Alþýðublaðið - 12.05.1989, Blaðsíða 4
4
Föstudagur 12. maí 1989
Ráðstefna SUJ í tilefni 60 ára afmælis:
KOMA STJÓRNMÁL UNGU FÓLKI VIÐ?
Um hundrað manns sóttu ráðstefnu Sambands ungra
jafnaðarmanna sem haldin var um helgina í tilefni þess að
60 ár voru liðin frá stofnun þess þann 4. maí sl. Ráðstefn-
an, sem haldin var í sal Vélstjórafélagsins i Borgartúni, bar
yfirskriftina: Koma stjórnmál ungu fólki við? Ræðumenn
leituðu svara við spurningunni og er óhætt að segja að nið-
urstaðan hafi verið á einn veg: Já. Frummælendurnir voru
þó ekki jafnmikið á einu máli um ástæður þess áhugaleys-
is sem virðist gæta hjá ungu fólki.
Fyrsti ræðumaður, Anna Mar-
grét Guðmundsdóttir, forseti
bæjarstjórnar í Keflavík, sagðist
hafa öðlast dýrmæta reynslu af
þátttöku í Félagi ungra jafnaðar-
manna í Keflavík. Hún sagðist
ekki efins um mikilvægi ungliða-
starfsins og hvatti ungliða til að
láta ekki deigan síga. Anna Mar-
grét vék einnig að því virðingar-
leysi og skilningsleysi sem virðist
nokkuð ríkjandi gagnvart starfi
stjórnmálamanna og taldi það
varhugaverða þróun.
Vilhjálmur Þorsteinsson fram-
kvæmdastjóri sagði m.a. áhuga-
leysið stafa af þvi, að hin opinbera
umræða um stjórnmál væri siitin
úr tengslum við raunveruleika
ungs fólks og misbyði skynsemi
þess. Vilhjálmur hvatti til þess, að
opnaðar yrðu fleiri leiðir fyrir lýð-
ræðið. Stjórnmál væru of mikil-
væg til að treysta stjórnmála-
mönnum eingöngu fyrir þeim.
Kristján Þorvaldsson blaða-
maður sagðist skilja það unga
fólk sem hefði ekki áhuga á því
pólitíska mynstri sem boðið væri
upp á, þar sem sífellt stönguðust á
orð og efndir. Hann sagði SUJ
vettvang fyrir ungt fólk sem vildi
leggja grunn að stefnu flokks í
framtíð. En það væri óþarfi fyrir
það að skipta sér af þeirri „sér-
kennilegu moðpólitík", sem kæmi
út úr samsteypustjórnum og við-
gengist hjá flokkunum í dag.
Arnór Benónýsson leikari sagði
að stjórnmál ættu að snúast um
drauma en erfiðleikum væri
bundið að tengja draumana veru-
leikanum og láta þá rætast. Hann
sagði m.a. nauðsyn á „hollustu-
bylgju“ í stjórnmálunum, sem
fælist m.a. i endurmati launa og
að taka af myndarskap á um-
hverfismálunum.
Karl Th. Birgisson blaðamaður
sagði síður en svo sjálfgefið að
ungt fólk starfaði saman í sérstök-
um samtökum. Slíkt væri raunar
úrelt fyrirkomulag, arfleifð frá
Lenín. Með sérstökum ungliðafé-
lögum væri mikil hætta á því að
fólk einangraðist i sérmálum og
hefði ekki nægileg áhrif á gang
mála í flokkunum.
Þorlákur Helgason kennari
sagði verkefnin fjölmörg fyrir
ungt fólk í pólitík, vildi það vinna
að auknu réttlæti. Hann benti á
að svo virtist sem háð væri duttl-
ungum hvort velferðarstofnanir,
eins og skólakerfið og heilbrigðis-
kerfið, þjónuðu þeim tilgangi sem
jafnaðarmenn stefna að.
Guðmundur Árni Stefánsson,
bæjarstjóri í Hafnarfirði, vék að
stöðu ungliða í flokknum. Hann
sagði Samband ungra jafnaðar-
manna hafa alla burði til þess að
starfa af krafti í framtíðinni.
Hann minnti á hversu vel hefur
tekist til með styrktarsjóðinn, sem
komið hefur upp eign sem metin
er á tugmilljónir króna.
Ragnheiður Björk Guðmunds-
dóttir, formaður nemendafélags
Samvinnuskólans á Bifröst, kom
með skemmtilegt innlegg' í um-
ræðuna. Hún greindi frá könnun
sem hún gerði fyrir utan verslun
ÁTVR i Kringlunni. Þar leitaði
hún svara hjá 50 einstaklingum
við spurningunni, sem fólst í yfir-
skrift fundarins. 90 af hundraði
töldu stjórnmál vissulega koma
ungu fólki við, en aðeins 40%
sögðust hafa áhuga á þeim.
