Alþýðublaðið - 30.04.1991, Blaðsíða 7

Þriðjudagur 30. apríl 1991
7
Minning:
Sigurður Hj. Sigurðsson
Ljúfar minningar frá ísafjarðar-
árunum liðu um hugann þegar sú
frétt barst að Sigurður Hj. Sigurðs-
son væri allur. Fátt fólk höfum við
hjónin þekkt sem okkur hefur þótt
jafn vænt um og þau Sigurð Hj.
Sigurðsson og Þorvaldínu Jónas-
dóttur. Á heimili okkar hafa þau
aldrei verið kölluð annað en Siggi
og ína og jafnan nefnd saman í
sömu andránni. Það segir mikið
um hjónaband þeirra.
Ég hafði ekki starfað marga
daga við hinn unga Menntaskóla á
ísafirði haustið 1973 þegar ég hitti
Sigurð Hj. Sigurðsson í fyrsta sinn.
Hann var þá húsvörður við skól-
ann og altmuligmann bæði á
heimavist og í gamla barnaskólan-
um sem þá var kennsluhúsnæði. Á
fyrstu dögum mínum sem kennari
við skólann varð mér það ljóst
hversu mjög hann bar hag skól-
ans, nemenda hans og kennara
fyrir brjósti. Skólinn var ein af
hugsjónum hans eins og margra
ísfirðinga. Áðuren Menntaskólinn
var stofnaður höfðu þeir horft á
eftir börnum sínum þegar þau
fóru í framhaldsskóla norður eða
suður. Með Menntaskólanum var
brotið blað. Þá opnuðust nýjar
leiðir fyrir ungt fólk í bænum að
stunda námið í héimabæ sínum
auk þess sem líkur jukust á því að
fleiri kæmu heim á ný að námi
loknu. Sigurður var óþreytandi í
umræðunni um skólann og hvað
gera mætti til að efla hann og
bæta.
Sigurður unni menntun.
Kannski var það vegna þess að
hann hafði sjálfur eins og margir
af hans kynslóð ekki tök á að afla
sér menntunar að hann lagði svo
mikla áherslu á að ungt fólk gengi
menntaveginn. Lífsgæðin skiptu
hann ekki svo miklu máli. Mennt-
unin sat í fyrirrúmi. Þetta prédik-
aði Sigurður fyrir börnum sínum
og öðrum ungmennum.
Þær minningar sem eiga eftir að
fylgja okkur ævilangt eru frá sam-
veru okkar í sumarbústaðnum
þeirra í Dagverðardal innst í Skut-
ulsfirði. Þarna höfðu Siggi og Ina
komið sér upp gjöfulum kartöflu-
garði og við urðum grannar þeirra
og ábúendur á litlum skika. Þegar
vorið kom var farið á dalinn. Siggi
kenndi okkur allt sem hægt var að
nema í kartöflurækt, allt frá vali á
útsæði til verkunar og geymslu
kartaflanna. Og þar sem við skrið-
um í moldinni var haldið uppi
harðri umræðu um kartöflurnar,
vöxt þeirra, viðgang og lífið í dal-
num. ína bauð upp á kaffi. Þá var
Fœddur 13. apríl 1911 — Dáinn 20. apríl 1991
stund milli stríða til að ræða póli-
tíkina í bænum, um skólann,
landsmálin og heimsmálin. Aldrei
var komið að tómum kofunum hjá
Sigga, hvort sem um var að ræða
þjóðmál eða málefni fjarlægra
heimshluta. Kannski var þetta at-
hvarf sem við áttum í dalnum með
Sigga og Inu ein ástæða þess að
okkur leið svo vel á ísafirði. Það
var alltaf sól í dalnum hvernig sem
viðraði. Og þar áttu börnin líka at-
hvarf, leiksvæði í moldarhólum og
sandgryfjum sem tóku öllu öðru
fram. Ogþegar hlé varð á leiknum
þá var Ina komin í eldhúsið og
laumaði brjóstsykri í litla munna.
