Alþýðublaðið - 26.08.1994, Blaðsíða 7

Föstudagur 26. ágúst 1994
MOLAR
ALÞÝÐUBLAÐIÐ 7
Fjórir kúka í
Vesturbæ
Ojbjakk! Þetta voru viðbrögð sundfólks í Vest-
urbœjarlaug uppúr klukkan níu síðastliðið
þriðjudagskvöld þegar uppgötvaðist að kúkur var
í lauginni. Samstundis og kúkurinn fannst voru
allir reknir í sturtu og laugin hreinsuð.
Ólafur Gunnarsson sundlaugarstjóri segir í
DV í gær að svonalagað gerist um það bil fjórum
sinnum á ári og börn séu yfirleitt sökudólgamir.
Sú var að minnsta kosti raunin í þetta skiptið...
Alþýðublaðsmynd / Einar Ólason
Óbreyttir,
særðir, fangar
Yfir eitt þúsund hermenn í Azerbadjan sóttu
nýlega námskeið um mannréttindi og alþjóðlega
sáttmála þar að lútandi sem Alþjóða rauði kross-
inn skipulagði á fremstu vígstöðvum í lok júlí og
byrjun ágúst. Tilgangur námskeiðanna var að út-
skýra fyrir hermönnunum hversu mikilvægt er að
vemda og virða óbreytta borgara, hina særðu og
stríðsfanga. Einsog kunnugt er ríkir mikil ógnar-
öld á þessum slóðum og berast þar stríðsmenn
Azerbadjan, Armeníu og Nagomo-Karabakh á
banaspjót.
„Það er gífurlega mikilvægt að veita tilsögn
sem þessa þar sem meirihluti þeirra sem skráðir
em hermenn í Azerbadjan hefur enga hugmynd
um eitthvað einsog Genfarsáttmálann,“ sagði
Robin de Baere, einn skipuleggjenda nám-
skeiðsins.
De Baere og aðrir starfsmenn Rauða krossins
fóm frá einum hermannabragganum til annars og
afhentu bæklinga og myndir til að útskýra gmnd-
vallaratriði alþjóðlegra mannréttindasáttmála.
Einnig var rætt við hermennina um hvemig þess-
ir sáttmála og lög virka í framkvæmd.
„Margir hermannanna sjá hversu líkar þeirra
eigin venjur og mannréttindalögin þannig að við
ræddum þau mál einnig. En það sem hermenn-
imir hafa langmestar áhyggjumar af, er hvort
námskeið sem þessi verði haldin hjá andstæðing-
um þeirra. Þetta em óþarfar því Rauði krossinn
gerir það“...
Vanmáttugir og
stressaðir Danir
Þóra Elfa Björnsson
skrifar nokkuð fróðlega
grein í síðasta Kennara-
blað. Greinin ber fyrir-
sögnina „Streita algeng
meðal danskra kennara“
og fjallar um viðamikla
rannsókn sem Danir
gerðu á ástandi kennara
í iðn- og tækniskólum. í
grein Þóm Elfu em tald-
ir upp þrír punktar úr rannsókninni:
# Meira en helmingur kennaranna hefur á síð-
asta ári leitað læknis vegna meðferðar eins eða
fleiri sjúkdóma og tíundi hver kennari hefur þurft
meðferð vegna þrauta af völdum streitu. Þetta er
hærra hlutfall en í nokkurri annarri könnun á
þessum þáttum sem stofnunin hefur gert.
# Þriðji hver kennari er haldinn vanmáttartil-
finningu sem kemur meðal annars fram í mjög
dalandi vinnugleði og viðvarandi áhyggjum af að
lenda í aðstæðum sem þeir ráða ekki við.
# Um helmingur kennaranna íhugar af alvöm
að skipta um vinnu og til viðbótar hafa margir
skoðað möguleika á að komast á eftirlaun...
Ljósmynd: Kennarablaðið
Schlegelmilch i
Nýlistasafninu
í Nýlistasafninu næstkomandi sunnudag, 28.
ágúst, klukkan 20:30, verða sýndar nokkrar kvik-
myndir eftir Karolu Schlegelmilch. Karola er
myndlistar- og kvikmyndagerðarkona frá Berlín.
Jafnhliða öðmm listmiðlum hefur hún um fimm
ára skeið unnið að gerð kvikmynda; stuttra til-
raunamyndverka á 16 millimetra filmu sem falla
undir flokk kvikmynda sem lítið hefur sést til hér
á landi - „experimental film“.
Stuttmyndir hennar hafa verið sýndar á fjöl-
mörgum kvikmyndahátíðum og nýjasta mynd
hennar, „Vom Stemechneutzen“, vann tvö al-
þjóðleg verðlaun. í Nýlistasafninu mun Karola
sýna íjórar af sínum þekktari kvikmyndum og
með sýningunni vonast hún til að vekja umræður
um þennan lítt þekkta listmiðil sem er íslending-
um svo framandi.
