Morgunblaðið - 09.01.2003, Blaðsíða 4
4 B FIMMTUDAGUR 9. JANÚAR 2003 MORGUNBLAÐIÐ
NFRÉTTIR BIRTA Vefauglýsingar er nafn á fyrirtæki
sem sett var á laggirnar í desember á liðnu ári.
Fyrirtækið, sem er í eigu Magnúsar Orra
Schram, sérhæfir sig í sölu á netauglýsingum
fyrir margar af fjölsóttustu vefsíðum landsins.
„Við erum að reyna að skapa fagmennsku í
sölu á netauglýsingum á Íslandi,“ segir Magn-
ús Orri.
Hugmyndin að fyrirtækinu kviknaði í ágúst
á liðnu ári en starfsemin hófst um miðjan des-
ember. Magnús Orri hefur verið í MBA-námi
við Háskólann í Reykjavík í vetur og hann er
ekki í vafa um að það hafi hvatt hann til að fara
út í rekstur. „Ég var í mjög frjóu umhverfi og
það hjálpar til þegar verið er að vinna að við-
skiptahugmynd. Ég á þessum þrjátíu manna
bekk í HR mikið að þakka,“ segir Magnús Orri
og kveðst sannfærður um að miklir möguleikar
felist í auglýsingum á Netinu.
Auðvelt að ná til markhópa á Netinu
„Það fannst mörgum skrýtið að ég skyldi
hætta mér út í viðskipti með Netið, en að mínu
áliti er núna rétta tækifærið. Netið er komið til
að vera og hefur frábæra möguleika ef rétt er á
málum haldið. Það er í raun ekkert nýtt undir
sólinni og í minni viðskiptahugmynd er Birta í
raun að færa vinnubrögð annarra miðla inná
svið Netsins. Með einkarétt á sölu auglýsinga
fyrir stóran hóp vefmiðla, getur Birta innleitt
fagmennsku, ítarlegar markhópagreiningar og
góða þjónustu.“
Kosti Netsins sem auglýsingamiðils telur
Magnús Orri einkum felast í því hversu auðvelt
er að ná til ákveðinna markhópa. Birta er að
safna á einn stað gögnum, einkum um það
hverjir það eru sem sækja tilteknar síður á
Netinu. Það er helst gert með símakönnunum
en einnig er stuðst við tölur úr samræmdri vef-
mælingu fá Teljara.is. Með þessar upplýsingar
á reiðum höndum segir hann Birtu geta að-
stoðað fyrirtæki sem vilja auglýsa á áhrifarík-
an og markvissan hátt. Birta hjálpi þannig aug-
lýsendum að koma skilaboðum sínum á
framfæri til þeirra markhópa sem þeim er ætl-
að að ná til.
„Segjum sem svo að fyrirtæki vilji ná til
hópsins 20–30 ára með tiltekið áhugamál eða
lífsstíl. Sökum þess hversu margir ólíkir vef-
miðlar eru í samstarfi við okkur, getum við rað-
að saman vefsvæðum og þannig gefið auglýs-
andanum beinan aðgang að sínum tiltekna
markhóp. Slagkraftur auglýsingarinnar getur
því orðið mjög mikill en verðinu er stillt í hóf.
Magnús Orri telur möguleikana vera enda-
lausa og í raun hafa verið vannýtta hér á landi.
„Netið gefur frábæra möguleika til beinna tjá-
skipta við neytandann, sama hversu miklum
upplýsingum þarf að miðla til hans. Staðreynd-
in er sú að krakkar og unglingar í dag verja
meiri tíma á Netinu en við að horfa á sjónvarp.
Netnotendur eru að meðaltali 12–20 mínútur
inni á hverri síðu. Það er því hægt að koma
mun meiri upplýsingum til skila með góðri net-
auglýsingu en með tíu sekúndna sjónvarpsaug-
lýsingu.“
Netið hefur slitið
barnsskónum
Birta er eina fyrirtækið sinnar tegundar hér á
landi og segir Magnús Orri viðbrögðin hafa
verið frábær. „Netið hefur að sumu leytið slitið
barnsskónum og við erum reynslunni ríkari
um hvernig miðillinn virkar. Birta er hins veg-
ar að vinna á faglegum nótum og með því að
skapa gögn til að vinna eftir, samræma stærðir
og verðlagningu og með faglegri vinnu í öðrum
þáttum, erum við að gera Netið að raunhæfum
valkosti fyrir auglýsendur sem vinna faglega,“
segir Magnús Orri að lokum.
Fagmennska í netauglýsingum
Morgunblaðið/Þorkell
„Það er hægt að koma mun meiri upplýsingum til skila með góðri netauglýsingu en með tíu sekúndna
sjónvarpsauglýsingu,“ segir Magnús Orri Schram, stofnandi Birtu, sem er fyrir miðri mynd. Brynjólfur
Páll Schram, t.v., og Björn Skúlason starfa einnig hjá Birtu.
