Morgunblaðið - 30.05.2002, Blaðsíða 16

AKUREYRI
16 FIMMTUDAGUR 30. MAÍ 2002 MORGUNBLAÐIÐ
Brekkugötu 27A,
Akureyri,
s. 462 1285,
gsm 692 7278
Góð gisting/góð
staðsetning

Stutt í miðbæinn, sund, matsölustaði og alla þjónustu.

Sjö vel útbúin herbergi í fallegu húsi með frábæru útsýni.

Kannaðu málið, við tökum vel á móti þér.
SVEINN Þórarinsson formaður
stjórnar Rafmagnsveitna ríkisins,
Rarik, sagði í ræðu sinni á ársfundi
fyrirtækisins á Akureyri í gær, að
frumvarp til laga um jöfnun kostn-
aðar við flutning og dreifingu á raf-
orku kæmi verulega til móts við
óskir fyrirtækisins. Fyrirliggjandi
raforkulagafrumvarp og frumvarp
um stofnun hlutafélags um Rarik
boðaði jafnframt breytingar á því
umhverfi sem fyrirtækið hefði búið
við.
„Mér er fyllilega ljóst að í hinu
nýja og breytta umhverfi verður
sótt að okkur úr ýmsum áttum. Oft
hafa heyrst raddir um að skipta
eigi Rarik upp í nokkur landshluta-
fyrirtæki. Ég tel fráleitt að það
muni verða til góðs fyrir viðskipta-
vini okkar eða leiða til lægra orku-
verðs eða betri þjónustu. Þvert á
móti vil ég styrkja fyrirtækið með
frekari samruna eða sameiningu.
Svo sem kunnugt er standa yfir
viðræður við Akureyringa sem
hníga í þessa átt. Í því sambandi
eiga menn ekki að láta það halda
fyrir sér vöku hvar höfuð fyrirtæk-
isins situr,“ sagði Sveinn.
Hann sagði að ríkið ætti Rarik
og jafnframt Orkubú Vestfjarða og
helming í Landsvirkjun. „Ég get
ómögulega séð mikla hagkvæmni í
því að sami eigandi sé að reka fyr-
irtæki nánast á sama sviði í okkar
litla landi. Séu breytingar á eign-
arhaldi Reykjavíkurborgar í
Landsvirkjun á næsta leiti, finnst
mér mjög athugandi að skoða sam-
einingu fyrirtækjanna. Hag-
kvæmnisrök verða sína að skera úr
um framhaldið,“ sagði Sveinn.
Sameining orkufyrirtækja
myndi styrkja landsbyggðina
Valgerður Sverrisdóttir iðnaðar-
og viðskiptaráðherra sagði m.a. í
ræðu sinni á ársfundinum að frá
því upphafleg ákvörðun var tekin
um könnun á sameiningu Rarik og
Norðurorku hefði ríkið keypt
Orkubú Vestfjarða og að í náinni
framtíð væri stefnt að því sameina
starfsemi Rarik og Orkubúsins.
„Ég tel að það muni efla og
styrkja landsbyggðina ef tækist að
mynda sterkt orkufyrirtæki með
sameiningu þessara fyrirtækja.
Enginn veit enn hvort af þessum
áformum verður eða ekki,“ sagði
Valgerður. Hún sagði ljóst að um-
hverfi raforkufyrirtækja mundi
vafalaust breytast hér á landi á
næstu árum eins og gerst hefði er-
lendis. Valgerður sagði það stefnu
ráðuneytisins að efla og styrkja
starfsemi Rarik í framtíðinni og að
unnið hefði verið að því marki á sl.
tveimur árum.
„Umræða um þessi mikilvægu
mál hefur einskorðast nokkuð við
það sjónarmið að eðlilegt væri að
höfuðstöðvar sameinaðs fyrirtækis
yrðu staðsettar á Akureyri í sam-
ræmi við það að meginverkefni
hins nýja fyrirtækis yrði að þjóna
landsbyggðinni rétt eins og Rarik
hefur með sóma sinnt um áratuga
skeið.“
Valgerður sagðist gera sér grein
fyrir þeim mannauði, reynslu og
þekkingu sem væri að finna í
starfsmönnum fyrirtækisins og að
það þyrfti að hafa í huga þegar og
ef breytingar yrðu gerðar á starf-
semi eða starfsmannaumhverfi.
