Morgunblaðið - 09.01.2003, Blaðsíða 11

NÚ TEKUR fiskátið við, bæði heilsunnar vegna og
til að hvíla sig á ketátinu um stund. Við leggjum nú til
skelfisk og grjón, en að þessu sinni er soðningin sótt
á netið á uppskriftir.is. Þar er að finna mikinn fjölda
uppskrifta af öllu mögulegu tagi, en þessi, sem er
kölluð skelfisk- og saffranrisotto, er einföld og til-
tölulega fljótleg og að sjálfsögðu holl. Uppskriftin er
ætluð fjórum.
100 g kræklingur, frosinn eða
ferskur
50 g hörpuskel
50 g rækjur
4 stk humarhalar
200 g risottogrjón, t.d. Arborio
1 dl kjúklingasoð
1 dl rjómi
5 g ferskur rifinn parm-
esanostur
2 msk ólífuolía til steikingar
1 stk laukur
saffranþræðir eftir smekk
UPPSKRIFTIN
Saxið laukinn fínt niður og steikið hann upp úr ólífuolíu. Bætið hrís-
grjónunum út í og léttsteikið þau þar til þau verða hvít. Hellið kjúk-
lingasoði yfir ásamt saffranþráðum og látið sjóða þar til hrísgrjónin
eru tilbúin og vel límkennd. Hellið þá rjómanum yfir og parmesanost-
inum, hrærið vel og kryddið með salti og pipar. Blandið rækjunum og
kræklingnum saman við. Steikið humarinn og hörpuskelina og setjið
með á diskinn.
Berið fram með salati, til dæmis frise.
Skelfisk- og
saffranrisotto
S O Ð N I N G I N
AÐFERÐIN
MORGUNBLAÐIÐ FIMMTUDAGUR 9. JANÚAR 2003 B 11

















































































































NFÓLK
LOGOS lögmannsþjónusta hefur
ráðið danskan lögmann, Peter
Mollerup, til starfa hjá fyrirtækinu
hér á landi. Gunnar Sturluson, hrl.,
framkvæmdastjóri LOGOS, segir að
alþjóðavæðingin hafi leitt til þess að
þörf hafi skapast fyrir erlenda lög-
fræðinga á Íslandi, lögfræðinga sem
hafi innsýn í erlenda markaði. Þar að
auki segir Gunnar að eigendur
LOGOS hafi einfaldlega áhuga á því
að geta boðið viðskiptavinum sínum
þjónustu erlendra lögfræðinga.
Hann telur allar líkur á að erlendum
lögfræðingum muni fjölga hér á
landi á komandi árum.
Peter Mollerup hóf störf hjá
LOGOS lögmannsþjónustu 1. októ-
ber síðastliðinn. Peter vann hjá IBM
í Danmörku, en starfað síðan hjá
lögmannsstofunni Gorrissen Feder-
spiel Kierkegaard í Kaupmannhöfn
frá 1999 þar til hann hóf störf hjá
LOGOS, auk þess að vera stunda-
kennari við lagadeild Kaupmanna-
hafnarháskóla frá árinu 2000. Peter
hefur mastersprófi í lögfræði
(LL.M.) frá Kinǵs College í London
með upplýsingatækni sem aðalgrein.
Peter hefur sérhæft sig í lögfræði
á sviði tæknigeirans. Hann segir að
fjölmargir þættir í starfsemi fyrir-
tækja hér á landi geri það að verkum
að hentugt geti verið að erlendir lög-
fræðingar komi að málum. Þar vegi
þyngst margvíslegir samningar ís-
lenskra fyrirtækja við erlenda aðila.
