Morgunblaðið - 05.02.2002, Side 2

Efnisyfirlit
Ás .............................................. 12–13
Ásbyrgi ......................................... 18
Berg ................................................. 6
Bifröst ............................................ 4
Borgir ......................................... 8–9
Brynjólfur Jónsson .................... 21
Eign.is .......................................... 44
Eignakaup ................................... 38
Eignamiðlun ......................... 30–31
Eignaval ....................................... 47
Fasteign.is .................................. 29
Fasteignamarkaðurinn ............ 45
Fasteignamiðlunin .................... 20
Fasteignasala Íslands ................. 9
Fasteignasala Mosfellsbæjar ... 11
Fasteignastofan .......................... 16
Fasteignaþing ............................ 46
Fjárfesting ................................... 19
Fold .................................................. 3
Foss .............................................. 42
Garðatorg .................................... 34
Garður ........................................... 13
Gimli ....................................... 14–15
Híbýli ............................................. 13
Híbýli og skip .............................. 37
Holt ............................................... 48
Hóll ................................................. 17
Hraunhamar ....................... 24–25
Húsakaup ....................................... 5
Húsið ............................................ 40
Húsin í bænum ........................... 23
Höfði ............................................. 35
Höfði Hafnarfirði ....................... 28
Íslenskir aðalverktakar ........... 39
Kjöreign ....................................... 33
Laufás .......................................... 22
Lundur .................................. 36–37
Lyngvík ......................................... 15
Miðborg ........................................ 43
Óðal ............................................... 39
Skeifan ............................................ 7
Stakfell ........................................ 37
Tröð ............................................... 41
Valhöll ...................................... 10–11




 
  




   

Bessastaðahreppur er sjálfstætt sveitarfélag,
um 600 hektarar að stærð, sem nær yfir
Álftanes að mörkum þar sem nesið er mjóst,
á milli Skógtjarnar og Lambhúsatjarnar.
Nokkuð dreifð og lágreist íbúðabyggð er á
Álftanesi, en þar er m.a. rekinn barnaskóli
upp að 8. bekk, leikskóli, tónlistarskóli, bóka-
safn, íþróttamiðstöð og þar er ein verslun.
Þar er einnig fjöldi sjálfstæðra félaga, s.s. þrótt-
mikil starfsemi kvenfélagsins, skátastarf er í
miklum blóma, félagið Dægradvöl, sem er félag
um menningu og listir, og er þá ótalið margs
konar annað félags- og íþróttastarf. Hinn 1. des-
ember voru skráðir íbúar í Bessastaðahreppnum
1.739.
Álftanesafleggjarinn svokallaður er um 4 km,
mælt frá gatnamótum Bessastaða að gatna-
mótum Hafnarfjarðarvegar og Reykjanes-
brautar, en Garðabær er eina sveitarfélagið
sem á land að Bessastaðahreppi. Guðlaug
Sigurðardóttir ræddi við Sveinbjörn I. Bald-
vinsson sem býr v́ið Miðtún í Bessa-
staðahreppi, en hann er mikill náttúruunnandi
og áhugamaður um friðun gamalla sögustaða
Bessastaðahreppur – Sveit í borg
2 C ÞRIÐJUDAGUR 5. FEBRÚAR 2002 MORGUNBLAÐIÐHeimiliFasteignir
HJÓNIN Sveinbjörn I. Baldvinsson
og Jóna Finnsdóttir búa á Álftanesi
ásamt börnum sínum. Vera þeirra á
Álftanesinu er lengsta samfellda bú-
seta fjölskyldunnar, en áður höfðu
þau búið lengst í Los Angeles í Suð-
ur-Kaliforníu, eða 5 ár.
Fram að því höfðu þau búið stutt-
an tíma í Vogunum, á Sóleyjargötu
og á Tómasarhaga. Þegar kom í ljós
að fjölskyldan þurfti meira rými, litu
þau fyrst eftir húsnæði á svipuðum
slóðum í Vesturbænum, m.a. vegna
þess að börnin voru byrjuð þar í
skóla.
„Þá kom í ljós að það var alveg
gríðarlega dýrt að bæta við sig einu
eða tveimur herbergjum á þessum
slóðum. Að auki var það húsnæði
sem stóð til boða lítt áhugavert, þetta
voru einhverjir karakterlausir rað-
húsakasasar vestur undir KR-velli á
uppsprengdu verði og aðrar gamlar
hæðir eins og sú sem við komum úr.
Þetta var því ekkert sérstaklega
heillandi,“ segir Sveinbjörn.
„Við ákváðum því að líta út fyrir
hverfið og þegar við sáum mynd af
þessu húsi, sem við búum í núna, í
fasteignablaði Morgunblaðsins
ákváðum við að láta slag standa og
skoða húsið. Verðið var viðráðanlegt
og plássið virtist einnig vera nægi-
legt í alla staði.
