Morgunblaðið - 04.07.2003, Blaðsíða 2

DAGLEGT LÍF
2 B FÖSTUDAGUR 4. JÚLÍ 2003 MORGUNBLAÐIÐ
INGIBJÖRGU Stefánsdótturþekkja margir frá því húnsöng fyrir Íslands hönd ísöngvakeppni evrópska sjón-
varpsstöðva um árið og lék í nokkr-
um kvikmyndum. Hún lauk námi í
leiklist frá Neighborhood Playhouse
School of the Theatre í New York ár-
ið 1998 og hefur unnið að leiklistinni
síðan, sl. ár hefur hún starfað hjá
Möguleikhúsinu sem er leikhús fyrir
börn. Ingibjörg hefur einnig mennt-
að sig sem jógakennara og starfar
sem slíkur í Kramhúsinu.
Hún kynntist Lovísu Lóu Sigurð-
ardóttur í enn einni vinnunni sinni, á
veitingastaðnum Grænum kosti.
„Við erum ekki bara að búa til nýjan
og góðan mat, heldur vakna líka fullt
af góðum hugmyndum sem við erum
alltaf að kasta á milli í vinnunni,“
segja þær brosandi. Lóa er mynd-
listarmaður, menntuð í Finnlandi.
Hún lærði svo að vera trúður og
bætti við sig námi í látbragðsleik frá
trúðaskóla í Kaupmannahöfn.
Trúðsnámið nýtist í daglegu lífi
Trúðsnám er oft haft hluti af leik-
listarnámi en Lóa kemur að því ann-
ars staðar frá. Námið byggist á
forminu „Commedia dell’arte“ sem
felur í sér látbragðsleik, trúðsnám,
persónusköpun ýmiss konar, mikla
líkamstjáningu og byggist á því að
nota grímur sem hver og ein hefur
sinn persónuleika. „Þeir sem fara í
þennan skóla eru ekki endilega að
sækjast eftir því að verða leikarar.
Ég fór í þetta upphaflega af því ég
var búin að gera svo mikið af gjörn-
ingum þegar ég var í myndlistar-
námi. Mér fannst ég vera svo mikill
trúður einhvern veginn. Stundum
þarf maður að vera auðmjúkur til að
fá upplýsingar, því ef maður er ein-
hver besservisser er bara lokað á
mann.“
Lóa segist lítið hafa notað trúðs-
námið sem slíkt en hún hefur þó
komið fram sem trúður og túlkað
ljóð með látbragðsleik. „En þetta
nýtist manni bara vel með sjálfan
sig. Þetta er góður skóli, maður er í
raun að sætta sig við sína misbresti,“
segir trúðurinn með bros á vör.
Götuleikhús heillar Lóu, en slíkt hef-
ur vart unnið sér sess enn hér á
landi, að hennar mati. Úti í Kaup-
mannahöfn tók hún sig til og fór út til
Litlu hafmeyjarinnar og kom fram.
„Mér finnst gaman að blanda saman
myndlistinni og látbragðsleiknum.
Ég tók því ramma með mér og ætlaði
að mála fólk. Svo lenti ég bara í
miðju maraþonhlaupi. Ég tók mið af
aðstæðum og nýtti mér umhverfið,
fór að vísa þátttakendum veginn,
fékk svo lánaðan kúst og fór að sópa,
þetta var ótrúlega skemmtilegt.
Trúðurinn nefnilega spilar úr því
sem er að gerast. Maður er ekki að
leika heldur að koma fram. Maður
þarf að vera undir það búinn að allt
geti gerst og innsæið skiptir miklu
máli.“
Lóa fæst mikið við myndlistina og
heldur vinnustofusýningu á hverju
ári. Hún málar olíumyndir á striga,
það sem hún kallar sviðsmyndir úr
lífinu. Núna er sýning eftir hana á
ferð um landið og er um þessar
mundir í Rauða húsinu á Eyrar-
bakka. Í ágúst verður sýningin kom-
in til Hvammstanga, og svo í Menn-
ingarhúsið á Hornarfirði í
september, á Kaffi Karólínu á
Akureyri í október, á Sólon í Reykja-
vík í nóvember og í Neskaupstað í
janúar.
