Lesbók Morgunblaðsins - 13.04.1991, Blaðsíða 15

FERÐAFRETTIR
Utsölur á raftækj-
um í New York
Oft tálbeita fyrir kaupglaða ferðamerín
FERÐAMENN á leið til New
York, sem ætla sér að festa
kaup á myndbðndum, ljós-
myndavélum eða raftækjum í
stórborginni ættu að gæta sín.
Margar verslanir sem auglýsa
útsölur eða rýmingarsölur í
sýningargluggum eru að lokka
til sín ferðamenn á fölskum
forsendum.
„Útsöluverðið" er oft margfalt
hærra en hjá heiðarlegum versl-
unum, sem kannski er að finna á
næsta götuhorni. Dæmi eru um
margfalda álagningu á vöru, sem
auglýst er á útsöluverði.
í New York er hægt að gera
ein bestu kaup á rafmagnsvörum
í heiminum sem stendur. En raf-
tækjaverslanir eru dreifðar um
miðbæ Manhattan (frá 30. til 59.
stræti) og yfirvöld segja það töl-
fræðilega martröð að hafa stjórn
á þeim. Þær spretti upp eins og
gorkúlur en hverfi jafnskjótt af
yfirborðinu ef þörf krefur. Og
söluaðilar svífast einskis. Menn
geta átt á hættu að kaupa köttinn
í sekknum, þ.e. notaða vöru og
úr sér gengna (eins gott að opna
kassann og líta á vörumerkið).
|{g SELLING
lEi PMTIPC
m ! fti« * v W ct * ****
pr- STOCX
Varhugavert að treysta „raf-
tækjafrumskóginum" í New
York.
Hvernig á að nálgast
„raftækjafrumskóginn“?
Notaðu sömu aðferð og þú beit-
ir á basar í Mið-Austurlöndum.
Gerðu ráð fyrir að allt sé með
50-100% álagningu og prúttaðu
eins og þú getur. Það er ekki
óalgengt að verslanir verðmerki
ofan við löglega álagningu og slái
síðan af til að gera viðskiptavininn
ánægðan.
Aður en þú festir kaup, finndu
út löglegt verð og prúttaðu út frá
þvi.
Skrifaðu niður (með grunsemd-
arsvip) allt verð sem þú færð upp-
gefið, til þess að þeir haldi að þú
sért frá Verðlagseftirlitinu.
Vertu tilbúinn í slaginn með
því að vinna þína heimavinnu:
Vertu búinn að lesa þér til um
síðustu dóma á vörunni, kannaðu
vöruverð í ábyrgum neytendablöð-
um, vertu viss um nöfn og vöru-
númer á bestu tegendunum; vertu
búinn að ákveða hvaða tegund
þú ætlar að kaupa og haltu þér
við hana sama hvað sölumaðurinn
segir.
Berðu saman vöruverð í nokkr-
um verslunum. Það er ótrúlega
misjafnt. Oft er hægt að fá sölu-
fólk til að lækka verðið ef minnst
er á lægra verð hjá kaupmannin-
um á horninu.
Opnaðu alltaf kassann til að
bera saman vörunúmer á umbúð-
um við vörunúmer á viðkomandi
hlut. Annars áttu á hættu að vera
að kaupa gamla vöru í nýjum
umbúðum.
Vertu sérstaklega varkár í
verslunum sem auglýsa að þær
séu að hætta. „Verstu dæmin
koma oft fram 1—2 vikum áður
en verslunin hættir," segja þeir
hjá bandaríska neytendaeftirlit-
inu. „Um það leyti sem kvartanir
berast til okkar, er búið að loka
viðkomandi verslun og við getum
ekkert gert í málinu."
„Islensk“ ferðaskrifstofa tek-
in til starfa í Orlando í Flórída
Frá Atla Steinarssyni fréttaritara Morgunblaðsins
Segja má að íslensk ferðaskrifstofa liafi nú tekið til starfa í
Orlando í Flórída. Baldvin Berndsen og kona hans Ester Franklín
hafa fest kaup á ferðaskrifstofu í fullum gangi í miðborg Orl-
ando. Eftir eigendaskiptin heitir hún American-Atlantic Travel
& Tours. Lögð verður áhersla á þjónustu við Norðurlanda og
Vestur-Evrópubúa og hyggjast þau hjón leggja sérstaka áherslu
á þjónustu við Islendinga.
Baldvin var til skamms tíma yfir-
maður bókunardeildar General-
bílaleigunnar, en áður var hann
m.a. stöðvarstjóri Flugleiða í New
York og framkvæmdastjóri hjá
Hafskipum í Bandaríkjunum.
