Alþýðublaðið - 18.07.1997, Blaðsíða 3
FÖSTUDAGUR 18. JÚLÍ1997
ALÞÝÐUBLAÐIÐ
3
ÖRSOGUR
Ifyrra vakti ungur rithöfundur,
Bjarni Bjarnason, talsverða at-
hygli með frumraun sinni, en það
var bókin Boðun Maríu. Hún var
gefin út af örforlaginu Ormstungu,
og var meðal annars tilnefnd til
íslensku bókmenntaverðlaun-
anna. Bjarni fékk í framhaldinu
drjúgan styrk til frekari ritstarfa, og
vinnur nú að skáldsögu sem
væntanlega skolar á fjörur les-
enda með jólabókaflóðinu...
Nýjasta tímaritið á markaðnum
er bókmenntaritið Fjölnir. Rit-
stjóri þess er Gunnar Smári Eg-
ilsson, sem stundum er kallaður
Bessastaðaskelfirefíir hinar
frægu bækur háhssem kenndar
eru við bústað forseta Islands, og
birtust auðvitað fyrst í Alþýðu-
Gunnar Smári: Móðgaði
fílabeinsturninn...
blaðinu. Ritinu fylgir hressandi
gustur, enda eiga þar greinar
flestir myndbrjótar íslenska lista-
lífsins, og að auki nokkrir sem
ótilkvaddir hafa tekið að sér hlut-
verk vitsmunaveranna í
mennningarlífi landans. Það er
því að vonum að viðtökurnar hafa
verið með miklum ágætum. Til
marks um það má nefna að í
Bókabúð Máls og Menningar hef-
ur það selst betur en metsöluritið
sem Kristján Þorvaldsson og
Bjarni Brynjólfsson ritstýra undir
heitinu Séð og heyrt...
r
Olgan sem fylgir heimsókn er-
lendra bardagavíkinga á Vik-
ingahátíðina í Hafnarfirði virðist
ná langt inn í bæjarpólitík Gaflara.
Meðan hátiðin var í fullum gangi
þegar hún var haldin í fyrsta sinni
fyrir tveimur árum rofnaði þáver-
andi meirihluti Alþýðubandalags
og Sjálfstæðisflokks við það að
Jóhann Gunnar Bergþórsson
og Ellert Borgar Þorvaldsson
klufu sig frá Sjálfstæðisflokknum
og mynduðu nýjan meirihluta
með Alþýðuflokknum. í þann
mund sem hátíðin hófst í síðustu
viku byrjaði undirgangur á nýjan
leik í meirihlutanum, þegar tveir
bæjarfulltrúar Alþýðuflokksins,
Valgerður Guðmundsdóttir og
Tryggvi Harðarsson lýstu yfir að
það væri óverjandi fyrir flokkinn
að halda samstarfinu við Jóhann
og sveit hans áfram. Fregnir fjöl-
miðla hafa síðan bent til þess að
slit samstarfsins sé óumflýjanlegt.
Á sunnudag var meirihlutinn þó
enn ekki fallinn. Flestir bæjarfull-
trúamir voru þá viðstaddir þegar
Magnus Skaaden, bæjarstjóri
Sveio kommune í Noregi, færði
Hafnfirðingum að gjöf eftirlíkingu
Flókavörðu, sem stendur á
Ryvarden nesi í Sveio. Við það
tækifæri heyrðist oddviti Sjálf-
stæðisflokksins, Magnús Gunn-
arsson, tauta fyrir munni sér: Er
ekki hægt að framlengja hátíðina
í einsog einn dag..?
Auk ritstjórans Gunnars
Smára Egilssonar á Hall-
grfmur Helgason langmest efni í
hinu nýja bókmenntariti, Fjölni.
