Alþýðublaðið - 02.10.1998, Qupperneq 1

Stjórnmálaályktun 49. flokksþings Alþýöuflokksins — Jafnaðarmannaflokks íslands:
Jafnaöarstefnan verði lögð til
grundvallar við stefnumotun
Sighvatur Björgvinsson formaður Alþýðuflokksins flytur setningarræðu sína á 49.flokksþinginu.
Alþýðuflokkurinn — Jafnaðarmanna-
flokkur íslands heldur 49. þing sitt við ein-
stakar aðstæður. Stutt er til kosninga og
framundan eru nýir tímar í íslenskum
stjórnmáium þar sem sameinað framboð
Alþýðuflokks, Alþýðubandalags, Samtaka
um kvennalista og fleiri, býðst til að taka
forystu. Á tímum örra breytinga við upphaf
nýrrar aldar er nauðsynlegt að jafnaðar-
stefnan sé lögð til grundvallar við stefnu-
mótun í samfélagi okkar. Því vill flokks-
þingið árétta þær áherslur sem jafnaðar-
menn telja mikilvægastar við nýsköpun ís-
lenskra stjórnmála.
Þannig segir m.a. í viðamikilli stjómmála-
ályktun 49. flokksþings Alþýðuflokksins. Og
enn fremur segir.: „Alþýðuflokkurinn - jafnaðar-
mannaflokkur Islands vill að mörkuð verði
heildstæð auðlindastefna sem tryggi sameigin-
lega eign þjóðarinnar á náttúruauðlindum íslands
og skynsamlega nýtingu þeirra. Jafnaðarmenn
telja að gjald eigi að koma fyrir afnot sameigin-
legra auðlinda. Þegar aðgangur að auðlind í eigu
þjóðarinnar er takmarkaður er það réttlætismál
að greitt sé fyrir nýtingarréttinn.
Greitt verði fyrir aðgang að auð-
lindum í sameign þjóðarinnar...
Sjávarútvegur hefur verið og er enn helsti út-
flutningsatvinnuvegur þjóðarinnar. Auka þarf
samkeppni innan sjávarútvegsins til að nýir aðil-
ar geti haslað sér völl, fyrirtæki og landshlutar
standi jafnfætis og hæfni til að gera út og vinna
aflann fái notið sín. Jafnaðarmenn vilja bæta
starfsumhverfi fiskvinnslunnar, ekki síst þeirrar
sem er án útgerðar, en þar er að finna mikilvæga
frumkvöðla við nýtingu og sölu sjávarafurða.
Með skynsamlegu stjómkerfi veiðanna, veiði-
leyfagjaldi og verðmyndun á afla á fiskmarkaði
vilja jafnaðarmenn tryggja að sem mestur af-
rakstur verði af nýtingu sjávarauðlindarinnar og
að landsmenn allir njóti hans bæði með beinum
og óbeinum hætti. Sama meginregla á að gilda
við nýtingu annarra auðlinda, svo sem gufu og
vatnsorku. Sú fákeppni sem nú er á þeim mark-
aði þarf á næstu áruni að víkja fyrir aukinni sam-
keppni.
Sjálfbæra þróun og virðingu fyrir
umhverfinu að leiðarljósi
Við skipulag umhverfis vilja jafnaðarmenn
tryggja almannarétt og sjálfbæra nýtingu auð-
linda og vemd einstæðrar náttúm landsins. Taka
ber upp græna mælikvarða á öllum sviðum þjóð-
lífsins. Markvisst verður að vinna að endurheimt
landgæða og nýjar framkvæmdir þarf að meta út
frá áhrifum á umhverfi og landgæði. Jafnaðar-
menn vilja að íslendingar axli ábyrgð í umhverf-
ismálum og standi við alþjóðlegar skuldbinding-
ar sínar. Islendingar eiga að staðfesta Kyoto-bók-
unina enda við það miðað að dregið verði mark-
visst úr umhverfismengun og gripið til annarra
þeirra ráðstafana sem tryggt geti eðlilega fram-
þróun í orkunýtingu og iðnaðaruppbyggingu.
Jafnaðarmenn vilja að stuðningur við landbún-
að stuðli að aukinni hagkvæmni og stækkun búa
svo hafa megi af þeim lífvænlega afkomu. Auk-
ið frjálsræði í framleiðslu og markaðssetningu á
að skapa bændum skilyrði til að þróa atvinnu-
greinina og tryggja afkomu sína. Marka verður
skýra stefnu í gróður-og jarðvegsvernd og styðja
við þróun vist-og lffræns landbúnaðar."
Lífeyrisþegar njóti afkomuöryggis
„Vel uppbyggt og öruggt heilbrigðiskerfi er
grundvallarþjónusta sem tryggja ber öllum
landsmönnum óháð búsetu, efnahag eða félags-
legum aðstæðum. Það óöryggi sem sjúklingar
hafa mátt búa við undanfarið og stefnuleysi í rek-
stri grefur undan heilbrigðiskerfinu. Til að unnt
sé að samþætta heilbrigðisþjónustu annarri þjón-
ustu þegar það á við er nauðsynlegt að áform um
að sveitarfélögin yfirtaki rekstur heilsugæslunn-
ar nái sem fyrst fram að ganga.
Öll njótum við einhvemtíma aðstoðar eða
stuðnings velferðarkerfisins. Öryggisnetið þarf
að vera þétt og endurspegla samábyrgð. Jafnað-
amienn leggja áherslu á að þeir sem hverju sinni
njóta velferðarþjónustu fái haldið virðingu sinni
og reisn. Tryggt verði að tekjur maka skerði ekki
tekjutryggingu lífeyrisþega. Jaðaráhrif skatt-
kerfisins em orðin fátæktargildra fyrir marga.
Með breytingum á skattakerfinu þarf einkum að
bæta stöðu bamafólks og öryrkja. Unnið verði
markvisst að upprætingu skattsvika. Jafnaðar-
menn vilja að almannatryggingakerfið verði end-
urskoðað frá grunni með það fyrir augum að
skýra meginreglur og tryggja jafnan rétt. Jafnað-
armenn vilja að landsmenn búi við samræmt líf-
eyriskerfi. „
Það má ráða nokkuð frekar í innihald ályktun-
arinnar af kaflafyrirsögnum hennar:
Þekking og menntunarstig..., ...samgöngur og
nýting samskiptatœkni..., ... munu ráða úrslitum
í samkeppni þjóða á komandi árum, AJiwm ein-
okunar og forréttinda hinna fáu.........en al-
mannahagur tryggður, Fjölskyldan verði traust-
ur bakhjarl.....sem stœrri og öflugri sveitarfé-
lög veita þjónustu, Menningin er hornsteinn
sjálfstœðisins.....mannréttindi hornsteinn lýð-
rœðisins , Fullvalda þjóð með skyldur og rétt-
indi....f víðtæku alþjóðlegu samstarfi.
Stjómmálaályktunin er birt í heild sinni með
öðrum gögnum frá þinginu á heimasíðu Alþýðu-
flokksins með veffanginu:
http:///www.jafnadarmenn.is.