Morgunblaðið - 06.02.2001, Qupperneq 9

KNATTSPYRNA
MORGUNBLAÐIÐ ÞRIÐJUDAGUR 6. FEBRÚAR 2001 B 9
Marseille
vill fá Eið
Smára
ENSK blöð skýra frá því
um helgina að franska lið-
ið Marseille hafi mikinn
áhuga á að fá Eið Smára
Guðjohnsen í sínar raðir.
Fregnir herma að for-
ráðamenn Marseille hafi
fylgst með Eiði um hríð
og séu að undirbúa tilboð
upp á um 8 milljónir
punda sem samsvarar um
990 milljónum króna.
Leikmannamarkaðurinn
er lokaður í Frakklandi
svo ef að kaupunum yrði
gæti Eiður ekki farið til
Marseille fyrr en eftir
tímabilið.
Ólíklegt þykir að Chel-
sea taki væntanlegu til-
boði frá Frökkunum enda
líta forráðamenn Lund-
únaliðsins á Íslendinginn
sem framtíðarmann hjá
félaginu. Marseille er
gamalt stórveldi sem
hampaði Evrópumeist-
aratitlinum fyrir um ára-
tug. Heldur hefur hallað
undan fæti hjá liðinu á
undanförnum árum – liðið
er í 14. sæti af átján liðum
í 1. deildinni.
FÓLK

GUÐNI Bergsson lék allan leikinn í
vörn Bolton sem gerði 1:1 jafntefli
gegn QPR í 1. deildinni. Bolton lék
manni færri í 72 mínútur eftir að
markverðinum Steve Banks var vikið
af velli. Daninn Per Frandsen tryggði
Bolton annað stigið en hann jafnaði
metin þremur mínútum fyrir leikslok.

BJARKI Gunnlaugsson lék síðustu
sex mínúturnar í liði Preston sem
sigraði Portsmouth á útivelli, 1:0.

HEIÐAR Helguson lék allan leik-
inn í framlínu Watford sem vann góð-
an útisigur á Sheffield Wednesday,
3:2. Heiðar var ekki á meðal marka-
skorara en hann nældi sé í gult
spjald.

LÁRUS Orri Sigurðsson var ekki í
leikmannahópi WBA sem gerði 2:2
jafntefli gegn Crystal Palace eftir að
hafa lent 2:0 undir.

ÓLAFUR Gottskálksson og Ívar
Ingimarsson léku báðir allan tímann
með Brentford sem gerði markalaust
jafntefli á útivelli gegn Wygombe í 2.
deildinni..

BJARNÓLFUR Lárusson og sam-
herjar hans í Scunthorpe fengu háð-
uglega útreið gegn Blackpool í 3.
deildinni en úrslit leiksins urðu, 6:0.
Bjarnólfur lék allan leikinn.

TONY Adams og Ray Parlour leik-
menn Arsenal verða báðir í leikbanni
þegar Arsenal tekur á móti Chelsea í
5. umferð bikarkeppninnar. Þeir
fengu báðir að líta gula spaldið gegn
Coventry um helgina sem var þeirra
fimmta spjald.

HENRIK Larsson heldur upptekn-
um hætti með liði Celtic í skosku úr-
valsdeildinni en þessi frábæri fram-
herji skoraði öll þrjú mörk sinna
manna sem lögðu Hearts á útivelli.
Larsson hefur þar með skorað 36
mörk á leiktíðinni.

NORSKI framherjinn Egil Osten-
stad er kominn til Manchester City
en Joe Royle, stjóri City, hefur gert
tveggja mánaða lánssamning við
Blackburn liðið sem Ostenstad er á
mála hjá.

