Morgunblaðið - 20.07.2001, Blaðsíða 6

DAGLEGT LÍF
6 B FÖSTUDAGUR 20. JÚLÍ 2001 MORGUNBLAÐIÐ
Þegar trén blómgast, skýin hopa og flugurnar
suða er rétti tíminn til þess að mála, syngja,
dansa, leika og læra nýja hluti. Daglegt líf leit
inn á þrjá staði þar sem sumarnámskeið bjóð-
ast börnum, en um land allt stendur slík starf-
semi nú einmitt sem hæst.
MENNINGARMIÐSTÖÐINGerðuberg hefur gengistfyrir Listsmiðjum barna
frá sumrinu 1988, og svo er einnig í
sumar. Listsmiðjan heitir Gagn og
gaman og er hún fyrir börn á aldr-
inum 7–13 ára. Þar gefst börnunum
kostur á að vinna verkefni undir
leiðsögn listamanna. Í sumar verða
tvær þriggja vikna smiðjur fyrir 20
börn í senn, hin fyrri var í júní og nú
í júlí stendur síðari smiðjan yfir.
Listsmiðjurnar hafa alltaf verið
ákaflega vinsælar og færri komist
að en vilja. Í listsmiðjunni er ímynd-
unaraflinu gefinn laus taumurinn
og börnin fá að upplifa sanna og
óhefta sköpunargleði með því að
vinna með listform eins og leiklist,
myndlist, tónlist og dans.
Litlaland í mótun
Ólöf Sverrisdóttir er leikkona og
stýrir smiðjunni í júlí ásamt Guð-
rúnu Veru Hjartardóttur, myndlist-
arkonu og Erik Mogensen tón-
skáldi. Ólöf segir frá því að Elísabet
B. Þórisdóttir, sem er forstöðumað-
ur Gerðubergs, hafi átt frumkvæði
að fyrstu listasmiðjunni. Hún hafi
fengið rithöfundinn Sjón til liðs við
sig og saman hafi þau mótað hug-
myndafræðina sem þetta verkefni
hvílir á. Þegar Daglegt líf ber að
garði er allur hópurinn niðursokk-
inn við að mála langt og mikið lista-
verk sem hangir þegar uppi á vegg.
„Krakkarnir eru að skapa saman
nýjan heim eða land sem við köllum
Litlaland. Þau eru öll búin að velja
sér ný hlutverk og endurskíra sig
nöfnum sem þau munu bera í Litla-
landi. Við höfum verið að aðstoða
þau við að virkja ímyndunaraflið og
ég get ekki sagt annað en að það
hafi tekist ágætlega,“ segir Ólöf.
Litlaland er óðum að taka á sig
mynd, og krakkarnir eru að mála
vistarverurnar sem þau ætla að búa
í. Þar kennir ýmissa grasa: Einn
ætlar að búa í GSM-síma, einnig má
sjá sveppi, steina, tré og laufskála –
allt hugsað sem híbýli væntanlegra
borgara Litlalands, sem eiga greini-
lega að vera smáir að vexti.
Aðspurð segir Ólöf að vel gangi
að láta börnin vinna saman þó mun-
ur sé á þeim bæði í aldri og þroska.
„Það gengur mjög vel, þau mætast
á miðri leið – þau sem eru eldri toga
þau yngri upp til sín, og yngri börn-
in hjálpa þeim eldri að rifja upp
bernskuna í sér,“ segir hún.
Frumsamið leikrit fyrir foreldrana
Þau Marta Sigrún Jóhannsdóttir,
sem er 9 ára, og Hlynur Árnason, 10
ára, eru bæði verðandi borgarar
Litlalands. Á veturna er Marta Sig-
rún nemandi í Hvassaleitisskóla en
Hlynur er í Vogaskóla.
Hvernig skyldi nú dagurinn
ganga fyrir sig í Listasmiðjunni?
„Við erum að undirbúa sýningu
sem við ætlum að halda – við búum
til söguna saman og byrjum daginn
á því að ræða saman,“ segir Marta
Sigrún.
Gagn og gaman
í Gerðubergi
Morgunblaðið/Ásdís
ÞAÐ er eitthvað ævintýralegtog heillandi við að heimsækjaAusturbæjarskólann á Skóla-
vörðuholtinu þessa dagana. Þar er til
húsa blómlegt sumarstarf Reykja-
víkurborgar fyrir börn og fullorðna
af erlendum uppruna. Það eru frí-
mínútur, og á göngum skólans skraf-
ar fullorðna fólkið um landsins gagn
og nauðsynjar, meðan glaðvær hróp
og köll barnanna berast inn af skóla-
lóðinni þar sem þau leika sér
áhyggjulaus úti í sólskininu eins og
börn ein geta gert.
Friðbjörg Ingimarsdóttir er
kennsluráðgjafi í nýbúafræðslu hjá
Fræðslumiðstöð Reykjavíkur. Sum-
arnámskeið fyrir nýbúabörn er sam-
vinnuverkefni Fræðslumiðstöðvar-
innar, Námsflokka Reykjavíkur og
ÍTR. Þá hefur Félagsþjónusta
Reykjavíkur einnig stutt við bakið á
verkefninu. Að sögn Friðbjargar er
mikill áhugi og metnaður hjá þeim
stofnunum borgarinnar sem koma
að málefnum nýbúa um að leysa þau
verkefni vel af hendi.
Hún segir að í sumar séu 103 börn
á aldrinum 6–15 ára skráð á nám-
skeið, sum hafa búið á Íslandi í nokk-
ur ár en önnur eru aðeins búin að
vera hér í örfáa daga. Þau sem hafa
aldur til eru í Vinnuskóla Reykjavík-
ur á morgnana, og mæta síðan á
sumarnámskeið eftir hádegi. Þess
má geta að Vinnuskólinn hefur ráðið
til sín starfsmann til þess að sinna
sérstaklega málefnum nýbúabarna.
Leikur, dans og íslenskunám
Niña Grace Tangolamos frá Fil-
ippseyjum og Yan Ping Wu frá Kína
eru perluvinkonur og una glaðar við
leik og störf í Austurbæjarskólanum
í sumar. Þetta eru myndarstúlkur,
báðar 13 ára og nemendur í Háteigs-
skóla. Aðspurðar segjast þær aðal-
lega vera að leika sér – bæði úti og
inni – „en svo förum við líka í Kram-
húsið og lærum að dansa“, segir
Ping. Þar læra þær allskonar dansa
eins og hip-hop, æfa sig í leikrænni
tjáningu og fleiru sem reynir á
ímyndun og sköpun.
En sumarnámskeiðið er víst ekki
bara leikur og dans – þær stöllur
þurfa að sitja á skólabekk til þess að
halda við íslenskunni. „Við erum til
dæmis að læra að segja hvað
klukkan er á íslensku,“ segir Niña.
„Svo lærum við líka um líkamann,
hvað allt heitir á íslensku,“ bætir
Ping við. Þær eru einnig að æfa sig í
að semja sögur á íslensku, en þær
hafa báðar náð ótrúlega góðum
tökum á málinu, einkum þegar haft
er í huga að móðurmál þeirra beggja
Morgunblaðið/Ásdís
Undir
sólinni
1
2 3
4
5
Leikjagleði
í Austurbæjarskóla