Morgunblaðið - 02.02.2001, Blaðsíða 7

sitja saman til borðs við morgunverð,
hádegisverð og eftirmiðdagskaffi alla
virka daga. Að loknum málsverði
stóðu allir upp, tókust í hendur og
mynduðu hring í matsalnum og frú
Margrét sagði: „Verði ykkur að góðu“
og stúlkurnar þökkuðu fyrir matinn í
einum kór. Þetta er samkvæmt gam-
alli hefð og kvaðst skólastjórinn
leggja áherslu á að halda í gamlar
hefðir eftir því sem mögulegt væri.
Auðvitað breyttist tíðarandinn og ein-
hverju væri hnikað til í samræmi við
það, en borðsiðirnir væru enn í fullu
gildi. Þegar stelpurnar í matreiðslu-
hópnum höfðu gengið frá í eldhúsinu
og matsalnum eftir hádegisverðinn
fóru þær í prjónatíma og sátu við þá
iðju það sem eftir lifði skóladagsins.
Fyrr um morguninn höfðu þær verið í
tíma í vörufræði hjá Margréti skóla-
stjóra, en hún kennir einnig næring-
arfræði, neytendafræði og ræstingu.
Auk hennar og Benediktu matreiðslu-
kennara kennir Helga K. Friðriks-
dóttir handavinnu og Edda Guð-
mundsdóttir kennir vefnað.
Skólareglur eru skýrar og byggjast
sumar á gömlum hefðum. Lögð er
áhersla á góða umgengni og virðingu
fyrir eigum skólans innan dyra sem
utan. Nemendur eiga einnig að vera
hirðusamir um eigur sínar og ekki
láta þær liggja á glámbekk um allt
hús. Reykingar eru ekki leyfðar í
skólanum og áfengisneysla er bönnuð
bæði innan dyra og á lóð skólans. Og
húsið skal ávallt vera læst.
Það er líka hefð fyrir því að halda
veislur fyrir foreldra nemenda og eru
„foreldraboðin“ tvö á hverri önn. Hið
fyrra er haldið um það leyti sem mat-
reiðsluhópur og handavinnuhópur
skipta um hlutverk í lok febrúar, en
hið seinna er haldið undir lok annar-
innar. Ekki þarf að taka það fram að
hússtjórnarnemarnir annast sjálfir
matseldina og allan undirbúning fyrir
þessar veislur.
Ekki síður fyrir stráka
Upp úr 1970 áttu sér stað miklar
breytingar á skólakerfinu og mögu-
leikar til náms urðu meiri. Tíðarand-
inn var orðinn annar og viðhorf
breytt. Húsmæðraskólar duttu úr
tísku, ef svo má að orði komast. Það
var því við ramman reip að draga hjá
Húsmæðraskóla Reykjavíkur á þess-
um árum. Árið 1975 voru sett ný lög
um hússtjórnarskóla sem kváðu á um
að þeir skyldu vera ríkisskólar og
kostaðir að fullu af ríkissjóði, að því
tilskildu að 36–40 nemendur stund-
uðu þar nám. Í framhaldi af þessari
lagasetningu var nafni Húsmæðra-
skóla Reykjavíkur breytt í Hússtjórn-
arskóla Reykjavíkur. Ákveðið var að
breyta kennslufyrirkomulaginu, sem
meðal annars fól í sér að námið var
stytt úr einum vetri í hálfan, auk þess
sem efnt var til styttri námskeiða.
Eftir að hafa kynnt sér starfsemi
skólans er greinarhöfundur sann-
færður um að hér sé um hagnýtt nám
að ræða sem geti komið sér vel í fram-
tíðinni fyrir alla, hvar svo sem þeir
hyggjast hasla sér völl í atvinnulífinu.
Og það er deginum ljósara að þetta
nám er ekki síður fyrir karlpeninginn.
Þarna læra menn til dæmis að pressa
buxur, strauja skyrtur og bursta skó,
sem er hverjum karlmanni nauðsyn-
legt að kunna, svo ekki sé talað um að
fægja silfur, sem í rauninni er ekki
síður karlmannsverk eins og þeir vita
sem reynt hafa. Og í ræstingatímun-
um læra nemendur ekki bara að sópa
gólf og þurrka af, heldur einnig að þvo
glugga og þrífa salerni svo fátt eitt sé
nefnt.
