Morgunblaðið - 31.03.2003, Blaðsíða 8
ÍÞRÓTTIR
8 B MÁNUDAGUR 31. MARS 2003 MORGUNBLAÐIÐ
aftur við sér hafði FH 14:12 þegar
blásið var til hálfleiks.
Eftir hlé náðu heimamenn að
jafna, 17:17, með ærinni fyrirhöfn en
tókst ekki að láta kné fylgja kviði og
FH hélt undirtökunum. Það bætti
ekki úr þegar Magnús Sigmundsson
í FH varði vítaskot og hraðaupp-
hlaup, skotið var í stöng úr opnu færi
og liðinu tókst ekki að nýta sér þegar
þeir voru tveimur fleiri í rúma mín-
útu. Undir lokin tók Aleksandr Pet-
ersons við sér en Hafnfirðingar voru
komnir á skrið.
„Við byrjuðum ekki með góða vörn
en hún varð betri eftir því sem leið á
leikinn og sóknarleikurinn var svo
sem í lagi en þegar dró að leikslokum
var hvorki vörnin né markvarslan
nógu góð og því fengum við engin
mörk úr hraðaupphlaupum. Það
fengu FH-ingar og það er dýrt í
svona leik,“ sagði Ágúst Jóhannsson
þjálfari Gróttu/KR eftir leikinn.
„Þetta var hörkuleikur en við vorum
ekki að tapa sæti okkar í úrslita-
keppninni núna. Við vorum ósáttir
með að vinna ekki Þór í síðasta leik,
sem hefði getað tryggt okkur svo að
þetta var okkar síðasta hálmstrá. Við
erum með fámennan hóp og höfum
lent í vandræðum á tímabilinu, svo
að allir þurftu að spila góðan leik en
því miður gerðu það ekki allir.“
„Fyrst og fremst réðust úrslit á
mikill einbeitingu ásamt góðum und-
irbúningi auk þess að skotin féllu
betur hjá okkur,“ sagði Þorbergur
þjálfari FH eftir leikinn. „Það gekk
vel að koma mínum mönnum í rétta
stemningu fyrir þennan leik, eina
sem hægt var að gera var að ýta und-
ir einbeitinguna sem fyrir er því við
vorum að fara í úrslitaleik og
skemmtilegra getur það ekki verið.
Það gefast ekki mörg svona tæki-
færi.“ Hann getur verið sáttur við ár-
angurinn. „Við höfum sýnt mjög
góða kafla í leikjum okkar en dottið
niður þess á milli en stigin hafa skil-
að sér og það skiptir öllu. Þetta var
sjö leikja verkefni og við þurftum að
vinna sex af þeim til að komast í úr-
slitakeppnina því við höfðum betur í
innbyrðis viðureignum gegn Fram.“
FH-ingar uppskáru eins og þeir
sáðu, börðust vel allan leikinn. Logi
og Arnar Pétursson voru atkvæða-
miklir í sókninni.
Bragðdaufur Þórssigur
Áhugaleysi var ráðandi þegarStjarnan tók á móti Þór frá Ak-
ureyri. Stjörnumenn höfðu aðeins
um heiðurinn að
keppa og fyrir leik-
inn voru gestirnir
svo gott sem komnir
í úrslitakeppnina –
kom það sannarlega niður á gæðum
leiksins. Leikurinn var jafn framan
af en undir lokin voru Þórsarar
sterkari og sigruðu 24:28.
Jafnræði var með liðunum í fyrri
hálfleik en gestirnir voru ívíð sterk-
ari, þeir náðu þó aldrei afgerandi for-
ystu og munurinn var aðeins tvö
mörk í hálfleik, 11:13. Svo virtist sem
leikmenn væru ekki alveg með hug-
ann við efnið því leikurinn var hægur
og mikið var um tapaða bolta.
Síðari hálfleikur var aðeins líflegri
en sá fyrri en liðin spiluðu þó ekki
nema á hálfum hraða. Þórsarar
héldu sínu tveggja marka forskoti en
náðu ekki að hrista heimamenn af
sér fyrr en undir lok leiksins. Þá gáf-
ust leikmenn Stjörnunnar hreinlega
upp.
Jafnt í Víkinni
Víkingar lögðu sig sannarlegafram í síðasta leik sínum fyrir
sumarfrí í 1. deild karla í handknatt-
leik, en í gær mættu
þeir Fram í lokaum-
ferðinni. Víkingar
hafa ekki riðið feit-
um hesti frá leikjum
sínum í vetur, höfðu fram til þessa
aðeins unnið einn leik og gert þrjú
jafntefli. Það var því fyrst og fremst
stolt liðsins og leikmanna sem var að
veði í leiknum gegn Fram, sem þegar
hafði tryggt sér sæti í úrslitakeppni
deildarinnar. Eftir spennuþrungnar
lokamínútur skildu liðin jöfn, 31:31.
