Alþýðublaðið - 21.04.1990, Qupperneq 8

8
Laugardagur 21. apríl 1990
- - - - * • ♦ * - * * *
Hugrún Linda, fyrrum fegurðardrottning, krýnir nýja fegurðardrottningu, Ástu Sigríöi Einarsdottur.
Ný fegurðardrottning 1990
„Vona að titillinn
breyti mér ekki“
— segir Asta Sigríður Einarsdóttir, 18 ára Garðbæingur
„Þetta kom mér mjög á óvart
enda átti ég alls ekki von á því
að sigra,“ sagði nýkjörin feg-
urðardrottning Islands, Ásta
Sigríður Einarsdóttir. „Ég
vona nú samt að þessi titill eigi
ekki eftir að breyta mér því ég
er jú áfram sama manneskj-
an,“ bætti hún við.
Ásta Sigríður er átján ára gömul
Garðabæjarmær og stundar nám
á eðlisfræðibraut Menntaskólans í
Reykjavík. Keppnin tók þó nokk-
urn tíma frá henni og gat hún m.a.
ekki lesið neitt yfir páskahátíðina.
„Þetta verður nokkuð stíft nú þeg-
ar prófin eru byrjuð en maður
verður bara að standa sig."
Ekki kvaðst Ásta vilja fórna
skólanum, jafnvel þó einhver til-
boð bærust í sambandi við sýning-
arstörf. „Ég tel það nauðsynlegt
að klára skólann til þess að hafa þó
þá undirstöðumenntun upp á
framtíðina að gera." Hún kvaðst
ekki hafa gert upp við sig hvaða
atvinnu hún myndi leggja fyrir sig
í framtíðinni enda væri nægur
tími til að ákveða slíkt.
Nú hafa margir talað um að hin
nýja fegurðardrottning Islands
lýktist þeirri frægu konu, Pricillu
Presley. Hefur þetta verið nefnt
við Ástu Sigríði. Hún hló við er
spurningin var borin upp og
greinilegt að þetta var ekki nýtt
fyrir henni. „Jú, það er rétt að
undanfarin tvö ár hafa margir
nefnt þetta við mig. Ég skil það nú
reyndar ekki alveg því sjálfri finnst
mér ég ekkert lík þeirri ágætu
konu. Reyndar erum við báðar
kringluleitar en það er eins langt
og það nær,“ sagði Ásta Sigríður
hlæjandi.
Ásta Sigríður er dóttir hjónanna
Birnu Hrólfsdóttur og Einars
Sveinssonar. Hún er 18 ára gömul.
Asta Sigriöur ásamt bræörum sinum og foreldrum, þeim Einari Sveins-
syni, forstjóra hjá Sjóvá-Almennum og Birnu Hrólfsdóttur, sem margir
kannast viö sem sjónvarpsþulu á fyrstu árum íslenska sjónvarpsins.
A-mynd: E. Ól.
Við getum
bætt heiminn
„Dagur jarðar“ hátíðlegur haldinn á morgun
Sunnudagurinn 22. apríl verð-
ur sérstakur dagur jarðarinnar
um allan heim. Aðilar í yfir 100
löndum hafa gerst aðilar að
heimsátaki sem miðar að því að
fræða fólk og hvetja til umhverf-
isverndar. Hér á Islandi verða
Borgarstjórn Reykjavíkur og
menntamálaráðuney tið með sér-
stök verkefni í gangi.
Menntamálaráðuneytið verður
með átak í málefnum barna. Opn-
unarathöfn átaksins verður haldin í
andyri Borgarleikhússins kl. 14.00 á
sunnudaginn með fjölbreyrtri dag-
skrá.
Borgarstjórn Reykjavíkur mun
efna til dagskrár þennan dag til að
vekja borgarbúa til umhugsunar og
aðgerða í umhverfismálum undir yf-
irskriftinni „Við getum bætt heim-
inn.'
I Reykjavík verður farin fjöl-
skylduganga um eina af perlum
höfubogarsvæðisins, Öskjuhlíðina,
og verður farið frá hitaveitugeym-
unum kl. 14.00. Einnig verður hald-
in opinn fundur um umhverfismái í
Borgarleikhúsinu og hefst hann kl.
17.00. Þar munu m.a. Matthías Jó-
hannessen ritstjóri, Hulda Valtýs-
dóttir formaður Skógræktarfélag Is-
lands og Davíð Oddsson borgar-
stjóri flytja ávörp.
Upphaf þessaræ vakningar má
rekja til Bandaríkjanna en þar hafa
náttúruverndarsamtök unnið að því
um margra mánaða skeið að undir-
búa „Dag jarðar"Smám saman hafa
fleiri samtök og þjóðir slegist í hóp-
inn og nú hafa yfir hundrað lönd í
öllum heimsálfum gerst aðilar að
átakinu.
