Morgunblaðið - 13.07.2003, Blaðsíða 11

MORGUNBLAÐIÐ SUNNUDAGUR 13. JÚLÍ 2003 B 11
ferðalög
Hvert var tilefni ferðarinnar? Maðurinn minn, Mich-
ael J. Kissane, átti afmæli. Við ákvaðum að vera að
heiman þann dag og hann kaus að fara á norðanverða
Vestfirði, enda hafði hann ekki komið þangað áður.
Hvaða leið fóruð þið? Við fórum vesturleiðina sem er
afar skemmtileg og nokkuð greiðfær.
Um eittleytið var ekið af stað frá Reykjavík til Stykkis-
hólms, en ætlunin var að taka ferjuna Baldur. Á meðan
við biðum eftir siglingunni settumst við niður í Sjávar-
pakkhúsinu og fengum okkur Sviss mokka og vöfflur.
Ferjan stoppaði í Flatey, þar sem eyjaskeggjar virðast
bíða eftir ferjunni með mikilli eftirvæntingu og brosa
yfirleitt breitt við komu hennar. Við ókum frá borði í
Brjánslæk í ágætisveðri og keyrðum að Flókalundi en
við ákváðum að gista í svítunni þar. Um kvöldið gædd-
um við okkur á glæsilegu sjávarréttahlaðborði. Að því
loknu förum við í gönguferð um ströndina þar sem
kajakræðarar voru að leggja að með mikið hafurtask.
Hvað gerðuð þið á afmælisdaginn? Þann dag var sól
og blíða. Að loknum síðbúnum morgunverði spurði ég
stúlkurnar hvort eitthvað væri eftir af reykta og grafna
laxinum frá kvöldinu áður og bað þær um að smyrja
nokkrar samlokur fyrir okkur. Síðan var haldið af stað
yfir Dynjandisheiði, en sá vegur var nýverið endurnýj-
aður og að Fjallfossi þar sem var enn hlýrra en á Flóka-
lundi. Fyrst var gengið upp með fossunum og niður og
síðan hugað að lautarferð í úðanum af fossinum, en
við þær aðstæður er minna mý. Að venju var breitt úr
rauðköflótta teppinu og írska líndúknum með sam-
stæðum munnþurrkum. Örlitlu ferðavínglösin voru tek-
in fram svo að hægt væri að skála í hvítvíni fyrir af-
mælisbarninu á meðan krásirnar væru borðaðar, en
við höfðum líka tekið osta og kex með okkur.
Eftir smáhvíld var lagt af stað að Hrafnseyri þar sem
safn Jóns Sigurðssonar var skoðað og hlustað á píanó-
leik safnvarðar áður en við fengum okkur kaffi með
kleinum.
Hvert fóruð þið að þessu loknu? Næsta stopp var í
Skrúði, sem er elsti skrúðgarður landsins og er hann
mjög skemmtilegur. Enn skein sól og við ókum áfram
alla leið til Ísafjarðarbæjar þar sem við dvöldum í mjög
góðu yfirlæti á Hótel Ísafirði meðan á heimsókn okkar
stóð. Við ákváðum að fá okkur kvöldverð í Faktorshús-
inu í Efstakaupsstað, sem er skemmtilegt, gamalt hús
rétt við lystigarðinn og er hægt að snæða inni eða úti.
Einungis er boðið upp á nokkra rétti en þeir reyndust
allir ágætir, þá daga sem við borðuðum þar. Eftir mat-
inn gengum við yfir í Tónlistarskólann til þess að hlusta
á lokatónleikana á tónlistarhátíðinni Við Djúpið, sem
haldin var í fyrsta sinn í ár. Að loknum ágætum tón-
leikum var boðið í teiti í Tjöruhúsinu og þar með lauk
vel heppnaðri dagskrá afmælisferðarinnar í prýðis-
veðri sem hélst reyndar í þá tæpu viku sem við vorum
á Ísafirði.
Í júní sl. fór Ellen Mooney ásamt eiginmanni sínum, Michael J. Kissane, til Vestfjarða. Þau
fóru m.a. í lautarferð að Fjallfossi, skoðuðu elsta skrúðgarð landsins og safn Jóns Sigurðs-
sonar á meðan safnvörðurinn lék á píanóið.
Fossinn Dynjandi er í Arnarfirði.
Ljósmynd/Ellen Mooney
Á afmælisdaginn var farið í lautarferð við Fjallfoss.
Safn Jóns Sigurðssonar á Hrafnseyri við Arnarfjörð
opnar ár hvert þann 17. júní og er opið alla daga til
ágústloka. Þar er einnig veitingasala í burstabænum.
