Morgunblaðið - 24.05.2001, Blaðsíða 4

4 C FIMMTUDAGUR 24. MAÍ 2001 MORGUNBLAÐIÐ





















































































































FRÉTTIR NÝSKÖPUNARSJÓÐUR atvinnulífsins,
NSA, er orðinn leiðifjárfestir í mörgum verk-
efnum og þær miklu breytingar sem orðið
hafa á undanförnum mánuðum í framboði á
áhættufjármagni til fyrirtækja undirstrika
þörfina fyrir sjóðinn. Þetta kom fram í máli
Arnars Sigurmundssonar, stjórnarformanns
Nýsköpunarsjóðs, á ársfundi sjóðsins sem
haldinn var í gær í Salnum í Kópavogi.
Í ársskýrslu sjóðsins, sem lögð var fram á
fundinum, kemur meðal annars fram að
sjóðnum bárust 374 erindi á síðasta ári, sem
var líflegasta árið í starfi sjóðsins til þessa,
og er það 12 erindum fleira en árið áður.
Fyrstu fjóra mánuði þessa árs hafa sjóðnum
borist 145 erindi, en á sama tíma í fyrra voru
þau 110 talsins.
Að sögn Arnars Sigurmundssonar má
rekja helstu skýringar á fjölgun erinda á
þessu ári til þess að dregið hefur úr framboði
áhættufjármagns í kjölfar mikils verðfalls á
verðbréfamörkuðum um allan heim. Nýsköp-
unarsjóður hefur ekki farið varhluta af þess-
ari þróun í afkomu sinni, en sjóðurinn
ávaxtar fjármuni sína með samningum við
innlenda og erlenda fjárvörsluaðila.
Frá stofnun Nýsköpunarsjóðs og fram í
miðjan maí á þessu ári hafa sjóðnum borist
um 1.230 erindi þar sem óskað var eftir að-
komu sjóðsins og deilda hans að einstökum
verkefnum. Svarar þetta til þess að borist
hafi eitt erindi dag hvern allt frá því að starf-
semin hófst, en Arnar segir að almennt hafi
verið álitið að fjöldi erinda yrði mestur fyrsta
árið.
„Sú hefur ekki orðið raunin og Nýsköp-
unarsjóður atvinnulífsins hefur mikilvægu
hlutverki að gegna í íslensku atvinnulífi. Að-
koma sjóðsins í fjárfestingum og fjölmörgum
samstarfsverkefnum innanlands og utan
skiptir miklu þegar horft er til framtíðar í
þeirri viðleitni að auka fjölbreytni og al-
þjóðavæðingu íslensks atvinnulífs,“ segir
Arnar.
Sífellt fleiri valkostir í fjárfestingum
Árið 2000 var mörkuð sú stefna hjá sjóðnum
að hann færðist framar í ferlið þegar kemur
að framtaksfjárfestingum. Arnar segir þá
ákvörðun helgast af því hversu mikil aukning
hafi orðið almennt á áhættufjármagni hér á
landi undanfarin ár. „Breytingin sem orðið
hefur síðustu mánuði í gagnstæða átt er álit-
in skammtímabreyting og því talið að stefnu-
breyting sjóðsins eigi fullan rétt á sér þegar
til lengri tíma er litið.“
Stefna Nýsköpunarsjóðs er að fyrirtæki
sem fjárfest er í njóti uppsafnaðrar þekk-
ingar sjóðsins og sækist sjóðurinn eftir
stjórnarsetu í fyrirtækjum sem hann fjár-
festir í og miðlar með því reynslu á milli fyr-
irtækjanna í safni sínu.
„Á þeim rúmlega þremur árum sem liðin
eru frá því Nýsköpunarsjóður hóf starfsemi
sína hafa gríðarlegar breytingar orðið á ís-
lenskum fjármálamarkaði. Umhverfið allt er
gjörbreytt með sífellt fleiri valkostum í fjár-
festingum. Frumkvæði Nýsköpunarsjóðs
hefur skilað góðum árangri og markað braut-
ina að gjörbreyttu umhverfi fyrir áhættu-
fjárfestingar hér á landi,“ segir Arnar.
Öflugur bakhjarl frumkvöðla og fyrirtækja
Á fyrri hluta síðasta árs var lokið vinnu við
stefnumótun og framtíðarsýn Nýsköpunar-
sjóðs. Auk sérfræðinga í stefnumótun komu
þar að verki stjórn og varastjórn ásamt
starfsfólki sjóðsins. Byggt var á þeirri
reynslu sem komin var af starfsemi sjóðsins
og þeirri breytingu sem orðið hefur á starfs-
umhverfinu. Tillögur um breyttar áherslur
og nýtt skipurit tóku gildi að loknum árs-
fundi sjóðsins í maí á síðasta ári.
