Alþýðublaðið - 28.02.1991, Blaðsíða 4

4
Fimmtudagur 28. febrúar 1991
MMÐUBLMÐ
HVERFISGÖTU 8-10 - REYKJAVÍK - SÍMI 625566
Útgefandi: Blað hf.
Framkvæmdastjóri: Hákon Hákonarson
Ritstjóri: Ingólfur Margeirsson
Fréttastjóri: Jón Birgir Pétursson
Auglýsingastjóri: Hinrik Gunnar Hilmarsson
Dreifingarstjóri: Sigurður Jónsson
Setning og umbrot: Leturval sf.
Prentun: Oddi hf.
SÍMI625566
Eftir lokun skiptiborðs:
Ritstjórn: 625538
Dreifing: 625539
Tæknideild: 620055
Fax: 627019
Tryggjo verður endalok
valda Saddams Husseins
Her bandamanna við Persaflóa hefur nú hrakið inn-
rásarlið íraka út úr Kúveit. Þar með er lokið hernámi
íraka sem staðið hefurfrá 2. ágúst á fyrra ári. Flótti ír-
aka og uppgjöf fjölda hermanna þeirra eru ótvíræð
sönnun algjörs ósigurs herja Saddams Husseins og
endaloka ofbeldisstefnu hans í Kúveit. Samtímis er
Ijóst að draumur Saddams um sameinaðan araba-
heim undir forystu hans er einnig hruninn. Saddams
Husseins bíða nú hefðbundin örlög ofbeldisseggja og
einræðisherra sem beðið hafa ósigur. Spurningin er
aðeins hvort það verða bandamenn sem binda enda
á völd hans í Irak eða Irakar sjálfir. Bandamenn eru nú
komnir langt inn í Irak og eiga stutt eftir til Baghdad.
Saddam Hussein hefur haldið ræður og ávörp í
Baghdadútvarpið þar sem hann hefur haft uppi
skrúðmælgi og sett bandamönnum skilyrði fyrir
flótta hermanna sinna. Að sjálfsögðu hafa banda-
menn brugðist við á þann rétta veg að segja að Sadd-
am Hussein setji ekki skilyrði fyrir endalokum stríðs-
ins.
að er þegar orðið Ijóst að Saddam Hussein hefur
beðið mikinn ósigur í Persaflóastríðinu. Hersveitir
hans hafa veitt lítið sem ekkert viðnám og verið verr
búnar og vistaðar en menn hafa haldið. En enn stafar
hætta af Saddam Hussein og herliði hans. Það er full-
komlega hugsanlegt að hinn örvæntingarfulli leiðtogi
íraka kunni að gefa fyrirskipanir um ef navopnahernað
eða beitingu sýklavopna þegar hringurinn þrengist
um hann. Hins vegar er það að sjálfsögðu aðeins
tímaspurning hvenær einvaldurinn fellur. Það erfyrst
og fremst hlutverk fjölþjóðahersins á líðandi stundu
að tryggja endalok valdatíma Saddam Husseins til að
tryggja að Kúveit stafi ekki áframhaldandi ógn af ein-
ræðisherra íraks.
Til lengri tíma er verkefnið að tryggja frið og stöðug-
leika í löndunum við Persaflóa og finna lausn á vanda
Palestínumálsins og öðrum deiluefnum arabaland-
anna og ísraels. Það verður hið stóra verkefni Samein-
uðu þjóðanna að vinna friðinn eftiraðfjölþjóðaherinn
hefur unnið stríðið.
FORRÉTTINDI
SJÁLFSTÆÐISFLOKKSINS
í SJÓNVARPSFRÉTTUM
Það hefur vakið athygli og umræður að báðar frétta-
stofur sjónvarpsstöðvanna vörðu lunganum af frétta-
tíma sínum síðastliðið mánudagskvöld í að segja frá
ákvörðun Davíðs Oddssonar að bjóða sig fram til for-
manns Sjálfstæðisflokksins á landsfundi flokksins í
næstu viku. Að sjálfsögðu er eðlilegt að þessi frétt
yrði fyrsta frétt kvöldsins. Hins vegar er það vægast
sagt undarleg ákvörðun fréttastjóranna, ekki síst Rík-
issjónvarpsins, að ryðja öllum öðrum fréttum kvölds-
ins til hliðar, þar á meðal stórfréttum úr Persaflóa-
stríðinu, vegna þess að borgarstjóri hefur ákveðið að
gefa kost á sér til formanns síns flokks. Rúmlega
fyrstu tuttugu mínútur fréttatíma Ríkissjónvarpsins
voru helgaðar þessari frétt með löngum viðtölum við
þorgarstjóra og núverandi formann Sjálfstæðis-
flokksins. Eðlilegra hefði verið að viðtölin við um-
rædda frambjóðendur hefðu verið send í fréttauka að
loknum aðalfréttatíma.
r
I framhaldi af þessu mætti spyrja, hvort aðrir stjórn-
málaflokkarfái sömu þjónustu? Sem dæmi má nefna
að Alþýðuflokkurinn efndi til þlaðamannafundar í
fyrri viku til að kynnafyrirfjölmiðlum vandaða og ítar-
lega kosningastefnuskrá flokksins í komandi alþingis-
kosningum. Hvorug sjónvarpsstöðin sá ástæðu til að
senda fréttamenn þrátt fyrir ítrekaðar boðanir. Það er
greinilegt að sjónvarpsstöðvarnar hafa meiri áhuga á
Sjálfstæðisflokknum en öðrum flokknum. í lýðræðis-
ríki þar sem fjölmiðlar bera mikla ábyrgð á þekkingu
almennings á stefnumálum og straumum stjórn-
málaflokka, ekki síst fyrir lýðræðislegar kosningar, er
slík mismunun sjónvarpsmiðla auðvitað ekkert ann-
að en hneyksli.
