Lesbók Morgunblaðsins - 13.04.1991, Blaðsíða 14
Á gullinni strönd í Miðvík á gönguleiðinni frá Sæbóli að Látrum. Mannafjall í baksýn.
Göngufer ðir
með Útivist
Farið upp með Seðju í Kálfsklifi í Núpsárdal.
Útivist hefur á stefnuskrá
sinni að stuðla að útivist fólks
í hollu og óspilltu umhverfi.
Til þess að ná þessu markmiði
skipuleggur félagið úrval
styttri og lengri gönguferða
um landið. Útivistarferðir eru
ekki aðeins fyrir félagsmenn
heldur er markmiðið að fá sem
flesta til þess að koma út að
ganga sem er ein hollasta
hreyfing sem völ er á.
Dagsferðlr
Óvönu göngufólki er ráðlagt
að byija á dagsferðum, sem boð-
ið er upp á hvern sunnudag, ár-
degisferð kl. 10.30 og síðdegis-
ferð kl. 13.00.
í ár verða þrjár raðgöngur hjá
félaginu: Póstgangan, sem er
unnin í samvinnu við Póst og
síma, Heklugangan og
Reykjavíkurgangan. í Póst-
göngunni eru þræddar gamlar
póstleiðir frá Reykjavík, suður
með sjó og austur með suður-
ströndinni. Heklugangan er rað-
ganga í 11 áföngum frá
Reykjavík austur að Heklu og
lýkur með göngu á fjallið 1. sept-
ember. Reykjavíkurgangan er
áframhald af Þórsmerkurgöngu-
ferð, raðgöngu Útivistar 1989,
en hún varð svo vinsæi að fólk
vildi ekki láta staðar numið í
Básum heldur ganga til baka til
Reykjavíkur.
Póstgangan og Heklugangan
verða famar til skiptis sinn
sunnudaginn hvor en Reykjavík-
urgangan tekur svo við er Heklu-
göngu lýkur í haust. Þótt rað-
göngumar séu í sjálfu sér ferða-
syrpur og í þeim myndist viss
kjarni fólks sem fer í allar göng-
urnar, er þó hver áfangi sjálf-
stæð dagsferð sem allir geta tek-
ið þátt í þótt þeir séu ekki með
í allri göngunni. Yfir sumarmán-
uðina verður einnig boðið upp á
fjallgöngur á laugardögum sem
brottför er í kl. 8 eða 9 að
morgni.
Helgarferðir
Næsta skrefíð er helgarferðir
sem eru misjafnlega erfiðar. í
Básum á Goðalandi, þar sem
Útivist rekur tvo myndarlega
fjallaskála, geta allir fundið eitt-
hvað við sitt hæfi, fjallageitur
jafnt sem byrjendur og tilvalið
að taka bömin með. Farið verður
um hverja helgi í Bása (frá maí
fram í október) og njóta þessar
ferðir mikilla vinsælda. Bæði
Tjaldbúðir á Bjarnarnesi á Hornströndum.
býður staðurinn upp á einstaka
náttúrufegurð og í Útivistarskál-
unum er aðstaða öll hin ákjósan-
legasta. í tengslum við helgar-
ferðir í Bása verður efnt til
gönguferða yfir Fimmvörðuháls.
Gengið er upp með Skógará þar
sem fallegir fossar taka við hver
af öðmm. Síðan liggur leiðin
yfir hálsinn á milli Eyjafjallajök-
uls og Mýrdalsjökuls. Af Heljar-
kambi og Morinsheiði, síðustu
áfangastöðunum áður en haldið
er niður á Kattarhryggina, er
frábært útsýni yfir Goðaland,
Þórsmörk og allt upp á Emstmr.
Gangan yfir Fimmvörðuháls tek-
ur um 8 klukkutíma með hæfi-
legum útsýnisstoppum.
Núpsstaðarskógar
Enginn skyldi missa af tjald-
ferð í Núpsstaðarskóga sem eru
svo til ósnortin náttúruvin í
hlíðum Eystrafjalls vestan Skeið-
ai'árjökuls. í Núpsstaðarskóga
eru yfirleitt fjögurra daga ferðir
svo að fólk hafi tvo heila daga
á staðnum, enda margt að sjá.
Akfært er að sumarlagi upp að
tjaldsvæðjnu undir Fálkatindi
þar sem Út.ivist hefur komið upp
þvotta- og salernisaðstöðu. Það-
an er gönguhringur inn að
Tvílitafiyl og upp á Bunka annan
daginn en hinn daginn á Súlu-
tinda.
Lýsing á gönguleiðum
Leiðin inn að Tvílitahyl liggur
um eyrar Núpsár og skógivaxnar
hlíðar Eystrafjalls. Á vegi verða
breiður af eyrarrós, tignarlegir
hamrar og hrikaleg gljúfur. Við
Kálfsklif, innst í botni dalsins,
er farið upp aflíðandi hamravegg
á keðju og er sú leið fær öllu
fullfrísku fólki. Þegar upp er
komið er stórkostlegt útsýni nið-
ur í Tvílitahyl þar sem Hvítár-
foss og Núpsárfoss falla saman.
