Morgunblaðið - 16.02.2003, Blaðsíða 15
MORGUNBLAÐIÐ SUNNUDAGUR 16. FEBRÚAR 2003 B 15
ferðalög
Ísland
Kynningarfundur
Næsta sunnudag, 23. febrúar,
halda Göngu-Hrólfur og Úrval-
Útsýn kynningarfund í Víkingasal
Hótels Loftleiða. Fundurinn hefst
klukkan 15 og verða gönguferðir
ársins kynntar.
Gengið verður um fjallastíga Mall-
orka, Toscana, Pýrenía-fjalla, Krít-
ar og Dólómítaalpanna. Í frétta-
tilkynningu frá Göngu-Hrólfi
kemur fram að um sé að ræða
vikuferðir um stórbrotið landslag
og fjölbreytta náttúru. Jafnframt
er lögð áhersla á menningu og
mannlíf hvers svæðis. Í flestum
göngunum er gengið 5–7 klukku-
stundir á dag en einnig eru í boði
léttari gönguferðir með meira
menningarívafi. Dólómítafjöllin
eru nýr áfangastaður en einnig
verður bryddað upp á nýjung á
Mallorka með Margréti Jónsdóttur
lektor í spænsku.
Aðgangur, kaffi og kökur kr. 600.
Bretland
Landsleikurinn í Glasgow
ÍT-ferðir bjóða ferð á landsleikinn
gegn Skotum í Glasgow laugardag-
inn 29. mars. Flogið er til Glasgow
28. mars og komið heim 30. mars.
Kenny Moyes, Tony Asghar og fé-
lagar verða skemmtanastjórar
föstudags- og laugardagskvöld.
Helstu skemmtistaðir heimsóttir
og hápunkturinn er ferð á lands-
leikinn.
Ferðin kostar frá 47.900 krónum
með sköttum en án miða á leikinn.
Innifalið er flug til Glasgow, góð
þriggja stjarna gisting í miðborg-
inni, morgunverður, flugvall-
arskattar, akstur, íslensk far-
arstjórn og skosk
skemmtanastjórn. Miði á leikinn
kostar um 30 pund eða nálægt
4.000 krónum.
Hvaða ferðaskrifstofur með sólar-
landaferðir bjóða upp á hótel fyrir
fimm til sjö manna fjölskyldur?
Salou og Portúgal
Daníel Antonsson hjá Terra
Nova-Sól segir að Terra Nova-Sól
bjóði upp á gistingu fyrir 5–6
manna fjölskyldur í Salou á Spáni
og á Algarve í Portúgal. Í Salou er
boðið upp á Larimar íbúðirnar,
sem eru stórar tveggja svefnher-
bergja íbúðir, staðsettar í rólegu
hverfi steinsnar frá fjörugu mann-
lífinu og því kjörnar fyrir fjöl-
skyldufólk. Salou er á Costa Dor-
ada ströndinni, um það bil 100 km
fyrir sunnan Barcelona. Terra
Nova-Sól býður upp á vikulegt flug
í sumar til Barcelona. Í Portúgal
segir Daníel að Terra Nova-Sól
hafi upp á að bjóða stórar tveggja
svefnherbergja íbúðir á Paraiso De
Albufera hótelinu fyrir 5–7 manna
fjöldskyldur. Einnig eru í boði
rúmgóðar tveggja svefnherbergja
íbúðir á Cantinho Do Mar hótelinu
fyrir 5–6.
Krít, Portúgal, Mallorca
og Benidorm
Laufey Jóhannsdóttir fram-
kvæmdastjóri Plúsferða segir að á
Krít bjóði Plúsferðir íbúðir á Ant-
onis sem taka 5 manna fjölskyldur
og ungabarn að auki. Þá er svefn-
aðstaða í stofunni og að auki 2
svefnherbergi.
Í Portúgal eru Plúsferðir með
íbúðir á Sol Dorio fyrir allt upp í
átta manna fjölskyldur og þá er
svefnaðstaða í stofunni og að auki 2
eða 3 svefnherbergi. Laufey segir
að á Mallorca sé boðið upp á íbúðir
fyrir 5 manna og 6 manna fjöl-
skyldur, þ.e. ef yngsti fjölskyldu-
meðlimurinn er ungabarn.
