Morgunblaðið - 16.01.2003, Blaðsíða 2

2 B FIMMTUDAGUR 16. JANÚAR 2003 MORGUNBLAÐIÐ














































































































NFRÉTTIR      







 


















 











 












 













  

 
!"# 



VINNA við verðmat SÍF og SH stendur nú yfir samkvæmtsamþykktum beggja félaganna. Ákveðið var að fram-kvæmdastjórar félaganna og endurskoðendur mætu verð-mætið svo hægt væri að meta hlutföll félaganna í hinu sam-
einaða fyrirtæki, verði sameining niðurstaðan. Þessi hópur manna
er nú á ferðalagi milli helztu starfsstöðva félaganna beggja. Þeir
hafa skoðað hinn fjölbreytta verksmiðjurekstur SÍF í Frakklandi,
sem felur í sér reykingu á laxi og ótal öðrum afurðum, mikla
vinnslu í fiskréttaverksmiðju og vinnslu á ferskum afurðum og salt-
fiski. Þaðan lá leiðin til að skoða fiskréttaverksmiðjur Coldwater í
Bretlandi og vinnslu á ferskum afurðum. Loks heldur hópurinn,
sem er undir forystu Gunnars Arnar Kristjánssonar og Gunnars
Svavarssonar, framkvæmdastjóra félaganna, vestur um haf og
skoðar starfsemi Coldwater í Everett og verksmiðju í Cambridge
og fiskréttaverksmiðju SÍF í Newport News. Mat á verðmæti sölu-
skrifstofa félaganna víða um heim verður unnið með öðrum hætti.
Verðmatið mikilvægt
Það er afar mikilvægt við sameiningu svo stórra fyrirtækja sem
þessara að mat á verðmæti þeirra sé unnið með sama hætti hjá
báðum félögunum. Meta þarf birgðir með sama hætti, við-
skiptavild, vörumerki, útistandandi skuldir og svo framvegis. Þetta
ráku menn sig nokkuð harkalega á þegar SÍF og ÍS voru sameinuð
fyrir nokkrum misserum. Eftir sameininguna kom í ljós að birgðir
og fleiri þættir höfðu ekki verið metnir á sama hátt hjá báðum fé-
lögunum og fyrir vikið gekk samruninn ekki eins greiðlega fyrir sig
og ætlað hafði verið og samlegðaráhrif og rekstrarbati varð ekki
eins skjótur og talið hafði verið í
fyrstu. Það tók töluverðan tíma fyrir
hið sameinaða félag að rétta þetta
misræmi af.
Það má reyndar segja sem svo að
hvort vægi félaganna verði metið
jafnt eða annað örlítið verðmeira en
hitt, virðist ekki skipta öllu máli.
Velta SÍF er aðeins meiri en velta SH
en á hinn bóginn hefur SH verið að
skila meiri hagnaði. Eimskip er
stærsti hluthafinn í SÍF og næststærsti í SH og hlutur Eimskips í
sameiginlegu félagi yrði um 30%. Eimskip mun því ráða ferðinni
ásamt Landsbankanum sem á 25% í SH og er auk þess aðal-
viðskiptabanki beggja félaganna. Hagsmunir þessara tveggja aðila
munu því væntanlega ráða mestu við sameininguna. Það eru eig-
endur félaganna sem ráða ferðinni og komi þessir tveir sér saman
um gang mála, eins og ráða má af fyrri yfirlýsingum þeirra, ætti
fátt að koma í veg fyrir sameiningu og eitt eða tvö prósent til eða
frá ættu ekki að ráða úrslitum.
Það má svo í framhaldinu velta því fyrir sér hver kunni að verða
formaður stjórnar hins nýja félags. Allt bendir til þess að Eimskip
muni geta ráðið því, hugsanlega með fulltingi Landsbankans.
Hvort Ingimundur Sigurpálsson, forstjóri Eimskips, eða Friðrik
Jóhannsson, framkvæmdastjóri Burðaráss, sest í stólinn eftirsótta
liggur auðvitað ekki fyrir. Núverandi formaður stjórnar SÍF, Frið-
