Morgunblaðið - 03.11.2002, Blaðsíða 21

MORGUNBLAÐIÐ SUNNUDAGUR 3. NÓVEMBER 2002 B 21
bílar
RENAULT-verk-
smiðjurnar kynntu ný-
verið Mégane II, næstu
kynslóð Renault Még-
ane-fólksbílsins. Még-
ane II hefur fjörlegt út-
lit og eftir tveggja daga
kynni og 500 km akstur
er hann sannfærandi
sem ferða- og borgar-
bíll, röskur og snagg-
aralegur, mjúkur og
liggur vel.
Í útliti er Mégane II
nokkuð lágbyggður og
næstum því síður á
götu en hann er renni-
legur. Framendinn er vel til þess
fallinn að kljúfa loftið mjúklega og
góður halli er á framrúðunni. Hlið-
arnar eru örlítið kúptar eða ávalar
og er heildarlínan skemmtileg
blanda af ávölum línum og dálítið
köntuðum hornum. Nægir þar að
nefna t.d. ljósin sem eru með óhefð-
bundnu lagi. Þá er afturendinn ekki
síður sérkapítuli, brattur gluggi og
örlítið útstætt skott. Má segja að
fram- og afturendi bílsins gefi hon-
um þetta sérstæða útlit sem telja má
fjörlegt og frísklegt. Jafnvel má telja
það fallegt en þó varð vart við það á
ferðinni á dögunum að bíllinn vekur
með mönnum misjöfn viðbrögð. Út-
litið er að nokkru sótt í frumlega
hönnun Avantime og Vel Satis.
Nóg pláss hið innra
Að innan er sami frískleikinn fyrir
hendi. Mælaborið er allt kúpt og
áberandi miðjustokkurinn hefur að
geyma útvarpið, miðstöðvarrofa og
nokkra aðra til og þar eru einnig
smáhólf og hreyfanlegur öskubakki
er þar sem sérstakt sæti ef vill. Gott
er að taka á stýrinu og beint fram af
ökumanni eru hefðbundnir hring-
mælar fyrir snúningshraða og hraða,
mælar fyrir hita og eldsneyti og upp-
lýsingaskjár. Vel fer um ökumann
undir stýri og sömuleiðis getur far-
þegi í framsæti látið fara vel um sig.
Í aftursæti er einnig ágætt pláss.
Ýmsar vélagerðir eru í boði en
einkum var ekið bíl með tveggja lítra
og 136 hestafla bensínvél og með 1,9
lítra dísilvél sem er 120 hestöfl. Báð-
ir bílar voru með sex gíra handskipt-
ingu sem þróuð hefur verið af Niss-
an. Auk þeirra verða boðnar 1,4 lítra
og 1,6 l bensínvélar og 1,5 lítra dís-
ilvél.
Eins og fyrr segir gafst færi á að
aka víða um götur og þjóðvegi í Lúx-
emborg, Belgíu og Hollandi, alls um
500 km. Fékkst ágæt tilfinning fyrir
mjúkri fjöðrun bílsins á mjög mis-
jöfnum vegum, hraðbrautum sem
krókóttum sveitavegum. Og þótt ís-
lenskættaða malarvegi hefði ekki
verið að finna á þessum leiðum gáfu
mjóu og ósléttu sveitavegirnir öku-
manni þá ágætu öryggistilfinningu
að Mégane II væri mjög rásfastur.
Er alveg óhætt að vingsa honum
nokkuð hratt í svona króka enda fyr-
irhafnarlaust með nákvæmu stýrinu.
Ekki þarf heldur að kvarta yfir við-
bragði í þessum knáu bílum og báðar
gerðir eru með eindæmum hljóðlátar
og fara vel með vindgnauð og vél-
arhljóð þótt farið sé um hraðbraut á
vel yfir 130 km hraða.
Áhugaverð gírskipting
Sex gíra skiptingin er áhugaverð.
Renna má stönginni mjög liðlega
milli gíra en þó verður að stýra henni
nokkuð nákvæmlega þegar kemur
að fimmta og sjötta gír. Sjötti gírinn
er góður kostur á hraðbrautum en
hann er samt oft notaður þótt ekki sé
ekið nema á liðlega 100 km hraða þar
sem það er unnt á minni háttar veg-
um.
Í heild má því segja að Mégane II
sé afskaplega geðugt tæki og bíll
sem óhætt er að halda með í hvaða
ferð sem er. Næsta fátt vekur pirr-
ing með ökumanni. Eitt má þó nefna
sem er að heldur þröngt er að
smeygja lúkunni niður með sætis-
bakinu til að breyta stillingu á mjó-
baki. Hefði það mátt vera aðgengi-
legra. Ökumannssætið er á hinn
bóginn með góðum stillingarmögu-
leikum sem vitanlega er lykilatriði.
Annað lykilatriði er verðið á bílnum
þegar hann berst hingað til lands
kringum áramót. Kemst það ekki á
hreint fyrr en nær dregur.
Mjúkur og
snaggaraleg-
ur Mégane II
Morgunblaðið/jt
Mégane II er fjörlegur í útliti.
Mégane II var kynntur blaðamönnum nýlega þar sem
ekið var um þéttbýli og sveitir í Lúxemborg, Belgíu og
Hollandi. Jóhannes Tómasson fann sig vel heima
undir stýri í Mégane II.
joto@mbl.is
Morgunblaðið/jt
Mælaborðið er ágæt blanda af hefðbundinni uppröðun með frumlegu útliti.
Morgunblaðið/jt
Skottið opnast vel og er aðgengilegt.
Síðumúla 24 • Sími 568 0606
Borð 184x108 cm
6x leðurstólar
Tilboð 189.000,-
Olga borðstofusett
sparaðu fé og fyrirhöfn
Audi A6 2.4 V6,
f.skr.d. 05.01. 2001, ek. 19
þús., 4 dyra, sjálfskiptur, 16“
álf., leðurinnrétting, sóllúga
o.fl. Verð 3.840.000.
Alternatorar og startarar
BÍLARAF HF.,
Auðbrekku 20 • S. 564 0400 • Fax 564 0404
í fólksbíla, báta, rútur, vörubíla, vinnuvélar
o.fl., frá Valeo o.fl.
Einnig viðgerðir á alternatorum og störturum.
Kúplingar í rútur, vörub. frá Valeo.
Olíumiðstöðvar, vélahitarar f. bíla, báta o.fl.
Trumatic gasmiðstöðvar
fyrir bíla, báta, húsbíla, fellihýsi, sumarhús
o.fl. 12 v. blástur, thermostad.
Vídeómyndavélar fyrir sendibíla o.fl.
til að sjá fyrir aftan þegar bakkað er,
fyrir báta að fylgjast með vélarúmi o.fl.
Neðansjávarmyndavélar,
hægt að sjá niður á 20 m dýpi, fyrir
bátaeig., hafnir, björgunarsv., o.fl. o.fl.
Örbylgjuofnar, kaffivélar o.fl. 12 og 24 volt.
Spennubreytar úr 12 volt í 220 v.,
margar stærðir.
Sólarrafhlöður, vindrafstöðvar
fyrir sumarhús o.fl.
umboðið umboðið