Morgunblaðið - 09.10.2002, Qupperneq 18

VIÐSKIPTI/ATHAFNALÍF
18 MIÐVIKUDAGUR 9. OKTÓBER 2002 MORGUNBLAÐIÐ
ORKUVEITA Reykjavíkur hefur
keypt ljósleiðaranet Línu.Nets á
1.700 milljónir króna, en Orkuveitan á
76% í Línu.Neti. Um þetta var til-
kynnt í gær og um leið var greint frá
því að Íslandssími og Lína.Net eigi í
viðræðum um hugsanlegt samstarf
eða samruna fyrirtækjanna og að
stefnt sé að því að ná niðurstöðu fyrir
áramót.
Nýverið var tilkynnt um samruna
Íslandssíma og Halló - Frjálsra fjar-
skipta og þá kom fram að tryggt hefði
verið aukið hlutafé til frekari sam-
runa á fjarskiptamarkaði. Í tilkynn-
ingu Íslandssíma sem Kauphöll Ís-
lands birti í gær segir að viðræðurnar
við Línu.Net séu því í takt við yfirlýst
markmið stjórnar Íslandssíma um yf-
irtöku eða samruna félagsins við önn-
ur fjarskiptafélög eða félög í tengdum
rekstri á innlendum eða erlendum
markaði.
Ljósleiðarinn hefði ef til vill átt að
vera í Orkuveitunni frá upphafi
Guðmundur Þóroddsson, forstjóri
Orkuveitu Reykjavíkur, segir að
ástæða þess að Orkuveitan kaupir
ljósleiðaranetið út úr Línu.Neti sé sú
að um sé að ræða veitustarfsemi sam-
bærilega við aðra veitustarfsemi
Orkuveitunnar. „Við sjáum það
kannski í dag að það hefði átt að gera
þetta svona frá upphafi, að vera með
veituna inni í Orkuveitunni,“ segir
Guðmundur.
Hann segir að ástæðan fyrir því að
þetta sé gert nú sé sú að nú sé mikil
samrunabylgja á markaðnum og litlu
fyrirtækin séu að sameinast og það
hafi alla tíð verið skoðun Orkuveit-
unnar að slík sameining væri til góðs.
Hins vegar séu eignir Línu.Nets svo
miklar, að það hjálpi til við samruna á
þessum markaði að eignirnar séu
minni og þar með skuldirnar líka.
Eins og áður segir greiðir Orku-
veitan Línu.Neti 1.700 milljónir króna
fyrir ljósleiðarann. Guðmundur segir
að frá stofnun Línu.Nets hafi Orku-
veitan sett 990 milljónir króna af
hlutafé inn í fyrirtækið og hluti ljós-
leiðarans nú sé greiddur með því. Þá
hafi Orkuveitan haft talsverðar leigu-
og þjónustutekjur af Línu.Neti frá
stofnun fyrirtækisins. Þegar tekjur
séu dregnar frá hafi Orkuveitan sett
um 2,2 milljarða króna inn í Línu.Net
og fyrir þá fjárhæð eigi Orkuveitan
nú ljósleiðaranetið og 67% í Línu.-
Neti. Ársvelta Línu.Nets miðað við
áætlaðar tekjur í desember sé komin í
um 400 milljónir króna.
Óvissa um tekjur Orkuveitunnar
af ljósleiðaranum
Aðspurður segir Guðmundur að
ekki hafi enn verið gengið frá því
hverjar tekjur Orkuveitunnar af ljós-
leiðaranetinu verði eftir kaupin, en
reiknað sé með að þær verði svipaðar
og rekstrar- og fjármagnskostnaður
af netinu. Hann segir að hingað til
hafi Lína.Net ein selt aðgang að net-
inu og viðskiptavinir hennar séu
margir, en hér eftir muni Orkuveitan
líklega einnig selja sjálf aðgang, að
minnsta kosti öðrum endursöluaðil-
um. Fyrirkomulagið verði því svipað
og í sambandi við rafmagnsdreifikerf-
ið.