Svefnaðstaða er í stofunni og að
auki 2 svefnherbergi. Að lokum
bendir hún á að á Benidorm séu á
boðstólum íbúðir sem taka 5
manna fjölskyldur. Svefnaðstaða
er í stofunni en að auki tvö svefn-
herbergi.
Mallorca, Costa del Sol og Benidorm
„Við bjóðum upp á stórar íbúðir
á Costa del Sol, Benidorm og Mall-
orca svo og í strandbæjum fyrir ut-
an Barcelona,“ segir Andri Már
Ingólfsson forstjóri Heimsferða.
„Í flestum tilfellum er um að
ræða íbúðir með tveimur svefnher-
bergjum, svölum, stofu, eldhúsi og
baðherbergi. Fimmti og sjötti aðili
gista þá iðulega á svefnsófa í stofu.
Nýjar íbúðir skara framúr á
Mallorca en þær eru á hótelinu
BenHur. Þetta eru nýjar íbúðir og
mikið lagt í vandaðar innréttingar.
Einnig má benda á íbúðir á Costa
del Sol sem heita Flatotel. Á báð-
um stöðum eru íbúðirnar vel búnar
með loftkælingu, síma og sjónvarpi
og á Costa del Sol fylgir einnig
uppþvottavél og þvottavél.“
Benidorm og Albír
Helgi Jóhannsson forstjóri Sum-
arferða segir að á Benidorm bjóði
Sumarferðir upp á góða gistingu
fyrir 4–6 farþega á Paraiso Centro
og á glænýju hóteli, Gemelos 22. Í
Albír er hægt að fá gistingu á hóteli
sem nefnist Alborada Golf fyrir allt
að 8 manns í íbúð sem er með
þremur svefnherbergjum, stofu og
þvottahúsi.
Krít, Portúgal, Mallorca, Benidorm
og Costa Brava
Hjá Úrvali-Útsýn hafa að sögn
Páls Þórs Ármanns sölu- og mark-
aðsstjóra sjaldan verið jafnmargir
möguleikar í boði fyrir stórar fjöl-
skyldur og nú. „Íbúðir með tveim-
ur og þremur svefnherbergjum
henta þessum fjölskyldum og eru
fjölmargir gististaðir okkar með
slíkar íbúðir í boði. Framboðið er á
hinn bóginn takmarkað og því
borgar sig að vera snemma á ferð-
inni. Á Krít erum við t.d. með
tveggja herbergja íbúðir á Ikaros
sem rúma allt að 6 manns, á Golden
Bay er tveggja herbergja íbúð sem
rúmar 6 manns og á Helios tveggja
herbergja íbúð sem rúmar 5
manns. Í Portúgal er gististaður-
inn Club Albufeira með rúmgóðar
tveggja herbergja íbúðir sem rúma
allt að 8 manns og Ondamar er með
tveggja herbergja íbúðir sem rúma
6 manns.
Á Mallorca er Iris raðhúsagarð-
urinn með tveggja herbergja íbúð-
ir sem rúma 6 manns en einnig er
þar í boði þriggja herbergja íbúð
sem rúmar 8 manns.“ Páll segir að
á Benidorm sé La Colina með
tveggja herbergja íbúðir sem rúma
6 manns og á Alborada Golf eru
bæði tveggja og þriggja herbergja
íbúðir sem rúma allt að 8 manns.
Gististaðurinn Alva Park á Costa
Brava er með tveggja herbergja
íbúðir sem rúma 6 manns.
Costa Brava
Hjá ÍT-ferðum er á boðstólum
gisting á hótelíbúðum á nokkrum
stöðum á Costa Brava ströndinni
Að sögn Hjördísar Hilmarsdóttur
standa til boða íbúðir með tveimur
svefnherbergjum í Playa d’Aro,
Lloret de Mar og einnig á Tossa
Park í Tossa de Mar. Íbúðirnar eru
yfirleitt ekki með loftkælingu en
hálft fæði getur fylgt a.m.k. sums
staðar.
