Morgunblaðið - 11.07.2003, Blaðsíða 8
AUÐLESIÐ EFNI
8 FÖSTUDAGUR 11. JÚLÍ 2003 MORGUNBLAÐIÐ
Netfang: auefni@mbl.is
SPRENGI-EFNI var stolið úr
geymslu á Hólmsheiði,
skammt frá Reykjavík, á
föstudag. Alls var um að
ræða 245 kíló af
sprengi-efni, dýnamíti í
túpum og rúllum. Hvorki
efnið né þjófarnir hafa
fundist.
Þjófarnir klipptu gat á háa
vír-girðingu sem er í kringum
geymsluna. Síðan klipptu
þeir og boruðu í gegnum
þykkar stál-hurðir til þess að
komast að sprengi-efninu.
Sprengi-efnið er mest notað
við byggingar-framkvæmdir,
jarð-göng og virkjanir. Það er
þess vegna stórhættulegt og
aðeins fyrir kunnáttu-menn
að meðhöndla það.
Benedikt Einar
Gunnarsson, sem flytur
efnið inn, segir málið mjög
alvarlegt. Þetta sé ekki í
fyrsta skipti sem einhver
reyni að brjótast inn í
geymsluna. Það hafi þó
aldrei heppnast fyrr en nú.
„Það var greinilegt að ránið
var skipulagt í þaula. Það
líkist helst atriði úr
glæpamynd,“ segir
Benedikt.
Sprengi-efni stolið
Morgunblaðið/Júlíus
Sprengiefna-geymslurnar á Hólmsheiði.
„ÉG ER afskaplega
ánægður að þessi mál skuli
vera komin á hreint. Ég er
líka mjög ánægður með
samninginn því annars
hefði ég ekki skrifað undir
hann,“ sagði Eiður Smári
Guðjohnsen, fyrirliði
íslenska lands-liðsins í
knattspyrnu. En hann
skrifaði undir nýjan þriggja
ára samning við Chelsea,
enska úrvalsdeildar-liðið, í
fyrrdag.
„Það stóð í raun ekkert
annað til en að skrifa undir
hjá Chelsea. Ég veit ekki
hvaða upphlaup þetta var í
gær varðandi þær fréttir að
Chelsea hefði dregið til
baka tilboðið. Ég kippti mér
ekkert voðalega upp við
þessar fréttir. Líklega fór
þetta í fréttirnar þar sem
undirskriftin varð ekki á
þeim degi sem til stóð.
Samningurinn er hins vegar
núna í höfn og það er afar
ánægjulegt. Það er gott að
vita hvar ég verð næstu
árin. Nú get ég líka einbeitt
mér að fullu að komandi
leiktíð,“ sagði Eiður.
Eiður segir að mikið
fjölmiðlafár hafi verið
ríkjandi frá því Rússinn
Roman Abramovich keypti
meirihluta í Chelsea. Eftir
því sem hann kæmist næst
yrði Claudio Ranieri hins
vegar áfram við
stjórnvölinn.
Samningur Eiðs Smára
við Chelsea gildir til
sumarsins 2006.
Morgunblaðið/Kristinn
Eiður Smári Guðjohnsen hefur skrifað undir nýjan samning
við knattspyrnu-liðið Chelsea.
Eiður Smári gerir nýjan
samning við Chelsea VERSLUNARMANNA-HELGIN
nálgast nú óðfluga. Þá helgi
fara hvað flestir landsmenn í
tjald-ferðalög og verða
haldnar 5 stórar úti-hátíðir að
þessu sinni.
Hátíðin á Akureyri heitir Ein
með öllu og þar spila meðal
annars hljómsveitirnar Papar,
Í svörtum fötum og Írafár.
Hátíðin í Vestmanna-eyjum
heitir Þjóðhátíð og þar koma
til dæmis fram
hljómsveitirnar Sálin hans
Jóns míns og Skítamórall,
auk annarra skemmtiatriða.
Í Galtalæk er svo haldin
fjölskyldu-skemmtun þar
sem Írafár og Í svörtum
fötum munu líka spila.
Á Siglufirði verður haldið
Síldarævintýri að venju. En
þar spilar gamla hljómsveitin
Hljómar og líka Ragnar
Bjarnason, eða Raggi Bjarna.
Heiti sitt dregur hátíðin af því
að þar er meðal annars
fjallað um sögu síldarveiða.
Loks verður í Neskaupstað
haldin hátíðin Neistaflug og
þar sjá meðal annars
heima-menn um fjörið.
Verslunarmanna-
helgin nálgast
ÓHAPP átti sér stað hjá
Flugleiðum á föstudag. Allur
farangur farþega á leið til
London fór til Parísar fyrir
mistök og farangurinn sem
átti að fara til Parísar fór til
London.
Guðjón Arngrímsson hjá
Flugleiðum segir mistökin
ekki hafa komið í ljós fyrr en
flugvélarnar voru lentar.
Reynt var að koma
farangrinum til réttra eigenda
eins fljótt og hægt var.
Tveir farþegar á leiðinni til
London ætluðu að gifta sig
þar. Brúðkaups-fötin voru í
farangrinum og fóru því til
Parísar. Ekki náðist að senda
þau til London áður en
brúðkaupið hófst.
Farangur víxlast
DONALD Rumsfeld,
varnarmála-ráðherra
Bandaríkjanna, segir nýjar
sannanir fyrir
gereyðingar-vopna-eign Íraka
ekki hafa verið ástæðuna
fyrir innrásinni í Írak. Orðin
lét Rumsfeld falla á fundi
með hermála-nefnd
Bandaríkja-þings í vikunni.
Hafa ýmsir sérfræðingar
hneykslast á orðum hans
eftir það sem á undan er
gengið.
Sagði Rumsfeld
ástæðuna að finna í
hryðjuverka-árásunum 11.
september 2001. En í
kjölfar þeirra hefði
Bandaríkja-stjórn litið öðrum
augum á þá hættu sem
Bandaríkjunum stafaði af
hryðjuverka-ríkjum og
hryðjuverka-samtökum.
Ýmsir sérfræðingar hafa
hneykslast á þessum
uppljóstrunum. Minna þeir á
að fyrir almenningi hafi
innrásin í Írak verið
rökstudd með hættunni
sem stafaði af
gereyðingar-vopnum Íraka.
Bandaríkin hafi sagt að
vopnaeftirlits-menn
Sameinuðu þjóðanna hafi
fengið nógan tíma til að
finna vopnin. Nú eftir meira
en tveggja mánaða leit
hefðu þeir hins vegar engin
vopn fundið sjálfir.
Reuters
Donald Rumsfeld varnarmála-ráðherra Bandaríkjanna og
Tommy Franks hershöfðingi. Rumsfeld segir ný gögn um ger-
eyðingar-vopn ekki ástæðu stríðsins í Írak.
Ný gögn um vopn ekki
ástæða stríðsins í Írak