Morgunblaðið - 24.05.2001, Side 15

MORGUNBLAÐIÐ FIMMTUDAGUR 24. MAÍ 2001 C 15
















































































































ÚR VERINU DANSKA ríkisstjórnin hefur lagt
til að teknir verði upp framselj-
anlegir kvótar til að koma dönskum
sjávarútvegi til aðstoðar. Formaður
dönsku sjávarútvegssamtakanna,
Bent Rulle, berst hins vegar af
krafti gegn því, þótt hann hafi látið
undan hvað varðar kvóta á síld. Það
mun þó í fyrsta lagi ganga í gildi í
nóvember á næsta ári, segir Rulle í
samtali við Ritzau.
Rulle heldur því fram að allar
hugmyndir um framseljanlega
kvóta komi útgerð og sjómönnum
illa en Ritt Bjerregaard matvæla-
ráðherra, sem fer með landbúnað-
ar- og sjávarútvegsmál, segir að
með framseljanlegum kvótum sé
hægt að auka möguleika þeirra
skipa sem standa best að vígi á að
haldast á floti og gefa um leið þeim
sem verr standa möguleika á að
draga sig út. Skera verði niður í
flotanum sem sé of stór og úr sér
genginn. Hún hefur þó fallist á að
taka makríl og fisk til bræðslu af
listanum yfir tegundir með fram-
seljanlegan kvóta.
Mikill meirihluti þingmanna á
danska þinginu er fylgjandi breyt-
ingum á sjávarútvegsstefnunni en
tillögur Bjerregaard eru í þremur
liðum. Í fyrsta lagi leggur hún til að
skipum sem gera út frá litlum bæj-
arfélögum verði boðnir árlegir kvót-
ar og að lögð verði áhersla á að
upplýsa og aðstoða sjómenn. Í öðru
lagi að teknar verði upp breyttar
veiðiaðferðir til að koma í veg fyrir
smáfiskadráp, einkum á flatfiski,
þorski og humri. Í þriðja lagi að
koma síldveiðimönnum til aðstoðar
með því að innleiða kvótakerfi þar
sem sjómenn geta framselt kvóta.
Kerfið verði reynt í fimm ár, með
möguleika á þriggja ára framleng-
ingu.
Bjerregaard segir alla flokkana
sammála fyrstu tveimur liðunum en
meirihluti er einnig fyrir framselj-
anlegum kvótum, þótt vinstriflokk-
arnir séu andvígir. Telja þeir fram-
seljanlega kvóta jafngilda því að
kapítalistar nái í sínar hendur þjóð-
areign og hagnist á. Til að koma í
veg fyrir að kvótaeign safnist á of
fáar hendur leggur Bjerregaard því
til að hver einstaklingur megi að-
eins eiga 33% í fyrirtækjum og ekki
fleirum en þremur. Þá verði aðeins
hægt að selja kvótana innanlands.
Framseljanlegur kvóti
verði aðeins á síldinni
Kaupmannahöfn. Morgunblaðið.
MAREIND ehf. í Grundarfirði tók ný-
verið formlega í notkun nýtt og glæsi-
legt húsnæði fyrir starfsemina, sem er
sala og þjónusta á siglinga- og fiski-
leitartækjum.
Mareind, sem hefur þjónustað
skipaflotann á Snæfellsnesi í rúmlega
7 ár, hófst handa við byggingu nýrrar
200 fermetra byggingar fyrir starfsem-
ina í október í fyrra, enda var þá orðin
þröng vinnuaðstaðan hjá starfsmönnum
eftir að fyrirtækið fór að vaxa og
starfsmönnum að fjölga. Mareind er nú
orðið með allra öflugustu þjónustufyr-
irtækjum á sínu sviði á landsbyggðinni.
Í apríl síðastliðnum var starfsemi
fyrirtækisins svo flutt inn í hið nýja hús
þar sem góð vinnuaðstaða er til við-
gerðar og þjónustu á siglinga- og fiski-
leitartækjum, jafnframt því sem þar er
mjög rúmgóður sýningarsalur til að
sýna öll nýjustu siglingatækin á mark-
aðnum í dag.
Mareind selur og þjónustar nánast
allar gerðir af siglinga- og fiskileit-
artækjum og getur veitt viðskiptavinum
sínum hlutlausa ráðgjöf varðandi kaup
á nýjum siglingatækjum.
Eigendur Mareindar, hjónin Halldór
K. Halldórsson og Dagbjört Lína Krist-
jánsdóttir, Þorsteinn B. Sveinsson og
Kristín Pétursdóttir við formlega opnun
nýja húsnæðisins.
