Lesbók Morgunblaðsins - 19.10.1991, Blaðsíða 9

Surtur, 1963.
stríðsárunum...”
Morgenavisen Jyllands-Posten 19. júní
1991 (Ib Sinding listgagnrýnandi):
Fjölhæfur íslenskur myndhöggvari.
„... Margir, einnig meðal listamanna,
gátu ekki sætt sig við það að Sigurjón
Olafsson vann bæði natúralískar og ab-
strakt höggmyndir .. . Ólafsson hefur lík-
lega kært sig kollóttan um þessar vanga-
veltur. Eðli viðfangsefnisins réð því, hvort
höggmynd skyldi verða í raunsæisstíl eða
abstrakt. Það sem skipti mestu var að
árangurinn yrði í samræmi við hugmyndir
hans, svo og listræn gæði verksins. Báðar
þessar hliðar í sköpun hans njóta sín vel
á sýningunni í Vejle. Ólafsson festist aldr-
ei í ákveðnum stíl. Hann hafði sífellt þörf
fyrir að gera tilraunir ... Þróttmikil, mót-
tækileg og opin listamannsskaphöfn hans
verður minnisstæð með þessari glæsilega
uppsettu sýningu.”
Malene Vest Hansen, listgagnrýnandi
Politiken, kemst svo að orði 30. maí 1991:
„Höggmyndir Siguijóns Ólafssonar bera
vitni um mikla vídd í meðferð hans á efni
og formi. Frá hefðbundnum andlitsmynd-
MÍTtH < 19 HIHI'MIT fat S M *r»» «
um í leir og brons í knöppu, sterku formi
yfir í abstrakt, súrrealísk verk úr viði og
skúlptúra úr málmi, sem virkja rýmið.
Mikil fjölbreytni í formi og inntaki draga
verkin undan ákveðnum stílákvörðunum
og sérkennandi fyrir þau er skilningur list-
amannsins á duldum eiginleikum efniviðar-
ins.”
Gefin hefur verið út glæsileg sýningar-
skrá, þar sem meðal annars eru viðtöl sem
Susanne Jorn hefur haft við þrjá af sam-
tímamönnum Sigurjóns í Danmörku, og
eru þau mikilvæg heimild um hlutdeild
hans í myndlistarlífi Danmerkur á íjórða
og fimmta áratugnum. Formála ritar
danski menntamálaráðherrann Grethe
Rostboll, og Svavar Gestsson, fyrrverandi
menntamálaráðherra, skrifar hugleiðingu
um „galdramanninn Siguijón”. Einnig er
í bókinni birt yfirlitsritgerð eftir Birgittu
Spur um myndlist Siguijóns, ásamt ljós-
myndum og ítarlegum upplýsingum um
sérhvert listaverk.
Að lokinni ferð sinni um Danmörku
verður sýniningin sett upp í Listasafni
Siguijóns og opnuð þar eftir tvo daga.
Ljóð eftir
EINAR MÁ GUÐMUNDSSON
Mynd eftir
TOLLA (ÞORLÁK KRISTINSSON)
Klettur í hafi
Og hafið ...
þar sem almættið speglar ásjónu sína
blint einsog öldurótið í sálinni
úfið með gráa drauma í fanginu
og framandi orð á vör.
Þegar sólin flýtur við hafsbrún
stendur eyjan í björtu báli,
ísmolar tinda
glös full af glóandi víni.
Strigi strengdur yfir heiminn
og rammaður inn með klettum,
spegill í söltum dropa
gargandi fuglar og grjót.
Sjáðu pensildrættina,
hvernig þeir bylgjast um heiminn,
blámi í syngjandi öldu
orð sem sprikla einsog fiskar.
Og Iöðrið ...
einsog skegg á gömlum manni
sem stígur á Iand og hverfur í hafið,
hið dimmleita haf, hinn bylgjótta sæ.
Tunglbjarminn vaggar í öldunum
svört fiðla með hárlokk úr skýi,
dans við morknaða spýtu
og brotsjó úr gömlum draumi, '
leifar úr gamalli síldarbryggju
eða öndvegissúlur úr fornöld ...
Þessi eyja er fljótandi skjöldur
með dranga sem standa einsog spjót.
Og hafið ...
nú rís það upp úr fjörunni
og gengur inn í þorpið
í frakka úr grárri þoku,
tekur börnin í fang sér
og leiðir þau út eftir götunni
yfír grindverk úr draumum
gula polla sem gárast,
leiðir þau
með syngjandi bláma í augum
en leggst svo undir hamarinn
og hvílir sig í grjótinu
við undirleik gargandi fugla.
Einsog ölkelda lífsins í draumi
í svartholi nætur
í grafhýsi drukknandi vinda,
veglaus liggur braut þín um heiminn.
Þegar þau ganga burt
ólgar enn undir iljum þeirra,
pensildrættir heimsins
blámi spriklandi orða.
Einar Már er rithöfundur og Tolli er listmálari. Ljóðin og
myndin eru úr bók, sem út kemur á næstunni með Ijóðum
sem Einar Már hefur ort í tengslum við ýmsar myndir eft-
ir Tolla.
LESBÓK MORGUNBLAÐSINS 19. OKTÓBER 1991 9