Morgunblaðið - 05.02.2002, Blaðsíða 27

Starfsmenn Skrauthamra ehf. vinna að byggingu raðhúss við Austurmýri í Fosslandi. Jón Steingrímur Kjartansson,
Bjarki Áskelsson, Sigurgeir Kristmannsson, Jón Markússon og Róbert Daðason.
TVÖ byggingasvæði eru í hraðri
uppbyggingu á Selfossi, annars veg-
ar í Fosslandi með Eyravegi og hins
vegar í Suðurbyggð sunnan þétt-
býlisins. Á síðustu þremur árum hafa
verið byggðar 210 íbúðir á Selfossi og
ekkert lát virðist vera á eftirspurn
eftir lóðum.
„Maður verður heldur betur var
við áhuga fólks á þessu svæði í gegn-
um fyrirspurnir sem hingað berast
um lóðir og greinilegt að þetta svæði
hérna, Selfoss og Árborgarsvæðið í
heild, hefur aðdráttarafl, sagði Bárð-
ur Guðmundsson, byggingarfulltrúi í
Sveitarfélaginu Árborg.
Hann benti á að árið 1998 hefðu
verið byggðar 16 íbúðir en árið eftir
voru þær 45 og síðan 85 árið 2000 og
80 á síðasta ári. „Ég finn engan slaka
á þessu nema núna rétt í vetur þegar
skammdegið var mest en núna sóp-
ast inn teikningar til staðfestingar,“
sagði Bárður.
Hann sagði mesta byggingaþung-
ann vera á Selfossi en einnig væri
áhugi fyrir Eyrarbakka og Stokks-
eyri. „Ég sé að það verða hús í bygg-
ingu í þorpunum við ströndina í sum-
ar,“ sagði hann og kvaðst einnig
verða var við verulegan áhuga fólks á
að byggja í eldri hluta þorpanna, þar
sem ákvæði eru um hús í eldri bygg-
ingarstíl eins og fyrir eru á Eyrar-
bakka og að nokkru á Stokkseyri.
Tvöföldun Suðurbyggðar
í undirbúningi
Bárður sagði að brugðist væri við
þessum mikla áhuga með auknu
framboði á lóðum, bæði af hálfu
sveitarfélagsins með lóðum í Suður-
byggðinni og síðan af hálfu einka-
aðila, Fossmanna, sem stæðu að upp-
byggingu Fosshverfisins með
Eyravegi.
Búið er að deiliskipuleggja lóðir
fyrir 87 íbúðir í Suðurbyggð og búið
að úthluta þeim flestum. Auk þess
hafa 19 lóðir verið gerðar klárar til
úthlutunar í Suðurbyggðinni.
Bárður sagði að á næstunni yrði
auglýst deiliskipulag af því sem eftir
væri af Suðurbyggðinni en þar er um
að ræða tvöfalt stærra svæði en það
sem nú er fyrir hendi, með lóðum fyr-
ir allar gerðir húsa, raðhús, parhús,
einbýlishús og fjölbýlishús. Á þessu
svæði verður reistur nýr grunnskóli
ásamt leikskóla og verður deiliskipu-
lag þeirrar lóðar auglýst sérstaklega.
150 lóðir tilbúnar í Fosslandi
Fossmenn ehf. hafa lokið við að
deiliskipuleggja stærstan hluta
Fosslandsins með Eyraveginum.
Fyrsti áfanginn er nánast fullbyggð-
ur, en í honum eru 95 íbúðir.
Þá eru nú tilbúnar lóðir í öðrum
áfanga Fosslandsins til sölu fyrir 150
íbúðir. Í öðrum áfanga er nú þegar
byrjað á 30 íbúðum og þar á meðal er
lokið við byggingu 20 íbúða fjölbýlis-
húss. Allar lóðir í Fosslandi eru eign-
arlóðir og greiðir fólk ekki lóðarleigu
af þeim.
Að sögn Guðmundar Sigurðsson-
ar, framkvæmdastjóra Fossmanna,
gefst fólki möguleiki á láni til 40 ára,
við úthlutun, fyrir lóðarverðinu.
