Alþýðublaðið - 21.08.1996, Blaðsíða 8
Miðvikudagur 21. ágúst 1996
Himnniffl
123. tölublað - 77. árgangur
Verð í lausasölu kr. 100 m/vsk
■ Sjónvarpsstöðvarnar bitust um helstu
sjónvarpsstjörnu íslands og RÚV hafði betur.
Jakob Bjarnar Grétarsson talaði við Hemma
Gunn sem meðal annars segir gallsúra sögu
af því þegar hann var búinn að leggja drög að
því að fá Elton John til landsins
Hefði soðið á
fleirum en mér
- segir Hemmi Gunn en
mikil vinna fór í vaskinn
þegar uppgötvaðist að
peningarnir voru búnir á
Sjónvarpinu.
„Það er rétt, ég fékk ágætis tilboð
frá Stöð 2, ekki í fyrsta skipti reyndar,
og var í viðræðum við þá,“ segir Her-
mann Gunnarsson, eða Hemmi Gunn,
í samtali við Alþýðublaðið sem haft
hefur af því spumir að bæði Ríkissjón-
varpið og Stöð 2 vom á höttunum eftir
kröftum hans. Hemmi er reyndar á
samningi við Sýn við að lýsa fótbolta-
leikjum. „Það er nú mest til gamans
gert, ég var að rifja upp boltann og
svoleiðis. Það er tveggja ára samning-
ur og ég held áfram fótboltalýsingum
þar sem frá var horfið í vetur,“ segir
Hemmi. En það breytir ekki því að
landsmenn mega eiga von á því að sjá
Hermann Gunnarsson stjórna
skemmtiþætti á Ríkissjónvarpinu í
vetur á laugardagskvöldum.
Þættir í ætt við Á tali
Hermann er nýkominn til landsins.
„Ég fór til Tælands og var í tvo mán-
uði að gera ferðaþætti. Mér var reynd-
ar boðið þangað: þetta var heilmikil
snobberísferð því ég hitti kónginn og
ráðherra þeirra Tælendinga. Eg sem-
sagt náði samningum við Sveinbjöm
I. Baldvinsson, þáverandi dagskrár-
stjóra Sjónvarpsins, um gerð þáttanna
og þvældist um landið um tveggja
mánaða skeið og við filmuðum og
filmuðum. Myndin er gerð í samvinnu
við Plús film og verður væntanlega
sýnd í mars - það em ekki til peningar
fyrr,“ segir Hemmi en hann er mikill
Tælandsvinur.
En ekki eru þetta skemmtiþœttimir
sem blaðið hefur spumir afað séufyr-
irhugaðir?
„Neinei, vertu rólegur," segir
Hemmi. „Sigurður Valgeirsson, nú-
verandi dagskrárstjóri innlendrar dag-
skrárgerðar, lýsti yfir áhuga á að gera
eitthvað í vetur. Mér skilst að þessi
happdrættisþáttur sem ég stjórnaði
síðastliðinn vetui„hafi farið eitthvað
fyrir brjóstið á útvarpsráði - þátturinn
var auðvitað óbein auglýsing. Það
kemur mér ekkert við, ég var að sjálf-
sögðu bara ráðinn til að sjá um þetta.
Þeir áttuðu sig á því undir vorið, effir
30-40 þætti, að þetta væri kannski
ekki nógu sniðugt en þannig virkar nú
Efstaleitið. Stöð 2 gerði mér tilboð, en
eftir að ég kom að utan heyrðist mér á
þeim að þeir væm ekkert inni á því að
gera þessa þætti sem við höfðum verið
að tala um - það er fjölskyldu- og af-
þreyingarþætti. Þá ákvað ég að vera á
Sjónvarpinu með þessa þætti sem
Siggi bauð mér á laugardagskvöld-
um.“
Bara eins og bóndi í stúdíó
eitt
Hemmi segir þáttinn í mótun á
þessu stigi málsins en það sé ljóst að
hann verði í ætt við þáttinn A tali með
Hemma Gunn. „Þátturinn verður fjöl-
skylduvænn og persónulega þætti mér
upplagt ef það væri einhver þáttur á
borð við Spaugstofuna eða Radíus-
bræður hálfsmánaðarlega á laugar-
dagskvöldum á móti mér í vetur.“
Eins og lög gera ráð fyrir er ekkert
hægt að veiða Hemma um kaup og
kjör en ljóst má vera að eitthvað hefur
kappinn kostað. ,JÉg er ósköp vitlaus í
peningamálum. Arið 1984 byrjaði ég
að starfa sem lausráðinn dagskrár-
gerðarmaður. Ef ég hefði gert þetta al-
mennilega ffá byrjun þyrfti ég líklega
ekki að hafa peningaáhyggjur. Einsog
einhver amerískur útvarpsmaður benti
mér á, hefði ég átt að kaupa útsend-
ingartímann af þeim. Sú hugmynd
skaut að vísu upp kollinum og þeir
tóku ekkert illa í það þá en ég gekk
því miður ekki á eftir því. Þá hefði
þátturinn skilað mér 250 þúsund krón-
Hemmi Gunn: David Letterman sagöi mér að hann hefði verið fullur í
heila viku þegar hann náði 12 prósentum.
um en það er gott að vera vitur eftirá.