Spurður um viðræðurnar við Ís-
landssíma nú segir Guðmundur þær
hafa staðið í rúma viku og að í gær
hafi þær verið komnar á það stig að
talið hafi verið rétt að tilkynna þær.
Málið sé þó enn á samningastigi og
ekki frágengið. Menn séu hins vegar
á einu máli um að sameina þurfi litlu
fyrirtækin fjögur á fjarskiptamark-
aðnum, Íslandssíma, Halló-Frjáls
fjarskipti, Tal og Línu.Net.
Aðspurður segir Guðmundur ekki
liggja fyrir hve stóran hlut Orkuveit-
an muni eignast í sameinuðu fyrir-
tæki Íslandssíma og Línu.Nets ef af
sameiningu verði og einnig að of fljótt
sé að segja til um hvað verði um hlut
Orkuveitunnar í því fyrirtæki. Stefn-
an sé þó ekki að eiga til lengri tíma í
slíku fyrirtæki og þar sem Íslands-
sími sé skráð félag á markaði opnist
með sameiningunni leið fyrir Orku-
veituna út úr þessari starfsemi.
Fyrirtækið að leysast upp
Björn Bjarnason, oddviti D-listans
í borgarstjórn, segir að rekstur Línu.-
Nets hafi verið gagnrýndur fyrir
kosningar í vor og að minnihlutinn
hafi bent á að ekki væri hægt að halda
áfram á sömu braut. Sú gagnrýni hafi
reynst á rökum reist þrátt fyrir öll
mótmælin sem meirihlutinn hafi haft
uppi þá. Það hafi verið talað eins og
verið væri að vega að fyrirtækinu
með því að benda á hvað það stæði illa
og hve illa hefði verið haldið á málum.
Þetta hafi allt ræst og fyrirtækið sé
nú að leysast upp og verið sé að koma
málum þannig fyrir að einhver á
einkamarkaði kunni að hafa áhuga á
því.
Guðlaugur Þór Þórðarson, borgar-
fulltrúi, segir að þetta sé vonandi
lokakaflinn í sorglegri sögu Lín-
u.Nets sem sé í raun skólabókardæmi
um hvers vegna stjórnmálamenn eigi
ekki að skipta sér af fyrirtækja-
rekstri, allra síst samkeppnisrekstri.
„Það hafa engar áætlanir um fyrir-
tækið staðist. Eins og menn muna átti
þetta fyrirtæki upphaflega að færa
borgarbúum tölvuboð í gegnum raf-
lagnir með miklu hraðari og ódýrari
hætti en áður hafði þekkst. Menn
hafa farið langt frá því markmiði og
það hefur ýmislegt verið tekið þarna
inn. Það sem nú liggur fyrir er að
menn hafa gefist upp á þessu og hafa
ákveðið að setja allar skuldirnar yfir í
Orkuveituna. Það er í sjálfu sér já-
kvætt að menn séu búnir að opna aug-
un fyrir raunveruleikanum og ætli að
hætta þessum rekstri, en þetta er
býsna dýrt fyrir skattgreiðendur og
sorglegt að búið sé að eyða milljörð-
um króna í þetta.“ Guðlaugur Þór
gagnrýnir einnig vinnubrögðin við
söluna. Hann segir viðræðurnar hafa
staðið lengi yfir, en stjórn Orkuveit-
unnar hafi ekki verið sagt frá þeim
fyrr en á stjórnarfundi í gær.