rik Pálsson, er þar sem fulltrúi Burðaráss. Hann gæti því einnig
komið til greina eins og fleiri.
Morgunblaðið/Golli
Innherji skrifar
Vandasamt
verðmætamat
Það er mjög
mikilvægt að mat á
verðmæti þeirra sé
unnið með sama
hætti hjá báðum
félögunum
innherji@mbl.is
ll BANKAR
● FORSÆTISRÁÐHERRA
hefur skipað Birgi Ísleif
Gunnarsson til að vera
bankastjóri og formaður
bankastjórnar Seðla-
banka Íslands frá 1.
febrúar næstkomandi til
31. júlí 2006.
Halldór Árnason, skrif-
stofustjóri í forsæt-
isráðuneytinu, segir að ástæðan fyrir því
að Birgir Ísleifur hafi ekki verið skipaður í
embætti til fullra fimm ára, eins og vani
sé, sé sú að hann verði sjötugur á árinu
2006.
Halldór segist ekki vita til þess að
ákvörðun hafi verið tekin um skipan þriðja
bankastjóra Seðlabankans í stað Finns Ing-
ólfssonar, sem hætti störfum hjá bank-
anum 1. október síðastliðinn til að taka við
starfi forstjóra VÍS. Ingimundur Friðriksson,
aðstoðarbankastjóri Seðlabankans, var
settur bankastjóri bankans, tímabundið,
frá og með sama tíma.
Birgir Ísleifur skipaður
bankastjóri til 2006
Birgir Ísleifur
Gunnarsson
◆
◆
● ÍSLANDSBANKI hefur ákveðið að lækka
verðtryggða vexti bankans um 0,2 pró-
sentustig. Auk
þess lækkaði
bankinn vexti verð-
tryggðra útlána 21.
desember sl. um
0,1 prósentustig. Frá því í júní hefur Ís-
landsbanki lækkað verðtryggða útlánsvexti
um samtals 0,9 prósentustig. Lækkun
verðtryggðra útlánsvaxta bankans sam-
svarar lækkun ávöxtunarkröfu á markaði á
sama tímabili, að því er segir í frétta-
tilkynningu.
Íslandsbanki lækkar vexti
● ÞAU leiðinlegu mistök áttu sér stað í
Morgunblaðinu í gær að þar kom fram að
árleg viðurkenning Félags kvenna í at-
vinnurekstri yrði afhent í gær, miðvikudag.
Hið rétta er að viðurkenningin er afhent í
dag, fimmtudag, kl. 17 í Súlnasal Hótel
Sögu.
Beðist er velvirðingar á þessum mistök-
um.
Viðurkenning FKA er veitt þeim aðila,
einstaklingi, fyrirtæki, stofnun, fé-
lagasamtökum, eða stjórnvaldi sem þykir
best að slíkri viðurkenningu komið fyrir vel
unnin störf í þágu atvinnureksturs kvenna
og/eða hefur verið konum í atvinnurekstri
sérstök hvatning eða fyrirmynd. Markmiðið
með viðurkenningunni er að heiðra þann
aðila sem að mati sérstakrar dómnefndar
félagsins þykir best hafa til hennar unnið,
svo og til að vekja athygli á konum í eigin
atvinnurekstri og þeirra mikilsverða fram-
lagi til efnahags- og atvinnulífs.
Fyrir tveimur árum bætti FKA einnig við
tveimur öðrum viðurkenningum; þakkarvið-
urkenningu og hvatningarviðurkenningu.
Viðurkenning FKA
afhent í dag
ÍSLENSKU skipafélögin
munu væntanlega skoða mögu-
leika á norðaustursiglingaleið-
inni milli Atlantshafs og Kyrra-
hafs ef sú leið verður fær.
Geir H. Haarde fjármálaráð-
herra sem sat tíu ára afmælis-
fund Barentsráðsins í Kirkenes í
N-Noregi dagana 10.–11. janúar
síðastliðinn, sagði í samtali við
Morgunblaðið sl. mánudag að
norðaustursiglingaleiðin bjóði
upp á mikla möguleika í framtíð-
inni, m.a. fyrir Íslendinga í
tengslum við viðskipti við Asíu,
ef takast mun að þróa þar sigl-
ingar með samkeppnishæfum
hætti þrátt fyrir ísinn.
Áhugaverð og
spennandi tækifæri
Erlendur Hjaltason, fram-
kvæmdastjóri Eimskips ehf.,
segir ljóst að norðaustursigl-
ingaleiðin milli Atlantshafs og