Eg hef alltaf verið lélegur í því að
semja fyrir sjálfan mig. Fyrir fjórum
árum fékk ég ágætan mann í þetta fyr-
ir mig og þá náði ég heilsársstarfs-
samningi við Ríkisútvarpið. Eg er
náttúrlega enginn unglingur og þarf að
hafa eitthvað öryggi. Það er þá ekki
sagt við þig: þið bara hættið á morgun.
Þannig hefur þetta alltaf verið rekið,
sem er tóm vitleysa. Eg fékk lögfræð-
ing minn í þetta og hann samdi við
prestinn og þá alla á Sjónvarpinu. Þá
var ég með ákveðna vinnuskyldu;
skila 14-15 þáttum Á tali, sjá um alla
skák, vinna ákveðin verkefni á Rás 2
og sinna markaðsmálum, þannig að
þeir fengu alveg sitt. Ég tók það sam-
an að gamni, og þeir skiluðu einhveij-
um milljónum í hagnað þessir gömlu
Á tali þættir - bara í auglýsingatekjur.
Happ í hendi þættimir, þó þeir væru
kannski ekkert sérstakir, skiluðu síð-
asta vetur 750 þúsundum nettó, pen-
ingar sem sjónvarpið var að fá inn í
hverri viku. Happdrættið borgaði mín
laun, Unnar Steinsson, Egils Eðvarðs-
sonar og annarra aðstandenda."
Nennir ekki að vera reiður
Það hefur borist í löng eyru Al-
þýðublaðsins að slegið hafi í brýnu
milli Hemma og yfirstjórnar Sjón-
varpsins um miðjan apríl. Eftir nokkur
undanbrögð segir Hemmi undan og
ofan af því máli:
„Ja, þannig var að Sveinbjörn
nefndi við mig um síðustu áramót,
hvort ég væri ekki til í að gera tvo
skemmtiþætti fyrir Sjónvarpið. Ein-
hverskonar galaþætti. Annar var hugs-
aður til sýningar á Þorranum og hinn í
sumarbyijun og allt var í þessu fína.
Síðan varð samkomulag um að fella
niður þorraþáttinn vegna bágrar fjár-
hagsstöðu Sjónvarpsins. Ég var þá að
vonast til að fá eitthvað greitt fyrir
ferðaþættina á móti og lét mér hvergi
bregða. Síðan er það uppúr miðjum
maí að mér er tilkynnt að ákveðið
hefði verið að hætta með happdrættis-
þættina en upphaflegi samningurinn
kvað á um að hami yrði á dagskrá út
maí. Það segir sig sjálft að þetta var
talsvert áfall fyrir mig sem ftílansara.
Ég verð að vita eitthvað frammí tím-
ann hvort ég er í vinnu eða ekki.
Jæja, skömmu síðar fer ég á fund
yfirstjómarinnar til að ræða fyrirhug-
aðan sumarþátt. Ég hafði gerst svo
djarfur fyrir rúmum tveimur árum að
fá lista hjá Jakobi Magnússyni í Lond-
on yfir allt þetta fræga fólk í skemmt-
anaheiminum, prívatsíma og svo
framvegis. Mörgum þeirra finnst bara
fyndið að koma hingað og ég hugðist
notfæra mér það. Fyrst hugsaði ég til
Ameríku. Mér var eitt sinn boðið
þangað því menn þar trúðu ekki þess-
um áhorfstölum sem ég var að ná, ein-
hverju sinni fór ég uppí 70 prósent.
Þar hitti ég til dæmis David Letterman
sem hélt að ég væri að gera grín að
sér. Hann sagðist hafa verið fullur í
heila viku þegar hann einhvem tíma
náði 12 prósentum. í kjölfarið spurði
hann mig hvað ég hefði í laun en ég
var nú ekkert að fara út í þá sálma við
hann... Jæja, allt um það. Svo leit ég
til Englands og hafði samband við
ýmsa þar. Paul McCartney sendi
svona nett svar og svo framvegis. Eric
Clapton sendi jákvætt svar og einnig
höfðaði ég til fótboltaáhuga Eltons
John. Hann bað mig endilega að hafa
samband aftur. Honum þótti þetta
sniðugt. Þannig var ég búinn að vinna
í þessu á fullu, skipuleggja þáttinn,
leggja hann upp og leit björtum aug-
um til framkvæmdarinnar. Þá er mér
tjáð að því miður hafi ekki unnist tími
til að segja mér frá því, en nú séu bara
peningamir búnir og þátturinn ekki
lengur á dagskrá!"