Markmiðunum hefur verið náð
Í fréttatilkynningu frá Orkuveitu
Reykjavíkur og Línu.Neti segir að
markmiðum Orkuveitunnar með
stofnun Línu.Nets árið 1999 hafi verið
náð. „Byggt hefur verið upp eitt full-
komnasta upplýsingatæknikerfi á
höfuðborgarsvæðinu sem völ er á. All-
flestar heilbrigðis-, mennta-, rann-
sókna- og bankastofnanir, auk ráðu-
neyta og nokkur þúsund fyrirtækja
og einstaklinga nýta sér í dag ljósleið-
aranetið til hagkvæmra samskipta-
leiða og nýta sér tækifæri sem ekki
þekktust áður. Að sama skapi hefur
tilurð ljósleiðaranetsins komið af stað
virkri samkeppni í gagnaflutningum,
sem síðan hefur endurspeglast í
lækkun á gagnaflutningsgjöldum og
fjölbreyttara þjónustuframboði. Þá
var það einnig eitt af markmiðum
Línu.Nets að nýta rafmagnslínur til
gagnaflutninga. Í dag nýta um 400
heimili þessa þjónustu og er gert ráð
fyrir að þeim fjölgi enn frekar í næsta
áfanga.“
Í tilkynningunni segir ennfremur
að með kaupunum á ljósleiðaranetinu
sé skilið á milli reksturs grunnkerf-
isins annars vegar og hinnar virðis-
aukandi þjónustu sem Lína.Net hafi
veitt yfir ljósleiðaranetið hins vegar.
Með kaupum á ljósleiðarakerfinu sé
þannig stofnuð fjórða veitan hjá
Orkuveitu Reykjavíkur. Mikið hag-
ræði felist í sameiginlegum rekstri
ljósleiðarakerfisins og annarra veitu-
kerfa, eins og komið hafi í ljós við
sameiningu annarra veitustofnana.
Öll frekari uppbygging og viðhald
ljósleiðarakerfisins verði því í hönd-
um Orkuveitunnar, sem geti með
þessu eflt enn frekar uppbyggingu
kerfisins samfara endurnýjun ann-
arra lagna í íbúðarhverfunum.
94 milljóna króna tap hjá Línu.Neti
fyrstu átta mánuði ársins
Í uppgjöri Línu.Nets fyrir fyrstu
átta mánuði ársins kemur fram að tap
félagsins eftir skatta hafi verið 94
milljónir króna. Rekstrartekjur fé-
lagsins voru 205 milljónir króna og
rekstrargjöld fyrir afskriftir 213
milljónir króna, sem þýðir að tap fyrir
afskriftir var 8 milljónir króna á
fyrstu átta mánuðum ársins. Fram-
kvæmdastjóri Línu.Nets, Eiríkur
Bragason, segir að tekjur hvers mán-
aðar hafi farið vaxandi í ár og að tekj-
urnar séu nú orðnar meiri en gjöld
fyrir afskriftir. Þannig hafi tekjur í
ágúst numið 37 milljónum króna en
gjöld fyrir afskriftir 27,5 milljónum
króna. Afskriftir fyrir fyrstu átta
mánuði ársins námu 113 milljónum
króna, en fjármunaliðir voru jákvæðir
um 25 milljónir króna.
Heildareignir félagsins í lok ágúst
námu 2.576 milljónum króna og þar af
var ljósleiðarakerfið bókfært á 1.647
milljónir króna, eða sem svarar til um
64% af eignum félagsins. Skuldir Lín-
u.Nets námu 1.597 milljónum króna
og eigið fé 979 milljónum króna. Eig-
infjárhlutfall er því 38%.
Orkuveita Reykjavíkur kaupir ljósleiðaranetið af dótturfyrirtæki sínu Línu.Neti
Ljósleiðarinn er 64%
af eignum Línu.Nets
Samningaviðræður standa yfir
um sameiningu á Línu.Neti og
Íslandssíma. Minnihlutinn í borgar-
stjórn segir gagnrýnina á fyrirtækið
hafa átt við rök að styðjast.
Morgunblaðið/Ómar
Fjarskiptafyrirtækin Íslandssími og Lína.Net stefna að því að viðræðum
um samruna þeirra ljúki ekki síðar en um næstu áramót.
norðurlandamærin að Póllandi, en
þar er lengsta flugbraut í Tékklandi.
