Morgunblaðið - 16.09.2001, Síða 13

MORGUNBLAÐIÐ SUNNUDAGUR 16. SEPTEMBER 2001 B 13
bílar
SSANGYONG kom
fram á Frankfurt-
sýningunni sem
sjálfstæður fram-
leiðandi í fyrsta
sinn í nokkur ár.
Fyrirtækið hefur
fengið nýtt merki,
sem er hið sama og
hefur verið merki
Chairman lúxus-
bílsins frá Ssang-
yong. Við þetta
tækifæri kynnti
fyrirtækið einnig
nýjan jeppa sem
framleiddur verður
samhliða Musso og
Korando. Bíllinn heitir Rexton og
er hinn glæsilegasti útlits, jafnt að
utan sem innan. Hann hefur mjúk-
ar og ávalar línur sem gerir að
verkum að hann virkar alls ekki
stór en í raun er hann stærri og
mun rúmbetri en Musso og gerður
fyrir sjö manns.
Eins og í Musso eru vélarnar
smíðaðar af SsangYong með leyfi
frá Mercedes-Benz og stuðst er
við þekkta tækni frá þýska fram-
leiðandanum. Bíllinn verður fram-
leiddur með fimm vélargerðum,
þ.e. 3,2 lítra, 219 hestafla og 2,3
lítra, 140 hestafla bensínvélum og
2,9 lítra 120 hestafla dísilvél. Rex-
ton er með gormafjöðrun og sí-
tengdu fjórhjóladrifskerfi frá Borg
Warner.
Bíllinn kemur á markað í Evr-
ópu í júní á næsta ári.
Morgunblaðið/Guðjón Guðmundsson
Rexton - ný lína frá sjálfstæðum SsangYong.
Eins og lúxusbíll að innan, rúmgóður og sjö manna.
Rexton frá SsangYong
AÐ minnsta kosti þrír nýir fólks-
bílar, sem ætla má að nái umtals-
verðri sölu í Evrópu, voru kynntir í
Frankfurt. Fyrstan að nefna er
Skoda Superb. Það eru heldur bet-
ur breyttir tímar hjá Skoda, sem nú
er að fullu í eigu VW. Octavia sýndi
fyrst að Skoda er kominn með sam-
bærileg gæði og VW og síðan kom
Fabia smábíllinn fram og ítrekaði
þetta. Superb er ekki nýtt nafn frá
Skoda því á fjórða áratugnum
framleiddi fyrirtækið bíl með sama
nafni. Superb er stór millistærð-
arbíll í lúxusflokki með ekki ósvip-
aðar línur og VW Passat. Hann
verður boðinn með fimm vélargerð-
um, þar af þremur bensínvélum,
115 hestafla, tveggja lítra, 1,8 lítra,
150 hestafla og 2,8 lítra V6 vél sem
skilar 193 hestöflum. Að innan er
bíllinn klæddur leðri og skreyttur
viði.
Gullfalleg ný Primera
Nissan sýndi í fyrsta sinn í heim-
inum fimm dyra hlaðbaksgerð af
nýjum Primera, en stallbakurinn og
langbakurinn fóru í sölu í Japan í
janúar sl. Evrópugerðirnar verða
allar smíðaðar í Sunderland í Eng-
landi. Síðustu breytingar á Primera
hafa ekki verið róttækar en nú
kveður við allt annan tón. Bíllinn er
allur mjög ávalur, framlugtir eru
stórar og ná upp á vélarhlífina og
þakið er kúpulaga. Bíllinn er líka
gerbreyttur að innan og flest
stjórntæki og mælar eru fyrir
miðju mælaborði, eins og í X-Trail
jeppanum. Bíllinn verður fáanlegur
með alls kyns búnaði sem fram til
þessa hefur einungis staðið til boða
í dýrustu gerðum bíla. Þar á meðal
er skjár í mælaborði sem sýnir út-
sýni aftur fyrir bílinn í stað hefð-
bundins baksýnisspegils. Einnig
verður boðið upp á hraðastilli með
ratsjá sem stjórnar og viðheldur til-
tekinni vegalengd í næsta bíl á und-
an. Bíllinn kemur á markað á næsta
ári.
190 hestafla Corolla T-Sport
Sala á Toyota Corolla hefur dreg-
ist saman hérlendis en talsmenn
Toyota á Íslandi eru vongóðir um
að sú þróun snúist algerlega við
þegar ný Corolla kemur á markað
innan tíðar. Í Frankfurt sýndi
Toyota bílinn í öllum útfærslum,
þ.e. þrennra og fimm dyra hlað-
baksgerðum, stallbaksgerð og lang-
baksgerð. Þetta er einhver róttæk-
asta breyting sem gerð hefur verið
á Toyota og tekur hún mið af þeirri
þróun sem orðið hefur í Evrópu síð-
ustu misseri, t.a.m. mikilli sölu í
litlum fjölnotabílum, en fimm dyra
Verso-hlaðbakurinn er með sæta-
kerfi sem er að finna í þeirri teg-
und bíla. Hægt er að taka aft-
ursætin úr bílnum á einfaldan hátt
en jafnframt færa sætin fram og til
baka eftir þörfum og stilla halla á
sætisbaki. Í öllum gerðum hefur
verið lögð áhersla á að stækka nýt-
anlegt innanrými og í því skyni er
hjólhafið á nýjum undirvagni bílsins
haft 13 cm lengra en í fyrri gerð.
Corolla verður nú fáanleg með
tveimur gerðum dísilvéla í fyrsta
sinn. Þetta eru nýtísku samrásar-
dísilvélar, 90 og 110 hestafla. Einn-
ig verða í boði þrjár bensínvélar,
1,4 og 1,8 lítra og T-Sport-útfærsl-
an, sem er framhjóladrifin eins og
aðrir bílar í þessari línu, fær 1,8
lítra VVTL-i vél sem skilar 190
hestöflum og er með sex gíra hand-
skiptan gírkassa.
Þrír nýir
„sölubílar“
kynntir í
Frankfurt
Skoda Superb vakti mikla athygli.
Morgunblaðið/Guðjón Guðmundsson
Toyota Corolla Verso er fjölnotabílsútgáfan.
Ávalar og kúptar línur einkenna nýjan Nissan Primera.
JAGUAR, lúxusbílaarmur Ford,
kom gestum á Frankfurtarsýning-
unni á óvart með hugmyndabílnum
R-Coupe. Þetta er lágbyggður, fjög-
urra manna kúpubakur og er greini-
lega tilraun Jaguar til að ná fyrri
stöðu í Evrópu sem leiðandi afl í
hönnun. R-Coupe er einstaklega
glæsilegur bíll og aflmikill er hann
líka. Undir langri vélarhlífinni er V8
vél og skiptingin er í stýrinu eins og
í Formula 1 bílum. Bíllinn er rétt
tæpir fimm metrar á lengd og lík-
lega einn fallegasti hugmyndabíll
sýningarinnar í Frankfurt.
Jaguar R-Coupe hug-
myndabíllinn.
Glæsileiki frá Jaguar
- Tangarhöfða 2 - sími 567 1650 - www.bilabudrabba.is -
Opnunartími: Virka daga frá kl. 8:30-18:00.
Lokað á laugardögum.
Við bjóðum 15-35% afslátt af vörum í verslun út september!
Hljómtæki, aukahlutir, kastarar, útivistarfatnaður, verkfæri, hreinsi- og bætiefni,
hjólreiðagrindur, barnabílstólar og margt fleira. sKomið og gerið góð kaup.