Mareind flytur í
nýtt húsnæði
Eigendur Mareindar, hjónin Halldór K. Halldórsson og Dagbjört Lína Kristjánsdóttir,
Þorsteinn B. Sveinsson og Kristín Pétursdóttir við formlega opnun húsnæðisins.
NÝR löndunarkrani hefur verið settur
upp í Sandgerðishöfn og eru þá slíkir
kranar sex talsins á staðnum og hefur
ekki veitt af að undanförnu er hinn
mikli fjöldi smábáta hefur verið á sjó í
mokfiskiríi. Nýi kraninn er sá öflugasti
af krönunum sex. Um þetta leyti fer
handfærabátum fjölgandi á svæðinu og
er von á góðu, en aflabrögð hafa verið
góð og fiskverð hátt. Kraninn mun
bæta til muna löndunaraðstöðu smá-
báta í Sandgerðishöfn.
Morgunblaðið/Reynir Sveinsson
Sjötti löndunarkraninn kominn
upp við Sandgerðishöfn
RAÐAUGLÝSINGAR
TILKYNNINGAR
Fiskiskip til sölu
Geysir BA 25,
sskrnr. 1608, sem er 295 brúttórúmlesta tog-
skip, byggt í Englandi 1974.
Gunnar I. Hafsteinsson, hdl.,
Magnús Helgi Árnason, hdl.,
Hafnarhvoli v/Tryggvagötu,
sími 552 3340, Reykjavík.
Til sölu
Baader 697 maringsvél/yfirfarin.
Baader 695 maringsvél/yfirfarin.
Baader 189V flökunarvél/yfirfarin.
Square plötufrystir, 1000 kg í hleðslu, breyttur
og nýyfirfarinn.
Einnig hausarar og roðflettivélar.
Útvegum alla varahluti í Baader 694.
Tromlur og hnífar í Baader 695/697/699.
Vélasalan Hafís ehf.,
Hringbraut 121, (JL-húsið).
S. 551 9500 og 690 9500.
● GRÆNFRIÐUNGAR hafa farið
fram á við Jens Stoltenberg, for-
sætisráðherra Noregs, að hann
stöðvi nú þegar
veiðar norskra
verksmiðju-
skipa. Umhverf-
issamtökin hafa
hrundið af stað
áróðursherferð í
Noregi til stuðn-
ings norskum
strand-
veiðimönnum.
Segja samtökin
að ef verksmiðjuskipin yrðu rekin af
norsku hafsvæði, myndi kvóti
strandveiðiflotans aukast. Auk
þess segja talsmenn Grænfrið-
unga, að með því að vinna aflann
um borð séu verksmiðjuskipin bein-
línis að hafa störf af fólki í landi.
Veiðarfæri strandveiðiflotans séu
auk þess vistvænni.
Veiðar norska strandveiðiflotans
hafa gengið illa í vetur og voru
stöðvaðar þann 13. maí sl., en
fjöldi skipa náði ekki að veiða upp í
kvóta sinn fyrir þann tíma, en nokkr-
ir verksmiðjutogarar eru enn á
þorskveiðum.
Í fiskiskipaflotanum í Norður-
Noregi eru einkum lítil togskip, en
verksmiðjuskipin eru flest í eigu út-
gerða í Mið- og Vestur Noregi.
Grænfriðungar hafa því stillt herferð
sinni upp sem átök milli norðurs og
suðurs. Samtökin eiga ekki miklu
fylgi að fagna í Noregi, en samtökin
urðu mjög óvinsæl eftir baráttu sína
gegn hrefnuveiðum. Talsmenn sam-
takanna segja herferðina nú ekki til
þess fallna að afla samtökunum
vinsælda og þau muni ekki breyta
afstöðu sinni gagnvart hvalveiðum.
Herja á
frystiskipin
● SKOSKIR laxeldisbændur eru
áhyggjufullir vegna áforma um
stórfellt laxeldi á Íslandi, að því er
fram kemur í
skoskum fjöl-
miðlum.
Þeir telja að
ef áætlanir Ís-
lendinga um 30
þúsund tonna
ársframleiðslu
gangi eftir muni
verð á eldislaxi
lækka enn frek-
ar, enda séu
markaðir í Evr-
ópu nú þegar mettaðir af ódýrum
eldisfiski frá Noregi, Chile, Fær-
eyjum og Bretlandi.
Sérfræðingar í fiskeldi segja að
Íslendingar muni einkum setja
mikla verðpressu á skoskan eld-
islax en skoskur lax þykir af mikl-
um gæðum og er tiltölulega dýr.
Áhyggjur af eldislaxi
frá Íslandi
◆
ll STUTT