Lesbók Morgunblaðsins - 24.10.1987, Blaðsíða 11
Margrét Jónsdóttír
íFTM-salnum
ú er síðasta
sýningarhelgin
hjá Margréti
Jónsdóttur,
sem sýnir verk
sín í FÍM-salnum í Garða-
stræti. Hún hefur marg-
sinnis áður tekið þátt í
sýningum hér og erlendis
einnig, enda verið starfandi
myndlistarmaður frá því
hún kom heim frá fram-
haldsnámi í London 1976.
Áður hafði hún numið við
Myndlista- og handíðaskóla
íslands. Margrét er Reyk-
víkingur, dóttir Jóhönnu
Hannesdóttur og Jóns Ben-
ediktssonar myndhöggv-
ara. Skúlptúrar hans hafa
að sjálfsögðu verið daglega
fyrir augum hennar í upp-
vextinum og það er ögn
merkilegt, að málverk
Margrétar virðast vera af
höggmyndum. Svo er þó að
sjálfsögðu ekki. Þessar ein-
kennilegu fígúrur, sem
virðast vera úr steini á
myndunum, eru hennar eig-
in og þær eru einungis
málaðar á venjulegan hátt.
Að loknu myndlistamá-
mi, lauk Margrét námi frá
auglýsingadeild Myndlista-
og handíðaskólans og hefur
jafnframt list sinni unnið á
auglýsingastofu og einnig
verið myndmenntakennari.
Hún vinnur jöfnum höndum
með vatnslit og olíulitum,
og grafíkmyndir einnig. I
janúar og febrúar næst-
komandi verður hún í
listamannaíbúðinni í París
og hyggst nota tímann vel
þar og síðar meir er ætlun-
in að minnka auglýsinga-
vinnuna og snúa sér í
vaxandi mæli að myndlist-
inni.
ANNA BJÖRNSDÓTTIR
FYRIR HÖIMD
VANDAMANNA
Þegar ég finn tímann nálgast
fer ég í svörtu sparikápuna
og set á mig litla hvíta hatiinn minn
með svörtu blómunum, slörinu
og öllum minningunum.
Svo tek ég til
skemmtilegustu bækurnar mínar
og lúðrasveitarkonsertana.
Horfi í spegilinn í síðasta sinn.
Gömul kona með munaðarsvip
og broshrukkur í kringum augun.
Gömul kona sem fékk svo oft
það sem hún vildi.
Síðan held ég mína leið
út í guðsgræna náttúruna.
Hjálparsveit skáta vinsamlegast afþökkuð.
Vaka
Við skulum vaka í sumarnóttinni.
Og þegar haustar og vetrar
skulum við samt vaka
í sumarnóttinni.
Þegar við deyjum
skulum við deyja inn í sumarnóttina.
Höfundurinn er kennari í Reykjavík.
ELÍSABET JÖKULSDÓTTIR
Á einum stað
Allan tímann
hefur hún horft
á þig
gömul kona
Allan tímann
meðan þú
dansaðir í vornóttinni
duflaðir í hauströkkrinu
Allan tímann
Hvörf
Inni í rósagarði fiðlunnar
beið sól
eftir uppáhaldspíanólaginu
sínu
Ljóð í litlum fiskum
hverfa
þegarnetin eru dregin á land
Fylgdist hún með þér
gamla konan
ogþú
varst svo ung
og þú sást hana aldrei
Fyrr en þú komst auga á
unga stúlku
sem dansaði í vornóttinni
og duflaði í hauströkkrinu.
Kemur hún
Stundum verður
alheimur
inni í mér
Þá. Og aðeins þá.
Kemur hún.
Tómleikatilfinningin.
Þá skýt ég eldflaug á loft
til stjarnanna
MAGNÚS GUÐBRANDSSON
PÓLITÍSKUR ÖKUTÚR
— Sambýli númer 2 —
Aka saman ítar tveir
Albert G og Þorsteinn P
elskulegir eru þeir.
Annar mælir við sessunaut sinn:
Vilji minn skal vera þinn
vilji okkar beggja.
Aftur á móti ansar hinn:
Vilji þinn skal vera minn
vilji okkar tveggja.
Höfundur er ellilífeyrisþegi í Reykjavík og hafa tækifærisljóð hans áður birst í
Lesbók.
LESBÓK MORGUNBLAÐSINS 24. OKTÓBER 1987 1 1