IÖNNUR SJÓNARMID
Engin kona mundi nota þá
eldhúsinnréttingu, segir Re-
gína Thorarensen, fréttaritari á
Selfossi, um annað tveggja for-
mannsefna í Sjálfstæöisflokknum.
í DV á mánudag varar hún Davíð
Oddsson við að fara út á ,,þá hálu
braut" að gefa kost á sér í for-
mannsembættið í Sjálfstæðis-
flokknum. Regína ávarpar Davíð
beint:
„Þú ert búinn að vinna mörg
gódverk sem borgarfulltrúi og
þú ert að kollsigla sjálfan þig
með því átakanlega sjálfsáliti
sem þú hefur. Einnig ertu bú-
inn að vera of lengi eins og ein-
ræðisherra sem borgarstjóri
Reykjavíkur og æðir þar áfram
eins og mannýgt naut í hörðu
moldarbarði og grjóti. Sjáum
hina dýru ráðhúsbyggingu
sem er byggð í vatni en ekki á
bjargi eins og á að byggja öll
hús og sagt er í Biblíunni.“
Regína finnur því flest til foráttu
aö Davíð verði formaður — hvað
þá forsætisráöherra, en þaö
dreymi hann um að verða. Og er
þá komið að hinum kandídatin-
um:
„Auðvitað vita allir og skilja
að Þorsteinn Pálsson er lítill
maður og kann Iítið til verka
enda er hann svo illa innréttað-
ur að það mundi engin kona
nota þá eldhúsinnréttingu . . .“
Þegar Regína hefur um síðir
komist að því að hvorugur kostur-
inn sé góöur fyrir flokk allra stétta,
víkur hún að öðrum innréttingum
í Sjálfstæðisflokknum. Lands-
byggðarþingmennirnir bera af,
segir Regína. Þorvaldur Garðar
og Matthías Bjarnason eru
henni að skapi. Friðrik Sophus-
son og Einar Oddur fá hæstu
einkunn. Eða hvað?
Þingmenn Sjálfstæðisflokksins
„hugsa ekki um heill og hag
þjóðarinnar, eru bara með eitt-
hvert bull og kjaftæði, en sjálf-
stæðiskonurnar bera alveg af,“
skrifar Regína aö lokum.
■ DAGFINNUR
Á Drottins vegum hann gekk
Nú syngja barnabörnin mín glöð
og ánægð þegar þau koma af dag-
heimilinu: „Davíð var dáðadreng-
ur/á Drottins vegum hann gekk“.
Loksins er kominn maður sem
treystandi er á. Það fer ekki á milli
mála á hvers vegum Davíð okkar
gengur. Hann er fæddur undir
heillastjörnu og borinn til að
drottna. Hann er minn maður.
Sagt er að sagan endurtaki sig í
sífellu. Hann Davíðokkar hefur nú
hitt fyrir sinn Golíat. Það er verst
hvað okkar Golli er lítill fyrir
mann að sjá og passar ekki alveg
inn í myndina. Davíð, eins og forð-
um, hefur gripið til teygjubyssunn-
ar og pundar nú grjóti á Steina.
Það er ekkert áhlaupaverk því
hvað segir ekki í ritningunni. „Sá
yðar er syndlaus er kasti fyrstur í
Steina.“ Það gat því ekki komið í
hlut nein annars en Davíðs að
grýta Steina vin sinn.
Steini sem sundríður þessa dag-
ana er staddur úti í miðju straum-
hörðu fljóti. Hann hefur sagt að
það kunni ekki góðri lukku aö
stýra að venda í miðri á. Hann
virðist ekki hafa áttað sig á að ekki
stendur til að snúa við. Davíð vin-
ur, sem bíður á bakkanum hinum
megin, vill aðeins hrekja hann í
ána og fá að ríða upp á bakkann
sjálfur sem sigurvegari. Sumum
finnst að vísu réttlátt að Steini fá
að klóra sig í land sjálfur en það er
stórhættulegt. Eftir allt volkið í
beljandi straumiðunni er honum
ekki treystandi til að ríða með
reisn inn í sólskinið. Til þess þarf
mann með meiri vigt.
Einu virðast menn ekki hafa átt-
að sig á. Lög okkar sjálfstæðis-
manna og hefðir ná aðeins til
mannlegra þátta og jarðneskra
manna. Um Davíð hin goðumlíka
gilda önnur lögmál. Hann er í ætt
við spámenn og mannkynslausn-
ara fyrri tíma og því ekki hægt að
leggja á hann fjötra hefða okkar
annars ágæta flokks, Sjálfstæðis-
flokksins. Þá er út í hött að bjarg-
vætturinn sé að agnúast út í fram-
tíðarforingja vorn og spámann.
Enda var það hann sem lagði
grunninn að falli stjórnar Steina
og hefur sýnt að hann metur hags-
muni atvinnulífsins meira en
flokksins okkar. Slíka menn á ekki
að hafa í forystusveit. Bjargvætt-
urinn var meira að segja með
bráðabirgðalögum kommanna
sem er alveg ófyrirgefanlegt. Það
hefði örugglega verið hægt að
halda laununum niðri með öðrum
hætt og skeleggari. Ég er viss um
að Davíð hefði getað gert það.
Hann hefur sýnt það og sannað í
borginni því hvergi á byggðu bóli
er að finna lægri laun en hjá
óbreyttum borgarstarfsmönnum.
Það gefur svo svigrúm tii að borga
almennilegum mönnum betur og
þörfum sjálfstæ... ég meina
þjóðfélagsþegnum skikkanleg
laun.