Morgunblaðið - 30.04.2003, Blaðsíða 5

MORGUNBLAÐIÐ MIÐVIKUDAGUR 30. APRÍL 2003 C 5
bílar
V
OLVO-umboðið í Norður-
Ameríku tilkynnti fyrir
skemmstu að Volvo XC90
væri nú einn mest seldi
lúxusjeppinn þar vestra.
Ekki eru nema fjórir mánuðir frá því
jeppinn kom fyrst á markað þar
ytra, en samkvæmt nýjustu sölutöl-
um hefur hann þegar skotið helstu
keppinautum ref fyrir rass og er nú
mest seldi evrópski lúxusjeppinn í
Norður-Ameríku.
Sölutölur sýna að um 10% meiri
sala var á Volvo XC90 en BMW X5
og 45% meiri en ML, lúxusjeppa
Mercedes-Benz. Alls seldi Volvo
3.366 jeppa þar vestra í mars og er
það 25,6% aukning.
„Þessi verðlaunaði lúxusjeppi okk-
ar hefur fengið ótrúlegar viðtökur á
markaðnum,“ sagði Vic Doolan, for-
stjóri VCNA, Volvo-umboðsins í
Norður-Ameríku. „Og þar sem eft-
irspurnin er enn meiri en framboðið
þá virðist árið 2003 svo sannarlega
lofa góðu.“
Volvo XC90 jeppinn hefur hlotið
yfir tuttugu verðlaun og viðurkenn-
ingar en í Norður-Ameríku var hann
m.a. valinn bíll ársins í flokki jeppa
og pallbíla og þá var hann verðlaun-
aður sem bíll ársins í flokki nýrrar
línu í lúxusjeppum. Volvo XC90 hef-
ur auk þess hlotið viðurkenningar
fyrir öryggisbúnað og fjölda viður-
kenninga fyrir aksturseiginleika á
öðrum markaðssvæðum en Norður-
Ameríku.
Volvo XC90 hefur fengið góðar viðtökur í Bandaríkjunum.
Norður-Ameríka
Volvo XC90
einn mest
seldi lúxus-
jeppinn
GIANCARLO Boschetti, forseti
og aðalframkvæmdastjóri Fiat
Auto, og Osamu Suzuki,
stjórnarformaður og aðal-
framkvæmdastjóri Suzuki Mot-
or, skrifuðu sl. fimmtudag undir
viljayfirlýsingu um sameigin-
lega framleiðslu á nýjum
sportjeppa. Á blaðamannafundi
sem haldinn var í Búdapest
lögðu yfirmenn fyrirtækjanna
áherslu á að bílarnir yrðu hvor
með sínu lagi. Framleiðslan
hefst á öðrum árshluta 2005 í
Magyar-verksmiðju Suzuki í
Estergom nærri Búdapest.
Nýju jepparnir verða fram-
leiddir í fimm gerðum og með
dísil- og bensínvélum. Fiat og
Suzuki munu annast dreifingu
og sölu á bílunum hvort í sínu
lagi í gegnum sín umboðs-
mannanet.
Suzuki og
Fiat smíða
saman jeppa
TOYOTA ætlar að reisa verksmiðju í
Rússlandi í þeim tilgangi að hefja þar
framleiðslu á jeppum innan tveggja til
þriggja ára. Með þessu vill Toyota vera
í stakk búið til að herja á Rússlands-
markað sem stækkar óðfluga með
betri lífskjörum í landinu. Ekki hefur
verið greint frá því hvar í landinu verk-
smiðjan verður. Frá þessu var skýrt í
japanska dagblaðinu Nihon Keizai
Shimbun. Í blaðinu sagði frá því að
Toyota hefði selt 8.100 Land Cruiser
jeppa, sem smíðaðir voru í Japan, til
Rússlands á síðasta ári og hefði fyrir-
tækið komist að þeirri niðurstöðu að
nauðsynlegt væri að hefja framleiðslu í
landinu til að ná markmiðum sínum
um sölu á 20.000 bílum þar á ári.
Toyota hefur jafnframt sett sér það
markmið að selja 800.000 bíla í Evr-
ópu á ári, á árinu 2005, sem er um
5% markaðshlutdeild.
Toyota reisir
verksmiðju
í Rússlandi
Morgunblaðið/Jim Smart
Toyota framleiðir hugsanlega jeppa í Rússlandi.