Hlutverk og framtíðarsýn sjóðsins er nú
þannig skilgreint: Nýsköpunarsjóður at-
vinnulífsins er öflugur bakhjarl íslenskra
frumkvöðla og fyrirtækja í viðleitni þeirra
við að móta og koma í framkvæmd arðbær-
um viðskiptahugmyndum. Nýsköpunarsjóð-
ur ætlar sér að vera drifkraftur nýsköpunar
á Íslandi með því að efla frumkvæði í at-
vinnustarfsemi, verða öflugur þátttakandi í
nýsköpunarverkefnum á frumstigum þeirra
og stuðla að alþjóðavæðingu íslensks at-
vinnulífs.
Aukið mikilvægi Nýsköpunarsjóðs
Þær miklu breytingar sem orðið hafa á undanförnum mánuðum í framboði á áhættufjármagni til fyrirtækja undirstrika
þörfina fyrir Nýsköpunarsjóð atvinnulífsins. Sjóðnum bárust 374 erindi á síðasta ári og er það 12 erindum fleira en árið
áður. Fyrstu fjóra mánuði þessa árs hafa sjóðnum borist 145 erindi, en á sama tíma í fyrra voru þau 110 talsins.
Morgunblaðið/Ásdís
Arnar Sigurmundsson, stjórnarformaður Nýsköp-
unarsjóðs atvinnulífsins: Gríðarlegar breytingar á
íslenskum fjármálamarkaði á þremur árum.
● UM næstu mán-
aðamót tekur til starfa
leiguflugs- og flug-
flotadeild hjá Flug-
leiðum. Deildin mun
heyra beint undir for-
stjóra Flugleiða, Sigurð
Helgason. Forstöðumað-
ur deildarinnar verður
Sigþór Einarsson, sem
hefur verið forstöðumað-
ur viðskiptadeildar á flug-
rekstrarsviði félagsins.
Nýju deildinni er ætlað að annast umsvif
félagsins á leiguflugsmarkaði. Auk þess
mun deildin annast langtímaflugflotaáælt-
anir og eldsneytiskaup fyrir félagið.
Nýr forstöðumaður viðskiptadeildar á flug-
rekstrarsviði er Hrafn Þorgeirsson. Hann
hefur undanfarin tvö ár verið deildarstjóri í
viðskiptadeild og hefur sem slíkur stýrt af-
greiðslusamningum og flugvallarþjónustu
Flugleiða.
Ný deild hjá Flugleiðum
Sigþór Einarsson
BANDARÍSKA tæknifyrirtækið Microsoft segir að sala á lófatölvum með Pocket
PC-stýrikerfinu frá því sé komin yfir eina milljón eintaka á heimsvísu. Pocket
PC er sagt svar Microsoft við Palm-lófatölvum, sem nú hafa selst í yfir 13 millj-
ónum eintaka. Palm og Handspring eru stærstu framleiðendurnir sem nota
Palm-stýrikerfi en það er vinsælasta stýrikerfið hjá lófatölvunotendum. Segir í
frétt Reuters að í apríl hafi verið búið að selja 1,25 milljónir véla með Pocket
PC-stýrikerfinu en vinsælasta tegundin er iPAQ frá Compaq. Aðrar vélar með
Pocket PC-stýrikerfi eru Jornada frá Hewlett Packard og Cassiopeia frá Casio.
Pocket-PC-vélar eru með litaskjá og sérstakar útgáfur af Word og Excel fylgja
með stýrikerfinu.
Aukinheldur getur lófatölva með Pocket PC spilað hljóð og sýnt myndskeið.
Microsoft hyggst ekki sitja með hendur í skauti í framleiðslu á búnaði fyrir
lófatölvur því fyrirtækið hefur kynnt til sögunnar nýja útgáfu Windows Media
Player-hugbúnaðar fyrir Pocket PC sem getur spilað hljóð og myndskeið yfir
Netið með þráðlausri tengingu.
Morgunblaðið/Arnaldur
Lófatölvur með stýrikerfinu
frá Microsoft njóta vinsælda
ll STUTT
UM 350 tonnum af rækju hefur
verið landað úr 12 bátum á Grund-
arfirði síðan sjómannaverkfallinu
lauk í liðinni viku.
Þrír bátar komu samtals með um
52 tonn af rækju til Grundarfjarðar
í gær. Röstin SK frá Sauðárkróki
landaði um 25 tonnum, Sigurður
Jakobsson ÞH frá Húsavík um 18
tonnum og Ólafur Magnússon HU
um níu tonnum.