Dregur hylurinn nafn sitt af því
að Hvítá er bergvatnsá en Núpsá
er oft blönduð jökulraðningi. Til
baka er gengið um kjarrivaxin
heiðarlönd uppi á Eystrafjalli.
Gönguleiðin í Súludal og á
Súlutinda er ekki síður áhuga-
verð. Gengið er upp frá tjald-
stæðinu við Fálkatind eftir einu
hinna mörgu gilja sem skera
hlíðar Eystrafjalls. Uppi á fjall-
inu taka við vinaleg heiðarlönd.
Er komið er suður fyrir hnúkinn
Bunka blasir við Súludalur
skrýddur víðáttumiklum breiðum
af eyrarrós og handan hans Súlu-
tindar og hin formfagra Súla.
Gangan upp úr Súludalnum á
hina svokölluðu Súlutinda, sem
eru í rauninni skörðóttur fjalls-
hryggur, er svolítið á fótinn en
þó ekki erfiðari en það að allir
ættu að geta rölt þetta í róleg-
heitum. Af Súlutindum er stór-
brotið útsýni yfir Skeiðaráijökul,
Skaftafellsfjöll og allt upp á Ör-
æfajökul vestanverðan. Hér er
venja að hafa nokkra viðdvöl eða
þar til göngumenn era búnir að
melta hið stórfenglega landslag
sem við augum blasir og kulið
frá jökulbreiðunni rekur þá
áfram. Frá Súlu er gengið suður
Súlutinda, niður með Skeiðarár-
jökli og síðan sveigt til baka í
átt að tjaldsvæðinu við Fál-
katind.
Farið verður í Núpsstaðar-
skóga 14.-17. júní og um versl-
unarmannahelgina 2. til 5.
ágúst.
Jöklaferðir
Ávallt er fjölbreytt úrval jökla-
ferða á ferðaáætlun Útivistar og
er engin undantekning þar á í
ár. Farið verður tvisvar sinnum
á Öræfajökul, Snæfellsjökul og
Eyjafjallajökul en þær ferðir
enda jafnan í Seljavallalaug.
Jöklaferðir teljast til erfiðari
ferða en eru þó að sjálfsögðu
misjafnlega erfiðar allt eftir því
á hvaða jökul er gengið. Einna
auðveldast er að ganga á Snæ-
fellsjökul og tekur leiðin upp 4
til 6 tíma. Hins vegar er ekki
ráðlagt að reyna við Öræfajökul
nema fólk sé í góðri þjálfun.
Ganga á Öræfajökul tekur 12 til
14 tíma ef farin er Sandfellsleið
sem talin er vera auðv'eldasta
uppgönguleiðin. Svo til allar
jöklaferðir Útivistar eru þó hugs-
aðar fyrir almenning og ávallt
fer reyndur fararstjóri og fjalla-
maður með sem kann að bregð-
ast við öllum þeim aðstæðum
sem upp kunna að koma. Eina
undantekningin á því að jökla-
ferðir Útivistar 1991 séu fyrir
hinn almenna göngumann — ferð
sem einnig er nýjung hjá félag-
inu — er skíðaganga úr Kverk-
fjöllum yfir þveran Vatnajökul
og verður komið niður hjá
Skaftafelli. í upphafi ferðar
verða undraheimar elds og ísa í
Kverkfjöllum skoðaðir. Tveggja
daga viðdvöl er hjá Grímsvötnum
og svæðið þar kannað. Úr
Grímsvötnum verður síðan
skíðað niður jökulinn að Skafta-
felli. Þetta er mjög erfið 7 daga
sumarleyfisferð aðeins ætluð
vönu skíðafólki með allan útbún-
að. Þátttaka er einnig takmörkuð
og verður að tilkynnast með góð-
um fyrirvara. Ferðin er á dag-
skrá 15.-21. júlí.
Sumarleyfisferðir
Það er yndislegt að rölta um
óbyggðir með bakpokann sinn
og vandamálin, sem voru að sliga
fólk áður en lagt var af stað,
sýnast þá lítil og auðleysanleg.
Fáir eru þó svo miklir einfarar
að þeir kjósi að fara slíkar ferðir
einir síns liðs enda ekki ráðlegt
því ýmsar hættur geta orðið á
vegi göngumanna. Ferðafélög
eins og Útivist veita því fólki
kjörið tækifæri til þess að upp-
lifa þessa ánægju í góðum hóp.
Útivist býður upp á fjölda
áhugaverðra bakpokaferða yfir
sumarmánuðina, til dæmis um
Hornstrandir, eyðifirði Aust-
fjarða, Jökulsárgljúfur svo og
hinar vinsælu gönguleiðir
Eldgjá-Bása eða „Skólavörðustíg
óbyggðanna" og „Laugaveginn"
sem er stikuð leið úr Landa-
mannalaugum niður í Þórsmörk.
Þar að auki er boðið upp á lengri
tjaldferðir, sumarleyfisferðir á
reiðhjólum, skíðaferðir og sam-
bland af rútu og gönguferðum.
Sumarferðunum eru gerð góð
skil í ferðaáætlun Útivistar, pésa
sem fæst ókeypis á skrifstöfu
félagsins, Grófinni 1 og víðar.
14