Lesbók Morgunblaðsins - 07.10.2000, Síða 2

VERK PICASSO
FINNAST
LJÓSMYND af Pablo Picasso hefur hér verið
komið fyrir á stól við hlið tveggja af málverk-
um meistarans sem sýnd verða í listasafninu í
Ankara í Tyrklandi á næstunni. Tyrkneska
lögreglan hefur fundið fjórar myndir eftir
Picasso í suðausturhluta landsins á undanförn-
um mánuðum. Verkin verða til sýnis í Ankara
en það er trú lögreglu að myndunum hafi verið
stolið frá Kúveit á tímum Persaflóastríðsins og
smyglarar síðan beðið færis á að selja þær í
Evrópu. Neðri myndin nefnist „Portrett“ og er
af júgóslavnesku konunni Doru Maar, en sú
efri nefnist „Ung kona“.
Booker verðlaunin
ATWOOD SIGUR-
STRANGLEG
London. Daily Telegraph.
KANADÍSKI rithöfundurinn Margaret
Atwood er að mati dagblaðsins Daily Telegraph
líklegust til að hljóta Booker verðlaunin í ár. Sex
rithöfundar voru á fimmtudag tilnefndir til
verðlaunanna og segir blaðið tilnefningar dóm-
aranna að þessu sinni einkennast af nokkurri
sérvisku.
Rithöfundamir sem tilnefndir voru í ár eru
auk Atwood, Kazuo Ishiguro sem hlaut Booker-
verðlaunin fyrir bók sína Dreggjar dagsins,
Bretarnir Matthew Kneale og Trezza Azzopardi
og írsku rithöfundarnir Brian O’Doherty og
Michael Collins. Af sex tilnefningum í ár eru
þrjú verkanna eftir rithöfunda sem eru svo til
óþekktir, einn er maraþonhlaupari, annar lækn-
ir á áttræðisaldri og verk Azzopardi er frum-
raun hennar.
Að sögn Simon Jenkins, formanns dómnefnd-
ar, var þetta ekki gott ár fyrir þekkta höfunda.
„Margir þekktir rithöfundar birtu verk sín í ár
en ekki allir þeirra voru að birta sín bestu verk.
Sum þeirra vöktu satt að segja vonbrigði," sagði
Jenkins. Bók Atwoods, „Blind Assassin" eða
Blindi leigumorðinginn, er hennar tíunda verk
MorgunblaðiS/Jim Smart
Gréta Mjöll Bjarnadóttir opnar sýninguna Hljóðrænar loftmyndir.
TVÆR SYNINGAR OPN-
AÐAR í LISTASAFNIASÍ
LISTAKONURNAR Helga Magn-
úsdóttir og Gréta Mjöll Bjarna-
dóttir opna sýningar í Listasafni
ASÍ í dag kl. 16.
Helga Magnúsdóttir opnar
málverkasýninguna Rís úr sæ í
Ásmundarsal. Hún brautskráðist
úr málaradeild Myndlista- og
handíðaskóla fslands árið 1989.
Helga hefur haldið ellefu einka-
sýningar hérna heima og erlend-
is. Verk eftir Helgu eru m.a. í
eigu Listasafns íslands, Lista- og
menningarstofnunar Hafnar-
fjarðar og Flugstöðvar Leifs Eir-
íkssonar.
Opnuð verður sýningin Hljóð-
rænar loftmyndir, verk Grétu
Mjallar Bjarnadóttur, Grímsnes
og Laugardalur, í Gryfju Lista-
safns ASÍ. Verkið er innsetning
sem samanstendur af loftmynd-
um unnum með ljósmyndagrafík
og tölvu sem gerir það mögulegt
að hlusta á fólk segja ýrnsar sög-
ur og minningar tengdar Gríms-
nesi og Laugardal. Þetta er 6.
einkasýning listamannsins.
Sýningarnar verða opnar alla
daga nema mánudaga frá kl. 14-
18. Síðasti sýningardagur er 22.
október.
í Arinstofu steiidur yfir sýning
á verkum Vigdísar Kristjánsdótt-
ur.
Morgunblaðið/Jim Smart
Rís úr sæ er yfirskrift sýningar
Helgu Magnúsdóttur.

Fjölnir Stefánsson sjötugur
AFMÆLISTÓNLEIKAR í SALNUM
TÓNLISTARSKÓLI Kópavogs heldur mánu-
daginn 9. október sérstaka afmælistónleika í
Salnum, Tónlistarhúsi Kópavogs, til heiðurs
Fjölni Stefánssyni, tónskáldi og fráfarandi
skólastjóra skólans, en hann verður 70 ára
þann dag. A efnisskrá tónleikanna verður úr-
val kammerverka, einsöngslaga og kórlaga eft-
ir Fjölni.
