Alþýðublaðið - 06.07.1993, Side 7

Þriðjudagur 6. júlf 1993
7
+
RAÐAUGLYSINGAR
50 ára
lýðveldishátíð
1994
Á vegum Reykjavíkurborgar hefur verið skipuð fram-
kvæmdanefnd vegna 50 ára lýðveldishátíðar 1994 í
Reykjavík. Nefndin hefur það hlutverk að móta tillögur til
borgaryfirvalda um dagskráratriði á lýðveldisafmælinu og
hafa yfirumsjón með framkvæmd þeirra.
Nefndina skipa: Júlíus Hafstein formaður, Hilmar Guð-
laugsson, Sveinn Andri Sveinsson, Kristrún G. Guðmunds-
dóttir og Ragnheiður Davíðsdóttir.
Landsmönnum gefst kostur á að koma á framfæri tillögum
til nefndarinnar um dagskráratriði eða einstaka viðburði á
hátíðarárinu.
Tillögum skal skila á skrifstofu íþrótta- og tómstundaráðs
Reykjavíkur - Fríkirkjuvegi 11, merkt „Framkvæmd vegna
iýðveldishátíðar11.
Skilafrestur er til 1. september 1993.
STYRKUR TIL
MARKAÐSÁTAKS Á EES
Ríkisstjórnin hefur ákveðið að veita á þessu ári styrki til út-
flytjenda til markaðsátaks á hinu fyrirhugaða Evrópska
efnahagssvæði (EES) og hefur skipað starfshóp á vegum
utanríkisráðuneytisins til að annast úthlutun. Áhersla verð-
ur lögð á að styrkja nýjungar og nýsköpunarstarf.
Um styrki geta sótt fyrirtæki, einstaklingar eða stofnanir.
Umsækjendur skulu leggja fram verkefnisáætlanir ásamt
arðsemis- og kostnaðarútreikningum. Gert er ráð fyrir að
styrkirnir geti að jafnaði numið um þriðjungi af kostnaðar-
áætlun hvers verkefnis, þó aldrei meira en helmingi og ber
umsækjendum að gera grein fyrir því hvernig þeir hyggjast
fjármagna mismuninn.
Utanríkisráðuneytið auglýsir hér með eftir umsóknum um
ofangreinda styrki.
Umsóknarfrestur er til 1. ágúst næstkomandi og umsókn-
um skal skilað til viðskiptaskrifstofu utanríkisráðuneytisins,
Hverfisgötu 115,150 Reykjavík, bréfasími 62-48-78.
Fóstrur
Leikskóli í Hafnarfirði óskar eftir fóstru í fullt starf frá
miðjum ágúst. Önnur uppeldismenntun kemur einnig
til greina.
Upplýsingar gefur Margrét Pála Ólafsdóttir leikskóla-
stjóri í síma 653060 milli kl. 8-9 og 12-13 alla virka
daga.
Félagsmálastjórinn
í Hafnarfirði
/lutjlýííið i
/fífjýðwtííiðmM
SAMBAND UNGRA JAFNAÐARMANNA
ÞÓRSMERKURFERD
HELGINA 9.-11. JÚLÍ
Nú eru öll pláss að fyllast í Þórsmerkurferð ungra jafnaðarmanna. Enn
eru örfá sæti laus, en það verður ekki lengi.
Þessi helgi er ein af stærstu ferðahelgum ársins og vitað er að þúsund-
ir manna munu leggja leið sína f Þórsmörk um þessa helgi. Fjörið verður
magnþrungið!
Haldið verður af stað frá Alþýðuhúsinu í Reykjavík á föstudeginum
klukkan 18:15. Mæting klukkan 18:00.
Verðið er ótrúlega lágt vegna afar hagstæðra samninga við Austurleið
hf., aðeins krónur 3.300.-.
Gist verður í skála Austurleiðar í Húsadal. Þessi staður er eins og marg-
ir vita ótrúlega fallegur enda Þórsmerkursvæðið ein af perlum íslenskrar
náttúru.
Hvað þarf að taka með sér: Sængurfatnað, mat, veigar og góða skapið.
Æ, þið vitið, allt þetta dæmigerða sem fylgir útilegum.
Lysthafendur eru hvattir til að panta hér og nú (og ekki seinna en í gær)
hjá Stefáni Hrafni Hagalín, framkvæmdastjóra SUJ, vs. 625566/29244, hs.
616061, fax. 629244.