Morgunblaðið - 30.05.2002, Blaðsíða 57

FRÉTTIR
MORGUNBLAÐIÐ FIMMTUDAGUR 30. MAÍ 2002 57
VERKEFNISSTJÓRN ramma-
áætlunar um nýtingu vatnsafls og
jarðvarma, í samstarfi við Land-
vernd, boðar til kynningafundar
um niðurstöður tilraunamats á 15
virkjunarhugmyndum. Fundur-
inn verður haldinn í dag, fimmtu-
daginn 30. maí, kl. 16.30 í Háskóla
Íslands, VRII – stofu 157.
Fundurinn verður tengdur fjar-
fundabúnaði og þeir sem hafa
áhuga á að taka þátt í fundinum
með þeim hætti eru vinsamlegast
beðnir um að tilkynna það til
tryggvi@landvernd.is
Fjarfundir verða á Akureyri og
Egilsstöðum. Fundurinn á Akur-
eyri verður í stofu L101 í Háskóla
Akureyrar á Sólborg. Fundurinn
á Egilsstöðum verður í Þróunar-
stofu Austurlands, Miðvangi 2,
segir í fréttatilkynningu.
Rammaáætlun
um nýtingu vatnsafls
og jarðvarma
48 STÚDENTAR voru braut-
skráðir frá Flensborgarskólanum
í Hafnarfirði við hátíðlega athöfn
í Víðistaðakirkju laugardaginn
25. maí. Bestum námsárangri
stúdenta náði Baldur Páll Magn-
ússon en jafnframt því að vera
með besta útkomu þá lauk hann
prófi af þremur brautum, eðlis-
fræði-, hagfræði- og tónlistar-
braut. Hann lauk stúdentsprófi
með alls 225 einingar. Ekki mun
neinn hafa lokið jafnmörgum ein-
ingum við skólann. Voru honum
veittar margar viðurkenningar
sem og öðrum nemendum.
Í ræðu sinni kom Einar Birgir
Steinþórsson, skólameistari, víða
við. Hann lýsti meðal annars því
gróskumikla starfi sem fer fram í
skólanum og sagði frá nýjungum í
námsframboði og væntingum sem
uppi eru í húsnæðismálum. Hann
vék einnig að þeim stóra hópi
nemenda sem skilar afbragðs-
góðum árangri við skólann og
þakkaði forystu nemendafélagsins
fyrir vel unnin störf.
48 stúdentar braut-
skráðir frá Flensborg
Morgunblaðið/Árni Sæberg
TÍU nuddarar, sex lyfjatæknar,
þrír sjúkraliðar, átta tanntæknar,
níu læknaritarar og 71 stúdent,
alls 106 nemendur, voru braut-
skráðir frá Fjölbrautaskólanum
við Ármúla laugardaginn 25. maí
síðastliðinn. Dúx skólans að þessu
sinni var Hanna Lilja Guðjóns-
dóttir.
795 nemendur stunduðu nám í
dagskóla á þessari önn og 57 nem-
endur voru í fjarnámi, en skólinn
tók upp kennslu með fjarnáms-
sniði á haustönn.
Einnig verður boðið upp á sum-
arfjarnám og er það í fyrsta skipti
sem það er gert hér á landi. Eft-
irspurnin hefur verið mikil og
getur fólk nú stundað fjarnám allt
árið um kring.
Fjölbrautaskólinn við Ármúla
útskrifar 106 nemendur
Morgunblaðið/Kristinn
HAFDÍS Gísladóttir er fram-
kvæmdastjóri Félags heyrnarlausra
en ekki formaður eins og sagt var í
blaðinu í gær í frétt um samstarf
Vesturhlíðarskóla og Hlíðaskóla.
Beðist er velvirðingar á mistökunum.
Vantaði auða seðla og ógilda
Í frétt um kosningaúrslit á Vopna-
firði í Morgunblaðinu í fyrradag
gleymdist að geta um auða seðla og
ógilda, en þeir voru fimmtán. Þannig
tóku þátt í sveitarstjórnarkosning-
unni á Vopnafirði 510 manns, en ekki
495 eins og hermt var í fréttinni.
Kosningaþátttakan var því 88,08%.
LEIÐRÉTT
SENDIRÁÐ Bandaríkjanna býður
öllum áhugasömum á opinn fund um
skipulagsmál og framtíðarsýn mið-
borgarinnar með bandaríska skipu-
lagsfræðingnum Ronald Lee Fleming
fimmtudaginn 30. maí kl.fimm í A-sal
á Hótel Sögu.
Ronald Lee Fleming hefur meðal
annars verið tilnefndur til Pulitzer-
verðlauna fyrir bækur sínar. Hann
rekur stofnun undir heitinu Town-
scape Institute sem hefur komið að
verkefnum í yfir hundrað samfélög-
um í tíu löndum ýmist með ráðgjöf,
hönnun, hugmyndasmíði eða fræði-
mennsku.
The Townscape Institute leitast við
að leiða saman arkitekta, skipulags-
fræðinga, listamenn og sagnfræðinga
til að auka gæði umhverfishönnunar
hverju sinni.
Erindi Ronalds Lee Fleming heitir
Borgarhönnun: Að skapa samrýman-
legt og sjálfbært hönnunarferli.
Allir velkomnir meðan húsrúm
leyfir.
Sömuleiðis eru allir skipulagsfræð-
ingar, arkitektar og aðrir áhugamenn
minntir á morgunverðarfundinn
„Miðborgin miðpunktur mannlífs“ á
vegum Reykjavíkurborgar í sam-
vinnu við Borgarfræðasetur á Grand
Hótel í dag, fimmtudaginn 30. maí kl.