Við höfðum aldrei velt fyrir okkur
að flytja út á Álftanes, það var staður
þar sem maður hafði bara farið í
sunnudagsbíltúra í gegnum árin. En
við kolféllum alveg fyrir húsinu.“
Sveinbjörn segir að í raun hafi það
verið aðstæður á fasteignamarkaðn-
um sem þvinguðu þau út úr Vestur-
bænum. „Þetta fór hins vegar allt á
besta veg og við höfum hvergi verið
eins ánægð og hér.
Eftir að við ákváðum að flytjast út
á Álftanes fórum við að kynna okkur
ýmislegt um sveitarfélagið hér og
það voru allt saman jákvæðar upp-
lýsingar. Hér var lítill en góður skóli,
leikskóli, sem við þurftum reyndar
ekki á að halda, samfélagið var lítið,
sem þýddi minni umferð og mengun,
og allt umhverfi frjálslegt og í raun
lítt snortið.
Það þarf ekki að ganga mörg skref
út fyrir garðinn til þess að vera kom-
inn út í móa eða engi, tún eða fjörur,
þar sem náttúran hefur fengið að
vera í friði, og ég tel að Bessastaða-
hreppur hafi algjöra sérstöðu að
þessu leyti.“
Einnig segist hann hafa fljótlega
fundið að mikil samstaða hafi virst
vera meðal hreppsbúa um að halda
þessari sérstöðu. „Ég held ég megi
fullyrða að flestir þeir sem búa hér
vilja ekki neinar stórkostlegar breyt-
ingar á þessu skipulagi. Álftanes er í
raun ekki þorp heldur dreifðir kjarn-
ar, með nokkrum vegalengdum á
milli hverfa, þó stærsti kjarninn sé í
kringum skólann.
Sérstaðan felst hins vegar í því hve
mikið er af ósnortnum opnum svæð-
um hér, þ.e. gamlir mýrarflákar og
bithagar. Þetta er í raun sveit í borg
og algjörlega ómetanlegt.“
Síðasti sveitabærinn á
höfuðborgarsvæðinu
Samkvæmt nýju deiliskipulagi á
Bessastaðahreppur að fá að halda
friðsæld sinni og opnum svæðum, en
Sveinbjörn óttast hins vegar að kraf-
an um þéttingu byggðar gæti haft
áhrif í Bessastaðahreppi sem annars
staðar.
„Þegar maður heyrir kallað á þétt-
ingu byggðar út um allar trissur – en
það er hin nýja þula í skipulagsmál-
um – sér maður alltaf betur og betur
hversu dýrmætt það er að eiga þessi
svæði ósnortin.
Mér hefur lengi fundist það sjón-
armið, að þétta byggð, vera eitthvað
sem fólk tekur með sér frá útlöndum,
sem hugsanlega gæti verið vegna
þess að fólk saknar staðarins þar
sem það var við nám og vill heimfæra
skipulag erlendra borga upp á okkar
litla samfélag hér.“
Sveinbjörn á sér eitt hjartans mál
sem snertir skipulag í Bessastaða-
hreppi. „Það er að friða bæinn Svið-
holt og búskapinn sem fylgir honum.
Ég held þetta sé síðasti sveitabærinn
á höfuðborgarsvæðinu þar sem
ennþá er stundaður sveitabúskapur
af einhverju tagi.
Þar er t.d. ennþá sauðfjárbúskap-
ur og hér jarma nýfædd lömb á vor-
in. Það er alveg yndislegt að heyra
þetta inn til sín,“ segir Sveinbjörn.
Þá telur hann að albrýnasta verkefn-
ið sem Bessastaðahreppur stendur
frammi fyrir núna sé að bæta 8., 9. og
10. bekk við grunnskólann. Þessum
framkvæmdum þurfi að hraða, en að
öðru leyti sé skólinn mjög góður.
Kaffihúsaparadísin
Reykjavík
Áhugi Sveinbjörns á skipulags-
málum höfuðborgarinnar hefur
minnkað, að hans sögn, eftir að hann
flutti út á Álftanes. En hann hefur þó
ákveðnar skoðanir á þeirri þróun
sem er að verða í miðbænum og ná-
grenni hans.
„Það fer afskaplega mikið í taug-
arnar á mér að til stendur að byggja
einhverja ráðuneytiskumbalda á
stjórnarráðsreitnum svokallaða. Ég
held það sé ekki til góðs að fara að
hrúga niður fleiri stofnanabygging-
um í miðbæinn, því eftir klukkan
fjögur á daginn er allt líf horfið úr
þessum byggingum.
Ég vildi t.d. mun frekar sjá
Listaháskólann þarna. Það er líklega
komið nóg af kaffi- og veitingahúsum
í miðbænum, en við virðumst alltaf
lifa í draumi um langt sumar þar sem
maður situr heilu dægrin á útikaffi-
húsum í miðbæ Reykjavíkur. Stað-
reyndin er hins vegar sú að þetta
gerist ekki mikið oftar en þrjá daga á
sumrin. Ég held samt að miðbærinn
sé ennþá lifandi þegar kemur að
menningunni, en til að viðhalda því
þarf að gera hluti sem ýta undir það,
eins og t.d. að skipta út einhverjum
ráðuneytiskössum fyrir listaháskóla.