Og það var ekki síður gaman að
heimsækja Sigga og ínu í litla hús-
ið þeirra í Hrannargötunni. Maður
heyrði kitlandi hlátur Inu strax á
neðri hæðinni. Og ekki skorti um-
ræðuefnin. Það var alltaf tilhlökk-
un að heimsækja þau jafnvel þó að
heilsa þeirra væri stundum ekki
nógu góð.
A haustin var farið til berja sam-
an. Þó Siggi væri kominn um sex-
tugt þegar við kynntumst honum,
minnumst við ekki annars eins
berjakappa. Þegar komið var í
fjallið var hann horfinn sýnum
fyrr en varði. Og kappið var svo
mikið að hann unni sér engrar
hvíldar fyrr en pokinn var fullur af
berjum. Þannig var Siggi. Hann
var í eðli sínu mikið náttúrubarn
og naut þess að vera úti við, jafnan
við einhverja iðju. Og hugvitssam-
ur var hann með afbrigðum. Hann
hafði t.d. komið sér upp og þróað
sérstaka aðferð til að hreinsa berin
og jafnan fann hann einhverja leið
eða tækni til að létta verkin.
Sigurður var jafnaðarmaður að
lífssýn. Réttsýni og jöfnuður voru
honum í blóð borin. Sjálfur hafði
hann alist upp við kröpp kjör og
þekkti harða lífsbaráttu frá unga
aldri. Hann lifði uppgangstíma
jafnaðarmanna í Rauða bænum,
Isafirði og var tíðrætt um baráttu
Alþýðuflokksins við íhaldið í bæn-
um. Mér varð það snemma Ijóst af
samtölum við Sigga hvílíkt feikna-
afl hafði búið í ísfirsku verkafólki á
þeim tíma sem jafnaðarmenn
stjórnuðu bænum.
Sigurður Hjálmar Sigurðsson
var fæddur 13^ apríl 1911 að Garði
í Skötufirði í ísafjarðardjúpi. For-
eldar hans voru Sigurður Gunn-
arsson og Þorbjörg Pálsdóttir.
Hann var yngstur systkina sinna.
Hann flytur sem barn með foreldr-
um sínum að Kleifarkoti í Mjóa-
firði en þar hafði elsta systir hans
sest að. Þar bjó hann til 15 ára ald-
urs er hann fór á sjóinn. 1931 tók
Sigurður vélstjórapróf og gerist
eftir það vélstjóri á Samvinnufé-
lagsbátunum og stundar sjóinn á
þeim fram til 1940 þegar bátur
sem hann er á ferst. Upp úr því
gerist hann landverkamaður.
Lengst af vann Sigurður hjá Olíu-
samlagi útvegsmanna, þar sem
hann var bæði á smurstöð, við út-
keyrslu og afgreiðslustörf. Þegar
Menntaskólinn á ísafirði tók til
starfa 1971 var hann ráðinn hús-
vörður og gegndi því starfi í ára-
tug.
1981 fluttu Siggi og ína að Torfa-
læk 2 til Elínar dóttur sinnar og
tengdasonar sem þar búa miklu
myndarbúi. Þar bjuggu hjónin þar
til fyrir tveimur árum er þau fluttu
á ný til ísafjarðar og settust að i
þjónustuíbúð í dvalarheimili aldr-
aðra, Hlíf 2 í Torfnesi á ísafiröi,
skammt frá heimavist Mennta-
skólans. Við heimsóttum þau
nokkrum sinnum að Torfalæk og
fundum hvað þeim leið vel hjá
fólkinu sínu. Samt sem áður hélt
bærinn milli fjallanna fyrir vestan
áfram að toga í þau og þau fluttu
eins og áður segir vestur aftur þeg-
ar tækifæri gafst.