HARRY Redknapp, stjóri West
Ham, mun á næstu dögum skrifa
undir nýjan samning við félagið sem
gildir til ársins 2005. Eftir þann tíma
ætlar Redknapp að hætta knatt-
spyrnustjórastörfum en hann hefur
unnið gott starf hjá Lundúnaliðinu.
Andy Cole hélt upp á nýjan fjög-urra ára samning við Man-
chester United með því að tryggja
sínum mönnum sigurinn gegn Ever-
ton á Old Trafford. Eins og í leikn-
um gegn Sunderland í síðustu viku
þá skoraði Cole eina mark leiksins,
sem þótti ekki góður, en eins og
stundum áður þá hafði United
meistaraheppnina með sér. Alex
Ferguson hvíldi fyrirliðann, Roy
Keane, og Ryan Giggs lék aðeins
seinni hálfleikinn og David Beck-
ham fékk að hvíla síðustu 20 mín-
úturnar.
„Þetta var lélegur leikur af okkar
hálfu og við þurfum að hafa heppn-
ina með okkur til að vinna,“ sagði
Alex Ferguson eftir leikinn.
„Ég er vonsvikinn með þessi úr-
slit því mér fannst við vera sterkari
aðilinn,“ sagði Walter Smith, stjóri
Everton, eftir leikinn. United-menn
urðu fyrir áfalli því Paul Scholes fór
meiddur af velli og er óvíst hvort
hann geti leikið gegn Valencia í
meistaradeildinni 14. febrúar.
Fowler kominn á skrið
West Ham, sem ekki hefur unnið
Liverpool á Anfield Road í 38 ár, réð
ekkert við Robbie Fowler en þessi
snjalli framherji er heldur betur að
vakna til lífsins. Fowler var allt í öllu
í sóknarleik Liverpool. Hann skor-
aði tvö mörk og ef ekki hefði komið
til frábær markvarsla Craig Forrest
í marki West Ham þá hefði Fowler
skorað fleiri mörk.
„Þetta er það besta sem ég hef
séð til Robbie í langan tíma og það
er mjög ánægjulegt að hann sé að
komast í sitt gamla form,“ sagði
Gerard Houllier, stjóri Liverpool.
„Liverpool var miklu betri aðilinn.
Það var eins og mínir menn væru
þreyttir enda kannski engin furða
eftir þrjá erfiða leiki á einni viku,“
sagði Harry Redknapp, stjóri West
Ham, sem var án Ítalans Paolo Di
Canio.
Langþráður útisigur Arsenal
Arsenal vann sinn fyrsta útisigur í
þrjá mánuði þegar liðið lagði Cov-
entry, 1:0. Dennis Bergkamp skor-
aði sigurmarkið með skalla skömmu
fyrir leikslok og var þetta fyrsta
mark hans í tíu leikjum.
„Mér er létt að hafa loksins náð að
sigra á útivelli. Coventry lék vel í
fyrri hálfleik en í þeim síðari náðum
við tökum á leiknum og það var
gaman fyrir Dennis að skora þetta
mikilvæga mark,“ sagði Arsene
Wenger, stjóri Arsenal.
Coventry, sem aldrei hefur fallið
úr úrvalsdeildinni síðan hún var
stofnuð, er í mjög vondri stöðu og
það skyldi þó ekki fara svo að liðið
félli í fyrsta sinn.
„Ég er stoltur af strákunum. Þeir
lögðu sig alla fram og úrslitin voru
mér og þeim mikil vonbrigði,“ sagði
Gordon Strachan, knattspyrnustjóri
Coventry, sem sá sína menn tapa
fimmta leiknum í röð.
Keane hetja Leeds
Leeds fagnaði sigri í fyrsta sinn á
Portman Road, heimavelli Ipswich,
og skoraði Robbie Keane annað af
mörkum Leeds. Keane hefur hleypt
nýju lífi í leik Leeds en hann hefur
nú skorað sex mörk í jafnmörgum
leikjum síðan Leeds fékk hann að
láni frá Inter. Hermann Hreiðars-
son lék í vörn Ipswich en var skipt
útaf á lokamínútunni. Ipswich lék
manni færri síðasta stundarfjórð-
unginn eftir að markahrókurinn
Marcus Stewart fékk að líta rauða
spjaldið.
„Við áttum að fá þrjú stig út úr
þessum leik. Við réðum ferðinni
megnið af leiknum en svona er fót-
boltinn. Það er ekki alltaf sem betra
liðið vinnur,“ sagði George Burnley,
stjóri Ipswich.
Middlesbrough er enn ósigrað á
árinu og hefur aðeins tapað einum
leik af tíu síðan Terry Venables tók
við þjálfun liðsins. „Boro“ og Manc-
hester City deildu með sér stigunum
og í fallbaráttunni er hvert stig mik-
ilvægt. Steve Wickers varð fyrir því
óláni að skora í eigið mark og koma
City yfir en varnarjaxlinn Colin
Cooper tryggði sínum mönnum ann-
að stigið með öðru marki sínu í jafn-
mörgum leikjum.
Aston Villa, sem ekki hafði unnið í
síðustu fimm leikjum, komst á sig-
urbrautina á ný þegar liðið skellti
botnliði Bradford á útivelli, 3:0. Dar-
ius Vassell skoraði tvö mörk með
átta mínútna millibili í upphafi síðari
hálfleiks og Julian Joachim innsigl-
aði sigur Villa seint í leiknum. Brad-
ford er komið með annan fótinn í 1.
deildina en liðið hefur ekki skorað
mark í heilar 507 mínútur.
„Ég vona að með þessum sigri
komist liðið í gang að nýju og tak-
markið er að ná Evrópusæti,“ sagði
John Gregory, stjóri Villa.
Chelsea vinnur ekki útileik
Slæmt gengi Chelsea á útivelli
hélt áfram um helgina en Lundúna-
liðið varð að sætta sig við tap gegn
Leicester, 2:1, og hefur enn ekki
unnið leik á útivelli í deildarkeppn-
inni á leiktíðinni. Þetta var fyrsti
sigur Leicester í sex leikjum en
fyrsti ósigur Chelsea í átta leikjum.
Eiður Smári Guðjohnsen hóf leikinn
á bekknum en kom inná eftir leik-
hléið fyrir Gianfranco Zola. Arnar
Gunnlaugsson sat hins vegar sem
fastast á bekknum. Muzzy Izzett
kom Leicester yfir í fyrri hálfleik en
Jimmy Floyd Hasselbaink jafnaði
metin 15 mínútum fyrir leikslook.
Chelsea-menn voru vart búnir að
fagna markinu þegar Gary Rowett
skoraði annað mark Leicester og
sigurmark leiksins.
„Ég er svekktur að hafa ekki náð
að vinna þennan leik en ég verð þó
að viðurkenna að Leicester var betri
aðilinn,“ sagði Claudio Ranieri
knattspyrnustjóri Chelsea.
Leik Newcastle og Southampton
varð að fresta á sunnudaginn vegna
erfiðra vallarskilyrða en mikið snjó-
aði á Bretlandseyjum á sunnudag.
AP
Lucas Radebe, leikmaður Leeds, reynir hér að stöðva Hermann Hreiðarsson, Ipswich.
Meistaraheppni
á Old Trafford
ÞAÐ breytir litlu þó svo að meistarar Manchester United leiki illa og
hvíli lykilmenn sína, þeir vinna samt leiki sína í ensku úrvalsdeild-
inni. United lagði Everton, 1:0, og þegar 36 stig eru eftir í pottinum
þá skortir meistarana 22 stig til að tryggja sér titilinn í sjöunda
skipti á síðustu 10 árum. Arsenal og Liverpool unnu einnig sína
leiki og ef að líkum lætur kemur keppnin til með að standa á milli
þessara liða um annað sætið í deildinni.
■ Úrslit/B10

Staðan/B10