Aðgerðir eru mismunandi eftir
löndum. Farið verður í kröfugöngur,
fjöldafundir, sýningar og tónleikar
haldnir og kennsla fer fram. Nefna
má sem dæmi að í Vestur-Bengal á
Indlandi verður efnt til fjöldahjól-
reiða, skólabörn á eynni Máritíus
munu planta trjám og fjallgöngu-
menn frá Sovétríkjunum, Bandaríkj-
unum og Kína ætía að klífa tind Ev-
erest-fjalls og tína upp drasl sem
fyrri leiðangrar hafa skilið eftir sig.
Áætlað er að yfir 100 miljónir
manna taki beinan þátt í „Degi jarð-
ar“.
Eimskip neitar einokunartilhneigingu:
„Verðið hlýtur a<
eftir þjónusfunni
— segir Porkell Sigurlaugsson
framkvœmdastjóri þróunarsviðs Eimskips
ur að fara
U
Alþýðublaðið skýrði fyrir páska
frá ótta minni innflytjenda við að
Eimskip væri að ná einokunarað-
stöðu á flutningsmarkaðinum til og
frá íslandi. Þetta kom í kjölfar kaupa
Eimskips á skipafélaginu Ok, en það
félag bauð upp á mun lægri farm-
gjöld en Eimskip gerir. Þorkell Sig-
urlaugsson framkvæmdastjóri þró-
unarsviðs Eimskip kveður þennan
ótta vera óþarfan því þrátt fyrir að
félagið hafi keypt Okið séu mörg
önnur skipafélög á markaðinum til
þess að veita Eimskip samkeppni.
Spurningunni hvers vegna Okið
hafi getað boðið upp á lægri farm-
gjöld og hvers vegna Eimskip vilji
ekki bjóða upp á svokallaða safn-
flutninga, en það voru einkum þeir
flutningar sem gerðu það að verk-
um að mun ódýrara var að flytja
vörur með Okinu, svaraði Þorkall á
þá lund að Eimskip teldi það ekki
eðlilegt að flytja allar vörur til lands-
ins á sama verði. Þetta hlyti að mið-
ast við eðli og verðmæti vörunnar.
„Við teljum það ekki sanngjarnt að
borga það sama fyrir heilan gám af
sjónvarpstækjum og t.d. heilan gám
af hráefni til iðnaðar."
Þorkell kvað það mjög eðlilegt að
mismunandi verð fengist hjá mis-
munandi skipafélögum. „Þetta er
eins og í öðrum viðskiptum að verð-
ið hlýtur að fara eftir því hvaða þjón-
ustu félagið býður upp á. Hjá Eim-
skip erum við t.d. með reglulegar
siglingar til allra helstu viðskipta-
landa í Evrópu og N-Ameríku."
Þrátt fyrir að Eimskip hafi keypt
Okið eru ekki neinar breytingar fyr-
irhugaðar á rekstri félagsins á næst-
unni. l.Allir þeir samningar sem Ok-
ið gerði munu standa," sagði Þor-
kell Sigurlaugsson hjá Eimskip.
Farvis
tímarit um ferdamál
Farvís — tímarit um ferðamál
— nýtt tölublað er komið út.
Þetta er fyrsta tölublað þessa
árs, en fimmta töiublaðið frá
upphafi. Efni blaðsins er fjöl-
breytt og má þar t.d. nefna grein-
ar og frásagnir frá Egyptalandi,
Hawai, Ásbyrgi, Drangey, Port-
eiron í Wales og Key West á Flor-
ida og fleiri stöðum.
Að sögn Þórunnar Gestsdóttur rit-
stjóra Farvís hafa viðbrögð lesenda
verið mjög góð og hafa menn lýst yf-
ir ánægju sinni með efni og útlit
blaðsins. Hins vegar mætti segja að
salan hefði mátt vera meiri og virtist
vera að fólk hafi ekki almennilega
áttað sig á að svona sérhæft blað um
ferðamál sé komið á markað. „Það
tók sinn tíma að vinna íslensku
tímaritunum markað á sínum tíma
og ég er þess fullviss að Farvís á eftir
að koma sér vel fyrir á íslenskum
markaði," sagði Þórunn.
Meðal greinahöfunda eru Birgir
ísleifur Gunnarsson, Björn Hróars-
son jarðfræðingur og Egill Gr. Thor-
arensen framkvæmdastjóri. Hörður
Sigurgestsson forstjóri Eimskips
segir álit sitt á ferðamálum og viðtal
er við Kristínu Halldórsdóttur for-
mann Ferðamálaráös Islands.
Aktu
ÖKUM EINS OG MENN!
eins oa þú vilt
að aðrir aki!
IUMFERÐAR
RÁÐ