Flutt verða m.a. tvö samleiksverk fyrir sex
hljóðfæri, Dúó fyrir óbó og klarinett, Fimm
skissur fyrir píanó, Þrjú sönglög við Timann
og vatnið, útsetningar á íslenskum þjóðlögum
fyrir sópran og píanó og loks Limrur og Þrír
sálmar úr Sálmabók frá 1586 fyrir kór. Flytj-
endur eru Margrét Stefánsdóttir, flauta,
Gunnar Egilson, klarinett, Sturlaugur Jón
Björnsson, horn, Kristín Mjöll Jakobsdóttir,
fagott, Sigurlaug Eðvaldsdóttir, fiðla, Asdís H.
Runóifsdóttir, víóla, Arnþór Jónsson, selló,
Eydís Franzdóttir, óbó, Guðni Franzson, klari-
nett, Nína Margrét Grímsdóttir, píanó, Þór-
unn Guðmundsdóttir, sópran, Ingunn Hildur
Hauksdóttir, píanó, og Hamrahlíðarkórinn
undir stjórn Þorgerðar Ingólfsdóttur.
Fjölnir Stefánsson innritaðist í Tónlistar-
skólann í Reykjavík 1943 og lagði stund á selló-
nám hjá dr. Heinz Edelstein. Tónlistarskólinn
var þá til húsa í Hljómskálanum. Árið 1947 hóf
Fjölnir nám í hljómfræði og síðar tónsmíðum
FjölnirStefánsson
hjá Jóni Þórarinssyni og lauk burtfararprófi í
þeirri grein 1954. Hann stundaði framhalds-
nám í London frá 1954-58 hjá Matyas Seiber
sem var eftirsóttur kennari og þekkt tónskáld
ungverskrar ættar.
Að loknu námi 1958 kom Fjölnir heim og var
ráðinn kennari við Tónlistarskólann í Reykja-
vík og starfaði þar í 10 ár eða til ársins 1968.
Hann tók jafnframt að sér stundakennslu
við Tónlistarskólann í Mosfellsbæ 1965-66, við
Tónlistarskólann í Keflavík 1965-67 og við
Tónlistarskóla Kópavogs 1966-67.
Árið 1968 var Fjölnir ráðinn skólastjóri við
Tónlistarskóla Kópavogs og gegndi hann því
starfi til 1. september 2000.
Tónverk eftir Fjölni hafa m.a. verið flutt á
tónleikum Sinfóníuhljómsveitar íslands, á ís-
lenskum og norrænum tónlistarhátíðum og á
tónlistarhátíð ISCM (International Society of
Contemporary Music).
Fjölnir var einn af stofnendum Musica Nova
1959, en Musica Nova var vettvangur l'yrir
unga, skapandi og túlkandi listamenn til að
koma list sinni á framfæri. Fjölnir gerðist fé-
lagi í Tónskáldafélagi íslands 1963.
Hann var kosinn til trúnaðarstarfa við stofn-
un Islenskrar tónverkamiðstöðvar 1968 og sat
í stjórn til 1984 og sem formaður síðasta árið.
Þá sat hann í stjórn STEF frá 1974-88 og árið
1969 tók hann þátt í stofnun STS, samtaka
tónlistarskólastjóra og sat í fyrstu stjórnum
þeirra. Fjölnir var valinn heiðurslistamaður
Kópavogs árið 1994.
Tónleikarnir í Salnum á mánudaginn hefjast
kl. 20 og er öllum heimill ókeypis aðgangur.
MENNING/
LISTIR
NÆSTU VIKU
MYNDLIST
Árbæjarsafn: Saga Reykjavíkur.
Árnastofnun, Árnagarði: Handritasýn-
ing. Til 15. maí.
Ásmundarsafn: Sýning á verkum Ás-
mundar Sveinssonar. Til 1. nóv. Verk í
eigu safnsins.
Café Mflanó: Hólmfríður Dóra Sigurð-
ardóttir. Til 31. okt.
Gallerí Fold, Rauðarárstíg: Dominique
Ambroise. Til 22. okt.
Gallerí Geysir, Hinu húsinu, Ingólfs-
torgi: Geðveik list. Til 21. okt.
Gallerí Reykjavík: Einkasýning Ólafai'
Birnu Blöndal. Til 7. okt.
Gallcrí Sævars Karls: Málverkasýning
Sigurðar Árna Sigurðssonar. Til 20. okt.
Garður, Ártúni 3, Selfossi: Kaj Nyborg,
Drive-In.
