Lesbók Morgunblaðsins - 21.03.1987, Page 16

£8
■
f
í
i
r set
snjöAas
(iAJa
DSIOI
VKFLIST
Úr lundabyggð. Olíumálverk eftir Steinþór Marinó Gunnarsson.
OGMALVERK
á sýningu feðgina
í Listasafni ASI
Um sýningu Sigrúnar
Steinþórsdóttur og
Steinþórs Marinós
Gunnarssonar, sem
hefst í dag og lýkur 5.
apríl.
EFTIR JÓN ÓSKAR
Sigrún Steinþórsdóttir Eggen
og faðir hennar, Steinþór
Marinó Gunnarsson, halda
nú í þriðja sinn sameiginlega
myndlistarsýningu hér í
Reykjavík. Áður hafa þau
haldið sýningar saman 1980
og 1982 í Reykjavík og víðar um land.
Haf og land nefndist málverkasýning,
sem Steinþór hafði á Akranesi fyrir tveimur
árum, og gæti það verið heiti á allri list
hans, svo bundinn er hann náttúrunni og
samskiptum fólks við haf og !and. Ef til
vill gæti það einnig verið samnefni fyrir list
þeirra beggja, hans og dóttur hans.
Steinþór er fæddur á ísafirði 18. júlí
1925, en ólst upp á Suðureyri við Súganda-
fjörð og síðan á Ákranesi. Það er því ekki
að furða þó fjaran og hafið séu ásækin í
Steinþór Marinó Gunnarsson.
myndum hans, en hann á sér líka sýn til
fjalla og heiða, enda byijaði hann myndiðk-
un sína, þegar hann sat hjá fé drengur í
dal vestra og dró upp myndir með blýanti
og lit meðan ærnar hugðu ekki á flakk.
Steinþór er málarameistari að iðn og
hefur stundað húsamálun til framfærslu sér
og fjölskyldu sinni, en myndlistin hefur
lengst af verið tómstundastarf. Hann er
alþýðulistamaður í þeim skilningi, að hann
hefur ekki átt kost á skólagöngu í mynd-
list, en hann hefur aflað sér þekkingar með
náms- og kynnisferðum til margra landa á
meginlandi Evrópu, m.a. Hollands, Vestur-
Þýskalands og Frakklands, og hann hefur
einnig ferðast til Norður-Ameríku í sama
skyni.
Fyrst sýndi Steinþór Marinó á samsýn-
ingu Félags íslenskra frístundamálara í
Reykjavík 1947. Mörgum árum seinna átti
hann myndir á samsýningu Félags íslenskra
myndlistarmanna (FÍM), en síðan hefur
hann haldið ijölda einkasýninga hér á ís-
landi og í Noregi og hlotið sívaxandi
viðurkenningu.
Frægt er orðið, að í einum systkinahópi
hér á landi skulu fimm bræður hafa fengist
við myndlist, synir Gunnars Halldórssonar,
sem kvað hafa átt ætt sína að rekja til
myndlistarmannsins og prestsins Hjalta
Þorsteinssonar í Vatnsfirði (d. 1754), en
fyrir utan Steinþór eru í þessum bræðra-
hópi Benedikt, Elí, Guðbjartur og Veturliði.
Og listgáfan heldur áfram að segja til sín
í afkomendunum. Sigrún veflistarkona, sem
hér sýnir með föður sínum, er eitt dæmið
um það.
Sigrún Steinþórsdóttir Eggen er fædd í
Reykjavík 1. júlí 1947 og kynntist myndlist
þegar í bemsku á heimili sínu. Hún lærði
myndvefnað í Noregi (í Vestfold fylkes hus-
flidskole í Larvík 1975—1977) og hefur farið
námsferðir víða um Evrópu. Hún hefur hald-
ið margar einkasýningar í Noregi og á
Islandi, en auk þess tekið þátt í fjölda sam-
sýninga. Hún hefur fengið mikið lof fyrir
list sína og verk hennar eru mjög eftirsótt
í Noregi, þar sem hún fékk nýlega það verk-
efni að skreyta stóra veggi í sjúkrahúsi
(Vestfold sentralsykehus) í Túnsbergi og
þykir hafa tekist með ágætum. Einnig má
nefna stór veggteppi fyrir Vestfold spare-
bank og Hotel Wassilioff í Stavem.
Um sýningu þeirra Steinþórs og Sigrúnar
í Reykjavík 1980 viðhafði Bragi Asgeirsson
listgagnrýnandi m.a. þessi orð í Morgun-
blaðinu: „Heiðríkja eldfjallalands og hraun-
form blasa við áhorfandanum í myndum
föðurins, en íslensk ull í margbreytilegu
formi í myndum dótturinnar og allt borið
fram af djúpri tilfínningu fyrir þessum hlut-
um og atriðum í þá vem að báðum er sómi
að.“
Við þessi orð Braga þarf engu að bæta.
Sigrún hefur eins og faðir hennar hrifist
af náttúmnni og þegar ég virði fyrir mér
litmyndir af hluta af veggskreytingu hennar
í sjúkrahúsi í Noregi finnst mér ég sjá þar
haf og himin í íslenskum bláma.
Jón Óskar
Höfundurinn er skáld í Reýkjavík.
Sigrún hefur búið íNoregi oggetið sér
gott orð þar fyrir veflist sína. Hér er
hún í vefstofu sinni með nýofið teppi.
Sigrún Steinþórsdóttir við vefstólinn.
16