Lesbók Morgunblaðsins - 13.07.1996, Blaðsíða 10
-• 't-ó; . \ \ Si I i %| |
ALÞINGISHÚSIÐ, þingsalurinn. Arkitekt: F. Meldahl, 1881.
og með þeim eru textar. Ljósmyndirnar tóku
Aage Lund Jensen, arkitekt frá Arkitektaskó-
lanum í Árósum og Per Kruse. Sýningarskrá-
in hefur að geyma samþjappaðan, prýðilegan
fróðleik um atriði eins og íslenzka torfbæinn,
steinhúsagerð á 18. öld, og íslenzka húsa-
gerð á 20. öld. í formála Mogens Brandt
Poulsen segir m.a. svo:
„Menn bræða með sér framandi hugmynd-
ir og aðlaga þær þeim skilyrðum sem eru
fyrir hendi hvað snertir húsagerð á íslandi,
þ.e.a.s. þeim mjög svo erfiðu aðstæðum sem
taka verður tillit til. Ásamt skarpskyggni á
fortíðina virðist þetta ætla að leiða til sjálf-
stæðrar tjáningar í húsagerðarlist, þar sem
fanga er leitað í náttúrunni við húsagerð sem
er stórbrotin að megingerð og nákvæm í
útfærslu.
Einbýlishús Högnu Sigurðardóttur, Ráð-
hús Reykjavíkur frá Studio Granda og
„Perla" Ingimundar Sveinssonar eru góð
dæmi þess hvernig náttúran verður þáttur í
byggingarlistinni á eigin forsendum. Óskandi
væri að á þessi hús yrði síðar litið sem dæmi
frá upphafi þeirrar aldar í húsagerðarlist
þjóðarinnar sem jafna mætti til 4. áratugar
aldarinnar þegar nýtistefnan tók völdin í
Reykjavík. Mikilvægt erfyrir arkitekta lands-
ins og þjóðfélagið í heild að skilningur sé á
því sem nú er í geijun, þannig að skynugum
húsbyggjendum og hæfileikaríkum arkitekt-
um gefist tækifæri til að sjá íslenska húsa-
gerðarlist þróast í fullu samræmi við stór-
brotna og íðilfagra náttúru landsins.“
Margt af því sem Danirnir völdu á sýning-
una fínnst okkur áreiðanlega eðlilegt og sjálf-
sagt að sjá þar. Hús eins og Safnahúsið við
Hverfisgötu, Norræna Húsið, Ráðhúsið í
Reykjavík og Perluna, svo eitthvað sé nefnt
af því sem við teljum að sé frambærilegt.
Annað kemur meira á óvart, trúlega vegna
þess að við höfum ekki gaumgæft það sem
skyldi. Af slíkum dæmum má nefna Lista-
safn Einars Jónssonar að utanverðu og ekki
síður að innanverðu (sjá forsíðumynd). Einn-
ig Alþingishúsið sem að innanverðu er aug-
ljóslega ein af okkar skærustu perlum, þótt
ekki sé stærðinni fyrir að fara. Sama má
segja um kirkjuna í Viðey sem að innan er
fögur í einfaldleika sínum eins og fram kem-
ur á myndinni.
Þad kom dönsku dóm-
nefndinni á óvart
hvaö vid áttum mörg
dœmi umgóöan arki-
tektúr.
VIÐEYJARKIRKJA að innan. Arkitekt: G.D. Anthon, 1766.
JÓN FRÁ PÁLMHOLTI
GLEYMSKAN
Mig dreymir þig um daga einsog um nætur
dulúð þín vekur mér söng í friðlausu brjósti
er vaki ég einn eða treð í götunnar gjósti
við glaum hins hraðfleyga Iífs og daganna þrætur.
í sumarsins angan og vetrarins viðsjálu tíðum
verður mér hugsað til þín er stundirnar hverfa.
Þú bíður mín trygg er vindar sál mína sverfa
og svæfir hvern harm í þungum fjármannahríðum.
Þér fórna ég lífinu og læt þér eftir að geyma
í Ijósbroti hverfullar grímu allt sem ég vinn
allt sem ég hugsa og veit heyri og sé
heimsins fegurstu drauma ég læt þér í té.
í gleymskunnar víðlenda ríki frið ég finn
og fagna því að eiga þar síðan heima.
Höfundurinn er skáld í Reykjavík.
HANS MAGNUS ENZENSBERGER
LJÓÐ UM ÞÁ SEM ALLT
Á VIÐ OG VITA ÞAÐ VEL
Gauti Kristmannsson þýddi.
Að eitthvað verði að gera og það strax
það vitum við vel
að það sé hins vegar of snemmt að gera eitthvað
að það sé hins vegar of seint að gera eitthvað
það vitum við vel
og að okkur gangi vel
og að þetta sé gangur lífsins
og að það hafi engan tilgang
það vitum við vel
og að við séum sek
og við getum ekkert að því gert að við séum sek
og að okkur finnist nóg komið
það vitum við vel
og að það væri kannski betra að halda kjafti
og að við munum ekki halda kjafti
það vitum við vel
það vitum við vel
og að við getum ekki hjálpað neinum
og að enginn getur hjálpað okkur
það vitum við vel
og að við séum vel gefin
og við getum valið milli einskis og aftur einskis
og að við verðum að fara í saumana á þessu vandamáli
og að við setjum tvo mola í teið
það vitum við vel
og að við séum á móti kúgun
og að sígaretturnar verði dýrari
það vitum við vel
og að við sjáum þetta alltaf fyrir
og að við séum alltaf í rétti
og að það hafi engar afleiðingar
það vitum við vel
og að það sé allt satt
það vitum við vel
og að það sé allt logið
það vitum við vel
og það að þrauka skipti ekki öllu heldur engu
það vitum við vel
og að við þraukum
það vitum við vel
og að ekki sé allt nýtt
og að lífið sé indælt
það vitum við vel
það vitum við vel
það vitum við vel
og að við vitum það
það vitum við vel
Höfundurinn er eitt þekktasta skáld Þýzkalands.
10 LESBÓK MORGUNBLAÐSINS ~ MENNING/LISTIR 13.JÚLÍ1996