Flórída
Að sögn Helgu Árnadóttur sölu-
stjóra Flugleiða á Íslandi stendur
til boða hótelgisting á Parc Corn-
eche í Orlandó fyrir stórar fjöl
skyldur. Þá stendur einnig til boða
gisting á Summerfield Suites. Auk
þessa er hægt að leigja íbúð eða
hús í gegnum Flugleiðir hjá Holi-
day Homes of Orlando. Þar rúma
húsin allt að tólf manns.
Spurt og svarað um ferðamál
Meira framboð á
hótelgistingu fyrir
stórar fjölskyldur
LaVilla er nafnið á gistihúsi í Kaup-
mannahöfn sem Vilborg Ingvalds-
dóttir rekur. Það er á Amager, rétt við
háskólann og fjögur ár síðan það var
opnað.
„Ég hef með hléum verið búsett í
Danmörku síðastliðin 25 ár og fyrir
fjórum árum létum við byggja við
húsið okkar og nú búum við á efri
hæðinni en rekum gistihús niðri.“
Vilborg segir að ein svíta sé á gisti-
húsinu sem er svefnherbergi og stofa
með baðherbergi og geti rúmað sex
manns. Síðan eru fjögur herbergi sem
rúma fjóra hvert, eldhús og borðstofa.
Hún segir að við húsið sé skemmti-
legur garður þar sem gestir geta set-
ið úti Svo er húsdýragarður á móti
þar sem börnin geta leikið sér að vild.
Á öllum herbergjum er sjónvarp og
myndbandstæki og hægt að velja úr
myndum til að horfa á. Þá er hægt að
fá barnarúm. Ekki er boðið upp á
morgunverð en öll aðstaða er í eld-
húsi fyrir gesti og þeir sjá sjálfir um
að fá sér morgunverð eða elda. Versl-
unarmiðstöð er á móti gistihúsinu og
veitingastaður við hliðina.
Vilborg segir að meirihluti gesta
séu Íslendingar á sumrin og hún er
ánægð með það, þannig segist hún
halda íslenskunni við en hún er gift
manni frá Marokkó.
Hversu lengi er fólk að komast nið-
ur í miðbæ?
„Bærinn er í göngufæri en það tek-
ur ekki nema 3 mínútur með nýju
lestinni. Hún gengur allan sólarhring-
inn á sex mínútna fresti og stoppar
rétt hjá okkur. Þeir sem vilja eru sótt-
ir á flugvöllin en það kostar 80 krónur
danskar eða um 900 krónur. Þá er
líka stutt á ströndina frá gistihúsinu.
Gestir Vilborgar geta fengið nudd,
svæðanudd, alnudd, ilmolíunudd eða
heilunarnudd en hún er lærður nudd-
ari og segir að margir nýti sér þjón-
ustuna. Þegar hún er að lokum spurð
hvað kosti að gista hjá henni segir
hún að gisting fyrir tvo kosti 400
danskar krónur sem er um 4.600 ís-
lenskar og 100 krónur fyrir hvern
gest í viðbót eða um 1.150 krónur.
Svítan kostar 500 krónur danskar
fyrir tvo eða um 5.700 íslenskar og
svo 100 krónur aukalega á gest.
Ókeypis er fyrir ungbörn sem sofa í
sama rúmi og foreldrarnir.
Íslenskt gistihús í Kaupmannahöfn
Síðan eru fjögur herbergi sem
rúma fjóra hvert, eldhús og borð-
stofa.
Vilborg segir að ein svíta sé á gistihúsinu
sem er svefnherbergi og stofa með bað-
herbergi og geti rúmað sex manns.
LaVille gistihús
Røde Mellemvej 16
2300 Kaupmannahöfn
Sími 0045 3297 5530
GSM: 0045 2848 8905
Tölvupóstfang: la-
villa16@hotmail.com
Vefsíða: www.gistingla-
villa16.com
Ný 7 vikna enskunámskeið hefjast 5. mars
Skráning í síma 588 0303 - www.enskuskolinni.is - Faxafeni 8
Áhersla á talmál
Kennt á morgnana og kvöldin
Námskeið metin hjá flestum stéttarfélögum
Frítt kunnáttumat og ráðgjöf