Aðeins þrír karlmenn hafa lokið
námi frá skólanum á seinni árum og
allir voru þeir með stúdentspróf þeg-
ar þeir hófu hússtjórnarnámið. Einn
þeirra stundar nú myndlistarnám,
annar er líffræðingur og sá þriðji fór í
Hústjórnarskólann á meðan hann var
að bíða eftir því að komast í atvinnu-
flugmannsnám. Að sögn kennaranna
stóðu þessir piltar sig allir með mikl-
um ágætum og gáfu stelpunum ekk-
ert eftir, hvort heldur um var að ræða
matreiðslu, vefnað, útsaum eða ræst-
ingu.
Námsmeyjar í Hússtjórnarskóla
Reykjavíkur eru líka afar ánægðar
með dvöl sína þar. „Mig langaði til að
fara í þetta nám og sé ekki eftir því.
Þetta er rosalega gaman,“ sagði Elsa
Sigurðardóttir úr Reykjavík. Hún
stefnir á framhaldsskólanám í haust.
Katrín Dröfn Guðmundsdóttir úr
Reykjavík kvaðst hafa farið í Hús-
stjórnarskólann af því hún taldi nám-
ið áhugavert og skemmtilegt. „Það á
örugglega eftir að koma sér vel í
framtíðinni,“ sagði hún. Hún ætlar
líka að halda áfram framhaldsskóla-
náminu næsta haust og þá reynslunni
ríkari á sviði heimilisstarfa.
Agnes Hilmarsdóttir er stúdent frá
Verkmenntaskólanum á Akureyri og
ákvað að fara í Hússtjórnarskólann á
meðan hún er að hugsa sig um hvað
hún ætlar að taka sér fyrir hendur að
því loknu. Hún er líka mjög ánægð í
skólanum.
Æsa Bjarnadóttir frá Reykjavík
var húsmóðir á daginn og í vinnu á
kvöldin áður en hún hóf nám í Hús-
stjórnarskólanum. „Ég ákvað bara að
læra heimilisstörfin almennilega. Í
náminu er farið yfir allt sem viðkemur
húsverkum og það hefur komið í ljós
að ýmislegt sem ég taldi mig kunna á
því sviði er hægt að gera betur,“ sagði
hún og lætur vel af dvöl sinni í skól-
anum.
Drífa Björk Kristjánsdóttir frá Sel-
fossi sagði að sig hefði lengi langað til
að fara í þennan skóla og hún hringdi
á miðvikudegi til að leita upplýsinga.
Daginn eftir var hún komin suður og
byrjuð í skólanum. „Margrét var svo
sannfærandi í símanum að ég pakkaði
bara niður samdægurs. Svo er ég
ófrísk þannig að það kemur sér vel að
vera hérna á meðan ég bíð eftir
barninu. Það er alveg meiriháttar að
vera hérna, góður andi í hópnum og
ég er viss um að hópurinn á eftir að
halda saman lengi eftir að náminu
lýkur.“
Guðrún Sigurlín Ólafsdóttir frá
Reykjavík sagði að námið í Hús-
stjórnarskólanum væri mjög
skemmtilegt. „Ég mun aldrei sjá eftir
að hafa farið út í þetta. Ég hlakka allt-
af til að koma í skólann á morgnana
og vil helst ekki hætta þegar skólan-
um lýkur á daginn. Öll fögin eru
skemmtileg og ég held að allir hefðu
gott af því að læra þetta. Ég á örugg-
lega eftir að sakna skólans þegar ég
fer héðan.“
Slíkur vitnisburður nemenda er
vissulega ekki amalegur fyrir Hús-
stjórnarskóla Reykjavíkur og segir í
rauninni allt sem segja þarf.
5
6
DAGLEGT LÍF
MORGUNBLAÐIÐ FÖSTUDAGUR 2. FEBRÚAR 2001 D 7
Nýju vörurnar komnar
Í einu orði sagt yndislegar!
og Laugavegi 4
HÉR á árum áður voru allir nem-
endur Hússtjórnarskólans, sem þá
hét reyndar Húsmæðraskólinn í
Reykjavík, á heimavist hvort sem
þeir voru Reykvíkingar eða utan
af landi. Það þótti sjálfsagður hluti
af náminu og hafði í för með sér
að nemendur þurftu að temja sér
ákveðinn sjálfsaga. Ennfremur
ríkti jafnan sérstakur andi á
heimavistinni, sem talið var að
nemendur hefðu gott af að kynn-
ast.
