Lesbók Morgunblaðsins - 20.05.1989, Blaðsíða 11
Saab 9000 CDTurbo
Glæsivagn og sportbíl í senn
Saab er sem kunnugt er fáanlegur í tveimur aðal-
gerðum, 900 og 9000 og hvor gerð síðan í all-
mörgum útfærslum. Þar geta sjálfsagt margir
fundið ýmislegt við sitt hæfi bæði hvað varðar
verð og gerð: Hestaflafjölda frá 118 til 175,
með eða án forþjöppu, bílamir em tvennra
til fimm dyra, sjálfskiptir eða. fímm gíra
beinskiptir og verðið er frá 1.1195 þúsund
krónum upp í 2.183 þúsund sem síðan má
enn bæta við eftir þörfum með hvers kyns
aukabúnaði. Saab á sér langa sögu á ís-
landi en nú er það Glóbus í Reykjavik sem
annast innflutninginn. Þetta er vel þekkt
merki, sænsk gæðavara sem tekur hægum
breytingum. í dag er til skoðunar bíll af
dýrustu gerðinni, 9000 CD, 16 ventla túr-
bóbíll sefti kostar með aukabúnaði nærri 2,4
milljónir króna enda er bíllin engin smá-
kerra.
Saab 9000 CD er eigulegur bíll. Ekki
vegna þess að hann er stór og dýr heldur
geysiskemmtilegur í akstri og býður upp á
endalaus þægindi. Hann má líka gera það
fyrir þetta verð. Sá sem leitar að kraftmikl-
um bíl með eiginleika sportbíls fær hann í
Aðinnanernóg
rými og þargeta
aJlir látið fara
vel um sig, öku-
maður sem far-
þegar.
9000 CD túrbó og sá sem leitar að glæsi-
vagni fær einnig sitt í þeim sama bíl. Hvor
aðilinn sem er getur dregið fram eða laðað
fram í bflnum þessi einkenni sín en mér
virðist þó að réttara sé að gefa honum fleiri
stig sem glæsivagn en sportbíll.
Svo haldið sé uppteknum hætti og vitnað
til auglýsinga eða slagorða þá hafa Saab
verksmiðjurnar m.a. haldið því fram að nú
gætu menn hætt langri leit að glæsivagnin-
um, sem þó eru margir í boði, hér bjóði
Saab þann eina rétta.
Nægar upplýsingar
Það er í það minnsta óhætt að segja að
hér sé allt fyrir hendi sem ökumanni nán-
ast geti dottið í hug að biðja um hvort sem
varðar sjálfan aksturinn eða þægindi: Næg-
ur kraftur og snöggt viðbragð, mjög hljóð-
látur bfll, mörg smáatriði varðandi frágang
mælaborðs og notkun stjómtækja sem upp-
fylla hveq'a ósk, góð sæti og stillanleg ná-
kvæmlega eins og hver vill hafa. Og síðan
eru það þægindin: Nóg rými hvort sem er
í fram- eða aftursætum, rafdrifíð hitt og
rafdrifið þetta, vökvastýri að sjálfsögðu,
eyðslumælir og fleiri upplýsingar sem kalla
má fram á litlum skjá með aðstoð tölvutækn-
innar og svo framvegis.
Saab 9000 er stór og rúmgóður á alla
kanta. Heildarlengd er 4,78 m, breiddin
1,764 m og hæðin 1,42 m. Lengd milli hjóla
er 2,672 m og bíllinn vegur 1365 kg. Beygju-
hringurinn er 10,9 m, hjólbarðar eru af
stærðinni 195/65 15, hámarkshraðinn er
uppgefinn 220 km og hröðun í 100 km á
sjálfskipta bflnum 8,8 sekúndur. Þá tekur
bensíntankurinn 68 lítra.
Vélin er 175 hestöfl með beinni innspýt-
ingu og í sjálfskiptum Saab 9000 CD Turbo
er eftirfarandi staðalútbúnaður: Vökvastýri,
upphituð framsæti, ABS hemlar, rafstilling
fyrir útispegla, litað rjler, snúningshraða-
mælir, sjálfvirk ökuhraðastilling, hnakkap-
úðar í aftursætum, lögn fyrir loftnet og ijóra
hátalara og armpúðar í aftursæti. Verðið á
þessum bíl beinskiptum er 2.183 þús. kr.
en sé hann einnig tekinn með leðursætum,
rafdrifinni glersóllúgu og sjálfskiptingu er
verðið kringum 2,4 milljónir króna.
