Morgunblaðið - 01.09.2003, Blaðsíða 7
KNATTSPYRNA
MORGUNBLAÐIÐ MÁNUDAGUR 1. SEPTEMBER 2003 B 7
g
GRAHAM Taylor, fyrrum knatt-
spyrnustjóri Aston Villa, sagði við enska
blaðið Express and Star um helgina að
Jóhannes Karl Guðjónsson ætti eftir að
reynast Wolves vel í úrvalsdeildinni í
vetur. Taylor var stjóri hjá Villa síðasta
vetur þegar hann fékk Jóhannes að láni
frá Real Betis frá Spáni. Taylor hætti
störfum eftir tímabilið og eftirmaður
hans, David O’Leary, sýndi ekki áhuga á
að semja við spænska félagið um kaup á
íslenska miðjumanninum. Wolves fékk
Jóhannes hins vegar að láni á dögunum,
út þetta tímabil, og hann lék síðustu 11
mínúturnar á laugardaginn þegar Wolv-
es gerði markalaust jafntefli við
Portsmouth í nýliðaslag á heimavelli sín-
um, Molineaux.
„Jóhannes er mjög baráttuglaður og
það sem ég sá best í hans fari er að
hann vill ná árangri og læra meira.
Hann er aðeins 23 ára, hefur kraft til að
hlaupa um allan völl og hann hlustar á
þjálfarann. Ég hafði fullan hug á að
kaupa hann, fjármagnið var til reiðu og
Jóhannes féll vel að mínum framtíð-
arplönum. Fólk man eftir brottrekstri
hans í leiknum við Birmingham og ég
veit að Jóhannes sér eftir því atviki. Það
var mjög slæmt brot, en eftir það náði
hann sér vel á strik. Hann byrjaði mjög
vel þegar hann kom til okkar, skoraði
frábært mark í góðum sigri í Middles-
brough, og hélt kannski að í kjölfarið
yrði þetta auðvelt. Það hefur ef til vill
tafið aðeins fyrir honum. En ég er viss
um að hann mun standa sig með Wolves.
Hann kann vel við baráttuna og hraðann
í ensku knattspyrnunni, mun betur en
við spænska fótboltann, og hann hefur
úthald og kraft til að standa sig,“ sagði
Taylor.
Wolves fékk sitt fyrsta sig í úrvals-
deildinni með jafnteflinu við Ports-
mouth. Mikið gekk á í leiknum og Harry
Redknapp, stjóri Portsmouth, var rekinn
af varamannabekknum. Ívar Ingimars-
son var ekki í leikmannahópi Wolves.
„Jóhannes Karl mun standa
sig vel með Wolverhampton“
GUÐJÓN Þórðarson og lærisveinar hans í Barnsley
misstu toppsæti ensku 2. deildarinnar í knattspyrnu
úr höndunum á laugardaginn þegar þeir fengu á sig
jöfnunarmark, 1:1, á lokamínútunni gegn Notts
County. Gestirnir höfðu ekki skorað mark í fjórum
fyrstu leikjum sínum í deildinni og ekki fengið stig
svo markið var afar óvænt. Fyrir vikið er Barnsley í
öðru sætinu með 11 stig eftir fimm umferðir, stigi á
eftir Port Vale.
Guðjón sagði við enska fjölmiðla eftir leikinn að
léleg nýting á marktækifærum hefði komið sínum
mönnum í koll. „Við nýttum þau ekki og þegar for-
ystan er aðeins eitt mark er alltaf hætta á að menn
misstígi sig, og það gerðum við. Þetta var ekki
nógu góð frammistaða og menn verða að læra af
henni og halda einbeitingu í leikjunum,“ sagði Guð-
jón.
Barnsley fór
illa að ráði sínu
Við vorum virkilega slakir í fyrrihálfleik og spilamennskan var
til skammar. Ég tel að við höfum
verið heppnir að
vera ekki marki
undir í hálfleik en
við ræddum ítarlega
í hálfleik hvað við
þyrftum að laga í spilamennsku
okkar. Menn komu miklu ákveðnari
til leiks eftir hlé og sýndu mikinn
karakter og við náðum okkur vel á
strik. Við fengum mörg úrvalsfæri
og við hefðum átt að vinna þennan
leik með fjórum til fimm mörkum
en ég sætti mig fullkomnlega við
1:0 sigur.“
Þú hlýtur að vera mjög sáttur við
gengi ykkar að undanförnu.