Innsýn í erlenda markaði, þekking á
lögum og reynsla á því sviði á við-
komandi stað og tungumálið séu
augljósir kostir í slíkum málum. Því
til viðbótar megi og nefna að almenn
upplýsingagjöf fyrirtækja á erlend-
um tungumálum fari stöðugt vax-
andi sem og ýmis samskipti milli
landa. Þar komi þekking erlendra
lögfræðinga að góðum notum. Það sé
hins vegar ekki stærðin sem skipti
öllu máli heldur gæði þjónustunnar.
Stærsta stofa landsins
LOGOS varð til við samruna A&P
Lögmanna og Málflutningsstofu í
ársbyrjun 2000. Málflutningsstofan
var elsta starfandi lögmannsstofan í
landinu, stofnuð árið 1907 af Sveini
Björnssyni, sem síðar varð forseti
Íslands. Gunnar segir að A&P Lög-
menn hafi hins vegar verið stærsta
lögmannsstofan hér á landi er stof-
urnar sameinuðust, en LOGOS sé nú
stærsta stofan og hafi á að skipa 24
lögfræðingum og 15 öðrum starfs-
mönnum. Helmingur lögfræðing-
anna séu jafnframt eigendur stof-
unnar.
Að sögn Gunnars var strax ákveð-
ið þegar LOGOS tók til starfa að
skerpa á þjónustu fyrirtækisins við
viðskiptalífið. Megin áherslur
LOGOS eru þjónusta við atvinnulíf-
ið, s.s. hvers kyns málefni félaga,
lántökur, samkeppnismál, Evrópu-
réttur, hugverkaréttur verktaka-
réttur vátrygginga- og skaðabóta-
réttur, flutningaréttur, stjórnsýslu-
réttur, og fleira.
Fyrirtækið er aðili að tveimur al-
þjóðlegum samtökum lögmanns-
stofa, Lex Mundi og Terralex. Sam-
tals eru 125 lögmannsstofur með yfir
8.000 lögfræðinga í 155 löndum að-
ilar að Lex Mundi en 145 lögmanns-
stofur eru aðilar að Terralex með yf-
ir 10.000 lögfræðinga í 93 löndum.
Gunnar segir að aðild LOGOS að
þessum samtökum skipti miklu máli
og auðveldi vinnu fyrirtækisins ef
mál komi upp þar sem þörf sé á sér-
stakri aðstoð erlendra lögfræðinga.
Mikil reynsla sem nýtist vel
„Þá má nefna að áreiðanleikakann-
anir vega þungt í starfsemi
LOGOS,“ segir Gunnar. „Það gætir
oft ákveðins misskilnings varðandi
áreiðanleikakannanir því lögfræð-
ingar koma mun meira að þeim mál-
um en fólk gerir sé almennt grein
fyrir. Hlutverk lögfræðinga í þessu
sambandi er að skoða þau atriði sem
ekki eru sýnileg í ársreikningum
sem endurskoðendur sjá um. Oft
þarf að skoða atriði sem ekki eru
sýnileg í ársreikningum og þar koma
lögfræðingar til skjalanna. Þeir fara
í gegnum samninga s.s. um einka-
leyfi og vörumerki, leyfissamninga
um hugbúnað, samninga við birgja,
kröfur sem fyrirtæki kunna að eiga
yfir höfði sér frá starfsmönnum, við-
skiptavinum eða viðsemjendum og
fleira. Einnig má nefna ráðningar-
samninga, leigusamninga og samn-
inga um fjármögnun rekstrar. Þetta
eru allt atriði sem geta haft veruleg
áhrif á útkomu fyrirtækis þegar upp
er staðið og skipta miklu máli við
ákvarðanatöku kaupanda eða yfir-
tökufélags. Kosturinn við að hafa
eins stóra stofu og LOGOS er, er sá
að hér er aðgangur að mörgum ein-
staklingum sem hver um sig hefur
ákveðið sérsvið, reynslu eða þekk-
ingu, sem getur nýst í þessari vinnu.
Ég held að starfsemi lögfræðinga á
þessu sviði muni frekar aukast í
framtíðinn en hitt, því lögfræðingar
eru farnir að vinna mikið með stjórn-
endum fyrirtækja í viðskiptamótun.
