Alþýðublaðið - 30.04.1991, Blaðsíða 4

4
Þriðjudagur 30. apríl 1991
MMÐUBLMÐ
HVERFISGÖTU 8-10 - REYKJAVÍK - SÍMI 625566
Útgefandi: Blað hf.
Framkvæmdastjóri: Hákon Hákonarson
Ritstjóri: Ingólfur Margeirsson
Fréttastjóri: Jón Birgir Pétursson
Auglýsingastjóri: Hinrik Gunnar Hilmarsson
Dreifingarstjóri: Sigurður Jónsson
Setning og umbrot: Leturval sf.
Prentun: Oddi hf.
SÍMI 625566
Eftir lokun skiptiborðs:
Ritstjórn: 625538
Dreifing: 625539
Tæknideild: 620055
Fax: 627019
NÝ RÍKISSTJÓRN
Væntanlega lítur ný ríkisstjórn dagsins Ijós í dag. í
gær lá fyrir samkomulag á milli formanns Sjálfstæðis-
flokksins, Davíðs Oddssonar, og Jóns Baldvins
Hannibalssonar, formanns Alþýðuflokksins, um
myndun nýrrar ríkisstjórnar undir forsæti Davíðs. Síð-
degis í gær hafði ekki verið gert lýðum Ijóst um hvað
hafði verið samið á milli flokkanna en líklegt verður að
telja að opnun fyrir frjálsari viðskipti, afnám hafta og
efling atvinnulífsins skipi þar stóran sess. Væntanlega
verðureitt fyrsta verkefni nýrrar ríkisstjórnaraðglíma
við kjaramálin, bæta kjör launafólks, og þá sérstak-
lega þeirra lægst launuðu, án þess að verðbólguskrið-
an fari aftur af stað.
Stjórnarmyndunarviðræðurnar hafa gengið mjög
hratt fyrir sig, óvenju hratt. Davíð Oddsson fékk um-
boð forseta íslands á föstudaginn var til þess að
mynda starfhæfa meirihlutastjórn. í gær, mánudag, lá
síðan fyrir stjórnarsáttmáli milli Alþýðuflokks og
Sjálfstæðisflokks, sem í gærkveldi var til afgreiðslu
hjá flokksstjórn Alþýðuflokksins og flokksráði Sjálf-
stæðisflokksins. Ekki getur annað talist líklegt en að
samkomulag formanna flokkanna verði samþykkt í
megindráttum. Engu að síður er trúlegt að óánægja
með einhverja hluti kunni að koma fram hjá báðum
flokkum. Stefnur flokkanna eru ólíkar um margt þó
einnig megi finna marga fleti sem þessir tveir flokkar
eru nánast sammála um.
Innan Alþýðuflokksins hafa verið talsvert skiptar
skoðanir um hvort vænlegra væri fyrir flokkinn að
leita fyrir sér til hægri eða vinstri varðandi stjórnar-
myndun. Að mati forystu flokksins varð það úr að
fyrst skyldi bera niður hjá Sjálfstæðisflokknum og
freista þess að ná saman um myndun ríkisstjórnar
þessara tveggja flokka, hvað og virðist hafa tekist. Þó
að ekki margir innan raða Alþýðuflokksins hafi viljað
útiloka samstarf þessara flokka, voru ýmsir sem vildu
láta reyna á það til þrautar, hvort mögulegt hefði verið
að mynda stjórn fráfarandi stjórnarflokka, þ.e. sam-
stjórn Alþýðuflokks, Framsóknarflokks og Alþýðu-
bandalags. Auk þess voru einhverjir opnir fyrir því að
taka Kvennalistann inn íslíka stjórn. Hins vegarberað
gæta þess að erfitt kynni að hafa reynst að mynda
stjórn Alþýðuflokks, Framsóknarflokks og Alþýðu-
bandalags með aðeins eins atkvæðis meirihluta á Al-
þingi.