„Já, það hefur gengið mjög vel
hjá okkur að undanförnu. Við þurf-
um ekki lengur að treysta á að önn-
ur lið misstígi sig. Við höfum örlög
okkar í eigin höndum og nú eru
tveir leikir eftir sem við þurfum að
klára. Stríðið heldur áfram og við
þurfum að leika mjög vel til að
halda sæti okkar í deildinni. Strák-
arnir hafa sýnt mikinn karakter í
sumar og ég er bjartsýnn upp á
framhaldið. Það voru mjög margir
sem voru fyrir löngu búnir að af-
skrifa okkur en við höfum sýnt að
við getum leikið mjög vel.“
Heimir Guðjónsson, fyrirliði FH,
var mjög óánægður með frammi-
stöðu FH-inga og taldi að Fram
hefði átt sigurinn skilinn. „Við vor-
um mjög slakir í kvöld og náðum
okkur aldrei almennilega á strik.
Við vorum ekki með á nótunum í
leiknum og Framarar voru mun
betri en við. Ég tel að við höfum of-
metnast aðeins eftir gott gengi að
undanförnu í deildinni. Mér fannst
við mæta til leiks með því hugarfari
að það yrði ekkert mál að leggja
Fram að velli. Svoleiðis hugsunar-
háttur gengur ekki í efstu deild og
við þurfum að muna það að hver
einasti leikur í þessari deild er
mjög erfiður. Ég tala nú ekki um
þegar maður mætir liði sem er að
berjast fyrir lífi sínu í deildinni eins
og Framarar.
Framarar höfðu einfaldlega
miklu meiri áhuga á að vinna þenn-
an leik. Þeir voru baráttuglaðari og
við verðum að passa að mæta ekki
aftur til leiks jafnáhugalausir og við
gerðum í kvöld. Ég held að það sé
nokkuð ljóst að Framarar munu
senda okkur FH-ingum jólakort í ár
vegna þess að við erum að bjarga
þeim frá falli enn eitt árið,“ sagði
Heimir. FH tapaði báðum leikjun-
um gegn Fram í Landsbankadeild-
inni í sumar.
Við erum
enn í mikilli
fallbaráttu
Eftir
Atla
Sævarsson
og það mátti fljótt greina að Steinar Þór
Guðgeirsson, þjálfari Framara, notaði
leikhléið tið vekja sína menn af værum
blundi. Þeir hófu leikinn með látum og
eftir þriggja mínútna leik lá boltinn í
neti FH-inga eftir skot Ingvars Ólason-
ar. Markið virkaði sem enn meiri víta-
mínsprauta á leikmenn Fram og hvað
eftir annað skall hurð nærri hælum FH-
marksins. Viðar Guðjónsson brenndi af
úr sannkölluðu dauðafæri eftir góðan
undirbúning Kristjáns Brooks á 57.
mínútu og mínútu síðar skallaði Kristj-
án rétt yfir markið. Framarar fengu svo
gullið tækifæri til að bæta við forskot
sitt. Þeir fengu dæmda vítaspyrnu þeg-
ar Viðar Guðjónsson var felldur innan
teigs og Ágúst Gylfason var kallaður á
vettvang til að taka spyrnuna. En svo
bregðast krosstré sem önnur tré.
Ágústi, sem hafði skorað úr 13. víta-
spyrnum í röð í efstu deild, brást boga-
listin en Daði Lárusson varði frekar
slaka spyrnu fyrirliðans. Framarar létu
þetta ekki slá sig út af laginu. Þeir héldu
áfram að þjarma að FH-ingum og eftir
hornspyrnu Ágústs á 68. mínútu sluppu
FH-ingar svo sannarlega með skrekk-
inn, fyrst björguðu þeir skalla Eggerts
Stefánssonar af marklínu og í kjölfarið
varði Daði meistaralega þrumuskot
Viðars. FH-ingar voru mjög bitlitlir í
sóknaraðgerðum sínum og tókst aðeins
einu sinni að ógna marki Framara. Ás-
geir Ásgeirsson átti þá bylmingsskot
sem Gunnar gerði vel að verja. Það
fækkaði um einn í hvoru liði á síðustu 10
mínútum leiksins. FH-ingurinn Guð-
mundur Sævarsson fékk reisupassann
á 80. mínútu þegar hann togaði Ágúst
Gylfason niður þegar hann var að
sleppa einn í gegn og fimm mínútum
fyrir leikslok fór Baldur Bjarnason
sömu leið þegar hann nældi sér í sitt
annað gula spjald.
