Alþýðublaðið - 05.05.1990, Blaðsíða 3

Laugardagur 5. maí 1990
INNLENDAR FRÉTTIR
3
FRÉTTKR
S HNOTSKURN
ANDLAT: Lester Nicolas
Ruwe, 56 ára að aldri,
sendiherra Bandaríkjanna
á íslandi á árunum 1985 til
1989. Ruwe starfaði náið
með þremur Bandaríkja-
forsetum, Nixon, Ford og
Reagan. Bálför Ruwe verð-
ur gerð í dag í Grosse Points
Farm i Michigan. Minning-
arathöfn verður haldin í
Landakotskirkju fimmtu-
daginn 10. maí kl. lOárdeg-
is. Bók til undirskrifta á
samúðarkveðjur liggur
frammi í bústað sendiherra
Bandaríkjanna að Laufás-
vegi 23 á mánudag frá kl.
3-5.
ANDLAT: Látinn er í Reykjavík Sigursveinn D. Kristins-
son, tónskáld og skólastjóri tónskóla sem bar nafn hans.
Sigursveinn var Skagfirðingur, 79 ára að aldri. Hann stund-
aði tónlistarkennslu í Olafsfirði og á Siglufirði en gerðist
skólastjóri eigin skóla í Reykjavik 1964, sem varð reyndar
einhver vinsælasti tónskóli landsins og starfar í dag af
miklum krafti. Sigursveinn lamaðist 1924, en lét fötlun sína
ekkert á sig fá og starfaði að hugðarefnum sínum af mikl-
um krafti.
GLAÐIR:
Félagar í Samtökum hernámsandstæðinga eru glaðir og
reifir, — þegar hætt hefur verið við að byggja varaflugvöll
á íslandi. Segjast þeir vonast til að þetta séu fyrstu merki
um að nú linni gífurlegri hervæðingu á N-Atlantshafi.
ÖÐRUVÍSI KÓK: Kók-
akólaverksmiðjan Vífilfell
sendir á markað þessa dag-
ana nýja gerð af þessum
vinsæla svaladrykk, —
koffeinlaust Diet Coke.
Venjulegt kók og Diet kók
munu samanlagt nálgast að
vera um helmingur gos-
drykkjamarkaðarins, en
þar er enn sem fyrr hart
barist.
EVROPUDAGUR: í dag er Evrópudagurinn haldinn há-
tíðlegur í 25. sinn í 23 aðildarríkjum Evrópuráðsins þar
sem 400 milljónir manna búa. Ekki er mikið um hátíðar-
höld hér á landi — Evrópufáninn blaktir þó við hún á
strætisvögnum í Reykjavik og í Kópavogi — blár fáni með
tólf gular stjörnur.
PALESTINUMENN: Tveir fulltrúar verkalýðssamtaka
palestínumanna sóttu ísland heim á vegum BSRB og ASÍ
29. apríl til 4. maí og kynntu forystumönnum ýmsum, ráð-
herrum og fleirum það erfiða ástand sem almenningur á
hernumdu svæðunum í Palestínu býr við. Fulltrúar laun-
þegasamtakanna lýstu yfir eindregnum stuðningi við
mannréttindabaráttu verkalýðssamtakanna á svæðinu.
STOLIÐ ÚR SENDIRÁÐI: Innbrotsþjófar reyndu að
opna peningaskáp íslenska sendiráðsins í Washington að-
faranótt miðvikudags. Það tókst ekki, en til að hafa eitt-
hvað upp úr krafsinu tóku þeir með sér tvær tölvur, tvo
tölvuprentara
STEINGRÍMUR OG
ARAFAT: Steingrímur
Hermannsson forsætisráð-
herra hefur lýst yfir áhuga
á að hitta Jasser Arafat,
leiðtoga PLO. Fundurinn
myndi fara fram í Túnis eftir
opinbera heimsókn forsæt-
isráðherra til Egyptalands.
Þegar Steingrímur var ut-
anríkisráðherra í stjórn
Þorsteins Pálssonar lýsti
hann einnig yfir samskonar
áhuga og olli það töluverð-
um deilum í þeirri stjórn.
Skipulagningin
slök í
Júgóslavíu:
STJÓRNIN ásamt Sigríði Beinteinsdóttur og Grétari Örvarssyni. — íslenska þjóðin væntir án efa
mikils af framlagi þeirra.
STEFNUM HATT
I kvöld munu um 170
millónir manna um alla
Evrópu setjast niður við
skjáinn til að fylgjast með
Söngvakeppni evrópskra
sjónvarpsstöðva. Það var
gott hljóð í íslensku kepp-
endunum þegar Alþýðu-
blaðið sló á þráðinn til
þeirra í Palace Hotel í Za-
greb í Júgóslavíu. ,,Þaö
þýðir ekkert annað en að
stefna hátt,“ sagði Hörður
Olafsson höfundur fram-
lags Islendinga að þessu
sinni, laginu „Eitt lag
enn“. „Ef allt gengur upp
ættum við að geta náð 6—8
sætinu,“ sagði skagfirski
sveiflumeistarinn.
Það var einnig gott hljóð í
Grétari Örvarssyni, en hann
flytur lagið ásamt Sigríði
Beinteinsdóttur og hljóm-
sveitinni Stjórninni. „Þetta
verður stíf keyrsla en það eru
allir hressir og þetta leggst
vel í okkur,“sagði Grétar.
Það er tæplega tuttugu
manna hópur Islendinga sem
er staddur í Júgóslavíu vegna
Söngvakeppninnar. Dagskrá-
in hefur verið nokkuð stíf fyr-
ir keppendurna því það eru
óteljandi boð hjá fram-
kvæmdastjórn keppninnar,
borgarstjórn Zagreb, stjórn
Evrópusjónvarpsstöðvanna,
blaðamönnum og klúbbum
sem skyldumæting er á.