IVIikið hefur verið skrafað og skrifað um Viðeyjarvið-
reisn síðustu daga. Viðreisn, stjórn Alþýðuflokks og
Sjálfstæðisflokks á sjöunda áratugnum, virðist vekja
misjafnar minningar hjá fólki. Sumir sjá hana fyrir sér
með hryllingi og er þá eflaust hugsað til síðustu ára
hennar, eftir að síldarstofninn hrundi með tilheyrandi
atvinnuleysi og skertum kaupmætti. Aðrir minnast
hennar sem færsælustu ríkisstjórnar lýðveldisins,
stjórnar sem af nam haftabúskap og hóf sókn til frelsis
og framfara. Víst er að Viðreisnarstjórnin dugði vel,
entist lengi, umskapaði efnahagslegt umhverfi Is-
lands, sem var forsenda framfara og bættra kjara hér
á landi. Þá náðust einnig fram merkir áfangar í félags-
málum, eins og löggjöf um atvinnuleysisbætur, sem
var tímamótaatburður í sögu launþega á íslandi. Það
eru hins vegar ólíkar aðstæður nú og þegar Viðreisn-
arstjórnin tók við völdum laust fyrir 1960. Engu að síð-
ur lifir minningin um hana enn og aðrir hafa kynnt sér
feril hennar á bók.
IVI iklar breytingar eru að eiga sér stað í samskiptum
þjóðanna og þá sérstaklega hvað varðar samvinnu
Evrópuþjóða. Miklu varðar að íslendingar taki virkan
þátt í þeirri umsköpun sem er að eiga sér stað í Evr-
ópu og ferskir vindarfái að leika um íslenskt atvinnulíf
og íslenska menningu. Ný stjórn mun væntanlega
opna gluggann til Evrópu meðan afturhaldsöflin hér
á landi vilja halla honum aftur. Þessi mál og önnur
munu skýrast þegarstefnuyfirlýsing Alþýðuflokks og
Sjálfstæðisflokks verður væntanlega birt í dag.
Ályktun sambandsstjórnar
SUJ 25. april 1991
Samband ungra jafnaðarmanna fagnar þeim
órangri sem Alþýðuflokkurinn — Jafnaðarmanna-
flokkur íslands náði i nýafstöðnum kosningum til Al-
þingis. SUJ telur að sterk málefnastaða flokksins og
góður árangur í ríkisstjórn undanfarin f jögur ár hafi
lagt grunninn að sterkri stöðu hans nú.
Samband ungra jafnaðarmanna
telur að mikilvægasta verkefnið
framundan sé að treysta stöðu Al-
þýðuflokksins sem hreyfingar ís-
lenskra jafnaðarmanna. Við þær
aðstæður sem nú hafa skapast er
því mikilvægt að fiokkurinn nýti
sér það tækifæri sem hann hefur
til þess að taka að sér forystuhlut-
verk í ríkisstjórn.
Samband ungra jafnaðarmanna
telur að slík stjórn verði að byggja
á þeim málefnagrundvelli sem Al-
þýðuflokkurinn lagði fram við al-
þingiskosningarnar, og eru þessir
þættir þar mikilvægastir:
— Aukinn jöfnuður með aðgerð-
um í kjara- og skattamálum. Þar
með hækkun skattleysismarka,
tekjutengdar húsaleigubætur
og skattlagning fjármagns-
tekna.
— Gerbreytt stefna í landbúnaðar-
og sjávarútvegsmálum. Mark-
mið hennar verði að lækka
verð matvöru til neytenda, og
skila þjóðinni auknum hlut í
arði fiskimiðanna.
— Aukin fjölbreytni og aukið frelsi
í atvinnumálum. I>ar með
samningar um álver og virkjan-
ir, samningar um evrópskt efna-
hagssvæði og afnám einokunar
í utanríkisviðskiptum.
— Aukinn stuðningur við fjöl-
skyldur, aldraða og fatlaða í
þjóðfélaginu. Þar með upp-
bygging leikskóla. einsetinn
skóli, áframhaldandi uppbygg-
ing félagslega húsnæðiskerfis-
ins og samræming lífeyrisrétt-
inda.
Samband ungra jafnaðarmanna
skorar á forystu Alþýðuflokksins
— Jafnaðarmannaflokks íslands
að láta reyna á það til þrautar
bvort flokkar þeir sem kenna sig
við félagshyggju geti náð saman
um stjórn landsmála á þessum
grundvelli.