Karola Schlegelmilch hefur dvalið sem gesta-
listamaður í Listamiðstöðinni í Straumi síðast-
liðna fjóra mánuði en hún er einnig með sýningu
á ljósmyndaverkum sínum í sýningarsalnum
Portinu í Hafnarfirði. Sýningin sú stendur ffam á
sunnudag og er opin alla daga frá klukkan 14:00
til 18:00.
Ljósmyndimar - sem em allar af landslagi -
em teknar í heimsókn listakonunnar til Islands í
fyrra og einnig í Þýskalandi og Sviss. Karola
bregður hér á leik með landslagið og hvemig það
fellur að okkur...
Alþýðublaðsmynd / Einar Ólason
Yfirmannaskipti
hjá Varnarliðinu
Nýr yfirmaður Varnarliðsins mun taka við
embætti við hátíðlega athöfn á Keflavíkurflug-
velli í dag, föstudaginn 26. ágúst. Það er Stanley
W. Briant flotaforingi sem leysir Michael D.
Haskins flotaforingja af hólmi eftir tveggja ára
starf.
Auk starfs síns sem yfirmaður Vamarliðsins
undanfarin tvö ár starfaði Michael D. Haskins í
eftirlitsflugsveit Bandaitkjaflota á íslandi í tví-
gang á öndverðum áttunda áratugnum. Vigdís
Finnbogadóttir, forseti íslands, sæmdi Haskins
flotaforingja stórriddarakrossi með stjömu hinnar
íslensku fálkaorðu í júlí síðastliðnum. Hann tekur
nú við stjóm allra eftirlitsflugsveita bandaríska
flotans á Atlantshafi og hefur aðsetur í Norfolk í
Virginfufylki.
Stanley W. Briant útskrifaðist frá Háskóla
Bandaríkjaflota - U.S. Naval Academy - árið
1969 og hlaut þjálfun sem flugliðsforingi. Ferill
hans hefur að mestu verið á vettvangi sprengju-
flugsveita flotans á flugmóðurskipum og síðast-
liðin tvö ár var hann skipherra á flugmóðurskip-
inu Theodore Roosevelt...
175 þúsund
hraðbankar
Hraðbankar VISA em nú um 175 þúsund í yfir
70 þjóðlöndum og er það víðfeðmasta hrað-
bankanet sem nokkurt kortafyrirtæki býður við-
skiptavinum sínum aðgang að. Handhafar allra
VISA korta - þar meðtaldir handhafar VISA
Electron korta - eiga vísan aðgang að þessurn
hraðbönkunt til að taka út reiðufé á kort sín. Til
að auðvelda upplýsingagjöf til korthafa um stað-
setningu hraðbanka í þeim löndum og borgum
sem þeir eiga leið til, hefur nú verið sett upp full-
komin beinlínuskrá í tölvuneti VISA með ná-
kvæmum nöfnum og heimilisföngum þessara
175 þúsund hraðbanka.
VISA fulltrúar banka og sparisjóða geta leitað
í þessari skrá samkvæmt óskum korthafa og af-
hent þeim útprentaðan lista yfir hraðbanka í þeim
löndum eða borgum sem þeir æskja upplýsinga
urn. Þjónustumiðstöð VISA að Álfabakka 16,
sími 91-671700 eða grænt númer 996717, veitir
einnig sömu upplýsingar. Korthafar á ferðalög-
um erlendis geta yfirleitt fengið upplýsingar á
hótelum hvar næsti hraðbanki er, en ef eitthvað
ber útaf þá gefst jafnan kostur á að hringja „-
collect“ í Vaktþjónustu VISA íslands sem opin
er allan sólarhringinn...
—
Margt á seyði í
Viðey
I tilefni þess að nú er síðasta helgi ljósmynda-
sýningarinnar í Viðeyjarskóla, verður efnt til
Sundbakkadaga á laugardag og sunnudag.
Á laugardag taka Viðeyingar á móti fólki sem
kemur með bátsferðunum klukkan 13:00, 14:00
og 15:00 og ganga með þeim sem þess óska aust-
ur í skólann þai' sem Örlygur Hálfdánarson út-
skýrir sýninguna og gengur með fólki um Sund-
bakkann. Að lokum geta þeir sem vilja notið
kaffiveitinga í Tankinum, vatnsgeymi Milljóna-
félagsins, sem nú er félagsheimili Viðeyinga.
Á sunnudag verður sami hafður á og daginn
tyrir klukkan 13:00 og svo eftir messuna sem
lýkur um klukkan 15:00. Það er séra Hjalti Guð-
mundsson sem messar klukkan 14:00 með að-
stoð organista og kórs Dómkirkjunnar. Sérstök
bátsferð verður með kirkjugesti klukkan 13:30.
Veitingar eru á boðstólum í Viðeyjarstofu alla
daga og hestaleigan starfrækt. Ljósmyndasýning-
in er opin þessa daga klukkan 13:20 til 17:00.
Bátsferðir eru á heila tímanum frá klukkan 13:00
en á hálfa tímanum í land. Síðasta eftirmiðdags-
ferðin í land er klukkan 18:00 og kvöldferðir
hefjast klukkan 19:00...