Víkingar áttu satt að segja miklu
meira skilið en eitt stig eftir þennan
leik. Jón Traustason markvörður,
Þórir Júlíusson, Eymar Kruger og
Björn Guðmundsson léku best í liði
Víkinga en hjá Fram léku þeir
Björgvin Þór Björgvinsson og Har-
aldur Þorvarðarson best. Það er al-
veg ljóst að ætli Framarar sér að
gera deildarmeisturum Hauka skrá-
veifu í úrslitakeppninni verða þeir að
leika miklu mun betur en þeir gerðu í
þessum leik, að öðrum kosti eiga þeir
aðeins tvo leiki eftir fram að sum-
arfríi.
Öruggur KA-sigur
KA sigraði ÍBV, 33:25, á Akureyrií leik sem skipti engu um sæta-
röðun liðanna. Jafnt var lengi vel en
smám saman sigu
heimamenn framúr
en þeir höfðu þriggja
marka forskot í hálf-
leik. Viktor Gigov
markvörður Eyjamanna var þá bú-
inn að verja ellefu skot og halda sín-
um mönnum inní leiknum. Gigov hélt
áfram að verja eins og berserkur í
upphafi seinni hálfleiks og héldu
Eyjamenn í horfinu fram í hann
miðjan. Egidius Petkevicius mark-
vörður KA tók þá við af Gigov og
varði átta skot á tíu mínútna kafla og
juku KA-menn muninn í níu mörk.
Eftir það leystist leikurinn upp í
hálfgerða vitleysu en KA landaði
öruggum sigri. Gigov, Davíð Þ. Ósk-
arsson og Róbert Bognar voru bestir
í liði gestanna en Hilmar Stefánsson,
Jónatan Magnússon og Andreus
Stelmokas hjá KA.
Spenna á Selfossi
HK-menn tryggðu sér fimmtasætið þegar þeir lögðu Selfyss-
inga á Selfossi, 33:31. Þetta er jafn-
framt besti árangur
HK-manna í deild-
inni. Eftir gærdag-
inn var ljóst að HK-
ingar fá KA í úrslita-
keppninni, og er Árni Stefánsson,
þjálfari HK-manna, að vonum
spenntur eftir þeirri viðureign en
hann var þó ekki sáttur við leikinn
gegn Selfossi en heimamenn sýndu
einn sinn besta leik á tímabilinu.
„Ég er ekki sáttur við hvernig við
spiluðum þennan leik og í raun hund-
fúll. Ég er hins vegar sáttur við
fimmta sætið sem er okkar langbesti
árangur og ég er mjög spenntur eftir
að eiga við KA-menn í úrslitakeppn-
inni,“ sagði Árni.
Í stöðunni 31:31 fékk Selfyssing-
urinn Ramúnas Mikalonis tveggja
mínútna brottvísun og aðeins 1 mín-
úta og 50 sekúndur eftir. Þann tíma
nýttu gestirnir til að skora tvö mörk
en heimamenn náðu ekki að svara
fyrir sig.
Gísli Rúnar Guðmundsson varði
vel í marki Selfyssinga, var með 19
skot varin. Þá átti Hörður Bjarnason
góðan leik í horninu, en hefði getað
nýtt hraðaupphlaupin betur. Ívar
Grétarsson barðist vel og stjórnaði
sókn Selfyssinga af öryggi sem hefur
lagast stórum í síðustu leikjum.
Ramúnas sannaði mikilvægi sitt í
leiknum og eins stóð fyrirliðinn
Andri Úlfarsson sig vel.
Hjá HK-mönnum var það Samúel
Ívar Árnason sem var einna spræk-
astur en hann skoraði 9 mörk í gær,
þar af ófá úr hraðaupphlaupum. Eins
var Vilhelm Gauti Bergsson að
standa sína vakt með prýði, sem og
Alexander Árnason en leikur HK
batnaði stórum þegar hann kom í
vörnina.
Töluverð spenna og taugaveikluneinkenndi leik liðanna framan
af enda deildarmeistaratitillinn í
húfi. Haukar stóðu
vel að vígi og nægði
eitt stig til að hampa
titlinum en
ÍR-ingar áttu
einnig möguleika á að verða deild-
armeistarar að því tilskildu að þeir
sigruðu Hauka með fjögurra marka
mun og að Valsmenn næðu ekki að
leggja Aftureldingu að velli.