Hallgrímur er líklega einn þekkt-
asti húmoristi þjóðarinnar í dag
og skrifar enda grein um íslensk-
an húmor í ritið. Hallgrímur er líka
einn efnilegasti rithöfundur lands-
ins, og forlagið sem hann gefur út
hjá er einmitt hið sextuga forlag,
Mál og Menning. Gunnar Smári
lýsti því hinsvegar yfir í fjölmiðlum
að í Fjölni ættu að birtast greinar
sem væru þess eðlis að þær
þættu ekki birtingarhæfar hjá
.Tímariti Máls og Menningar. Eftir
þesa kyrfilegu móðgun hinna nýju
Fjölnismanna gagnvart mógúlum
íslenskrar menningar velta menn
því fyrir sér hvort Hallgrímur vinni
markvisst að því að gefa næstu
bækur sínar út hjá forlagi Gunn-
ars Smára, Dægradvöl ehf...
r ,
Alsafirði er Edinborgarhúsið í
Neðstakaupstað að verða að
menningarsetri bæjarins undir
styrkri stjórn hjónanna Jóns Sig-
urpálssonar og Margrétar
Gunnarsdóttur. Fyrir skömmu
efndu þau til sagnakvclds og
buðu til þess tveimur þekktum
sagnamönnum vestfirskum, sem
báðir hafa látið að sér kveða á
vettvangi stjórnmálanna. Þetta
voru fyrrverandi þingmaður Vest-
firðinga, Matthías Bjarnason og
gamall skólameistari og forseti
bæjarstjómar á ísafirði, Jón
Baldvin Hannibalsson. Matthías
átti ekki heimangengt svo Jón
Jón Baldvin: Sló í gegn á
sagnakvöldi í Edinborgar-
húsinu...
Baldvin sá einn um fjörið og sló í
gegn fyrir troðfullu húsi. Hlátra-
sköllin dundu um Neðstakaup-
stað fram á nótt og mun fyrirhug-
að að endurtaka þessa skemmt-
an í framtíðinni....
r
Ihaust hyggst Ríkissjónvarpið
byrja með morgunsjónvarp.
Mörgum finnst það óðs manns
æði af hinu opinbera að ráðast í
það, og benda á að þegar land-
inn vakni á morgnana láti hann
sér nægja örstutt bað, ristaða
brauðsneið og sé þvínæst rokinn
út eftir korter. Litlar líkur séu því á
að markaður sé fyrir morgunsjón-
varp. Þá benda menn á að einka-
sjónvarpið Stöð tvö hafi athugað
möguleikann til hlítar og talið
hann lítt fýsilegan frá rekstrarlegu
sjónarmiði. Gagnrýnisraddir telja
einnig að fjármununum yrði betur
varið til vandaðrar innlendrar dag-
skrárgerðar. Á æðstu stöðum
RÚV ríki sömuleiðis mikill efi á
því, hvort morgunsjónvarp sé
skynsamlegt. En staðreyndin
mun vera sú, að hugmyndin
kviknaði ekki innan RÚV, heldur
hjá Saga film sem kom með
hana til stjómenda Sjónvarpsins,
og hyggst fjármagna framleiðsl-
una sjálft með auglýsingum.
Kannanir þess benda til að morg-
unsjónvarp sé hægt að reka með
þessum hætti, og meðan umtals-
verðum fjármunum skattborgar-
anna sé ekki hætt muni tilraunin
vera einnar messu virði...
Aðalleikandinn í sögulegasta
leikriti Leikfélags Reykjavíkur
var Viðar Eggertsson, en því
lyktaði með því að hann var rek-
Viðar Eggertsson: Á von á
vænum fúlgum frá LR í
skaðabætur vegna
brottrekstrarins...
inn með pompi og pragt úr stöðu
leikhússtjóra. Síðan hefur honum
gengið allt í haginn meðan eng-
inn endir er á vandræðum Leikfé-
lagsins. Viðar hefur getað moðað
út verkefnum heima og erlendis,
er nýkominn frá Færeyjum og á
leið til Dyflinnar á írlandi þar sem
honum hlotnast sá umdeilanlegi
heiður að leika Drakúla greifa. En
höfundur sögunnar er írskur að
uppruna og leikgerð hennar verð-
ur sett á svið í heimalandi hans í
tilefni af þvi að hundrað ár eru frá
fyrstu útgáfu hennar. Viðar þarf
líklega ekki heldur að kviða pen-
ingaleysi, þvi hann á nú í mála-
ferlum við Leikfélagið vegna brott-
rekstrarins og lagarefir segja
borðleggjandi að hann muni
ganga frá þeim með fjögurra
ára laun upp á vasann...