Kristján Jónsson rafmagnsveitu-
stjóri sagði í sínu ávarpi að þrátt
fyrir þá umræðu sem verið hefði
um framtíð fyrirtækisins hefðu
starfsmenn haldið höfði jafnt innan
vinnustaðar sem utan og sinnt sín-
um skyldum.
Sveinn Þórarinsson, formaður stjórnar Rafmagnsveitna ríkisins
Vil styrkja fyrirtækið með
samruna og sameiningu
Morgunblaðið/Kristján
Sveinn Þórarinsson, formaður stjórnar Rarik, og Valgerður Sverris-
dóttir iðnaðar- og viðskiptaráðherra á ársfundi fyrirtækisins í gær.
SAMKOMULAG hefur náðst milli
Sjálfstæðisflokks og Framsóknar-
flokks um nýjan meirihluta í bæjar-
stjórn Akureyrar. Alls hafa flokkarn-
ir sjö bæjarfulltrúa í bæjarstjórn
Akureyrar. Þrír flokkar verða í
minnihluta, Listi fólksins með tvo
menn, Samfylking og Vinstri grænir
með einn mann hvor flokkur.
Um 30 ár eru frá því þessir tveir
flokkar, Sjálfstæðisflokkur og Fram-
sóknarflokkur unnu síðast saman í
bæjarstjórn á Akureyri. Síðasti
meirihluti sem þannig var skipaður
var myndaður árið 1970.
Gengið hefur verið frá samkomu-
lagi um málefnasamning og skipan í
nefndir og ráð. Kristján Þór Júlíusson
verður áfram bæjarstjóri samkvæmt
heimildum Morgunblaðsins og Jakob
Björnsson formaður bæjarráðs. Ekki
hefur verið ákveðið hver muni gegna
embætti forseta bæjarstjórnar.
„Ég er mjög sáttur við þessa nið-
urstöðu. Það var ekkert annað í spil-
unum í mínum huga en að láta á það
reyna hvort þetta samstarf næðist og
sú er reyndin,“ sagði Kristján Þór
Júlíusson bæjarstjóri. „Ég hlakka til
næstu fjögurra ára, hér eru næg
verkefni fyrir hendi og góður gangur í
bænum og svoleiðis verður það
áfram.“
Samkomulagið verður borið undir
fulltrúaráð flokkanna tveggja á laug-
ardagsmorgun, 1. júní.
Sjálfstæðis-
og fram-
sóknarmenn
mynda nýjan
meirihluta
FULLTRÚAR Norðurlandsskóga,
Garðyrkjuskóla ríkisins, Skóg-
ræktar ríkisins og Landgræðslu
ríkisins hafa skrifað undir samn-
ing um samstarf vegna verkefnis
sem ber yfirskriftina „Grænni
skógar.“ Um er að ræða heild-
stæða námskeiðaröð sem skóg-
arbændum á Norðurlandi verður
boðið upp á. Námið hefst næsta
haust og stendur yfir í þrjú ár, eða
til ársloka 2005. Námskeiðin eru
einkum ætluð skógarbændum eða
þeim sem eru að fara af stað með
skógrækt undir merkjum Norður-
landsskóga. Farið verður yfir nær
alla þætti skógræktar á 14 tveggja
daga námskeiðum auk þess sem
farið verður í námsferð til Svíþjóð-
ar og Noregs.
Námskeiðin eru metin til ein-
inga á framhaldsskólastigi.
Sigrún Sigurjónsdóttir, fram-
kvæmdastjóri Norðurlandsskóga,
sagði um tímamótasamning að
ræða fyrir Norðurlandsskóga. Um
væri að ræða mikið framfaraskref
fyrir skógarbændur á svæðinu að
geta með þessum hætti aflað sér
þekkingar heima í héraði í stað
þess að þurfa að taka sig upp og
sækja nám til Hveragerðis. „Ég
vænti mikils af þessu og veit að
skógarbændur verða mun betur í
stakk búnir til að taka virkan þátt
í mótun og framkvæmd skógrækt-
ar og landgræðslu á bújörðum með
það að markmiði að auka land- og
búsetugæði,“ sagði Sigrún.