8. október 1933 gekk Sigurður
að eiga Þorvaldínu Jónasdóttur
frá Sléttu í Sléttuhreppi. Samband
þeirra var alla tíð mjög gott. Þau
áttu fjögur börn og er þeirra elst
Sigurður Gunnars Sigurðsson,
skrifstofustjóri hjá Verkfræðiskrif-
stofu Sigurðar Thoroddsen, eigin-
kona hans er Helga Ketilsdóttir;
Brynjólfur Ingvar Sigurðsson er
prófessor við Háskóla íslands, eig-
inkona hans er Ingibjörg Lára
Hestnes. Elín Sigurlaug Sigurðar-
dóttir búkona er gift Jóhannesi
Torfasyni frá Torfalæk í V-Húna-
vatnssýslu. Yngstur er Þórarinn
Sigurðsson tannlæknir kvæntur
Hildi Káradóttur. Sigurður og ína
áttu 13 barnabörn og 3 barna-
barnabörn.
Sigurður átti við mikil veikindi
að stríða seinni árin. Hann stóð sig
samt sem hetja allt til enda. í sam-
tali við hann fyrir nokkrum mán-
uðum kom fram að áhugi hans á
þjóðmálum og stjórnmálum hélst
leiftrandi.
Nú þegar Sigurður er kvaddur
er okkur efst í huga mikið þakk-
læti fyrir að hafa fengið að kynn-
ast þeim miklu mannkostum sem
hann bjó yfir. Minningin um hann
mun lifa. Allt sem við áttum sam-
an heldur áfram að vera til. Stund-
irnar í dalnum með honum og Inu,
í berjaferðum, ferðalagið á heima-
slóðir hans í Djúpinu, skopskyn
hans og glettni á góðum stundum.
Allt þetta mun lifa. En síðast en
ekki síst minnumst við hlýhugar
hans og mannkærleika, jafnaðar-
stefnu eins og hún best gerist. Fyr-
ir þetta allt þökkum við Sigurði.
Áð lokum viljum við Kara senda
ínu, börnum, skyldfólki og
tengdafólki samúðarkveðjur.
Þráinn Hallgrímsson.
Fyrir aðeins örfáum vikum sat
ég við sjúkrabeð Sigurðar vestur á
ísafirði. Hann lá upp við dogg í
gamla, málaða rúminu, sem hann
hafði deilt með ínu sinni frá
ómunatíð. Myndir af börnum og
barnabörnum upp um alla veggi
báru þeirra samlífi fagurt vitni.
Litla stofan var blómum skrýdd,
ína var nýbúin að eiga afmæli.
Gluggatjöldin bærðust í golunni,
morgunsólin sló birtu á Pollinn,
Siggi var þrotinn að kröftum. ína
vakti yfir hverri hreyfingu, hag-
ræddi tandurhvítum koddanum,
strauk enni hans og brosti. Samt
leyndi áhyggjusvipurinn sér ekki.
En það er stutt í brosið hennar ínu.
Hún reynir alltaf að gera gott úr
öllu, jafnvel þó að hún sjái fyrir
endalokin. Og maðurinn horfði á
hana, fullur þakklætis og aðdáun-
ar, í einni sviphending fannst mér
ég skynja kjarna lífsins; samband
manns og konu, ástina í öllum sín-
um einfaldleik. Siggi og ína sóttust
ekki eftir veraldlegum auði, en
þau áttu þann auð, sem ekkert fær
grandað; Aðdáun og umhyggju
hvort fyrir öðru. Þetta var lær-
dómsríkur og gjafmildur morg-
unn. En þó að Siggi væri sárþjáður
og mætti sig hvergi hræra, lá hann
með eyrað límt við útvarpstækið
og var á sama tíma að lesa leiðara
Alþýðublaðsins. Kosningar fóru í
hönd, og hann mátti engan tíma
missa. Það lá við, að hann risi upp
í rúminu, slíkur var ákafinn, og ég
heyrði, að ekkert hafði farið fram
hjá honum. Hann var enn sami
ástríðupólitíkusinn og ég minntist
frá ísafjarðarárum mínum forðum
daga. Að lokum bað hann mig fyr-
ir kveðju til foringjans og minnti á
þau orð hans, að það væri löngu
tímabært að gefa Framsókn frí.