Einn fárra sem stóð gegnum
þykkt og þunnt með Viðari
Eggertssyni í átökunum innan
Leikfélags Reykjavíkur var einn
vinsælasti leikritahöfundur síð-
ari ára, Kjartan Ragnarsson.
En hann hefur skrifað fleiri met-
sölustykki fyrir Leikfélagið en
nokkur annar, og enginn malað
gull fyrir það af viðlíka þrótti og
Vigdís: Ný leikgerö i sam-
vinnu við Kjartan Ragnars-
son...
hann. Kjartan er nú nýkominn frá
Mexíkó, þar sem hann vann að
þvi að gera leikgerð af einu af
verkum Vigdísar Grímsdóttur.
Þess er von á fjalirnar fyrr en
seinna, og að sjálfsögðu verður
það sett upp í Þjóðleikhúsinu...
Mörgum finnst að eftir að Sig-
urður Valgeirsson varð
dagskrárstjóri Ríkissjónvarpsins
hafi efni þess tekið stakkaskiptum
til hins betra. Kannanir á áhorfi
sýna að í samkeppninni um
áhorfendur hefur RÚV yfirburði
yfir Stöð tvö. Sigurður átti hug-
Sigurður Valgeirsson: Tók
völdin af Svanhildi...
myndina að Dagsljósi, sem er
einn vinsælasti þáttur sjónvarps-
ins, og ætlar nú að gera hlut þess
enn meiri með því að fjölga upp-
tökustjórum og dagskrárgerðar-
mönnum sem vinna við þáttinn. Á
bak við tjöldin er hann orðinn einn
valdamesti maður Sjónvarpsins
og hikar ekki við að beita valdi
sínu. Það kom til dæmis fram
þegar hann þvertók fyrir að birta
tiltekið atriði Radíusbræðra, sem
lyktaði með því að húmoristamir
Davíð Þór Jónsson og Steinn
Ármann hættu störfum hjá Dags-
Ijósi. Hann sýndi einnig völd sín
með áþreifanlegum hætti þegar
hann tók völdin af Svanhiidi
Konráðsdóttur, stjórnanda
Dagsljóss, og ákvað að endur-
nýja ekki samninginn við Kol-
finnu Baldvinsdóttur, þó Svan-
þildur hafi viljað Kolfinnu áfram.
Völd hans minnka ekki með til-
komu morgunsjónvarps RÚV, því
hann hefur ritstjómarvald yfir því
einnig...
erkishjónunum Gylfa Þ.
Gíslasyni og Guðrúnu Vil-
mundardóttur geta nú með
nokkurri ánægju gegnt sæmdar-
heitunum langafi og langamma.
Sonardóttir þeirra, alnafna ömmu
sinnar og dóttir Valgerðar
Gylfi Þ. Gíslason: Orðinn
langafi...
Bjarnadóttur, státar nú af falleg-
um syni. Móðirin og maður henn-
ar Gunnlaugur Stefánsson búa
í Brussel en drengurinn fæddist
þó undir vökulu auga íslenska
heilbrigðiskerfisins fyrir skömmu,
en stjómmálaþátttaka langafans
átti einsog kunnugt er talsverðan
þátt í að koma því til núverandi
vegs...
Bréf Hannesar Hólmsteins
Gissurarsonar, sem birtist í
Alþýðublaðinu á miðvikdag varð
Tómasi Waage yrkisefni. Hann
setti saman eftirfarandi vísur:
Þráhyggjan er þungbært böl
þrúgar guma geð
út þá fer á vonarvöl
vit og viska með
Martröð þetta mikil er
mögnuð upp að meini
Jón Ólafs hann einatt sér
undir hverjum steini
Prófessorsins pynting fer
pínleg verða talin
Hannes anginn Hólmsteinn er
held ég orðinn galinn.