Haukar byrjuðu með miklum lát-
um og eftir fimm mínútna leik var
staðan orðin 5:1. ÍR-ingar virtust
þrúgaðir af spennu og ekki tilbúnir í
átökin gegn Haukum. En seigla og
barátta hefur verið einkennandi fyr-
ir ÍR-liðið í vetur. Þeir náðu að að
koma sér inn í leikinn að nýju og
jafna metin í 9:9 eftir 20 mínútna
leik. Á þessum kafla létu Haukar
slaka dómgæslu fara mjög í taugarn-
ar á sér og þeir þurftu að súpa seyðið
af nöldri við þá svartklæddu. Fyrst
fékk Viggó Sigurðsson tveggja mín-
útna brottvísun og fyrirliðinn, Hall-
dór Ingólfsson, fór sömu leið og gott
betur því hann fékk að kæla sig í fjór-
ar mínútur. Sturla Ásgeirsson kom
Breiðhyltinum yfir í fyrsta skipti,
11:10, þegar fjórar mínútur voru til
leikhlés og allt stefndi í að ÍR-ingar
færu til búningsherbergis í hálfleik
með yfirhöndina þegar þeir komust í
13:11. En Haukum tókst að jafna
metin með harðfylgi og allt útlit var
fyrir spennandi síðari hálfleik.
ÍR-ingar byrjuðu síðari hálfleik-
inn vel, skoruðu tvö fyrstu mörkin en
þá sögðu Haukar hingað og ekki
lengra. Með Bjarna Frostason öflug-
an á milli stanganna fyrir aftan
sterka 6:0 vörnina áttu ÍR-ingar í
basli í sóknarleik sínum og Haukar
gengu á lagið. Þeir skoruðu fjögur
mörk í röð og komust í 17:15. Hauk-
arnir létu kné fylgja kviði og þegar
munurinn var orðinn fimm mörk,
24:19, og 13 mínútur til leiksloka var
ljóst í hvað stefndi. ÍR-ingar reyndu
þó að berjast til þrautar. Þeim tókst
að minnka muninn í tvö mörk, 24:22,
en hið reynslumikla lið Haukanna lét
það ekki slá sig út af laginu. Þeir
héldu fengnum hlut og innbyrtu sig-
ur og um leið deildarmeistaratitlinn.
Haukar áttu frábæran endasprett
í deildarkeppninni og á meðan aðal-
keppinautar þeirra um titilinn, ÍR og
ekki síst Valur, gáfu eftir unnu
Haukarnir átta síðustu leiki sína og
tylltu sér í toppsætið. Robertas Pau-
zolis átti góðan leik og skoraði 7
mörk, flest með þrumuskotum og
Ásgeir Örn Hallgrímsson var sterk-
ur, ekki bara í sókninni heldur skilaði
hann góðum leik í vörninni. Bjarni
Frostason var þó sennilega maður-
inn á bakvið sig Haukanna. Birkir
Ívar Guðmundsson hóf leikinn í
markinu og ekki var hægt að kvarta
yfir frammistöðu hans en þegar ÍR-
ingar jöfnuðu metin ákvað Viggó
Sigurðsson að skella Bjarna inná og
þar veðjaði hann á réttan hest.
Bjarni varði jafnt og þétt og áttu ÍR-
ingar erfitt með að finna glufur
framhjá flugmanninum. Til marks
um góða breidd í Haukaliðinu kom
ekki að sök að Aron Kristjánsson
hafði frekar hægt um sig og Halldór
Ingólfsson lét sömuleiðis lítið á sér
kræla þar til undir lokin.
Sturla Ásgeirsson og Einar Hólm-
geirsson voru áberandi bestu menn
ÍR-inga. Bjarni Fritzson átti ágæta
spretti og Hallgrímur Jónasson stóð
fyrir sínu í markinu.
Vörnin harðlæst hjá Val
Það voru algjör stakkaskipti áValsliðinu í gær frá leiknum
gegn Fram nokkrum dögum áður.
Valsmenn gáfu Mosfellingum aldrei
möguleika gegn
gríðarsterkri vörn
sinni og unnu loka-
leik liðanna í deild-
inni verðskuldað,
22:14. Það var lítið skorað til að byrja
með og staðan var til að mynda 4:2
þegar fyrri hálfleikur var hálfnaður.
Afturelding átti erfitt uppdráttar
gegn mjög grimmri vörn Valsmanna,
sem reyndar kostaði nokkrar brott-
vísanir, og Freyr Brynjarsson var til
að mynda búinn að fá þrjár slíkar
undir lok fyrri hálfleik. En Valsmenn
höfðu reyndar nánast gert út um
leikinn áður en þeir misstu Frey með
því að breyta stöðunni úr 7:5 í 11:6 á
lokakafla fyrri hálfleiks.