Rétt er þó að taka fram að umboðið á
örfáa 9000 bíla sem seldir eru með 10%
afslætti.
Vellíðan
Ökumaður sem farþegar taka strax eftir
því að reynt er að tryggja vellíðan þeirra
sem ferðast í Saab 9000 CD. Það fer vel
um menn í rúmgóðum leðursætum sem eru
að sjálfsögðu stillanleg eins og hver vill
hafa þau. Rými í aftursætum er gott þrátt
fyrir að framstólar séu hafðir aftarlega. Það
eina sem setja mætti út á framsætin er að
þeim sem eru rúmlega meðalmenn á hæð
hættir til að reka sig upp undir.
Mælaborð er vel útbúið og gefur miklu
meira en nógar upplýsingar fyrir öku-
mann.
Ökumaður situr mjög vel og þægilega
undir stýri og getur haft góðan stuðning
af hurðinni óski hann þess. Mælaborð er
ijölbreytilegt og auk allra venjulegra mæla
getur ökutölva veitt ýmsar viðbótarupplýs-
ingar, svo sem um eyðslu þá og þá stund-
ina, meðaleyðslu, hvað menn komast langt
á því bensíni sem eftir er og hitastig svo
eitthvað sé nefnt. Eyðslumælir sýnir hversu
mikil eyðslan er í lítrum miðað við akstur
hverju sinni og án þess að ökumaður þurfí
í sjálfu sér að binda athyglina of mikið við
slíkan mæli hlýtur hann að vera góð leið-
beining. Ef hann vill á annað borð eitthvað
hugsa um eyðslu er honum í lófa lagið að
temja sér sem notadrýgst aksturslag en
auðvitað má ökumaður ekki bindast slíkum
leiðbeiningum um of - með öðrum orðum
það má ekki verða til þess að spilla aksturs-
ánægjunni.
Eftirtektarvert er hversu armar við stýrið
þar sem eru stefnuljósa- og þuirkurofar eru
vel staðsettir og nógu langir. Ökmaður með
hendur á stýrinu þarf ekki að hreyfa fíng-
uma nema örlítið til að ná til rofanna en
þó trufla þeir engan veginn. Á sumum bflum
eru þessir rofar nefnilega þannig staðsettir
að það tekur talsverðan tíma (og jafnvel
leit) að venjast notkun þeirra. Sumum kann
að fínnast þetta smáatriði en þetta er eitt
af því sem sýnir að það hefur verið lögð
rækt við frágang á hlutum sem þessum.
Fýrir það fær Saab stig.
Ánægja við aksturinn
Akstur svona bfls er náttúrlega kapítuli
út af fyrir sig. Sjálfskiptur túrbóbfllinn virð-
ist alltaf eiga nóg í viðbragð og þegar fyrst
er tekið í hann þurfa ökumenn nánast að
vara sig á því að geysast ekki um of af
stað því það þarf svo sannarlega ekki að
slá mikið í gæðinginn. Saab 9000 líður hljóð-
lega og þægilega áfram í umferðinni og
ekki þarf heldur að kvarta yfír mýktinni. Á
þessum bíl myndi maður hvenær sem er
bjóðast til að skjótast fyrir kunningjana frá
Reykjavík vestur í Dali eða austur á Kirkju-
bæjarklaustur og til baka og trúlega stíga
óþreyttur út úr bflnum eftir slíka ferð.
Mætti sendiferðin sjálfsagt vera enn lengri
áður en nokkur færi að kvarta.
Það sem svona bfll býður einkum upp á
eru þessi þægindi og ánægjan við akstur-
inn. Vissulega hlýtur það að teljast munað-
ur að geta leyft sér þessa fjárfestingu fyrir
ánægjuna en hér verður heldur enginn svik-
inn ekki síst þegar öryggið fylgir með í
kaupunum. Við hönnun Saab bflanna hefur
verið lögð gífurleg vinna í rannsóknir varð-
, andi útkomu bflsins í árekstrum. Líkt hefur
verið eftir margs konar aðstæðum og full-
yrða framleiðendur að bíllinn tryggi öryggi
farþega eins og frekast er kostur. J.T,
wmmm^^mm
■HnBBBHBnam
LESBÓK MORGUNBLAÐSINS 20.MAÍ 1989 1 1