BirgirÁrnason, formaðurSUJ,
sleit ráðstefnunni. Hann sagði
fjarri því að íslensk flokkaskipan
endurspeglaði þau mismunandi
grundvallarsjónarmið sem fyrir
hendi væru í þjóðmálunum. „Það
þarf að stokka upp íslenskt
flokkakerfi þannig að það endur-
spegli betur þessi grundvallar-
sjónarmið. Úr þeirri uppstokkun
þarf að rísa öflugur jafnaðar-
mannaflokkur sem getur gert til-
kall til þess að halda einn um
stjórnvölinn hér á landi,“ sagði
Birgir Árnason.
Eftir ráðstefnuna hófst afmæl-
isveisla, þar sem margir gamlir
SUJ-félagar rifjuðu upp minning-
ar. Sérstakur gestur ráðstefnunn-
ar var Anita Jörgensen, fram-
kvæmdastjóri FNSU, Samtaka
ungra jafnaðarmanna á Norður-
löndunum. Hún flutti SUJ árn-
aðaróskir á afmælinu. Christer
Ahlen, framkvæmdastjóri
SAMAK, sem er samstarfsvett-
vangur norrænna jafnaðarmanna
og verkalýðsflokka, var staddur
hér á landi ásamt konu sinni í er-
indum SAMAK og heilsuðu þau
upp á unga jafnaðarmenn á af-
mælisfagnaðinum. Ráðstefnu-
stjóri var Magnús Árni Magnús-
son, formaður utanríkismála-
nefndar SUJ.
Birgir Árnason, formaður SUj' ræðir við þá Birgi Dýrfjörð og Stefán
Friðfinnsson. A bak við þá má sjá Hauði Helgu Stefánsdóttur og Árna
Gunnarsson. A-mynd / G.T.K.
Ragnheiður Björk Guðmundsdóttir, Hauður Helga Stefánsdóttir og
Hermann Ragnarsson. Hermann er stórtækur maður og sá að afmælis-
haldið var fallið til fjáröflunar fyrir SUJ. Með eigin framlagi og annarra
tókst Hermanni að safna tugþúsundum króna fyrir SUJ. Fyrir aftan þaú
má sjá Karl Th. Birgisson, Þorlák Heigason, Jón Baldvin Hannibalsson
og Ingólf Margeirsson. A-mynd/G.T.K.
Erlendu aestirnir, Anita Jörgensen framkvæmdastjóri FNSU og
Christer Ahlen frá SAMAK ásamt frú. Við hlið þeirra er Tryggvi Harðar-
son framkvæmdastjóri Alþýðuflokksins. -
Svar við opnu bréfi fyrrverandi bæjarfulltrúa
frá núverandi bœjarfulltrúum
Þrír fyrrverandi bæjarfulltrúar i Kópavogi, Ásgeir Jó-
hannesson, Guttormur Sigurbjörnsson og Sigurður Grétar
Guðmundsson, hafa birt í dagblöðum ,,Opið bréf til bæjar-
stjórnar Kópavogs“. Þar sem það er ósiður að svara ekki
bréfum biðjum við undirritaðir, núverandi bæjarfulltrúar
sömu stjórnmálaflokka, blöðin að koma á framfæri eftir-
farandi linum til öldungaráðsins.
I
Frá því samkomulag milli
Reykjavíkur og Kópavogs, þar
sem m.a. var fjallað um Fossvogs-
braut, var undirritað árið 1973
hefur ýmislegt orðið til að breyta
viðhorfum manna.
í fyrsta lagi búum við nú yfir
bættri þekkingu á mengunar-
hættu frá bifreiðaumferð. Nú
vitum við að ýmis úrgangsefni frá
bifreiðum eru stórskaðleg heilsu
manna ef þau fara yfir ákveðið
mark. Dæmin hrannast upp og nú
síðast váleg tíðindi um blýmeng-
un og áhrif hennar.
í öðru lagi hafa hugmyndir
fólks um náttúruvernd, útivist og
líkamsrækt tekið stakkaskiptum.
Þetta hefur m.a. Ieitt til þess að
dalur sem árið 1964 var „eins og
hver önnur mýri“ í augum fólks er
nú talinn kjörlendi til útivistar
fyrir stórborgarfólk á höfuðborg-
arsvæðinu.
í þriðja lagi hefur forsendum
umferðarkerfisins sem samkomu-
lag var um að rannsaka verið
breytt til muna. Þetta gerðist
fljótlega eftir að samkomulagið
var gert og leiddi til þess að bæjar-
stjórn Iýsti sig óbundna af athug-
un á þörf fyrir Fossvogsbraut
þegar árið 1977.