#
$
%
&
%'
!
"# $
9
(
!%
% & #'
()* #' +'
(,#' ++-
(,#' ++-
.
/ # 0
()* #' +
9
9
9
9
)
!%
! 0+
1!!0
/ #
! 0+ ! 0+
! 0+ ()* #'
9
* & !
!&+
&
+
2, ) ,$00
0!,
%,,$00
" + '
3$ + '
4 + '
+*
5! +
6
2, + +0++$++-7+ 0+84 +7&9
! '
:
:
:
0
9 +
3*
7&9
;0,#
:
:
:
:
:
0
9 +
3*
7&9
(,#
:
:
0
9 +
3*
7&9
2< #
:
:
:
0
9 +
3*
7&9
/)0+ 0 +0+ +84 +-+
:+7+7
,
"# $
.00,#++=
.00,#+
+=
.00,#++=
!
-
> $-!#'
? +@
? +@@
2 8 0+ 2 8 0+
2 8 0+ ()*0
9
9
.
%
.00#'
#'
%$#'
60)* #'
& #' + 2<'0!+
()* #'
9
9
9
9
NÝ stjórn landsnefndar Alþjóða-
verslunarráðsins var kjörin á aðal-
fundi ráðsins nýverið. Í stjórninni
eru: Brynjólfur Helgason, formað-
ur, Ari Edwald, Brynjólfur Bjarna-
son, Friðrik Sophusson, Gunnar
Svavarsson, Ingimundur Sigurpáls-
son, Ingvar Kristinsson, Jón Ás-
bergsson, Jón Helgi Guðmundsson,
Ragnar Önundarson, Sigurður
Helgason og Sveinn Hannesson.
Lára Sólnes sér um daglegan rekst-
ur ráðsins.
Í fréttatilkynningu kemur fram
að landsnefnd Alþjóðaverslunar-
ráðsins var stofnuð 26. maí 1983 að
tilstuðlan helstu hagsmunasamtaka
atvinnulífsins, fyrirtækja og stofn-
ana. Meginhlutverk landsnefndar
Alþjóðaverslunarráðsins er að fylgj-
ast með nýjum stefnum og straum-
um í alþjóðlegu viðskiptalífi er varð-
að geta íslenskt atvinnulíf. Lands-
nefndin er aðili að Alþjóðaversl-
unarráðinu (ICC) sem eru helstu
alþjóðasamtök viðskiptalífsins með
aðalstöðvar í París. Eitt meginhlut-
verk ICC er að koma fram fyrir
hönd viðskiptalífsins á alþjóðavett-
vangi gagnvart öðrum alþjóðastofn-
unum eins og ESB, EFTA, WTO og
OECD. Ráðið hefur beitt sér í mál-
efnum sem tengjast heimsviðskipt-
um, t.d. innan WTO og OECD. Þá
hefur Alþjóðaverslunarráðið reynt
að hafa stefnumótandi áhrif á fundi
G8 um mál sem tengjast alþjóða-
viðskiptum. Það hefur einnig því
mikilvæga hlutverki að gegna að
vera umsagnaraðili hjá Sameinuðu
þjóðunum en samstarf þeirra og
ICC hefur aukist eftir að Kofi Ann-
an tók við starfi aðalritara, að því er
segir í fréttatilkynningu.
Ný stjórn lands-
nefndar Alþjóða-
verslunarráðsins UM áramótin tók
gildi nýtt fyrirkomu-
lag á skipulagi og
stjórnun Skýrr hf. Í
nýju skipulagi fyrir-
tækisins er lögð
áhersla á ábyrgð tekjusviða við
að afla sér tekna, skapa virði í
rekstri og aðlaga sig að ytri
áhrifum.
Samkvæmt hinu nýja skipulagi
er gert ráð fyrir fjórum tekju-
sviðum og fimm stoðeiningum
ásamt forstjóra og stjórn. For-
stjóri og fimm framkvæmda-
stjórar tekjusviða og fjármála
mynda framkvæmdastjórn fyrir-
tækisins. Stoðeiningum er síðan
ætlað að vera stefnumarkandi
hverju á sínu sviði og veita tekju-
sviðum og öðrum stoðeiningum
sérfræðiaðstoð sína.
Framkvæmdastjórar hinna
fjögurra tekjusviða
fyrirtækisins eru
Pálmi Hinriksson
(Viðskiptalausnir),
Atli Arason (Hug-
búnaðarlausnir),
Þorvaldur E. Sigurðsson
(Rekstrarlausnir) og Magnús
Böðvar Eyþórsson (Þjónustu-
lausnir).
