Lesbók Morgunblaðsins - 13.07.1996, Blaðsíða 15

Ingiríður Ólafsdóttir með nokkur
verka sinna.
Gluggasýning
í Sneglu
KYNNING á verkum eftir Ingiríði Ólafsdótt-
ur, textílhönnuð, stendur yfir í Sneglu dag-
'ana 12.-28. júlí.
Ingiríður lauk námi frá Textíldeild Mynd-
lista- og handíðaskóla íslands 1986 og hefur
hún unnið að textílhönnun síðan. Hún hefur
tekið þátt í fjölda samsýninga.
Í gluggunum getur að líta púða sem eru
í ýmsum formum og eru þeir allir þrykktir
á hör.
Snegla listhús er á horni Grettisgötu og
Klapparstígs og er opið virka daga frá kl.
12-18 og laugardaga kl. 10-14.
Marianne á
brautarstöð
ELLILÍFEYRISÞEGI virðir fyrir sér
brjóstmynd af „Marianne" táknmynd
franska lýðveldisins, en höggmyndir af
henni prýða nú Republic-brautarstöðina
í París. Margar þekktar franskar konur
hafa verið fyrirmyndir „Marianne" í
gegnum tíðina og má nefna Catherine
Deneuve, Brigitte Bardot, og Mirelle Mat-
hieu. Sýningin stendur til 14. júlí og er
úr einkasafni Pierre nokkurs Bonte, sem
á yfir 500 Marianne-höggmyndir.
KJ ARVALSS YNING
í GIMLI, KANADA
AÞJÓÐHÁTÍÐARDAG Kanada þann 1.
júlí sl. var opnuð í Gimli sýning á
verkum Jóhannesar Sveinssonar
Kjarvals. Þessi fyrsta sýning á verkum Kjarv-
als í Gimli er til komin vegna frumkvæðis
nýstofnaðra Menningar- og menntamála-
nefndar í Gimli sem starfar í tengslum við
safnið í Gimli.
Sýningin er unnin í samvinnu við Kjarvals-
staði sem skipulögðu sýninguna og lánuðu
verk. Á sýningunni eru 6 olíumálverk en auk
þess vatnlistamyndir og andlitsteikningar,
öll úr eigu Kjarvalsstaða. Eimskip og Flug-
leiðir styrktu gerð sýningarinnar sem einnig
var styrkt af kanadískum aðilum.
Opnun sýningarinnar var hluti af hátíðar-
dagskrá vegna þjóðhátíðardags Kanada og
fór fram í blíðviðri fyrir utan Ganila skólann
í Gimli að viðstöddu fjölmenni. Ávörp fluttu
Gary Filmon, fylkisstjóri Manitobafylkis, Bill
Barlow, bæjarstjóri í Gimli, Neil Bardal,
ræðismaður, Kristín G. Guðnadóttir, safn-
vörður Kjarvalsstaða ojg auk þess flutti Vest-
ur-íslendingurinn og Islandsvinurinn Stéfan
Stefansson ávarp á íslensku.
Sýningin, sem haldin er í Gamla skólanum
í Gimli, sem er nýuppgerður og hýsir í dag
m.a. Gimli-safn, mun standa til loka ágúst-
mánaðar. Búist er við að fjöldi manns muni
sjá sýninguna, sérstaklega fyrstu helgina í
ágúst, þegar hinn árlegi íslendingadagur
verður haldinn.
KJARVAL Exhibition
kelams Greatest Artist First C.anadian Shatcing
Kjarval er íbúum Gimli ekki óþekktur, því
Bether hið þekkta elliheimili í Gimli á stórt
Kjarvalsverk sem elliheimilinu var gefið, en
einnig er til í Winnipeg olíumálverk af Snæ-
fellsjökli í eigu háskólabókasafns Manitoba-
háskóla.