Alþýðublaðsmynd / Einar Ólason
Mogginn tekur
Díönu á beinið
Alveg hreint kostuleg frétt vakti mesta athygli
á síðum erlendra frétta í Morgunblaðinu í gær.
Umfjöllunarefnið var engin önnur en Díana
prinsessa og annar eins palladómur og þar gaf á
að líta er sjaldgæf sjón í svokölluðum „hörðum
fréttum“ íslenskra ljölmiðla - meira að segja í -
Alþýðublaðinu. Díana fær hér góða hirtingu.
Lítum á skrifin:
stljósinu enn einu sinni beint að Diönu Bretaprinsel
ijgð ein- tgruð o g vinafá Btulrr. Tt» D&ily TclíjrTipli.' JH sljórnmáiaincnn rM- ;r híirkalegft «ð lOgreglu > upplýba ekkl hvaðan Ijöl- fenjfu ujiplýKÍnjfar um nð isar upjihrinjfinpartil ip^ i'j'
„ Sú Díana sem birtist almenningi er hálfgrát-
andi og samanbitin, full tortryggni og sífellt í
baráttu við þá sem hafa virt óskir hennar um —
einkalífað vettugi. Hún virðist einangruð, vinafá
og í vamarstöðu, og því hefur verið haldið fram
að hún sé fómarlamb í samsæris, sem óvinir
hennar í konungshöllinni standi að til að grafa
undan vinsœldum hennar og stöðu. “
Og svo hefur Mogginn eftir dálkahöfundinum
Elizabeth Grice að svör Díönu í tilteknu viðtali
„beri vott um taugaveiklun og afsakanirnar af-
hjúpi innihaldslaust líf...Hún hafi brennt brýrnar
að baki sér, hún geti ekki snúið aftur".
Ja, héma, það væri munur ef við skrifuðum á
svipaðan hátt um íslenskar sviðsljósspersónur og
við gerum um útlenskar; þá væri nú íjör - eða
þannig...
Arkitektar fá
ekki undanþágu
Arkitektum hefur verið bannað að gefa út sam-
eiginlega gjaldskrá, en erindi þar að lútandi var
tekið fyrir hjá Santkeppnisráði á dögunum. Ráð-
ið taldi að arkitektar hefðu ekki sýnt fram á að
sameiginleg gjaldskrá væri nauðsynleg til að
vemda neytendur, lækka verð og bæta þjónust-
una.
I ákvörðunarorðum Samkeppnisráðs segir að „
Arkitektafélag Islands hafi ekki sýnt fram á að
erindi félagsins uppfylli skilyrði 16. greinar sam-
keppnislaga sem sett em fyrir undanþágu frá
bannákvæðum 10., 11. og 12. greina laganna.
„Ekki hefur verið sýnt fram á að hún sé nauð-
synleg til að vemda neytendur, lækka verð eða
auka gæði þeirrar þjónustu sein um er að
ræða.. .Samkeppnisráð telur að undanþága til út-
gáfu á Reglum um störf arkitekta, að því leyti
sem þær em til leiðbeiningar við verðlagningu á
þóknun þeirra, dragi lfemur úr möguleikum á
samkeppni milli arkitekta.. .Samkeppnisráð telur
ekki efni til að veita Arkitektafélagi Islands und-
anþágu frá 10. grein samkeppnislaga. Samkvæmt
því verður hvergi fjallað um þóknun í Reglum
um störf arkitekta, hvorki upphæð þóknunar né
form hennar, segir í úrskurði Samkeppnisráðs.
Reglur um störf arkitekta, sem Arkitektafélag
Islands sótti um undanþágu fyrir, em byggðar á
gjaldskrá félagsins frá 1985 og endurskoðuðum
útgáfum á gjaldskránni. Reglumar em nú, að
sögn Arkitektafélagsins, aðeins hjálpargagn við
að ákvarða endurgjald fyrir arkitektastöif. Reglur
um störf arkitekta tjalla því um mun víðtækara
svið en þóknun arkitekta og em samofnar siða-
reglum félagsins og kveða ekki sfður á um skyld-
ur og ábyrgð arkitekta en réttindi þeirra.
I rökstuðningi Arkitektafélagsins segir að
Reglur um störf arkitekta séu byggðar á áralangri
reynslu af því hvert sé nauðsynlegt starfsframlag
arkitekts við mismunandi verk og hver sé eðlileg
þóknun í samræmi við það. I erindinu segir að
reglumar séu nauðsynleg hjálpartæki til að gera
áætlun sem hægt sé að leggja til gmndvallar við
samningagerð verkkaupa og arkitekts og þjóni
hagsmunum beggja.
Arkitektafélagið telur að arkitektar eigi í ntik-
illi samkeppni bæði innbyrðis og við aðrar stéttir.
Þá telur félagið að aukin samkeppni um verð á
hönnun geti leitt til lakari hönnunarvinnu af hálfu
arkitekta.
Þeir hagsmunaaðilar sem tóku efnislega af-
stöðu til erindisins mæltu með því að erindinu
yrði hafnað