Margir munu fagna þessum
nýja möguleika í ferðamálum, því
Flórída hefur, þó undarlegt megi
virðast, orðið nokkuð útundan í
svokölluðum sólarlandaferðum
íslenskra ferðaskrifstofa, þó flest-
ar ferðir Flugleiða til Orlando séu
fullskipaðar og færri komist þang-
að en vilja á ýmsum árstímum.
Ferðir til Orlando hafa líka verið
óeðlilega dýrar miðað við aðrar
sólarlandaferðir.
í Orlando opnast ferðafólki
margir nýir heimar bæði með því
sem því stendur þar til boða og
með siglingum um Karíbahaf,
ferðum til S-Ameríku og ferðum
um suðurhluta Bandaríkjanna,
t.d. Texas, Louisiana, Arizona,
Nevada og Kaliforníu.
American-Atlantik hyggst upp-
fylla allar ferðaóskir íslendinga
og býður upp á alhliða þjónustu,
s.s. útvegun hótela og/eða íbúða,
bílaleigubíla og flugferða í allar
áttir. Þar er unnt að fá far í hvaða
siglingu sem er um Karíbahaf og
útveguð eru hótel eða íbúðir á St.
Thomas, St. Croix, Puerto Rico,
Mexico og fjölmörgum öðrum
stöðum. Unnt er að komast í vel
skipulagðar ferðir til Kaliforníu,
Hawai og Alaska.
Baldvin hefur þegar samið við
ýmsa helstu golf- og tennisstaði
Flórída um hagstætt verð á dvöl
þar fyrir einstaklinga og hópa.
Einnig býður hann upp á ótrúlega
ódýrar sjóstangveiðiferðir fyrir
minni og stærri hópa m.a. á
„einkabátum“ með kunnum leið-
sögumanni og skipstjóra. A boð-
stólum er einnig ferð milli staða
í og við Florída með litlum einka-
flugvélum. I boði eru einnig skíða-
ferðir til Colorado og Nevada og
nánast hvað sem er í ferðamálum.
Séð er um móttöku ferðafólks á
flugvellinum í Orlando og ýmsa
fyrirgreiðslu við þá þar ef óskað
er.
Um allt þetta er sem sagt hægt
að semja á íslensku í síma eða á
faxi. American-Atlantic Travel er
til húsa í Suite 140, Landmark
Center, 315 East Robinson Street,
Orlando FL 32801. Síminn er
407-422-6133 og faxnúmer 407-
839-3749.
Geymið kortið.
Kaupið ekki
flugmiða hjá
bandarískum
flugfélögum!
„ÉG ÆTLAÐI að hringja í
viðkomandi flugfélag og
spurjast fyrir um miðaverð,“
sagði kona sem var nýlega á
ferð um Bandaríkin, „en var
vöruð við því. Enginn Banda-
ríkjamaður kaupir miða hjá
flugfélagi. Þar eru þeir lielm-
ingi dýrari!"
Hvernig stendur á svo miklum
verðmun? Jú, söluskrifstofur
nýta sér afsláttarkjör hjá þeim
sem fljúga oft; kaupa miða hjá
„frequent fliers“. En ákveðin
áhætta fylgir slíkum miðakaup-
um því flugfélögin geta gert þá
upptæka. Samkvæmt fréttabréfi
„frequent flier“ er áhættan þó
sáralítil, líkumar eru aðeins um
1-3% og nokkrir söluaðilar
ábyrgjast endurgreiðslu.
Reyndu að spuijast fyrir um
verð sem víðast, því miðaverðið
hjá söluskrifstofunum er mjög
breytilegt. Og áður en þú festir
kaup á flugmiða, verðurðu að
vera viss um að viðkomandi sölu-
skrifstofa sé ábyggileg. Biddu
unt meðmæli. Talaðu við aðra
sem hafa notfært sér þjón-
ustuna. Biddu um „skriflegar"^
upplýsingar um: 1. dagsetningu
á miðanum, 2. takmörkun á
notkun miðans, ef einhver og
3. greiðsluskilntála og hugsan-
lega endurgreiðslu.
Vistfræðisafn
opnað í
London
í mars var opnuð í Náttúru-
gripasafninu í London sér-
stæð sýning, sem talin er vera
sú fyrsta sinnar tegundar í
heiminum. Sýningin er ætluð
fyrir þá sem langar til að vita
meira um undirstöðu lífríkis-
ins. Hún beinist að jarðstjörn-
unni í geimnum — að and-
rúmslofti, mold, vatni og sól-
arorku.