Og nú hefur Sigurður kvatt
þennan heim. Okkar gamli og
tryggi vinur sem var öll þau ár,
sem við áttum heima á Isafirði,
okkur Jóni Baldvini sem besti fað-
ir. Ekkert nema það besta var
nógu gott fyrir skólameistarahjón-
in. Hann var einn af þessum
mönnum, sem allt lék í höndunum
á. Ef eitthvað bilaði eða bíllinn
brást, var Siggi kallaður til. Sama
hvort það var á nóttu eða degi.
Hann hafði bisað við vélar allt sitt
líf, bæði til sjós og lands. Siguður
var því kjörinn til þess að taka við
ráðsmennsku við Menntaskólann
á ísafirði, þegar þess gerðist þörf.
Hann var eins og kóngur í ríki
sínu. Þar sem þekkingu skóla-
meistarans þraut, tók Sigurður
við, enda jafnan kallaður „annar
meistari". Hann þekkti inniviði
skólahússins, pípur og raflagnir
heimavistar betur en nokkur ann-
ar. í ríki hans var agi og regla,
engu minni en um borð í síðutog-
ara eða bara síldarbát. 011 sín verk
vann hann af alúð og umhyggju-
semi. Hann bar hagsmuni skólans
fyrir brjósti, þótti vænt um nem-
endur, og okkur Jón Baldvin bar
hann á höndum sér. Fyrir allt þetta
erum við honum þakklát. Hefðum
við ekki átt Sigurð að við upp-
byggingu þessa nýja skóla á Isa-
firði, þá hefði skólinn aldrei orðið
það, sem hann var. Ollum eru ein-
hver takmörk sett. Við bætum
hvert annað upp, og hlutur Sigurð-
ar var síst minni en okkar hinna.
Hefðum við ekki notið þekkingar,
krafta og umhyggju Sigurðar,
bæru minningarnar um ísafjarð-
arárin ekki þann Ijóma, sem raun
ber vitni. Elsku ína, þakka þér fyr-
ir allt það góða, sem hann gerði
fyrir okkur.
Bryndís og Jón Baldvin.
DAGSKRÁIN
Sjónvarpið
17.50 Sú kemur tíð 18.20 Birnirnir
þrír 18.50 Táknmálsfréttir 18.55 Fjöl-
skyldulíf 19.20 Hver á að ráða? 19.50
Byssubrandur 20.00 Fréttir og veður
20.35 Neytandinn 21.05 Svaramaður
dryr (2) 22.00 Kastljós 22.30 Stranda
á milli (Coast to Coast) 23.00 Ellefu-
fréttir 23.10 Stranda á milli, frh. 23.20
Dagskrárlok.
Stöð 2
16.45 Nágrannar 17.30 Besta bókin
17.55 Hræðsluköttur 18.15 Krakka-
sport 18.30 Eðaltónar 19.19 19:19
20.10 Neyðarlínan 21.00 Sjónaukinn
21.30 Hunter 22.20 Brögðóttir bur-
geisar (La Misere des Riches)
(6)23.05 Einvalalið (The Right Stuff)
Stranglega bönnuð börnum 02.10
Dagskrárlok.