Vélmenni og valmenni
mönnum en hefur öðlast sjálfstætt líf á sögu-
slóðum myndarinnar, fjarlægri plánetu undir
aldamótin 2100. Þessi illvígu, hálflífrænu
skrýmsli geta brugðið sér í allra kvikinda líki
og eru búin sagarblaði sem Black and Decker
ínc., gæti verið fullsæmt af. Öðlingurinn
Hendrickson (Peter Weller) er æðstur að tign
af eftirlifandi hermönnum á plánetunni og reyn-
ir að koma sínu fólki aftur heim til móður
Jarðar.
Hugmyndin að kvikyndinni, sem fengin er
úr sögu Philips K. Dicks (Total Recall), er svo
sem ekkert verri en mörg önnur vísindaskáld-
skaparfantasían. Það sem gerir gæfumninn er
að handritshöfundinum Dan O’Bannon tekst
aldrei að gera persónur né atburði virkilega
forvitnilegar eða spennandi, á þó að baki hand-
rit að úrvals s.f.-myndum einsog Alien og Tot-
aI Recall. Þá hefur ekki verið bruðlað með féð
í framleiðsluna, sem virðist tekin utan- og inn-
andyra á yfirgefnu námusvæði sem reynt hefur
verið að hressa uppá með hátæknibúnaði og
hvers kyns hafurtaski. Það eina sem vel er
gert eru nokkrar brellur sem eru rösklega
skammlausar, annars á þetta efni ekki annars-
staðar heima en á myndbandamarkaðnum.
Frægðarsól Peters Wellers er við það að
setjast í ládeyðu slakra B-mynda sem þessar-
ar, eftir nokkurn fjörkipp í Robocop. Að þessu
sinni riijjar hann upp túlkun sína á vélmenninu
og virðist einnig sækja í smiðju Eastwoods á
dögum nafnlausa mannsins í „spaghettívestr-
um“ Leones: Útkoman freðin og heldur óyndis-
leg, þó ekki allskostar laus við fjarstæðu-
kenndan sjarma.
Sæbjörn Valdimarsson
KVIKMYNPIR
Laugarásbíó
ÖSKUR („SCREAMERS") ★ Vi
Leikstjóri Christian Duguay. Handritshöfundar
Dan O’Bannon og Miguel Tejada-Flores, byggt
á skáldsögu Philips K. Dick. Kvikmyndatöku-
stjóri Rodney Gibbons. Tónlist Normand Cor-
beil. Aðalleikendur Peter Weller, Jennifer
Ruben, Roy Dupuis, Andy Lauer, Ron White.
Bandarísk. Triumph Films 1995.
ÖSKRARAR þeir sem þessi B-geimhroll-
vekja dregur nafn sitt af er vopn hannað af
Martin Frewer fiðluleikari og Sigurður
Marteinsson píanóleikari.
Sumartónleikar
í Stykkishólmi
SJÖTTU tónleikarnir í sumartónleikaröð í
Stykkishólmskirkju verða næstkomandi mánu-
dagskvöld. Fram koma Martin Frewer fíðlu-
leikari og Sigurður Marteinsson píanóleikari.
Á efnisskrá verða vinsæl verk, svo sem .Jalo-
usie eftir Gade, tango eftir Albeniz, Þú ert
eftir Þórarin Guðmundsson ásamt verkum eft-
ir fíðlusnillingana Kreisler og Wieniawski.
Martin Frewer stundaði fiðlunám í Bret-
landi frá unga aldri. Hann lauk stærðfræði-
námi frá Oxford University og stundaði jafn-
hliða fiðlunám, en sneri sér síðan að tónlist-
inni og nam á Guildhall School of Music and
Drama í London. Frá 1983 hefur Martin leik-
ið með Sinfóníuhljómsveit íslands, en hann
er einnig kennari við Tónlistarskóla Hafnar-
fjarðar.
Sigurður Marteinsson hóf píanónám 13 ára
gamall hjá Evu Snæbjörnsdóttur á Sauðár-
króki. Þá tók við nám hjá Philip Jenkins
London og Áma Kristjánssyni í Reykjavík.
Hann hefur síðan verið virkur við nám og
störf, hefur sótt tíma hjá Bohumílu Jedlicovu
í Kaupmannahöfn og komið víða fram sem
einleikari og undirleikari. Hann er nú kenn-
ari við Tónlistarskóla Hafnarfjarðar.