Það hefur minnkað að lögfræðingar
séu eingöngu kallaðir til í lok stórra
ákvarðana til að lesa yfir eða til að
taka á deilumálum þegar þau hafa
skapast.“
Að sögn Gunnars skiptast tekjur
LOGOS þannig að tæpur helmingur
er fyrir almenna ráðgjöf til handa
fyrirtækjum hér á landi, um fjórð-
ungur kemur af störfum fyrir er-
lenda aðila, málflutningur skilar um
20% af tekjunum og innheimtudeild
um 4%.
Samstarf við aðra
sérfræðinga
Í samstarfi við dönsku einkaleyfa-
stofuna Plougmann & Vingtoft í
Kaupmannahöfn rekur LOGOS fyr-
irtækið A&P Árnason, sem sérhæfir
sig í vernd uppfinninga, vörumerkja
og annarra hugverksréttinda. Þar
starfa 11 manns, m.a. líffræðingur,
efnafræðingur, eðlisfræðingur,
verkfræðingur og lögfræðingur.
Peter Mollerup segir að hann telji
að samstarf LOGOS og A&P Árna
sonar styrki LOGOS mikið. „Með
samstarfinu getur LOGOS boðið
upp á ráðgjöf tæknisérfræðinga á
sviði hugverkaréttar ásamt lög-
fræðiráðgjöf. Þróunin hefur einnig
verið í þessa átt erlendis, til að
mynda í Danmörku,“ segir Peter
Mollerup.
Danskur lögmaður hjá LOGOS
Þörf hefur skapast fyrir erlenda lögfræðinga hér á landi að mati framkvæmdastjóra LOGOS
Morgunblaðið/Jim Smart
Gunnar Sturluson, framkvæmdastjóri LOGOS lögmannsþjónustu, og Peter Mollerup,
sem hefur lokið lagaprófi frá Kaupmannahafnarháskóla.
MÚRBÚÐIN hefur verið flutt í nýtt
húsnæði á Smiðjuvegi 72 í Kópavogi.
Múrbúðin var áður í Súðavogi og er í
eigu verktakafyrirtækisins Gólflagna,
sem hefur um árabil verið með efnissölu
en hefur starfrækt Múrbúðina frá því
síðasta vetur.
Múrbúðin selur ABS flotefni og múr-
vörur frá Optiroc ásamt öðrum múrvör-
um, málningu og verkfærum. Við opnun
verslunarinnar á nýja staðnum í síðasta
mánuði var vöruúrval aukið og má með-
al annars nefna Serpo og Dekaflex flísa-
lím, Marshalltown handverkfæri, Collo-
mix blandara og BetoMix
steypuhrærivélar.
Ingólfur Bjarnason er verslunarstjóri
og segir hann að höfuðáhersla sé lögð
á hraða vöruafgreiðslu og sanngjarna
verðlagningu á viðurkenndum vörum.
Engar verðhækkanir séu fyrirhugaðar á
árinu 2003 og í sumum tilfellum hafi
verð lækkað. Náðst hafi hagstæðir
samningar við birgja vegna magn-
innkaupa sem viðskiptavinir Múrbúð-
arinnar muni njóta góðs af.
Múrbúðin eykur vöruúrval
FYRSTA námskeiðið í tengslum
við Nýsköpun 2003, samkeppni um
gerð viðskiptaáætlana, verður í
Vestmannaeyjum mánudaginn 3.
febrúar næstkomandi. Aðstand-
endur keppninnar munu standa
fyrir samtals 13 námskeiðum í öll-
um landshlutum í febrúarmánuði
og verður síðasta námskeiðið á
Höfn í Hornafirði 19. febrúar. Aðr-
ir staðir þar sem námskeið verða
haldin eru Reykjanesbær, Selfoss,
Ísafjörður, Akureyri, Sauðárkrók-
ur, Akranes, Snæfellsbær, Egils-
staðir og Reykjavík, en þar verða
þrjú námskeið.
G. Ágúst Pétursson, verkefnis-
stjóri Nýsköpunar 2003, sér um
námskeiðin að undanskildum nám-
skeiðunum í Reykjavík, sem verða
á vegum KPMG endurskoðunar.
