Alþýðublaðið - 16.01.1997, Blaðsíða 4

I
4 ALÞÝÐUBLAÐIÐ FIMMTUDAGUR 16. JANÚAR 1997
■ Þing hefst 28. þessa mánaðar en þeir stjórnarþingmenn sem Alþýðublaðið
heyrði í segja af og frá að þeir liggi á meltunni
Þeysum um landid
- segir Árni Johnsen
þingmaður Sjálfstæðis-
flokksins.
„Nú er erum við á þeysingu um
kjördæmin, sinnum fundum og
ýmsum verkum sem er hefðbundið
hvort heldur sem er á þingfunda-
tíma eða ekki. Það er ekkert sér-
stakt prógramm á vegum flokksins,
við erum með fundi ýmist allir eða
sjálfstætt,“ segir Arni Johnsen
þingmaður Sjálfstæðisflokksins en
Alþýðublaðinu lék forvitni á að vita
hvað stjórnarþingmenn væru að
bardúsa nú meðan þinghlé er.
„Þetta er ekkert frí. Þinghlé er
aldrei frí. Allaveganna þekki ég það
ekki frá 12 ára þingmannsferli mín-
um. Það er síður en svo og alltaf
nóg að gera. Það er eins og menn
átti sig ekki á því að þingfundir eru
ekki nema brot af starfi þingmanns-
ins. Hins vegar má segja að þessi
tími er kærkominn. Þá er hægt að
hella sér betur út í annað sem safn-
ast upp.“
Árni var inntur eftir því hvort
stjómarliðar hefðu ekki áhyggjur af
samningamálum en það var ekki að
heyra það lægi þungt á þingmann-
inum. „Maður getur ekkert sagt um
komandi samninga. Maður bara
vonar að þeir verði farsælir. Það
eru auðvitað alltaf einhverjar
áhyggjur - að hlutir fari úr bönd-
um. En allir aðilar eru vel upplýstir
og menn vita betur að hverju þeir
ganga nú en til dæmis fyrir 10 til 15
árum. Menn geta, beggja vegna
borðsins, auðveldlega metið hvað
er raunhæft og á því hafa samning-
ar undanfarinna ára byggst; sameig-
inleg niðurstaða og þekking á
möguleikunum."
Við leggjum heilmikið á
okkur
Alþýðublaðið náði tali af Guðna
Ágústsson, þingmanni Framsóknar-
flokksins þar sem hann var á ferð
um Suðurland með ísólfi Gylfa
Pálmasyni, vini sínum og félaga.
„Við fsólfur erum hér á ferð um
kjördæmi okkar, höldum fundi og
förum á vinnustaði. Þetta er ekkert
Árni Johnsen: Það er eins og menn
átti sig ekki á því að þingfundir eru
ekki nema brot af starfi þing-
mannsins.
Guðni Ágústsson: Fólkið hér á
Suðurlandi veit að minnsta kosti
að ísólfur liggjum ekki á meltunni.
frí, langtífrá. Síðan er mikill fundur
á fimmtudag og föstudag á vegum
flokksins um atvinnu og byggða-
mál,“ segir Guðni og að fríið standi
til þrettándans og síðan ekki söguna
meir.
„Þá tekur við mesta vinna sem
fram fer á árinu. Við leggjum heil-
mikið á okkur og nú eru voðalega
skemmtilegir dagar; þegar við ferð-
umst um kjördæmið og ræðum við
mann og annan. Fólkið hér á Suður-
landi veit að minnsta kosti að ísól-
fur liggjum ekki á meltunni, það
verður þess vart þegar við komum,
leitum hjá því ráða og segjum af
því hvað við erum að basla,“ segir
Guðni en vísaði öllum spurningum
um lausa samninga til ísólfs Gylfa,
„hann svarar öllum flóknum spum-
ingum en ég segi einsog skáldið:
Ég veit hestinn minn traustan,
og mig heimvonin gleður.
Það er bjart fyrir austan,
það er blíðskaparveður.
■ Niðurskurður á framlagi ríkisins til SÁÁ á sama tíma og vímuefnavandinn vex hröðum skrefum
Rukkaðir um milljónir
vegna lifrarbólgurannsókna s
- segir Þórarinn Tyrfings-
son yfirlæknir og formað-
ur SÁÁ
„Með fjárlögum þessa árs fáum
við minna fé til ráðstöfunar en áð-
ur. Nú er Landspítalinn að rukka
okkur um kostnað vegna alnæmis-
og lifrarbólgurannsókna á Vogi.
Þetta er reikningur upp á sjö millj-
ónir króna. Til að mæta þessu var
framlagið til okkar aðeins aukið um
þrjár milljónir króna sem jafngildir
því að það lækki um fjórar milljón-
ir,“ sagði Þórarinn Tyrfingsson
yfirlæknir og formaður SÁÁ í sam-
tali við Alþýðublaðið.
„Árið 1992 voru allir sammála
um að það vantaði talsverðar upp-
hæðir inn í rekstur SÁÁ. Síðan höf-
um við verið að borga með með-
ferðinni af eigin fjármunum í vax-
andi mæli þar sem við höfum ekki
fengið leiðréttingar á eðlilegum
hlutum eins og aukins kostnaðar
vegna lifrarbólgufaraldurs. Umræð-
an um nauðsyn þess að efla baráttu
gegn vímuefnum hefur ekki skilað
sér í verki, að minnsta kosti ekki til
okkar,“ sagði Þórarinn.
í máli Þórarins kom fram að
vímuefnavandi ungs fólks færi hratt
vaxandi. Þessi aukni vandi kæmi
ekki síst fram á meðferðarstofnun-
um SÁÁ. Þar færi fram stærsti hluti
meðferðar- og forvama hér á landi.
„Þörfin er alls staðar fyrir hendi.
Við rekum göngudeild á Akureyri
sem er hin eina sinnar tegundar ut-
an Reykjavíkur. Starfsemi deildar-
innar hefur gefið mjög góða raun
og hefur einnig létt mjög á almenn-
um deildum og geðdeild sjúkra-
hússins þar. Samt fáum við ekki
krónu úr ríkissjóði til að reka deild-
ina þrátt fyrir að leitað hafi verið til
fjárlaganefndar og þingmanna um
þetta mál undanfarin þrjú ár,“ sagði
Þórarinn Tyrfingsson.
Auknar forvamir hafa verið mjög
til umræðu. SÁÁ hefur haft þrjá
starfsmenn í vinnu við forvarnar-
deild samtakanna. Til er sérstakur
forvarnarsjóður sem heilbrigðisráð-
herra ræður yfir og hafði sjóðurinn
30 milljónir króna til ráðstöfunar á
síðasta ári. Þórarinn sagði að SAA
hefði ekki fengið neitt framlag úr
þessum sjóði og kæmi það spánskt
fyrir sjónir.
„Það er óskiljanlegt að öll sú um-
ræða um hinn geigvænlega vímu-
efnavanda sem við er að etja og
embættismenn og stjórnmálamenn
hafa tekið þátt í skuli ekki skila sér
í verki til SÁÁ,“ sagði Þórarinn
Tyrfingsson.