Sigríður Elva Vilhjálms-
dóttir:
Nei.
Þorbjörg Halldórsdóttir:
Nei.
Merja Valinaki frá Finn-
landi:
Nei.
Elvi Hakila frá Finnlandi:
Nei.
Brigitte og Edourard
Hubert frá Frakklandi:
Ekki ennþá. Við vorum að
koma í gær og erum á leið-
inni.
v i t i m c n n
Með auknu safnaðarstarfi hef-
ur myndast gjá milli presta og
safnaðar og þess hefur bisk-
upinn goldið.
Séra Sigurður Haukur Guðjónsson fyrrver-
andi sóknarprestur í Degi-Tímanum.
Ef maðurinn er laminn daginn
fyrir yfirheyrslu og ef að formi
er hægt að kalla það agaviður-
lög þá skiptir það ekki máli.
Ragnar Aðalsteinsson skipaður lögmaður
Sævars Ciesielskis f DT.
Ég tel að skilgreina eigi mark-
mið í velferðarmálum, þannig
að við hjálpum þeim sem
virkilega þurfa.
Orri Hauksson aðstoðarmaður forsætis-
ráðherra í Degi-Tímanum.
Það höfum við oftar en ekki
verið mjög ósáttir við.
Sævar Gunnarsson formaður Sjómanna-
sambandsins segir í Mogga að sjómenn
vilji oft gleymast þegar vinnutímatilskipanir
eru til umræðu.
Og það er fjarska mikilvægt að
verða ekki þeirri blekkingu að
bráð að ætli maður sér að
teljast „raunsær" og „ábyrg-
ur“ verði maður að einblína á
efnahagspólitfk og hagsmuna-
gæslu hér og nú og megi ekki
leyfa sér að eitthvert huglægt
dútl á borð við skrif um „sið-
ferðilegan veruleika".
Hugmyndir Václavs Hvaels með orðum
Kristjáns G. Arngrímssonar í Mogga.
Menntamönnum, eins og öðru
fóiki, hættir til þeirrar þröng-
sýni að gera sér ekki grein
fyrir eigin takmörkunum og
hafa ekki hugmynd um hversu
aigerlega þá skortir ímyndun-
arafl.
Havel og KGA aftur í Mogga.
Reyndar er það löngu vitað að
hvergi hefir íslensk menning
staðið með meiri blóma en í
snjóþungum sveitum innundir
hálendinu og þar sem frost og
fannkyngi ríkir á vetrum en
heiðríkja á sumrum.
Árni Gunnarsson framsóknarmaður og
fyrrum bóndi I Skagafirði í Morgunblaðinu.
Það ætti að vera deginum
Ijósara, hvílíkt ófremdará-
stand ríkir nú bæði í mennta-
málum og heilbrigðis- og
tryggingarmálum á íslandi,
enda berast látlaust fréttir af
þeirri neyð, sem hrjáir skóla
og sjúkrahús um allt land.
Þorvaldur Gylfason í Mogga.
Ef sannleiksást og þekkingar-
leit væru leiðarljós blaða-
mannsins, sem skrifaði þessa
grein, hefði hann hlustað bet-
ur á það sem ég var að reyna
að segja honum þegar hann
hringdi og t.d. ekki í forherð-
ingu gert mér orð úr samhengi
tekin t.d. þau að „gengi ís-
lensku krónunnar sé rangt
skráð“, enda ætla ég mér ekki
að vera sérfræðingur á því
sviði.
Pétur Þ. Pétursson hjá Lyst hf. í Mogga.
Dýr var Big Mac hamborgarinn allur.
Hræddur um að missa kúnann út til
London?
Kastaðu ekki steini í lindina setn
þú drekkur úr.
Hóras.