8:30–10 en þar mun Ronald Lee
Fleming einnig taka til máls ásamt
Salvöru Jónsdóttur, sviðsstjóra á
Skipulags- og byggingarsviði og Jó-
hannesi Kjarval, arkitekt og deildar-
stjóra miðborgarverkefna á Skipu-
lags- og byggingarsviði. Þátttaka
tilkynnist á asakolka@hus.rvk.is.
Þátttökugjald er 1000 kr. og er
morgunverður innifalinn, segir í frétt
frá sendiráði Bandaríkjanna.
Opinn
fundur
um skipu-
lagsmál
ESKIMO Models hefur borist fjöldi
ábendinga, ýmist frá ungum stúlk-
um eða foreldrum þeirra, um sím-
hringingar sem hafa átt sér stað í
nafni Eskimo að undanförnu. Í
þeim hefur stúlkum á aldrinum 13–
15 verið boðin þátttaka í fegurð-
arsamkeppnum, námskeiðum eða
einhverju líku.
Því vilja Eskimó Models taka
fram, að engar slíkar símhringingar
hafa átt sér stað á vegum fyrirtæk-
isins. Eskimo Models stendur ekki
fyrir fegurðarsamkeppni meðal
stúlkna á unglingsaldri og slíkt er
ekki fyrirhugað, segir í fréttatil-
kynningu frá Eskimo Models.
Símhringingar
ekki á vegum
Eskimo Models
FÉLAG íslenskra bifreiðaeigenda,
FÍB, fagnar 70 ára afmæli á þessu
vori. Af því tilefni heldur félagið af-
mælishátíð í Perlunni laugardaginn 1.
júní. „Hápunktur hennar verður
skemmtilegt fjölskyldurall um byggð-
ir og náttúruperlur Reykjaness. Í
þessum leik er nauðsynlegt að allir í
bílnum, börn og fullorðnir, vinni sam-
an að því að leysa ýmis verkefni og að
því að komast ferðahringinn innan
tímamarka. Fyrsti bíllinn verður
ræstur af stað kl. 10 árdegis við Perl-
una. Áætlað er að leikurinn taki um
þrjár klukkustundir.
Inni í Perlunni og utandyra verður
bílasýning sem tengist 70 ára sögu
FÍB. Meðal sýningargripa er forláta
Studebaker-bifreið árgerð 1930 sem
var í eigu eins af stofnfélögum FÍB,
Ólafs í Fálkanum. Auk þess verða
ýmsir bílar sem á sinn hátt mörkuðu
tímamót í bifreiðasögu Íslands. Utan-
dyra verða nýir bílar af mörgum
stærðum og gerðum.
Loks kynnir FÍB-Aðstoð nýjan
þjónustubíl sem verið er að taka í
notkun. Bíllinn er af Toyota RAV-
gerð. Við hlið hans verður Land Rov-
er árgerð 1962 en þjónustubílar FÍB
voru þeirrar gerðar á sjöunda áratug
20. aldarinnar.
FÍB-Aðstoð er neyðar- og hjálpar-
þjónusta sem stendur félagsmönnum
FÍB til boða allan sólarhringinn, alla
daga ársins. Sýningin verður opin á
laugardag frá kl. 9.30 til 20. Aðgangur
er ókeypis,“ segir í fréttatilkynningu
frá FÍB.
Fjölskyldurall
á vegum FÍB
BANDALAG kvenna í Reykjavík
verður 85 ára í dag, 30. maí. Af því
tilefni verður opnuð sýning á ljós-
myndum og munum er varpa ljósi
á þróun og sögu aðildarfélaga
bandalagsins. Sýningin verður
opnuð við hátíðlega athöfn í Ráð-
húsi Reykjavíkur laugardaginn 1.
júní kl. 14.
Formaður Bandalags kvenna í
Reykjavík, Hildur G. Eyþórsdótt-
ir, flytur ávarp og síðan verða
ávörp gesta. Söngflokkurinn Grad-
uale Nobili flytur nokkur lög.
Flytur frumort ljóð
Sigurbjörg Þrastardóttir skáld
flytur frumort ljóð í tilefni afmæl-
isins, Anna Sigríður Helgadóttir
syngur við undirleik Jónasar Þóris
og Stella Guðnadóttir, formaður
afmælisnefndar BKR, afhendir
nýjan fána sem gjöf frá aðildar-
félögunum. Veislustjóri verður
Geirlaug Þorvaldsdóttir, formaður
Félags háskólakvenna og Kven-
stúdentafélags Íslands.
Afmælissýningin verður opin frá
2.–16. júní kl. 10–19, hönnuður
sýningarinnar er Stígur Steinþórs-
son leikmyndateiknari.
Bandalag kvenna í Reykjavík er
fjölmennasta sambandið innan
Kvenfélagssambands Íslands.
Tuttugu aðildarfélög taka þátt í
sýningunni og um sex nefndir inn-
an bandalagsins, innan þess starfa
tólf nefndir, segir í frétt frá
Bandalagi kvenna í Reykjavík.
Bandalag kvenna
í Reykjavík 85 ára
BORGFIRÐINGAFÉLAGIÐ í
Reykjavík verður með opið hús í
Borgarseli, bústað félagsins, laugar-
daginn 1. júní eftir kl. 14, segir í
fréttatilkynningu.
Opið hús
í Borgarseli