Vistfræðisafninu er komið
fyrir í turnljiga glerhúsi í líkingu
við gróðurhús. Gestir koma fyrst
inn í líkan af regnskógi sem virð-
ist iða af líft og þaðan inn í aðal-
sýningarskála. Veggir sýna ljós-
brot elds og vatns. Stöngullaga
brýr liggja yfir glerntyndanir,
sem tákna plöntugróður og dýra-
tegundir sem viðhalda lífskeðj-
unni. Myndbönd og speglat' eru -
notaðir til að mynda hnattlíkan
og sýna hringrás vatnsins. Gest-
ir geta líka gengið inn í líkan
af laufblaði til að skynja efna-
ferli blaðgrænkunnar. Og hin
flókna lífkeðja breiðir úr sér í
gegnum samspil myndbanda,
líkana og ljósáhrifa.
Náttúrugripasafnið er við
Cromwell Road, London SW7
5BD (sími: 938- 9123) og er
opið kl.10.00-18.00 alla virka
daga, en kl. 11.00-18.00 á
sunnudögum. Aðgangur um 580
kr. fyrir fullorðna, 185 kr. fyrir
5-17 ára, ókeypis fyrir yngri en
5 ára.
Vegabréf
inn í arfleg-ð
Breta
Ferðamemt í Bretlandi geta
nú gert kjarakaup sem bresk-
um þegnum bjóðast ekki, ineð
því að kaupa „British Her-
itage Pass“ (vegabréf inn í
breska arflegð). En þeir verða
að hafa sig alla við að skoða,
því vegabréfið veitir þeim
aðgang í 593 kastala, herra-
garða, fornminjar, listigarða
og helg menntasetur!
Vegabréfið kostar um 2.750
kr. fyrir 15 daga, en 4.130 kr.
fyrir mánuðinn. Kaupendur fá
einnig upplýsingamöppu unt
opnunartíma og hvat' söfnin er
að finna í Englandi, Skotlandi,
Wales eða Not'ður-írlandi.
Breska ferðamálaráðið stendur
fyrir útgáfu og vegabréfið er
fáanlegt með því að framvísa
þínu eigin vegabréfi hjá British
Travel Centre í London og hinum
ýrnsu upplýsingamiðstöðvum
ferðamála víðsvegar í Bretlandi
(gæti líka fengist hjá ferðaskrif-
stofum hér). Athugið að vega-
bréfið er tíniasett eftir fyrstu
heimsókn á safn — í 15 daga
eða 1 mánuð.
Gamla gríska
Rhodos end-
urnýjuð
HÓPUR grískra fornleifa-
fræðinga, arkitekta, múrara
og byggingaverkfræðinga
vinna nú að endurnýjun á öll-
um byggingum innan múr-
veggja gamla borgarhlutans á
grísku eyjunni Rhodos.
Hér er bæði um einföld íbúð-
arhús sem og sögulegar bygg-
ingar að ræða, sem tnargar eru
frá yfirráðatíma Tyrkja (1523-
1912) og 14. aldar virki byggð
af Mölturiddurum. Árið 1960 var
gamli borgarhlutinn gerður að
vernduðu þjóðminjasvæði. Vinna
við endurnýjun mun standa í
mörg ár og verða mjög kostnað-
arsöm. En henni er ætlað að
varpa nýju ljósi á sögu borgar-
innar og lífskilyrði fyrri íbúa.
Egyptar
lækka verðið
Persaflóastríðið lagði þung-
an toll á egypska ferðaþjón-
ustu, en áætlað er að Egyptar
liafi tapað sem samsvarar 2
milljörðum Bandaríkjadala á
aðalferðamannatímanum í
vetur. Nú er búið að opna
aðgang að grafhýsum og forn-
minjum sem voru lokuð af
ótta við hryðjuverk. Og hótel
og lystiskip á Níl bjóða allt
að helmingsafslátt í von um
að hægt sé að ná upp aftur
eðlilegum ferðamannafjölda.
Gistikostnaður er nú allt að
45-60% lægri og 5 daga
skemmtisigling frá Kaíró til
Lúxor sem kostaði um 54.000
kr. (fyrir tvo, máltíðir innifaldar)
er nú á um 27.000 kr. Og gengi
egypska pundsins er nú hag-
stæðara gagnvart Bandaríkja-
dal, (1989 var dollari 2,6; 1990
dollari 2,8) en núna er dollarinn
3,2 egypsk pund.
Besta kvik-
myndin hjá
flugfélögrim
- var„Ekið
með Daisy“
EKIÐ MEÐ Daisy fékk 1.
verðlaun hjá Alþjóðasambandi
flugfélaga, en kvikntyndin var
sýnd oftar um borð í flugvél-
um en nokkur önnur.
Aðrar kvikntyndir sem voru á
óskalista flugfarþega voru
„Turner and Hooch", „The Hunt
for Red October11, „Pretty Wo-
man“, „Bird on a Wire“, „Steel
Magnolia,s“ „Back to the Fut-
ure, Part II“, „She-Devil“ og
„The Freshman."
LESBÓK MORGUNBLAÐSINS 13. APRlL 1991
15