Sveinn Aðalsteinsson skóla-
meistari Garðyrkjuskóla ríkisins
tók í sama streng og sagði ákaf-
lega ánægjulegt að geta boðið upp
á umrætt nám á Norðurlandi.
Hann sagði áhuga fyrir skógrækt
mikinn í þeim landshluta og því
væri ánægjulegt að verkefnið færi
nú af stað nyrðra. Vonaði hann að
aðrir landshlutar myndu fylgja í
kjölfarið síðar.
Samstarf um
„Grænni skóga“
Morgunblaðið/Kristján
Frá undirritun samningsins í Grundarreit, f.v.: Guðjón Magnússon,
Landgræðslunni, Sigrún Sigurjónsdóttir, Norðurlandsskógum, Ólafur
Oddsson, Skógræktinni, og Sveinn Aðalsteinsson, Garðyrkjuskólanum.
Norðurlandsskógar, Garðyrkjuskól-
inn, Skógræktin og Landgræðslan
RÁÐSTEFNA um mannauðsstjórn-
un verður haldin á vegum Símennt-
unarmiðstöðvar Eyjafjarðar í dag, á
Fiðlaranum og hefst kl. 13.
Gestafyrirlesari verður Sigþrúður
Guðmundsdóttir, framkvæmdastjóri
starfsmannasviðs Landsvirkjunar.
Markmiðið með ráðstefnunni er að
fjalla um mikilvægi þess að meta ár-
angur í stjórnun starfsmanna í sam-
ræmi við aðrar auðlindir í rekstri
fyrirtækja. Meðal annars verður
fjallað um hvaða aðferðum sé hægt
að beita til að meta árangurinn á
markvissari hátt. Þá verður aðferða-
fræðin Markviss kynnt af Katrínu
Dóru Þorsteinsdóttur, forstöðu-
manni Símenntunarmiðstöðvar
Eyjafjarðar.
Fyrirlestur
um mannauðs-
stjórnun
OPIÐ hús verður í gestavinnustofu
Gilfélagsins í Listagili í kvöld,
fimmtudagskvöldið 30. maí, frá kl. 19
til 21.
Þar hefur Ursula Nistrup verið
gestur í þessum mánuði. Hún er
fædd 1974 í Gentofte í Danmörku og
stundaði nám í Københavns Tekn-
iske skole í ljósmyndun, kvikmyndun
og myndbandalist og nú síðustu árin
í Glasgow School of Art. Hún hefur
ferðast um á Norðurlandi og austur-
fyrir og safnað myndum úr nátt-
úrunni.
Skyggnst
í jarðlög
KLÆÐNING ehf. í Kópavogi
átti lægsta tilboð í framkvæmdir
við Hlíðarfjallsveg, frá Rangár-
völlum að Skíðastöðum. Alls bár-
ust fjögur tilboð í verkið og voru
þau opnuð í vikunni. Kostnaðar-
áætlun Vegagerðarinnar hljóð-
aði upp á um 40,5 milljónir
króna en Klæðning bauð um 39,6
milljónir króna, eða 97,6% af
kostnaðaráætlun.
Nóntindur ehf. í Búðardal
bauð rúmar 40,3 milljónir króna
í verkið, eða 99,5%, G. Hjálm-
arsson hf. á Akureyri bauð rúm-
ar 40,6 milljónir króna, eða
100,1% og G.V. gröfur ehf. buðu
48 milljónir króna, eða 118,3% af
kostnaðaráætlun.
Hlíðarfjallsvegur er ónýtur og
hefur verið það í mörg ár, eins
og Sigurður Oddsson, deildar-
stjóri framkvæmda hjá Vega-
gerðinni á Akureyri, orðaði það í
samtali við Morgunblaðið ný-
lega. Vegurinn hefur verið erf-
iður yfirferðar og þá sérstaklega
seinni part vetrar og fram á vor.
Gerðar verða umfangsmiklar
endurbætur á veginum í ár og á
næsta ári, hann byggður upp,
styrktur og lagður bundnu slit-
lagi.
Framkvæmdir við Hlíðarfjallsveg
Klæðning átti
lægsta tilboð
Hlíðarfjallsvegur er illa farinn eftir
veturinn og þurfti að setja upp
skilti vegfarendum til viðvörunar
undir lok skíðavertíðarinnar.
Morgunblaðið/Kristján
♦ ♦ ♦