Keyrt um
Vestfirði í til-
efni afmælis
Eftirminnileg ferð
Ljósmynd/Michael J. Kissane
Ljósmynd/Michael J. Kissane
JÚLÍ
18–27.
Siglingadagar á Ísafirði. Tíu daga hátíðar-
höld tengd sjó og sjóíþróttum á Ísafirði.
Þetta er í fjórða sinn sem hátíðin er haldin
á vegum Ísafjarðarbæjar og Sæfara, fé-
lags sjóíþróttamanna á Ísafirði.
Aðstaða er til fjölbreyttra sjóíþrótta við
Ísafjarðardjúp, Jökulfjörð og Hornstrandir.
Á dagskrá er m.a. kajaknámskeið, sjó-
skíðasýning, sjóstangaveiði og dansleikir
af ýmsu tagi.
Heimasíða Siglingadaga 2003 er á
www.isafjordur.is/siglingadagar
netfang ulfar@netos.is
19.
Gengið meðfram Þingvallavatni. Gangan
er á vegum Upplýsingamiðstöðvar Suður-
lands og hefst kl. 13 við Vatnskot. Rölt er
með ströndu Þingvallavatns og fjallað um
þróun fiska og lífríki Þingvallavatns.
Nánari upplýsingar á vefslóðinni
www.sudurland.net/info/
14.–20.
Gönguferðir á Gásum. Gönguferðir með
leiðsögn á Gásum, verslunarstaðnum frá
miðöldum. Leiðsögn verður um uppgraft-
arsvæðið á Gásum í júlí og ágúst meðan á
fornleifauppgreftri stendur. Mánudaga til
föstudaga kl. 13, 14 og 15.30 og laugar-
daga kl. 11.30, 13, 14 og 15.30. Að-
gangseyrir 300 krónur. Staðsetning:
Hörgárbyggð í Eyjafirði. Heimasíða:
www.gasir.is
20.
Fjölskylduhátíð í Borgarfirði. Í tilefni af
Evrópuári fatlaðra hefur Svæðisskrifstofa
málefna fatlaðra á Vesturlandi ákveðið að
halda Fjölskylduhátíð í Holti í Borgarbyggð
frá klukkan 13–17.
Hátíðin er hugsuð sem liður í að kynna þá
þjónustu sem Svæðisskrifstofa Vestur-
lands hefur upp á að bjóða.
19.–20.
Hestamannamót á Kaldármelum. Hið ár-
lega Hestamannamót Snæfellings verður
með glæsilegra móti núna, þar sem Snæ-
fellingur á afmæli. Opið mót fyrir kepp-
endur af Vesturlandi og ball á laugardags-
kvöldinu. Nánari upplýsingar á
www.skessuhorn.is
Vikan framundan
www.hoteledda.is
Ítalía
17.205 kr.*
7 dagar miðað við flokk B
Innifalið ótakmarkaður akstur,
kaskó, þjófavörn, flugvallargjald
og skattur.
Flórída
18.837 kr.*
7 dagar miðað við flokk A
Innifalið ótakmarkaður akstur,
kaskó, þjófavörn, flugvallargjald
og skattur.
Spánn Alicante
13.109 kr.*
7 dagar miðað við flokk A
Innifalið ótakmarkaður akstur,
áfylling af bensíni, kaskó, ábyrgðar-
trygging, einn auka bílstjóri,
skattur og flugvallargjald.
Ætlarðu til Mombasa,
út á Dalvík, til New Orleans
eða upp á Brávallagötu?
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
ER
2
16
61
0
7/
20
03
Sími: . . . . . . . . . . . . . . . . 5050 600
Fax: . . . . . . . . . . . . . . . . 5050 650
Netfang: hertz@hertz.is
*Ekkert bókunargjald.
Með AVIS kemst þú lengra
Pantaðu AVIS bílinn áður en þú
leggur af stað – Það borgar sig
Hringdu til AVIS í síma 591-4000
AVIS Knarrarvogi 2 – 104 Reykjavík – Sími 591 4000
Fax 591 4040 – Netfang avis@avis.is
Innifalið í verði er ótakmarkaður akstur, trygging,
vsk. og flugvallargjald. (Verð miðast við
lágmarksleigu 7 daga). Ekkert bókunargjald.
Verona kr. 2.900,- á dag m.v. B flokk
Bologna kr. 2.900,- á dag m.v. B flokk
Milano kr. 2.900,- á dag m.v. B flokk
www.avis.is
Við
gerum
betur
Ítalía