Ágúst segir að reynslan af þeim
námskeiðum sem haldin voru í
tengslum við þær þrjár samkeppn-
ir um gerð viðskiptaáætlana, sem
haldnar voru á árunum 1999–2001,
sé mjög góð. Þátttaka hafi ávallt
verið mikil. Hann segir að til við-
bótar við framangreind námskeið
sé fyrirhugað að halda eitt vandað
fjarnámskeið í lok febrúar, sér-
staklega ætlað fólki á völdum stöð-
um á landinu þar sem ekki verða
haldin námskeið.
Að Nýsköpun 2003 standa Ný-
sköpunarsjóður atvinnulífsins,
KPMG, Háskólinn í Reykjavík,
Morgunblaðið, Íslandsbanki og
Byggðastofnun. Auk þess eru Sím-
inn, Eimskip, Samherji og Nýherji
stuðningsaðilar keppninnar. Skila-
frestur í Nýsköpun 2003 er til 31.
maí 2003.
Námskeiðin verða auglýst nánar
fljótlega en einnig er hægt að
nálgast upplýsingar á heimasíðu
keppninnar, sem er www.nyskop-
un.is.
Nýsköpun 2003 víða um land
Fyrsta námskeiðið í tengslum við verkefnið haldið í Vestmannaeyjum í byrjun febrúar
 GUÐNI Guðnason
tæknifræðingur tók við
stöðu forstöðumanns
flokkunarfélagsins Det
Norske Veritas á Íslandi
núna um áramótin, en
Agnar Erlingsson verk-
fræðingur, sem gegnt
hefur þessari stöðu síð-
an skrifstofan var stofnuð 1. okt. 1979,
lét þá jafnframt af þeim störfum. Agnar
mun þó væntanlega gegna tilfallandi verk-
efnum fyrir fyrirtækið eitthvað áfram í
óákveðinn tíma eftir því sem henta þykir.
Guðni fæddist í Reykjavík 14. febrúar
1960. Hann lauk 4. stigs prófi frá Vélskóla
Íslands 1981 og BS-prófi í tæknifræði í
Helsingør Teknikum í Danmörku 1987. Ár-
ið 1991 réðst hann til Det Norske Veritas í
Reykjavík sem eftirlitsmaður skipa. Árin
1996–2000 starfaði hann við skrifstofu
DNV í Liverpool, Bretlandi, en hóf þá aftur
störf hjá DNV í Reykjavík. Hann hefur einn-
ig unnið tímabundið fyrir DNV víðar um
heim, m. a. í Kristiansund í Noregi og
Durban í Suður-Afríku og víðar í Afríku.
Guðni er kvæntur Rósu Sólrúnu Jóns-
dóttur bókasafnsfræðingi og eiga þau tvo
syni saman.
Breytingar hjá
Det Norske
Veritas á Íslandi
 KRISTJÁN Sverr-
isson hefur verið ráðinn
sem forstjóri Balk-
anpharma Holding AD,
dótturfyrirtækis
Pharmaco hf. frá og
með 1. janúar nk. og og
tekur hann við starfinu
af Sindra Sindrasyni,
forstjóra fjárfestinga Pharmaco. Kristján
hefur gegnt stöðu sölu- og markaðsstjóra
Pharmaco-samstæðunnar og mun gera
það áfram. Kristján er fæddur árið 1956.
Hann gekk til liðs við Glaxo (síðar Glaxo-
SmithKline) árið 1990 sem vörusérfræð-
ingur á sviði öndunarfæralyfja. Hann varð
framkvæmdastjóri dótturfyrirtækis
GlaxoWellcome á Íslandi 1997. Árið 1999
gekk hann til liðs við GlaxoWellcome í
Finnlandi sem viðskiptastjóri og var
skipaður framkvæmdastjóri árið 2000.
Eftir samruna fyrirtækisins við Smith-
KlineBeecham, varð hann markaðsstjóri
hjá GlaxoSmithKline í Svíþjóð. Kristján
nam hagfræði, íslensku, rússnesku og
kennslufræði við Háskóla Íslands og lauk
prófi 1983.
Kristján Sverris-
son forstjóri
Balkanpharma