Forstöðufólk hinna fimm stoð-
eininga er Brynja Guðmunds-
dóttir (Fjármál og upplýsinga-
kerfi), Magna Fríður Birnir
starfsþróunarstjóri, Stefán
Hrafn Hagalín markaðs- og
kynningarstjóri, Einar Ragnar
Sigurðsson gæða- og öryggis-
stjóri og Jóhann Kristjánsson
þróunarstjóri.
Forstjóri Skýrr hf. er Hreinn
Jakobsson en stjórnarformaður
fyrirtækisins er Frosti Bergsson.
Skipulagsbreyt-
ingar hjá Skýrr
DÓTTURFÉLÖG Hf. Eimskipa-
félags Íslands, Brim, Burðarás og
Eimskip, tóku formlega til starfa um
áramót. Tilkynnt var á síðasta ári að
ætlunin væri að skipta félaginu í
þrjár einingar nýtt skipurit kynnt.
Breytingarnar gengu svo í gegn um
áramótin. Burðarás ehf. sér um fjár-
festingar, Eimskip ehf. hefur flutn-
ingastarfsemi með höndum og Brim
ehf. ber ábyrgð á rekstri sjávarút-
vegsfyrirtækja í eigu félagsins. Upp-
haflega var ætlunin að sjávarútvegs-
armurinn hlyti heitið Brimir en
breyta þurfti nafninu vegna þess að
það var þegar frátekið í firmaskrá.
Móðurfélaginu, Hf. Eimskipa-
félagi Íslands, er nú einkum ætlað að
annast stefnumótun fyrir samstæð-
una auk þess sem það er ábyrgt
gagnvart hluthöfum sem skráð félag
í Kauphöll Íslands. Þá hefur nýtt
merki og slagorð verið tekið upp fyr-
ir Eimskip, sem tákn fyrir þann ár-
angur, samstarf og traust sem Eim-
skip leggur áherslu á í samskiptum
við viðskiptavini og meðal starfs-
manna, segir í tilkynningu. Slagorðið
– Greið leið – á að endurspegla loforð
um skjóta og góða þjónustu.
Eimskip
ehf. tekur
til starfa
● HLUTABRÉFASJÓÐUR Vesturlands
tapaði 147 þúsund krónum á fyrstu
sex mánuðum reikningsárs síns, 1.
maí til 31. október í fyrra. Eignir
sjóðsins eru tæpar 52 milljónir
króna og er hlutafjáreign hans færð
á markaðsverði í lok október.
Sparisjóður Mýrasýslu á 42,1% í
sjóðnum og Sparisjóður Ólafsvíkur
23,7%. Aðrir hluthafar eru 130 og
eiga minna en 10% hver. Hlutabréfa-
sjóður Vesturlands er skráður í Kaup-
höll Íslands.
147 þúsund
króna tap
● JÓHANN Óli Guðmundsson seldi
um áramótin öll hlutabréf sín í Lífi
hf., sem áður hét Lyfjaverslun Ís-
lands. Um var að ræða 47.712.050
krónur að nafnverði, sem er 11,1%
af heildarhlutafé félagsins. Kaup-
andi bréfanna var Kaupthing Bank
Luxembourg. Samkvæmt tilkynningu
til Kauphallar Íslands í gær mun Jó-
hann Óli áfram fara með atkvæð-
isrétt í félaginu.
Ekki var gefið upp gengi hlutabréf-
anna í þessum viðskiptum. Í árslok
var gengið hins vegar 5,45. Söluverð
bréfanna hefur því væntanlega verið
um 260 milljónir króna.
Jóhann Óli selur
í Lífi hf.
● VERKFRÆÐI- og raunvísindadeild
Háskóla Íslands hefur fengið til af-
nota hugbúnaðarkerfi frá bandaríska
fyrirtækinu National Instruments.
Um er að ræða hugbúnaðarkerfin
LabVIEW og MeasurementStudio
ásamt hjálparkerfum fyrir tölvusjón,
hreyfistýringar, iðnaðarstýringar,
reglunartækni, hljóð og titring, int-
ernet-fjarskipti og rauntímakerfi.
Þessi nýju kerfi bæta mjög alla að-
stöðu til raungreinakennslu og til
kennslu í hugbúnaðargerð, að því er
fram kemur í fréttatilkynningu.
HÍ fær nýjan
hugbúnað
● BYGGINGARFÉLAGIÐ Gígant hefur
valið Miele-heimilistæki í byggingu
sem fyrirtækið er að reisa við Suð-
urhlíð 38 í Reykjavík.
Gígant kaupir
heimilistæki
● ATÓMSTÖÐIN og Olíufélagið hf.
hafa gert samning um gerð á innraneti
ESSO. Vefurinn er settur upp í nýrri út-
gáfu af vefkerfinu Disill, útgáfa 3.01.
Nýtt innranet
ESSO
STUTTFRÉTTIR