Skipulagning Júgóslavana er
þó ekki til fyrirmyndar og
lýsti Grétar Örvarsson því yfir
á blaðamannafundi, þegar
hann var spurður hvort ís-
Iendingar gætu haldið sltka
keppni, að það myndi leika í
höndum okkar, a.m.k. miðað
við hvernig heimamenn í Za-
greb hafa staðið að málum.
Hörður Ólafsson lagahöf-
undur sagði að stressið væri
ekki svo mikið hjá sér. Hann
væri þarna meira til að fylgja
sínum hugmyndum eftir og
að aðstoða eftir megni. Öll
tækni og útsendingarmál
væru í höndum íslensku
starfsmannanna og þyrfti
hann ekki að hafa áhyggjur af
þeirri hlið málanna. Ekki var
Skagfirðingurinn fús til að
lýsa yfir skoðun sinni á ein-
stökum lögum. Til þessa
hefði hann ekki heyrt lögin
flutt á sviði, en Hörður sagði
þó að júgóslavneska lagið
stæði vel að vígi vegna
heimavallarins.
í gær fóru fram tvær æfing-
ar á keppninni. Hin fyrri var
án búninga og voru þá hljóð-
málin í hinu mesta basli. Síð-
ari æfingin fór fram í gær-
kvöld og þá í búningum. 1
bæði skiptin var salurinn
þéttsetinn af fólki. Þess má
geta að einungis 1000 manns
komast þar fyrir og er það
hið minnsta í úrslitum Evr-
ópusöngvakeppninnar til
þessa.
Hinn kunni sjónvarps- og
útvarpsmaður, Arthur Björg-
vin Bollason, er mættur til
Júgóslavíu og mun hann lýsa
keppninni til okkar Islend-
inga, eins og honum einum
er lagið. Utsendingin frá
Júgóslavíu hefst klukkan
19.00 og stendur yfir til rúm-
lega 10.00. Þess má einnig
geta að útvarpað verður
beint frá keppninni á Rás 2.
Islenska stálfélagið tekid til starfa:
Framleiöa úr brota-
járni sem ekki er til?
EFTIR KRISTJÁN KRISTJÁNSSON M''*^^HB^lÍÍtfMMHSÍ!IHU-£HHBHHH
KAMPAVÍN úr hendi umhverfisráöherra, — góðar heillaoskir
geta dugað skammt í rekstri íslensks stálvers.
— A-mynd E.ÓI.
Verkefnalaus um-
hverfisráðherrann henti
kampavínsflöskunni of-
an í tætara Islenska stál-
félagsins í Kapellu-
hrauni. Tætara sem get-
ur afkastað 90.000 tonn-
um á ári, en á ekki að af-
kasta nema í hæsta lagi
20.000 tonnum. Heim-
ildamenn Alþýðublaðs-
ins segja að svo mikið
brotajárn falli ekki til á
landinu. Páll Halldórs-
son framkvæmdastjóri
íslenska stálfélagsins
heldur öðru fram. Um-
hverfisráðherrann fagn-
aði stálfélaginu í ræðu á
Alþingi um kvöldið. Var
fögnuðurinn ótímabær?
Islenska stálfélagið ætlar
sér að reka tætarann á dag-
vakt eingöngu. Forsvars-
menn íyrirtækisins telja að
þeir geti rekið fyrirtækið
með hagnaði þrátt fyrir
þessi litlu afköst, vegna
þess að tækin eru gömul og
kosti ekki mjög mikið.
A.m.k. ekki miðað við ný.
Þá miða þeir við 20.000
tonna framleiðslu á ári. Páll
Halldórsson sagði við Al-
þýðublaðið í gær að það
mætti ekki miklu skeika
svo tap yrði á fyrirtækinu,
hann giskaði á að ef fyrir-
tækið færi niður í
16—17.000 tonna fram-
leiðslu á ári, þá snerist
hagnaður í tap.
Heimildamenn Alþýðu-
blaðsins fullyrða að á Is-
landi faili í mesta lagi til
15.000 tonn af brotajárni á
ári. Sennilegast ekki nema
13.000 tonn segja aðrir.
Þ.e.a.s. ekki nóg til að halda
rekstri íslenska stálfélags-
ins á sléttu. Að auki eru
þegar fyrir fyrirtæki í end-
urvinnslu brotajárns sem
hafa stóran hluta markað-
arins. Sennilegast nærri
þriðjung.
Páll Halldórsson var
spurður hvort áætlanir fé-
lagsins miðuðust við að fyr-
irtækið hefði allan íslenska
markaðinn. ,,Já,“ var svar
hans. Að auki ætlar Stálfé-
lagið að flytja inn hráefni til
vinnslu. „Það verða þó að
vera hagstæðir samning-
ar,“ segir Páll. Heimildir Al-
þýðublaðsins herma þó að
það sé ekki hlaupið að því
að fá brotajárn í heiminum
í dag.
Fjárfestingar Islenska
Stálfélagsins nema í heild-
ina um 12 milljónum doll-
ara, eða tæpar 800 milljón-
ir íslenskra króna. Páll Hall-
dórsson fullyrðir að eigið fc'
fyrirtækisins sé nærri því
að vera þriðjungur af þeirri
upphæð. Hann segir að
hlutafé nálgist nú að vera
165 milljónir króna. Af-
gangurinn er víkjandi lán
hluthafa sem leyfilegt er að
skilgreina sem eigið fé.