Þá hefur nú fokið íHemma?
„Ég hugsa að það hefði soðið á
fleirum en mér undir þessum kring-
umstæðum. Maður vill gera eitthvað
grand, leggur vinnu í það og svo em
bara peningamir búnir. Ég sagði þeim
frá upphafi að það væri ekki um neinn
stórkostnað að ræða, flugfar og hótel
en ekkert umfram það. Það verður að
segjast eins og er að það var ansi
þungt í mér. Þetta er dæmigert fyrir
aðstæður sjálfstæðra verktaka. Ég
hafði hugsað mér að keyra allt á fullu
þann mánuðinn áður en ég færi að
huga að ferðaþáttunum. En svona er
þetta nú. En ég nenni ekki að vera
reiður útí einn eða neinn, ég hef bara
ekki tíma í það. Við Siggi höfum átt
ágætt samstarf, og ég veit að það
stendur allt einsog stafur á bók sem
hann talar um. Ég á ekki von á öðm.
Og þarna á Ríkisjónvarpinu er allt
mitt eftirlætis samstarfsfólk - á okkar
samvinnu hefur ekki fallið skuggi í
áratug. Þar líður mér best og það
vegur þyngra en nokkrar krónur til
eða frá.“ ■
■ íslandsmót í hestaíþróttum
Stórglæsilegt mót
Þátttaka aldrei meiri.
fslandsmótið í hestaíþróttum var
haldið í Mosfellsbæ á dögunum. Þátt-
taka sló öll met, 498 skráningar í 22
greinum, og öll framkvæmd var til
fyrirmyndar í höndum og hófum
hestamannafélagsins Harðar. Sem
dæmi um alþjóðlegan svip hesta-
mennskunnar var heiðursgestur móts-
ins Þjóðverjinn Andreas Trappe,
margfaldur heimsmeistari í reið-
mennsku á íslenskum hestum, fenginn
til þess að afhenda verðlaunin. Andre-
as er reyndar líka félagi í hestamanna-
félaginu Herði og væri óneitanlega
merkilegt að sjá hann skreyta landslið
íslendinga í hestaíþróttum á heims-
leikunum í Noregi að ári.
Forseti íslands, Ólafur Ragnar
Grímsson og frú Guðrún Katrín Þor-
bergsdóttir, heiðruðu einnig mótið
með nærveru sinni og afhenti forset-
inn verðlaun.
Af helstu úrslitum urðu töltúrslitin
óvænt, þegar stjama síðasta landsmóts
Sigurjón Gylfason fer mikinn á
skeiði á Kolbaki.
Sigurður og Prins á flugaskeiði.
Gott töltspor hjá Höskuldi á Þyt.
Myndir: Guðlaugur Tryggvi Karlsson.
Urslitin í tölti urðu óvænt, þar sem
Þórður Þorgeirsson vann á leyni-
vopninu Laufa. Hér lyftir hann bik-
arnum fagnandi, sem heimsmeist-
arinn Andreas Trappe afhenti. Þá
kemur Hafliði á Nælu, Sigurbjörn á
Oddi, Höskuldur á Þyt, Fríða á Hirti
og Bjarni á Eldi.
á Hellu, Þórður Þorgeirsson, Geysisfé-
lagi, sló út Fáksfélagana Hafliða Hall-
dórsson töltmeistara á Nælu og Sigur-
björn Bárðarson íslandsmeistara á
Oddi. Þórður keppti á leynivopninu
Laufa, ungum hesti, og segir niður-
staðan best til um frábæra hæfileika
Þórðar í reiðmennskunni.
Þá var mikil spenna í fimmgangi
þar sem Gustarinn Siguijón Gylfason
á Kolbak ógnaði veldi fslandsmeistar-
ans Sigurbjöms Bárðarsonar á Dyn.
Sigurbjöm náði fyrsta sætinu og varð
íslandsmeistari í samanlögðum úrslit-
um. Sölvi Sigurðsson Harðarfélagi
varð sigurvegari í ungmennaflokki,
Davíð Matthíasson Fáksfélagi sigraði
í unglingaflokki og Viðar Ingólfsson
Fáki sigraði í bamaflokki.
Sigurbjörn Bárðarson á Dyn sigraði
í fimmgangi, en Sigurjón Gylfason
veitti honum harða keppni á Kol-
baki. Þá kemur Sveinn á Bassa,
Sigurður á Prins, Hinrik á Drottn-
ingu og Elsa á Demanti.