Valsmenn gerðu síðan endanlega
út um leikinn í byrjun seinni hálfleiks
með því að skora þrjú fyrstu mörkin
og þó að Mosfellingar næðu aðeins
að klóra í bakkann þegar Valsmenn
gáfu aðeins eftir í vörninni setti það
enga spennu í leikinn. Þegar á leið
var allur vindur úr leikmönnum og
virtust menn hreinlega bíða eftir því
að leiktíminn liði.
Tilfinningar Geirs Sveinssonar
eftir leikinn voru blendnar því þrátt
fyrir að hafa unnið þennan leik hafði
slæmt gengi í leikjunum á undan
kostað þá deildarmeistaratitilinn.
„Áður en deildakeppnin hófst hefði
ég vel sætt mig við annað sætið en
miðað við það að við vorum á toppn-
um í 22 umferðum af 26 þá eru það
vonbrigði að hafa ekki náð að klára
þetta. Við töpuðum hins vegar sex
stigum í síðustu fjórum leikjunum og
það er dýrkeypt þegar upp er staðið.
Í þessum leik held ég að við höfum
staðið 70% í vörn og það kallar á
mikla þolinmæði og einbeitingu og
drengirnir skiluðu því. Mér líst vel á
að mæta FH, við töpuðum reyndar
illa fyrir þeim síðast en nú er nýtt
mót framundan og FH er jafngóður
kostur og hver annar,“ sagði Geir.
Markús Máni lék vel í gær og Rol-
and Eradze varði vel að vanda. En
það var fyrst og fremst sterkur varn-
arleikur sem skóp sigurinn.
Afturelding sá í raun aldrei til sól-
ar í leiknum og miðað við þessa
frammistöðu lenti liðið ekki ofar í
deildinni en það átti skilið.
FH-ingar sterkari í einvíginu
Sex sigrar í síðustu sjö leikjumundir stjórn Þorbergs Aðal-
steinssonar dugðu FH til að komast
inn í úrslitakeppn-
ina. Sá sjötti var
30:26 sigur á Gróttu/
KR á Seltjarnarnes-
inu í gærkvöldi þar
sem bitist var um hvort liðið yrði
hólpið enda engu líkara en um bik-
arúrslitaleik væri að ræða, slík var
spennan. Grótta/KR situr því eftir
með sárt ennið en FH mætir Val í úr-
slitakeppninni.
Leikmenn voru meðvitaðir um
gildi leiksins og var hart tekist á.
Heimamenn lögðu áherslu á halda
stórskyttunni Loga Geirssyni í skefj-
um en honum tókst samt að skora tvö
fyrstu mörk FH. Hinum megin
reyndu Hafnfirðingar að halda aftur
af Aleksandr Petersons og það gekk
betur en þá losnaði um Magnús Agn-
ar Magnússon á línunni. Grótta/KR
hafði því nauma forystu fram í miðj-
an fyrri hálfleik en þá fór að rofa til í
sókn gestanna og þegar þeir náðu
líka að þétta vörnina náðu þeir undir-
tökunum. Fimm mínútum fyrir hálf-
leik tók Grótta/KR leikhlé og tókst
að virkja vinstri vænginn því fjögur
mörk komu þaðan en þegar Logi tók
HAUKAR voru krýndir deildarmeistarar annað árið í röð með því að
leggja ÍR-inga, 28:26, í miklum baráttuleik að Ásvöllum. Sigur
Haukanna var þó öruggari enn lokatölurnar gefa til kynna því ÍR-
ingar skoruðu tvö síðustu mörk leiksins eftir að Haukar höfðu náð
mest fimma marka forskoti í síðari hálfleik. Haukar mæta Fram í úr-
slitakeppninni en ÍR-ingar glíma við Þórsara.
Morgunblaðið/Jón Svavarsson
Halldór Ingólfsson, fyrirliði Hauka, með deildarbikarinn.
Guðmundur
Hilmarsson
skrifar
Hallgrímur
Indriðason
skrifar
Stefán
Stefánsson
skrifar
Andri
Karl
skrifar
Ingibjörg
Hinriksdóttir
skrifar
Einar
Sigtryggsson
skrifar
Helgi
Valberg
skrifar
Þau mætast
LIÐIN sem mætast í 8-liða úr-
slitum um Íslandsmeistaratit-
ilinn í handknattleik eru:
Haukar – Fram
Valur – FH
ÍR – Þór
KA – HK
Haukar meistarar
annað árið í röð