði hugsað mér, en ég keypti hann samt. Ég ætlaði mér ekki aðskoða fleiri náttkjóla. Það var sannkallaður léttir er ég skömmu seinna var kominn út á götu með pakkann undir hendinni. En ef konan mín óskar sér einhvern tíma brjósta- haldara verður— það að minnsta kosti ekki ég, sem annast þau innkaup. Halldór Stefánsson þýddi. ©

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.