Tónleikarnir hefjast kl. 20.30.
Sýning í
Safnahúsi
Vestmanneyja
í SAFNAHÚSINU í Vestmannaeyjum stend-
ur yfír myndlistarsýningin „Horfðu í augun
á sjálfum þér” og er þetta farandssýning á
sjálfsmyndum barna frá Norðurlöndum.
í hveiju landi voru valdir fjórir bekkir með
10-12 ára nemendum frá ólíkum stöðum. ís-
lensku nemendurnir eru úr Foldaskóla í
Reykjavík, Setbergsskóla í Hafnarfírði,
Grunnskólanum á Siglufirði og Hamarsskóla
í Vestmannaeyjum.
Sýningunni lýkur 14. júlí.
Kot verður
höll
í DAG kl. 16 verður opnuð sýningin í draumi
sérhvers kots í Stöðlakoti við Bókhlöðustíg
6. í kynningu segir: „í draumi sérhvers kots
er útilistaverk sem lýsir sálarkreppu íslenskr-
ar húsagerðarlistar og smáþjóðar með minni-
máttarkennd gagnvart erlendum hugmyndum
og áhrifum."
Listamaðurinn lllur hefur breytt útliti
Stöðlakots og kallar það nú Stöðlahöll.
Sýningin er opin frá kl. 12 - 18 og stend-
ur til 27. júlí.
Björn Birnir
sýnir
BJÖRN Birnir opnar málverkasýningu í Galleríi
Laugavegi 20b (gengið inn frá Klapparstíg) I dag,
laugardaginn 13. júlí.
Sýningin verður opin virka daga frá kl. 12-18
og laugardaga kl. 11-14 og mun standa fram eftir
sumri.
Yfirlitssýning
í Gerðarsafni
SIGURÐUR Örlygsson listmálari opnar yfirlitssýn-
ingu á verkum sínum í Gerðarsafni, Listasafni Kópa-
vogs, í dag kl. 14. í ár eru liðin 25 ár frá fyrstu
málverkasýningu hans, en hann hefur haldið margar
einkasýningar hér heima og erlendis og tekið þátt
í fjölda samsýninga. Mörg verka hans eru í opin-
berri eigu og hann hefur hlotið ýmsar viðurkenning-
ar fyrir verk sín.
Sex í list sýna
Við Hamarinn
LISTAHÓPURINN Sex í list stendur fyrir sýningum
í sýningarsalnum Við Hamarinn í Hafnarfirði í sum-
ar. Um er að ræða sex listamenn nýlega útskrifaða
úr MHÍ.
Næstu helgar þ.e. 13.-27. júlí sýna Berglind
Svavarsdóttir og Olöf Kjaran málverk og teikning-
ar. í ágúst sýna Ásdís Pétursdóttir og Ingibjörg
María Þorvalsdóttir.
Sýningarnar verða opnar laugardaga og sunnu-
daga frá kl. 13-20. Allir velkomnir og aðgangur
er ókeypis.
Nú er fáanlegt í Bóksölu stúdenta
fyrsta bindiö af fommálsorðabók
Amanefndar í Kaupntannahöfn:
Ordbog
ovcr
det norrone prososprog
A Dlctlonófy of Old Norsc Prof o
Ordbog
over det norrone
prosasprog
1: a-bam

Bóksala stúdenta viö Hringbraut
sími: 561 5961 fax: 562 0256.
Þetta er fyrsta bindið af ellefu
og verðið er hóflegt, aðeins
3.500 kr.
Orðabókin hefur að geyma
orðaforða allra íslenskra og
norskra miðaldatexta í lausu
máli. Merkingarskýringar eru
á dönsku og ensku.
Ómissandi verk fyrir alla, sem
hafa áhuga á fornbókmenntum
íslendinga.
LESBÓK MORGUNBLAÐSINS ~ MENNING/LISTIR 1 3. JÚLÍ 1996 15