„Þriðji áfanginn hjá okkur bíður eftir
kalli markaðarins. Það svæði er syðst
í landinu og eftir er að deiliskipu-
leggja það en þar rúmast 200 íbúðar-
hús,“ sagði Guðmundur Sigurðsson.
Hann sagði að stærsti hluti lóð-
anna hefði verið seldur verktökum
sem seldu síðan frá sér íbúðir og hús
til fólksins.
Sjónrænn síbreytileiki
allt árið
„Í áfanganum, sem nú er verið að
selja, eru stórar einbýlishúsalóðir á
bökkum Ölfusár. Þar er um að ræða
einstaklinga af svæðinu hérna og
ekki síður frá höfuðborgarsvæðinu,“
sagði Guðmundur.
Aðspurður hvað það væri sem
drægi fólk til búsetu í Fosslandinu á
Selfossi, sagði Guððmundur: „Útsýn-
ið hérna er rómað af fólki sem kann
að meta slíkt og svo er byggðin hérna
á bökkum vatnsmesta fljóts landsins
og straumurinn í ánni skapar sjón-
rænan síbreytileika allt árið.
Svo er líka annað sem gerir en það
er að þetta er gott byggingarland
með traustum berggrunni þar sem
stutt er á fast en það kunna verktak-
ar vel að meta. Þá er það ekki síst það
að hverfið er aðeins í 500 metra fjar-
lægð frá miðbæ Selfoss sem er gott
göngufæri. Svo nefnir aðkomufólk að
þetta sé rólegt og þægilegt samfélag
hér á Selfossi.“
Nokkur stórhýsi
byggð
Bárður Guðmundsson, byggingar-
fulltrúi Árborgar, segir að auk venju-
legra íbúðarhúsa hafi verið byggð
nokkur stórhýsi á Selfossi á undan-
förnum þremur árum og nefnir þar
Húsasmiðjuna, hús Árvirkjans við
Eyraveg, leikskóla, 20 íbúða fjöl-
býlishús við Fossveg 6 og tvö 14
íbúða fjölbýlishús við Ástjörn.
Einnig Bónushúsið við Austurveg,
skrifstofuhús við Austurveg 6, hús
Bílasölu Suðurlands og hús væntan-
legs bílasafns við Hrísmýri. Þá væri
nú að rísa stórhýsið Ársalir með Hót-
el Selfoss við Ölfusárbrú en það verð-
ur tekið í notkun í vor.
Tvö ný íbúðahverfi í hraðri
uppbyggingu á Selfossi
Guðmundur Sigurðsson, framkvæmdastjóri Fossmanna ehf., á svölum fjölbýlishússins á Fossvegi 6 á Selfossi. Horft er
til suðurs yfir tilbúnar lóðir og götur í hverfinu.
210 íbúðir
byggðar á
þremur árum
Selfossi. Morgunblaðið.
Horft yfir grunn að raðhúsi við Dverghóla í Suðurbyggð í áttina að svæðinu þar
sem nýr skóli mun rísa.
Morgunblaðið/Sig. Jóns.
– Fyrst má nefna námskeið fyrir
stjórnir húsfélaga um starfsemi,
rekstur og stjórnun húsfélaga, þar á
meðal um húsfundi, segir Sigurður
Helgi. – Ráðgerð eru þrjú námskeið á
tímabilinu febrúar til maí.
Ennfremur verður veitt sérstök
lögfræðilega ráðgjöf til forsvars-
manna húsfélaga á þeim tíma, þegar
aðalfundir húsfélaga eru venjulega
haldnir. Þetta verður ókeypis síma-
ráðgjöf hjá lögfræðingum félagsins
um húsfélög og aðalfundi þeirra.
– Raunar geta félagsmenn hvenær
sem er fengið upplýsingar, gögn og
ráðgjöf um hvaðeina, sem snertir
eignir þeirra og hagsmuni á skrif-
stofu félagsins í Síðumúla 29, segir
Sigurður Helgi. – Skrifstofan er opin
mánudaga til fimmtudaga kl. 9–15, en
símsvörun er 10–14 og föstudaga kl.
9–13.
Þangað geta félagsmenn komið
eða hringt og fengið úrlausn sinna
mála. Á skrifstofunni eru auk þess
fyrirliggjandi margvísleg gögn og
upplýsingar. Þar má nefna lög og
reglugerðir, eyðublöð fyrir húsa-
leigusamninga og fræðsluefni af
ýmsu tagi.