Rækjan hefur að mestu leyti
fengist í svokallaðri holu í Kollu-
álnum, en Sigurður Ólafur Þor-
varðarson, skipstjóri á Valdimar
SH, fann slóðina í sjómannaverk-
fallinu. Áður fyrr var oft góð
rækjuveiði á þessum slóðum en
hún hefur ekki verið til staðar und-
anfarin ár þar til nú að menn hafa
verið að fá upp í tonn á tímann. 12
rækjubátar hafa landað í Grund-
arfirði síðan verkfalli lauk og koma
þeir víða að, m.a. frá Sauðárkróki,
Húsavík, Hólmavík, Dalvík, Hrísey
og Bíldudal.
Á sunnudag kom Sigurbjörg
Þorsteins BA frá Bíldudal með um
11 tonn og Hólmavíkurbátarnir
Grímsey ST og Hilmir ST með sín
10 tonnin hvor.
Á mánudag lönduðu fimm bátar
samtals rúmlega 60 tonnum af
góðri rækju. Kópnes ST var með 17
tonn eftir tvo og hálfan sólarhring
og Sæbjörg ST 10 tonnum eftir
einn og hálfan sólarhring, en síðan
kom heimabáturinn Valdimar SH
með um sex og hálft tonn. Stefán
Rögnvaldsson EA með um sex tonn
og Svanur EA með 22 tonn.
Sigurborg SH landaði 38 tonnum
á þriðjudag og Helgi SH um 13
tonnum.
Um góða og stóra rækju hefur
verið að ræða og hefur stærstum
hluta hennar verið ekið í vinnslu á
heimastöðum bátanna.
Um 350 tonnum
af rækju landað
í Grundarfirði
Góð rækjuveiði í „holunni“ í Kolluálnum síðan
sjómannaverkfalli lauk í liðinni viku.
◆
◆
● McCann-Erickson-
auglýsingakeðjan hlaut
þrenn verðlaun við-
skiptablaðsins Business-
Week, er þau voru afhent í
16. skipti í Kaliforníu á dög-
unum. Einnig hefur McCann-
Erickson hlotið útnefninguna
„Auglýsingakeðja heimsins í
ár“, 3. árið í röð, en það er
Adweek tímaritið sem veitir
þau verðlaun. Adweek hóf
að veita verðlaunin árið
1998 og McCann-Erickson
er því eini verðlaunahafinn.
McCann-Erickson í Frank-
furt fékk verðlaun fyrir
Deutsche Bank AG-herferð
og alþjóðadeild McCann-
Erickson fyrir 2 herferðir;
Lucent Technologies og
Agilent Technologies.
McCann-Erickson fær
þrenn verðlaun
SAMKVÆMT óendurskoðuðum
árshlutareikningi var Hampiðjan
rekin með tuttugu milljóna kr. tapi á
fyrsta fjórðungi ársins en á sama
tíma í fyrra var hagnaðurinn 68
milljónir. Sveiflan er því 88 milljónir.
Sölutekjur Hampiðjunnar og
þeirra fyrirtækja sem mynda sam-
stæðu félagsins námu 794 milljónum
en salan fyrstu þrjá mánuðina í fyrra
var 480 milljónir og hefur veltan því
aukist um 65% á milli ára.
Í tilkynningu Hampiðjunnar segir
að veltan sé svipuð og gert var ráð
fyrir í áætlunum. Hluti veltuaukn-
ingarinnar sé vegna tveggja nýrra
dótturfélaga í samstæðuna, Cosmos
Trawl í Danmörku og Hafi í Noregi.
„Ef aðeins er horft til þeirra fyrir-
tækja sem mynduðu samstæðuna á
sama tíma í fyrra er veltuaukningin
um 25%. Hagnaður fyrir afskriftir og
fjármagnsliði (EBIDTA) er 94 millj-
ónir, sem er tæplega 12% af veltu.“
Á sama tíma í fyrra var hagnaður
fyrir afskriftir og fjármagnsliði 17
milljónir eða 4% og hækkar því um
77 milljónir sem er heldur meira en
gert var ráð fyrir. Afskriftir voru 35
milljónir og fjármagnsliðir voru nei-
kvæðir um 89 milljónir sem er veru-
lega yfir áætlun og stafar af geng-
issigi íslensku krónunnar fyrstu þrjá
mánuði ársins.
20 milljóna tap
hjá Hampiðjunni
Á sama tíma í fyrra var hagnaðurinn 68
milljónir króna. Sveiflan er 88 milljónir.
● EVRÓPSKI seðlabankinn ákvað í gær
að stýrivextir á evrusvæðinu skyldu vera
óbreyttir, 4,5%.
Í hálffimm fréttum Búnaðarbankans
kemur fram að ákvörðunin hafi ekki komið
á óvart þar sem verðbólga á svæðinu er of
mikil miðað við 2% verðbólgumarkmið
bankans. Seðlabankinn er þó undir mikl-
um þrýstingi að lækka vexti vegna þess
hve dregið hefur úr hagvexti á svæðinu,
að því er fram kemur í hálf fimm fréttum
Búnaðarbankans.
Óbreyttir stýrivextir
á evrusvæðinu