Börn eru svo hugmyndarík
„Við höfum alltaf náð svo vel sam-
an og ég held að ein ástæðan fyrir
því sé að við lærðum báðar í útlönd-
um og erum í svipuðum sporum hér
heima þess vegna. Eftir listnám er-
lendis er maður ekki í miklum
tengslum við listheiminn hér heima.
Það getur líka verið jákvætt af því
maður þarf bara að taka af skarið og
gera eitthvað,“ segir Lóa.
„Okkur datt í hug að það væri
gaman að vinna með skapandi börn-
um og ákváðum að slá til,“ segir
Ingibjörg. Námskeiðið þeirra, List-
námskeið fyrir börn sem vilja skapa
og leika sér, er haldið í Kramhúsinu
og stendur yfir í þessari og næstu
viku. Það er ætlað 9–12 ára börnum,
en bæði stelpur og strákar eru skráð
og þau eru í leiklist, myndlist, leikj-
um, jóga, látbragði og hreyfingu, búa
til grímur og leika trúða. Þær stöllur
segjast jafnvel ætla að halda annað
námskeið í ágúst ef þetta gengur vel.
Dagskráin liggur fyrir en þær vilja
ekki leggja of mikla áherslu á að
fylgja henni. „Það gerist svo margt
þegar hópurinn hittist, börnin eru
svo hugmyndarík og opin og við
hlökkum alveg rosalega til,“ segir
Lóa iðandi í skinninu.
Leikjanámskeið fyrir fullorðna
Þær hafa báðar nokkra reynslu af
því að vinna með krökkum. Leikir
eru fyrirferðarmiklir á námskeiðinu
og sjálf hefur Ingibjörg farið á nám-
skeið fyrir kennara þar sem þátttak-
endur fóru í alla leikina sem svo eru
kenndir börnunum. „Mér finnst bara
að það ætti að vera svona leikjanám-
skeið fyrir fullorðna, þetta var svo
gaman,“ segir hún með glampa í
augunum. Þessari hugmynd eiga
þær örugglega eftir að kasta á milli
sín í framtíðinni.
Ingibjörg segist sjálf vera algjört
fiðrildi og hafa komist að þeirri nið-
urstöðu að hún eigi ekki að einbeita
sér að einhverju einu, þótt hún hafi
reynt. Hún var á Indlandi í vor þar
sem hún drakk í sig fróðleik um jóga.
Í haust verður tónlistin í fyrsta sæti,
þótt leiklistin og jógað eigi áfram
sinn sess. „Nú er ég að semja mína
eigin tónlist og finn mig rosalega vel
í því. Ég var mikið í tónlist áður og
hún hefur alltaf verið mikið í mér, ég
hef saknað hennar. Nú er ég mjög
líklega að fara að vinna með nokkr-
um tónlistarmönnum og einnig að
vinna að tónlistarverkefni fyrir leik-
hús,“ segir hún.
Börnin á námskeiðinu búa til
grímur og nota þær í leik. Trúðurinn
þróast líka út í gegn, að sögn nám-
skeiðshaldaranna. „Við byrjum mjög
rólega, kynnum allt fyrir krökkunum
og byggjum svo ofan á það,“ segir
Ingibjörg. Umhverfið er líka skoðað
og það notað í sköpuninni og Ingi-
björg nefnir listaverk úr drasli í því
sambandi. Það er greinilegt að
ímyndunaraflið er notað og þátttak-
endur skemmta sér vel.
Skapandi
Morgunblaðið/Arnaldur
Börnin fara m.a. í leiki og jóga á listnámskeiðinu og búa til grímur sem þau svo nota í leiklistinni.
Allur barnahópurinn í fullum skrúða. Börnin eru á aldrinum 9-12 ára.
Lovísa Lóa Sigurðardóttir og Ingibjörg Stefánsdóttir kenna börnunum á listnámskeiðinu í Kramhúsinu.
steingerdur@mbl.is
trúðar
LITLIR OG STÓRIR
Listnámskeið fyrir
börn sem vilja skapa
og leika sér er nú
haldið í Kramhúsinu.
Á meðal þess sem
börnin gera er að
leika trúða, búa til
grímur, fara í jóga
og leika sér með
kennurunum sínum
sem finnst það jafn-
gaman. Steingerður
Ólafsdóttir talaði við
Ingibjörgu Stefáns-
dóttur leikkonu og
jógakennara og
Lovísu Lóu Sigurð-
ardóttur trúð og
myndlistarmann.