Morgunblaðið - 03.04.2003, Page 3

MORGUNBLAÐIÐ FIMMTUDAGUR 3. APRÍL 2003 B 3














































































































NFRÉTTIR SAMKEPPNISRÁÐ hefur veitt
undanþágu frá samkeppnislögum um
bann við samstarfi keppinauta í
tengslum við kaup Fjölgreiðslumiðl-
unar hf. á öllu hlutafé í Netskilum hf.
Undanþágan er háð því skilyrði að
ákvörðun um sameiginlega gjaldskrá
verði aðeins tekin einu sinni, þ.e. í
tengslum við kaupin. Segir í ákvörðun
samkeppnisráðs að viðskiptabönkum
og sparisjóðum, sem eiga Fjöl-
greiðslumiðlun hf., sé að öðru leyti
með öllu óheimilt að semja eða ræða
um sameiginlega gjaldskrá fyrir raf-
ræna birtingu reikninga, miðla við-
skiptalegum upplýsingum sín á milli
eða hafa með sér hvers konar sam-
vinnu um verð eða aðra viðskiptaskil-
mála.
Fram kemur í ákvörðun sam-
keppnisráðs að forsvarsmenn og hlut-
hafar í fyrirtækinu Netskilum hafi
leitað til bankanna vegna bágrar fjár-
hagsstöðu fyrirtækisins með hug-
myndir um kaup á öllu hlutafé í Net-
skilum. Þá segir að í desember
síðastliðnum hafi Fjölgreiðslumiðlun
farið þess á leit við samkeppnisyfir-
völd að þau meti hvort fyrirhugaður
samningur um kaup bankanna á öllu
hlutafé í Netskilum kunni að fara í
bága við samkeppnislög. Verði talið
að svo sé fór Fjölgreiðslumiðlun fram
á að veitt verði undanþága fyrir kaup-
unum á grundvelli 16. greinar sam-
keppnislaga.
Sama hugbúnaðarkerfi
Starfsemi Netskila hefur falist í þró-
un á kerfi til rafrænnar birtingar
reikninga. Hafa Netskil boðið fyrir-
tækjum þann möguleika að birta
reikninga eða reikningsyfirlit við-
skiptavina sinna í netbönkum við-
skiptabanka og sparisjóða í stað þess
að senda viðkomandi viðskiptavinum
umrædd gögn í prentuðu formi í
pósti. Stærstu hluthafar Netskila eru
jafnframt stærstu viðskiptavinir fé-
lagsins, en meðal þeirra eru Orku-
veita Reykjavíkur, Norðurorka hf.,
Orkubú Vestfjarða, Hitaveita Suður-
unesja hf., Sjóvá-Almennar Trygg-
ingar hf., Húsasmiðjan hf. og Spakur
hf. Fyrirtækið var stofnað í mars
2000.
Í júní 2000 stofnuðu viðskiptabank-
arnir, sparisjóðir, Seðlabankinn og
greiðslukortafyrirtækin tvö, Visa Ís-
land og Europay Ísland, fyrirtækið
Fjölgreiðslumiðlun hf., sem hefur
eins og Netskil unnið að þróun og
uppsetningu birtingarkerfis vegna
reikninga og reikningsyfirlita. Hefur
kerfi Fjölgreiðslumiðlunar grundvall-
ast á sama hugbúnaðarkerfi og Net-
skil hafa notað.
Rekstri Netskila hætt
Í erindi Fjölgreiðslumiðlunar til sam-
keppnisyfirvalda kemur fram að ekki
standi til að rekstur Netskila haldi
áfram eftir kaup Fjölgreiðslumiðlun-
ar á því. Hins vegar sé ætlunin að
tryggja eigendum Netskila og við-
skiptavinum þeirra tímabundið þá
þjónustu sem Netskil hafa veitt. Með-
an á aðlögunartíma standi muni þjón-
ustan verða veitt í óbreyttri mynd en
sameiginlegt birtingarkerfi bankanna
muni fljótlega taka við af kerfi Net-
skila. Segir í erindinu að með þessu
móti sé unnt að tryggja að samstarf
reikningsútgefenda við reiknings-
greiðendur haldist órofið og að aðilum
gefist tími til að aðlagast nýju um-
hverfi eftir brotthvarf Netskila.
Fram kemur í erindi Fjölgreiðslu-
miðlunar til samkeppnisyfirvalda að
gert sé ráð fyrir að greitt verði fyrir
hlutaféð í Netskilum með framsali á
rétti til rafrænna birtinga reikninga í
heimabönkum. Hver hluthafi fái
þannig inneign sem svari til hlutafjár í
Netskilum á genginu 1,4.
Í umfjöllun um þetta mál segir sam-
keppnisráð að fram hafi komið að
rekstur Netskila hafi frá upphafi verið
afar erfiður vegna mikilla fjárfestinga
og erfiðleika við að selja þjónustu fé-
lagsins. Hafi Netskilum reynst afar
erfitt að laða til sín stóra viðskiptavini
utan hluthafahópsins. Þar sem bank-
arnir hafi lagt í viðlíka fjárfestingu í
hugbúnaði þyki stjórnendum og eig-
endum Netskila einsýnt að hagsmun-
um hluthafa og viðskiptavina sé best
borgið með því að bankarnir eða félag
í þeirra eigu yfirtaki Netskil.
Í niðurstöðum samkeppnisráðs
segir að ráðið telji að aðstæður í þessu
máli séu með þeim hætti að forsendur
séu fyrir því að veita undanþágu frá
bannákvæði 10. greinar samkeppnis-
laga, á grundvelli 16. greinar laganna.
Skilyrði undanþágunnar séu þau að
ákvörðun um sameiginlega gjaldskrá,
sem gildir eingöngu um þá inneign er
núverandi hluthafar Netskila fá sem
greiðslu fyrir hlutabréf sín, sé aðeins
tekin einu sinni. Að öðru leyti sé við-
skiptabönkum og sparisjóðum með
öllu óheimilt að semja eða ræða um
sameiginlega gjaldskrá fyrir rafræna
birtingu reikninga. Telur samkeppn-
isráð að með þessu skilyrði sé tryggt
að fyrirhugaður samningur feli ekki í
sér höft á hlutaðeigandi fyrirtæki sem
séu óþörf til að ná settum markmið-
um. Jafnframt telur samkeppnisráð
tryggt að samningurinn, með um-
ræddu skilyrði, veiti hlutaðeigandi að-
ilum ekki færi á að koma í veg fyrir
samkeppni að því er varðar verulegan
hluta þeirrar þjónustu sem um sé að
ræða.
Samkeppnisráð veitir undanþágu
Kaup Fjölgreiðslumiðlunar hf. á Netskilum hf. heimiluð
Morgunblaðið/Golli
Samkeppnisráð hefur veitt Fjölgreiðslu-
miðlun undanþágu til að kaupa Netskil.
Stórhöfða 21, við Gullinbrú, s. 545 5500.
www.flis.is
netfang: flis@flis.is
lím og fúguefni