Kyrrahafs sé landfræðilega
áhugaverð. Hann segir að kann-
að hafi verið hvort hægt væri að
halda þessari siglingaleið opinni
og hjá Eimskip hafi verið fylgst
með þeim málum. Ef það takist
að finna leið sem sé hagkvæm og
almenn skip muni geta nýtt sér
hana, þá muni Eimskip skoða
þennan möguleika í samstarfi
við sína samstarfsaðila.
Knútur Hauksson, aðstoðar-
forstjóri Samskipa, segir að það
séu ýmis spennandi tækifæri í
siglingum milli Evrópu og Asíu.
Hann segist hins vegar ekki sjá
að norðaustursiglingaleiðin milli
Atlantshafs og Kyrrahafs verði
fær á næstunni.
Kristinn Kjærnested, sölu-
stjóri Atlantsskipa, segir að fyr-
irtækið kanni öll sóknarfæri sem
bjóðist, sama hvar sé í heimin-
um. Það eigi og við um það sem
fjármálaráðherra hafi nefnt.
Norðausturleiðin
gæti verið áhugaverð
ll ERLENT
◆
ORKUVEITA Reykjavíkur og
Penninn hafa undirritað samn-
ing um að allur skrifstofubún-
aður í nýju húsnæði Orkuveit-
unnar við Bæjarháls verði frá
Pennanum. Um er að ræða
stærsta samning sinnar teg-
undar hér á landi, að því er seg-
ir í fréttatilkynningu.
Um er að ræða 170 vinnu-
stöðvar alls auk 250 skjalaskápa
og jafnmarga starfsmanna-
skápa og skrifborðsstóla. Enn-
fremur keypti Orkuveitan húsgögn í kennslurými, bókasafnshillur
og móttökuborð í afgreiðslu og gestastóla í húsnæðið.
Orkuveitan valdi í húsnæði sitt nýja íslenska húsgagnalínu
Fléttu Plús, sem hönnuð er af Valdimari Harðarsyni, arkitekt.
Húsgögnin eru smíðuð í trésmiðjum Pennans í Reykjavík og á
Selfossi.
Gunnar Dungal, forstjóri Pennans, og Guðmundur Þóroddsson,
forstjóri Orkuveitu Reykjavíkur, undirrituðu samninginn.
OR kaupir húsgögn
af Pennanum
Stærsti samningur sinnar tegundar
DIKTA ehf., myndvinnslu-
deild Loftmynda ehf. og fag-
vinnsla Hans Petersen hf. voru
sameinaðar um síðustu áramót.
Sameinað félag ber nafnið
Dikta.
Markmið með sameiningunni
er að ná hagræðingu í rekstri og
samlegðaráhrifum og mynda um
leið nýtt og öflugt fyrirtæki í
rekstri stafrænnar mynda-
smiðju, að því er fram kemur í
fréttatilkynningu.
Þar kemur fram að sérstaða
Diktu er myndprentun í ljós-
myndagæðum eftir stafrænum
gögnum. Til þess hefur Dikta
vélbúnað sem lýsir með ljósleið-
ara- eða lasertækni á ljósmynda-
pappír og ljósakassafilmur.
Eigendur Diktu eftir þessar
breytingar eru ásamt fyrri eig-
endum, þeim Kristjáni Pétri
Guðnasyni og Christopher
Lund, Loftmyndir ehf. og Hans
Petersen hf.
Sameining
í myndvinnslu
Sameining um síðustu áramót. Frá hægri: Christopher Lund, Trausti Rún-
ar Traustason, Gústaf Guðmundsson og Antonio Otta Rabsasca.
● BANDARÍSKA verðbréfaeftirlitið, SEC, hef-
ur tekið bókhaldsaðferðir fyrirtækisins Rayt-
heon Aircraft til skoðunar. Raytheon Aircraft
er dótturfélag Raytheon Co. Reuters-
fréttastofan greinir frá þessu.
Kögun hf. er í samstarfi við fyrirtækið
Thales Raytheon Systems, TRS, um smíði
hugbúnaðar fyrir ratsjárstöðvar NATO hér á
landi, sem Raytheon CO. á helming í.
Reuters segir að athugun SEC á bókhaldi
Raytheon Aircraft nái til tímabilsins frá 1997
til 2001 og að hún sé áfall fyrir Raytheon Co.
Í tilkynningu frá Raytheon segir að fyr-
irtækið muni veita SEC alla þá aðstoð sem
farið verði fram á.
Raytheon Aircraft
til athugunar hjá SEC
ll ATVINNUREKSTUR
◆