Gerðarsafn: Umbreyting, glerverk
Sigrúnar Einarsdóttur og Sörens Lar-
sens. Karólína Lárusdóttir. Þórður
Hall. Sýning. Til 8. okt.
Gerðuberg: Yfirlitssýning á verkum
Bjarna Þórs Þorvaldssonar. Til 29. okt.
Hafnarborg: Málverk eftir Þorbjörgu
Höskuldsdóttur. Til 16. okt.
Hallgrímskirkja: Myndlistarsýning
Erlu Þórarinsdóttur. Til 27. nóv.
i8, Ingólfsstræti 8: Douwe Jan Bakker.
Til 22. okt.
Islensk grafík: Sérkenni. Á sýningunni
eru verk Kristínar Pálmadóttur. Til 8.
okt.
Jera gallerí: Myndlistarsýning Mar-
grétar Elíasdóttur. Til 15. okt.
Kjarvalsstaðir: Austursalur: Jóhannes
S. Kjarval. Stór alþjóðleg sýningin und-
ir yfirskriftinni Tími - fresta flugi þínu.
Til 8. okt.
Listasafn Akureyrar: Margmiðlunar-
sýningar og Steina Vasulka. Til 22. okt.
Listasafn ASÍ - Gryfja: Gréta Mjöll
Bjarnadóttir sýnir. Til 22. okt.
Listasafn Einars Jónssonar: Opið alla
daga, nema mánudaga, kl. 14-17. Högg-
myndagarðurinn opinn alla daga.
Listasafn íslands: Ljósmyndasýning -
Sviðsetningar. Til 8. okt.
Listasafn Reykjavíkur, Hafnarhúsinu:
cafe9.net. Til 31. okt. Jörgen Nash og
Drakabygget. Gangurinn, 20 ára af-
mælissýning. Helgi Þorgils Friðjónsson
myndlistannaður. Til 22. okt.
Listasafn Sigurjóns Olafssonar: Valin
verk eftir Sigurjón Ólafsson.
Mokkakaffi: K. Sphultz. Til 22. okt.
Norræna húsið: í nágrenni - Min hem-
bygd. Til 18. okt.
Skálholtskirkja: Sýning á teikningum
Katrínar Briem. Til 30. nóv.
Stöðlakot: Guðmundur W. Vilhjálms-
son. Pastel- og vatnslitamyndir. Til 15.
okt.
Upplýsingamiðstöð myndlistar: Lista
yfir fyrirhugaðar og yfírstandandi
myndlistarsýningar í öllum helstu sýn-
ingarsölum má finna á slóðinni
www.umm.is undir Fréttir.
TÓNLIST
Laugardagur
Ymir við Skógarhlíð: Einsöngs-
tónleikar Hjálmai’s P. Péturssonar.
Tónleikarnir eru lokaáfangi burt-
fararprófs Hjálmars frá Söngskólanum
í Reykjavík. Kl. 17.
Þriðjudagur
Salurinn, Kópavogi: Tíbrá - söngtón-
leikar. Flytjendur eru Björg Þórhalls-
dóttir sópran og Þórhildur Björnsdóttir
píanó. Kl. 20.
LEIKLIST
Iðnó: Ég var einu sinni nörd, sun. 8. okt.
Stjörnur á morgunhimni, fös. 13. okt.
Tilvist - Dansleikhús með ekka, miðv.
11. okt., laug. 7. okt.
Þjóðleikhúsið: Horfðu reiður um öxl,
mið. 11. okt., fim. 12. okt., fös. 13. okt.
Sjálfstætt fólk - Ásta Sóllilja, laug. 7.
okt.
Sjálfstætt fólk - Bjartur, laug. 7. okt.
Sjálfstætt fólk - Bjartur - Ásta Sóllilja,
sun. 8. okt.
Borgarleikhúsið: Kysstu mig, Kata,
fös. 13. okt. Lér konungur, sun. 8. okt.
Sex í sveit, fim. 12. okt.
Loftkastalinn: Sjeikspír eins og hann
leggur sig, laug. 7. okt., fös. 13. okt.
Möguleikhúsið: Langafi prakkari, sun.
8. okt. Lóma, sun. 8. okt., sun. 8. okt.
Völuspá, laug. 7. okt.
Leikhúsið, Ægisgötu 7: Leikverkið Há-
tíð morðingjanna í uppfærslu Leikskól-
ans, fös. 13. okt.
Kvikmyndavcrið: Shopping & Fucking,
laug. 7. okt., fim. 12. okt., fös. 13. okt.
2 LESBÓK MORGUNBLAÐSINS - MENNING/LISTIR 7. OKTÓBER 2000