Byggingaframkvæmdir hefjast í des-
ember næstkomandi.
Í Dagens næringsliv segir að
stærsta byggingin verði flugskýli
sem í munu geta verið tvær Boeing
747 flugvélar samtímis auk tveggja
meðalstórra flugvéla. Lengd flug-
skýlisins verður 146 metrar, breidd
þess 80 metrar og hæð 21 metri. Í
þennan hluta er áætlað að fari um
1.200 tonn af stáli og 4.500 rúmmetr-
ar af steypu.
ÞÓRIR Garðarsson, eigandi fyrir-
tækisins European Central Aviation,
hefur gert samkomulag við verktaka-
fyrirtæki um byggingu stærstu við-
gerðaraðstöðu fyrir flugvélar í Mið-
Evrópu í Tékklandi. Samningurinn
hljóðar upp á 620 milljónir tékk-
neskra króna, jafnvirði rúmlega 1,7
milljarða íslenskra króna en verk-
takafyrirtækið ZS Brno í Tékklandi
mun annast framkvæmdir. Frá þessu
er greint á fréttavef tékkneska út-
varpsins, Radio Prague, sem og í
norska dagblaðinu Dagens nærings-
liv.
Viðgerðaraðstaðan verður á Mos-
nov-flugvelli í borginni Ostrava, sem
er rúmlega 300 þúsund íbúa borg við
Í frétt Dagens næringsliv segir að
samkvæmt viðskiptaáætlun Þóris
Garðarssonar sé gert ráð fyrir að
hægt verði að vinna við um 100 flug-
vélar á ári. Líklegt sé að starfsemin
muni síðar verða enn umfangsmeiri
því Mosnov-flugvöllur sé einn af fáum
flugvöllum í Evrópu sem sé hannaður
með það í huga að þjóna Airbus 380-
flugvélinni, sem nú sé verið að þróa,
og væntanlega muni verða algeng-
asta flutningavélin í framtíðinni. Gert
sé ráð fyrir að starfsemi Eurepean
Central Aviation hefjist næsta haust
og að innan þriggja ára muni starfs-
menn fyrirtækisins á Mosnov-flug-
velli verða um 250.
Í frétt á fréttavef tékkneska út-
varpsins Radio Prague segir að upp-
haflega hafi BAE Systems í Bret-
landi og Saab í Svíþjóð ætlað að
byggja upp viðgerðaraðstöðu fyrir
flugvélar á Mosnov-flugvelli og að
það hafi verið liður í fyrirhuguðum
kaupum tékkneskra stjórnvalda á
orrustuþotum af þessum flugvéla-
framleiðendum. Hætt hafi hins vegar
verið við þau áform vegna mikils
kostnaðar af völdum flóðanna í Tékk-
landi síðastliðið sumar. European
Central Aviation hafi þá hlaupið í
skarðið.
Íslendingur byggir aðstöðu fyrir
flugvélaviðgerðir í Tékklandi
Stærsta viðgerðaraðstaða
fyrir flugvélar í Mið-Evrópu
SAMTÖK auglýsenda halda
hádegisverðarfund fimmtu-
daginn 10. október kl. 12–
13.30 á Hótel Loftleiðum.
Umræðuefni fundarins er „Í
hvaða dagblaði á ég að aug-
lýsa?“
Framsögumenn verða aug-
lýsingastjórar DV, Frétta-
blaðsins og Morgunblaðsins.
Á auglýsendum dynja alls
konar misvísandi upplýsingar
um í hvaða dagblaði sé best að
auglýsa. En hvað er rétt og
hvað er rangt? Það hlýtur að
skipta verulegu máli þegar lit-
ið er til þess að yfir 50% aug-
lýsingafjár auglýsenda fór í
dagblöð 2001, að því er segir í
fréttatilkynningu.
Rætt um
auglýsingar á
hádegisfundi