Í Hússtjórnarskólanum er enn
boðið upp á heimavist, en það er
ekki skylda og aðeins fyrir þá sem
þess óska, sem eru oftast nem-
endur utan af landi. Soffía Anna
Sveinsdóttir og Gunnhildur Árna-
dóttir eru í hópi námsmeyja sem
búa á heimavistinni. Þær eru báð-
ar búsettar úti á landi, Soffía Anna
er frá Egilsstöðum og býr á Sel-
fossi og Gunnhildur er frá Hvera-
gerði. Þeim finnst vistin góð í Hús-
stjórnarskólanum og kunna vel við
sig þarna á efstu hæðinni á Sól-
vallagötunni. Soffía Anna var í
Fjölbrautaskóla Suðurlands og
ákvað að taka hlé á náminu þar en
byrja jafnvel aftur í haust. Hið
sama má segja um Gunnhildi sem
er í Kvennaskólanum og ætlar að
halda þar áfram í haust. „Ég ætl-
aði hvort sem er að fara í þetta
hússtjórnarnám eftir stúdentspróf,
en ákvað að gera það bara núna út
af kennaraverkfallinu,“ sagði hún.
Þeim bar saman um að það væri
„æðislega gaman á heimavistinni“,
eins og þær orðuðu það, og töldu
það af hinu góða að læra að sjá
um sig sjálfar. Þær sögðu að
ákveðnar reglur giltu á heimavist-
inni. Til dæmis á að vera komin á
kyrrð og ró í húsinu klukkan 23 á
hverju kvöldi, jafnt um helgar sem
virka daga. „Við erum allar með
lykla og megum vera úti lengur,
en þá þurfum við að gera grein
fyrir því í sérstakri bók sem er
niðri í anddyri,“ sögðu þær. Gestir
eiga ennfremur að vera farnir úr
húsinu klukkan 23:00 á kvöldin og
engir gestir mega dvelja á heima-
vistinni meðan á kennslu stendur.
Að vísu er hægt að fá undanþágu
frá þessari reglu, til dæmis ef um
eiginmann eða fastan kærasta er
að ræða, en þá verða vistmenn líka
að færa sönnur á að svo sé. Soffía
Anna og Gunnhildur sögðu að ekki
hefði reynt á þetta í þeirra tilfelli.
Reykingar og áfengisneysla er að
sjálfsögðu bannað og eins meðferð
eldfæra, þar á meðal notkun kerta.
Vistmenn á heimavistinni mega
því ekki halda „partý“ á nóttunni,
eins og tíðkast víða í heimahúsum
hér á landi um helgar.
Þær Soffía Anna og Gunnhildur
voru sammála um að samvinnan
við „Heiðu húsvörð“ væri góð, en
hún býr í húsinu og hefur vakandi
auga með því að öllum reglum sé
hlítt.
Morgunblaðið/Jim Smart
Soffía Anna og Gunnhildur eru hæstánægðar á heimavistinni.
Sjálfsagi
á heimavist
1. Matreiðsla er snar þáttur
í náminu. Hér er verið að
setja aðalrétt dagsins í
ofn.
2. Í vefstofunni.
3. Kartöfluflysjun í fullum
gangi.
4. Haldið í gamlar hefðir.
Námsmeyjar, ásamt frú
Margréti, þakka fyrir
matinn í lok borðhalds-
ins.
5. Benedikta G. Waage,
matreiðslukennari, gefur
góð ráð. Námsmeyjarnar
eru frá vinstri: Katrín
Dröfn Guðmundsdóttir,
Drífa Björk Kristjáns-
dóttir, Elsa Sigurð-
ardóttir og Guðrún Sig-
urlín Ólafsdóttir.
6. Í vistlegri setustofunni
og víðar í húsinu má sjá
málverk eftir marga
þekktustu listamenn
þjóðarinnar á veggjum.
Eins og
eitt stórt
heimili