I fjórða lagi byggðist sam-
komulagið unr Fossvogsbraut á
því að ekki yrðu fundnar aðrar
viðunandi lausnir á umferðarmál-
um. Mat á því hvað sé viðunandi
getur að sjálfsögðu verið breyti-
legt frá einni tíð til annarrar en
bæjarstjórn Kópavogs hefur bent
á lausnir sem við teljum meir en
viðunandi.
Fram hjá þessum þáttum er
ógerningur að horfa.
II
Undanfarin ár hefur Kópa-
vogskaupstaður mátt sæta því að
eiga ekki staðfest aðahkipulag.
Það felur m.a. í sér að hvenær sem
er getur vofað yfir byggingabann
í Iandi kaupstaðarins. Það er
óviðunandi ástand.
Þrátt fyrir margítrekaðar sam-
þykktir bæjarstjórna Kópavogs
um útivistarsvæði í Fossvogsdal
hafa talsmenn Reykjavíkurborgar
haldið fast við að braut skyldi
lögð um dalinn ef „umferðarleg“
þörf reyndist á. Það hefur gengið
svo langt að um skeið var brautin
sýnd á staðfestu aðalskipulagi
Reykjavíkurborgar inni í landi
Kópavogs. Félagsmálaráðherra
lét þó taka þann hluta brautarinn-
ar burtu við síðustu staðfestingu
og sýndi þar með réttum landeig-
endum tilhlýðilegan sóma.
III
Yfirlýsing bæjarstjórnar Kópa-
vogs hinn 25. apríl 1989 var aðeins
ítrekun á yfirlýsingunni frá 1977
og átti ekki að þurfa að koma
neinum á óvart. Við vísum því til
föðurhúsa öllum dylgjum um
bófahasar lærðan úr sjónvarpi.
Hins vegar verða menn að gæta
þess að telja ekki sjálfsagt að það
sem eitt sinn var „réttast" sé þar
með hinn endanlegi sannleikur.
Slíkur skilningur hefur stundum
verið tengdur við öldungaveldi en
frá þeim stjórnarháttum eru nú
flestar þjóðir að falla.
Því fer fjarri að afstaða bæjar-
stjórnar Kópavogs feli í sér nokk-
urn dóm yfir þeim gjörningi sem
bæjarfulltrúarnir árið 1973 stóðu
að. Hann færði okkur einmitt
nokkru nær markinu. Nú er hins
vegar mál að stíga næsta skref.
Það höfum við gert.
IV
Ekki þarf öldungaráð til að sjá
að nauðsynlegt er að sveitarfélög
geti átt með sér giftusama sam-
vinnu. En sú samvinna tveggja
verður ævinlega að byggjast á
gagnkvæmu tilliti og gerir kröfu
til að jafnan sé leitað þeirra leiða
sem skynsamlegastar geta talist
miðað við þekkingu og hugmynd-
ir tímans. Árangurslaust höfum
við leitað samkomulags við
Reykjavíkurborg um sameiginlegt
skipulag Fossvogsdals sem úti-
vistarsvæðis. Þess vegna áttum
við ekki annarra kosta völ en að
ítreka yfirlýsingar bæjarstjórnar
svo að ekki gæti misskilist.
í bréfi ykkar segist þið hafa
gætt þess að sinna sameiginlegum
hagsmunum íbúanna beggja
vegna dalsins. Það höfum við
einnig gert og það er ekki við
okkur að sakast þótt hagsmunirn-
ir kunni að vera aðrir nú en fyrir
16 árum. Það biðjum við ykkur
að hafa hugfast.
Um áskorun ykkar um að slíðra
sverð er það eitt að segja að við
höfum ekki gengið með brugðinn
brand og munum ekki gera þótt
fast sé að okkur sótt á allt öðrum
vettvangi en í Fossvogsdal. Hins
vegar hljóta að vakna ýmsar
spurningar sem eðlilegt er að
beina til ykkar: Þið skrifið bréf
ykkar í svo skinhelgum friðartóni
að hans heilagleiki páfinn hefði
fallið í skuggann ef hann hefði
verið kominn til Iandsins. Stingur
það ekki talsvert í stúf við „viðtal-
ið“ sem einn ykkar lét Morgun-
blaðið taka við sig fám dögum
áður? Og hvernig er það: Hefði
ykkur ekki þótt eðlilegri vinnu-
brögð að tala við okkur, flokks-
bræður ykkar? Eða lituð þið svo
á að þann dag sem þið gerðust
fyrrverandi bæjarfulltrúar yrðu
flokkar ykkar líka fyrrverandi
flokkar?
Kópavogi 11. maí 1989.
Guðmundur Oddsson, núv. bæj-
arfulltrúi Alþýðuflokks, formað-
ur bæjarráðs. Heimir Pálsson,
núv. bæjarfulltrúi Alþýðubanda-
lags, forseti bæjarstjórnar. Skúli
Sigurgrímsson, núv. bæjarfulltrúi
Framsóknarflokks.