Af marggefnu tilefni skal áréttað,
að þjónusta félagsins er einskorðuð
við félagsmenn, enda standa þeir ein-
ir undir allri starfsemi þess með fé-
lagsgjöldum sínum. Panta þarf við-
talstíma hjá lögfræðingum fyrir
fram, þar sem þjónustan er það eft-
irsótt.
Húseigendafélagið heldur einnig
úti heimasíðu á Netinu og er slóðin
www.huseigendafelagid.is. Heima-
síðan geymir margvíslegar upplýs-
ingar um Húseigendafélagið, starf-
semi þess og viðfangsefni.
Þar er m.a. yfirlit yfir greinar, sem
lögfræðingar félagsins hafa ritað og
félagsmenn geta fengið á skrifstof-
unni. Ennfremur er þar að finna
fréttir og annan fróðleik fyrir húseig-
endur. Á síðunni eru tengingar við
stofnanir og fyrirtæki, sem sýsla með
fasteignir. Þaðan má sækja lög og
reglugerðir og álit kærunefnda.
Húseigendafélagið aðstoðar einnig
félagsmenn sína við samningsgerð
vegna útleigu á húsnæði, þar á meðal
við að kanna feril og skilvísi umsækj-
enda um leiguhúsnæði. Útleiga getur
verið áhættusöm fyrir leigusala, ef
hann fer ekki að öllu með gát. Ef van-
efndir verða stendur félagsmönnum
til boða aðstoð lögfræðinga félagsins.
Húseigendafélagið býður upp á að-
stoð við fundarstjórn og fundargerð-
arritun í samvinnu við Junior Cham-
ber-hreyfinguna. – Þessi hreyfing
hefur á sínum snærum hæft og þjálf-
að fólk til að stjórna húsfundum og
rita fundargerðir, segir Sigurður
Helgi. – Þetta tryggir bæði vönduð
og fagleg vinnubrögð húsfunda og
traustari úrlausn mála. Upplýsingar
um þessa þjónustu má fá hjá skrif-
stofu Húseigendafélagsins.
Húseigendafélagið hefur útbúið
fundargerðabók, sem er sérsniðin að
þörfum húsfélaga í fjöleignarhúsum.
Bókin hefur að geyma aðgengilegar
og hagnýtar upplýsingar og leiðbein-
ingar um flest, sem lýtur að stjórn,
ákvarðanatöku og fundum húsfélaga,
þar á meðal hvernig eigi að stýra
fundum og rita fundargerðir. Þessi
bók er því þarfaþing fyrir öll hús-
félög, sem vilja hafa hlutina á hreinu.
Barátta fyrir réttarbótum
Réttarbætur á þeim sviðum, sem
snerta fasteignir og eigendur þeirra,
hafa verið þýðingarmikill þáttur í
hagsmunabaráttu Húseigendafé-
lagsins.
– Á síðustu árum hefur félagið m.a.
haft frumkvæði að setningu laga um
fjöleignarhús og húsaleigulög, segir
Sigurður Helgi. – Sama máli gegnir
um frumvarp um fasteignakaup, sem
lagt hefur verið fram á Alþingi. Laga-
leg umgjörð fasteigna hér á landi er
því fyrir tilstilli félagsins að verða
mjög góð.
Enn skortir samt hér á landi al-
menna löggjöf um grennd og nábýli,
en slík löggjöf hefur verið sett í sum-
um nágrannalöndum okkar.
– Með skýrri og ítarlegri löggjöf á
þessu sviði mætti gera réttarstöðu
fasteignaeigenda öruggari, segir Sig-
urður Helgi Guðjónsson að lokum. –
Það verður næsta átaksverkefni okk-
ar að berjast fyrir vandaðri grennd-
arlöggjöf. Vinnan við slíkt frumvarp
var komin á rekspöl fyrir nokkrum
árum, en hefur verið í biðstöðu í
nokkur ár.
MORGUNBLAÐIÐ ÞRIÐJUDAGUR 5. FEBRÚAR 2002 C 27HeimiliFasteignir