Rós 1
06.45 Veðurfregnir 07.00 Fréttir
07.03 Morgunþáttur Rásar 1 08.00
Fréttir og Morgunaukí 08.15 Veður-
fregnir 08.30 Fréttayfirlit 09.00 Frétt-
ir 09.03 Laufskálinn 09.45 Laufskála-
sagan 10.00 Fréttir 10.03 Morgun-
leikfimi 10.10 Veðurfregnir 10.20Við
leik og störf 11.00 Fréttir 11.03 Tón-
mál 11.53 Dagbókin 12.00 Fréttayfir-
lit á hádegi 12.01 Endurtekinn morg-
unauki 12.20 Hádegisfréttir 12.45
Veðurfregnir 12.48 Auðlindin 12.55
Dánarfregnir 13.05 í dagsins önn
13.30 Hornsófinn 14.00 Fréttir 14.03
Utvarpssagan: Florence Nightingale
— Hver var hún? 14.30 Miðdegistón-
list 15.00 Fréttir 15.03 Kikt út um kýr-
augað 16.00 Fréttir 16.05 Völuskrín
16.15 Veðurfregnir 16.20 Á förnum
vegi 16.40 Ég man þá tíð 17.00 Fréttir
17.03 Vita skaltu 17.30 Tónlist á síð-
degi 18.00 Fréttir 18.03 Hér og nú
18.18 Að utan 18.30 Auglýsingar
18.45 Veðurfregnir 19.00 Kvöldfréttir
19.35 Kviksjá 19.55 Daglegt mál
20.00 í tónleikasal 21.10 Stundarkorn
í dúr og moll 22.00 Fréttir 22.07 Að
utan 22.15 Veðurfregnir 22.20 Orð
kvöldsins 22.30 Leikrit mánaðarins
23.20 Djassþáttur 24.00 Fréttir 00.10
Tónmál 01.00 Veðurfregnir 01.10
Næturútvarp á báðum rásum til
morguns.
Rás 2
07.03 Morgunútvarpið 08.00 Morg-
unfréttir 09.03 Níu fjögur 10.30
Textagetraun 12.00 Fréttayfirlit og
veður 12.20 Hádegisfréttir 12.45 Níu
fjögur 16.00 Fréttir 16.03 Dagskrá
18.03 Þjóðarsálin 19.00 Kvöldfréttir
19.32 Gullskífan 21.00 Á tónleikum
22.07 Landiðog miðin 00.10 í háttinn
01.00 Næturútvarp á báðum rásum
til morguns.
Bylgjan
07.00 Eiríkur Jónsson 09.00 Páll Þor-
steinsson 11.00 Valdís Gunnarsdóttir
12.00 Hádegisfréttir 14.00 Snorri
Sturluson 17.00 ísland í dag 18.30
Kristófer Helgason 21.00 Góðgangur
22.00 Hafþór Freyr Sigmundsson
23.00 Kvöldsögur 00.00 Hafþór held-
ur áfram 02.00 Þráinn Brjánsson.
Stjarnan
07.00 Ólöf Marín Úlfarsdóttir 10.00
Snorri Sturluson 13.00 Sigurður
Ragnarsson 16.00 Klemens Arnar-
son 19.00 Haraldur Gylfason 20.00
Kvöldtónlistin þín. Páll Sævar Guð-
jónsson 00.00 Næthrafninn. Guð-
laugur Bjarmarz.
Aðalstöðin
07.00 Á besta aldri. Morgunandakt
09.00 Fréttir 09.05 Fram að hádegi
09.20 Heiðar, heilsan og hamingjan
09.30 Heimilispakkinn 10.00 Hver er
þetta? 11.30 Á ferð og flugi 12.00 Á
beinni linu hjá blaðamönnum 13.00
Strætin úti að aka 13.30 Gluggað i
síðdegisblaðið 14.00 Brugðið á leik í
dagsins önn 14.30 Saga dagsins
15.00 Topparnir takast á 16.30 Á
heimleið meö Erlu Friðgeirsdóttur
18.30 Smásaga Aðalstöðvarinnar
19.00 í sveitinni með Erlu Friðgeirs-
dóttur 22.00 Vinafundur 24.00 Dag-
skrárlok.