Það er hins vegar ekki til nein form-
úla um það hvernig á að laða fólk að
miðbænum og það getur verið erfitt
að snúa þeirri þróun við sem virðist
vera í gangi.“
Enga afsláttarútgáfu
Skipulagsmálin í Bessastaða-
hreppi eru Sveinbirni hugstæðari en
skipulagsmál Reykjavíkur. „Vægi
Bessastaðahrepps sem mjög sér-
staks samfélags mun aukast sífellt á
næstu árum eftir því sem byggð þétt-
ist hér allt í kring. Það má ekki ger-
ast að hér verði byggð hverfi á sama
hátt og í nágrannasveitarfélögunum.
Það væri skammsýni að hafa lóðir
jafn litlar og raun ber vitni og al-
gengt er annars staðar á höfuðborg-
arsvæðinu. Ég vil ekki að hér verði
eins konar afsláttarútgáfa af ná-
grannasveitarfélögunum, þannig að
fólk sem hefur ekki efni á því að
kaupa sér íbúðir t.d. í Smárahverfi
kaupi lóðir hér í staðinn. Ég held það
sé ekki snjöll stefna til lengri tíma lit-
ið.
Jafnvel þó að hreppurinn gæti
aukið tekjur sínar með því að fjölga
byggingarlóðum til að fá fleiri íbúa í
hreppinn, þá tel ég það skammsýni,
því búast má við að fólk muni í vax-
andi mæli sækjast eftir þessari sér-
stöðu í framtíðinni og verði tilbúið til
að greiða fyrir hana.“
Dýrmætt að eiga
ósnortin svæði
Sveinbjörn I. Baldvinsson ásamt syni sínum Finni Sigurjóni. Í baksýn er bærinn Sviðholt, sem Sveinbjörn telur að sé síð-
asti sveitabærinn á höfuðborgarsvæðinu. Hann vill að búskapur í einhverri mynd verði stundaður þar áfram.
gudlaug@mbl.is
Morgunblaðið/Kristinn
Kópavogur - Hjá fasteignasölunni
Skeifunni er nú í sölu einbýlishús að
Vatnsendabletti 86 í Kópavogi.
Þetta er timburhús, byggt 1950 og
er 98 m2 að flatarmáli.
„Þetta er fallegt hús á frábærum
stað með útsýni yfir Elliðavatn,“
sagði Sigurður Hjaltested hjá Skeif-
unni. „Gengið er inn í anddyri sem
er flísalagt. Úr anddyri til hægri er
snyrting og er gólfið þar flísalagt,
en þar er innrétting og sturta.
Inn af anddyri er þvottahús með
gólfdúk, en úr anddyri er gengið inn
í stofu sem er parketlögð. Til hægri
úr stofu er eldhús og er það með
nýjum kirsuberjainnréttingum og
gaseldavél. Úr stofunni er gengið
inn í sjónvarpshol, úr holi er svo
herbergi með lökkuðu trégólfi eins
og er einnig í sjónvarpsholi.
Gengið er upp tréstiga úr sjón-
varpsholi og eru tvö svefnherbergi
með spónaparketi á gólfum í risi og
einnig er gengið út á suðvesturpall
úr sjónvarpsholi. Lítið geymsluhús
er á lóðinni, en hún er um einn hekt-
ari að stærð. Eignin hefur verið
talsvert endurnýjuð, m.a. er búið að
skipta um allar undirstöður og bita
sem þurfti að skipta um og var ekk-
ert til þeirrar aðgerðar sparað.
Byggð var grind utan um húsið með
tjörupappa, en þannig kom þykk
einangrun á það og svo var sett
bjálkaklæðning af vönduðustu gerð
utan um það þannig að það er bæði
þétt og gott.
Skipt var í leiðinni um alla glugga
og einnig sett ný svalahurð. Settur
var upp pallur úr gagnvörðu efni,
málað þak og settar upp nýjar renn-
ur.
Sett var upp ný eldhúsinnrétting
úr kirsuberjaviði, öll eldhústæki eru
ný, ofn, hellur og annað, sett voru
ný gólfefni á húsið, parket og flísar
og dúkur á þvottahús. Nýr stigi var
settur upp, rafmagnslagnir yfir-
farnar og þræddar upp á nýtt, loks
var sett ný rotþró og leiðslur að
henni.
Kópavogsbær sér um þjónustu
við hverfið, m.a. að hirða rusl og það
er skólabíll sem nær í börn. Kópa-
vogsbær sér einnig um snjómokstur
alveg að húsinu yfir vetrartíma.
Öll vinna við húsið var fram-
kvæmd af fagmönnum af bestu gerð
og ekkert sparað við endurbæturn-
ar. Húsið er því í topplagi og á ekki
að þurfa viðhalds við í nánustu
framtíð. Ásett verð er 15,6 millj.
kr.“
Vatnsendablettur 86
Þetta er talsvert endurnýjað timburhús með góðu útsýni yfir Elliðavatnið. Lítið
geymsluhús er á lóðinni, en hún er um einn hektari að stærð. Ásett verð er 15,6
millj. kr., en þessi eign er til sölu hjá Skeifunni.