Framarar sýndu mikla þrautseigju
og þegar öllu er á botninn hvolft var sig-
ur þeirra nokkuð verðskuldaður. Fram-
arar léku af mikilli varúð í fyrri hálfleik
en um leið og liðið færði sig framar á
völlinn og sótti á fleiri mönnum áttu
FH-ingar í vök að verjast. Ingvar,
Andrés og Eggert voru geysisterkir í
öftustu varnarlínu Framara og fyrir
aftan þá var Gunnar öryggið uppmálað í
markinu. Baldur Bjarnason og Viðar
Guðjónsson sýndu góða takta á miðj-
unni og Andri Fannar Ottósson var
mjög sprækur í síðari hálfleik sem og
Fram-liðið í heild.
FH-liðið var á ágætu róli í fyrri hálf-
leik þó svo slagkraftinn vantaði en í
þeim síðari var leikur Hafnarfjarðar-
liðsins ómarkviss og algjörlega brodd-
laus. Öflug byrjun Framara í síðari
hálfleik virtist slá FH-ingana gjörsam-
lega út af laginu og þeir náðu engum
tökum á leiknum eftir það. Heimir, All-
an Borgvardt og Tommy Nielsen stóðu
helst upp úr hjá FH-ingum sem urðu að
láta í minni pokann öðru sinni fyrir
Fram í sumar.
Morgunblaðið/Kristinn
t að Gunnari Sigurðssyni, markverði Fram, og til varnar er Gunnar Þór Gunnarsson.
ar úr fallsæti Fram 1:0 FH
Leikskipulag: 3-5-2 Landsbankadeildin,
16. umferð
Laugardalsvöllur
Sunnudaginn 31. ágúst
2003
Aðstæður:
Hægviðri og ringingarúði.
Blautur völlur en góður.
Áhorfendur: 1.103
Dómari:
Gísli H. Jóhannsson,
Keflavík, 3
Aðstoðardómarar:
Gunnar Sv. Gunnarsson, Guð-
mundur H. Jónsson
Skot á mark: 10(5) - 11(6)
Hornspyrnur: 6 - 2
Rangstöður: 4 - 0
Leikskipulag: 4-3-3
Gunnar Sigurðsson M
Ingvar Ólason M
Andrés Jónsson M
Eggert Stefánsson M
Ómar Hákonarson
(Freyr Karlsson 77.)
Baldur Þór Bjarnason M
Ágúst Gylfason
Viðar Guðjónsson M
(Daði Guðmundsson 76.)
Gunnar Þór Gunnarsson
Kristján Brooks
Andri Fannar Ottósson M
(Þorbjörn Atli Sveinsson 81.)
Daði Lárusson M
Magnús Ingi Einarsson M
Tommy Nielsen M
Sverrir Garðarsson
Freyr Bjarnason
(Guðmundur Sævarsson 72.)
Baldur Bett
Heimir Guðjónsson M
Ásgeir Gunnar Ásgeirsson M
Atli Viðar Björnsson
(Emil Hallfreðsson 63.)
Allan Borgvardt M
Jón Þorgrímur Stefánsson
(Jónas Grani Garðarsson 69.)
1:0 (48.) Eftir hornspyrnu Framara barst boltinn til Baldurs Bjarnasonar sem
staðsettur var við endamarkalínu. Baldur sendi knöttinn á Ingvar Óla-
son sem skoraði með föstu skoti sem hafði viðkomu í varnarmanni
FH-inga.
Gul spjöld: Baldur Þór Bjarnason, Fram (39.) fyrir brot Sverrir Garðarsson, FH (86.) fyrir
brot Rauð spjöld: Guðmundur Sævarsson, FH (81.) fyrir brot Baldur Þór
Bjarnason, Fram (85.) annað gula spjaldið
STEINARI Þór Guðgeirssyni, þjálfari Fram, var létt í leikslok enda
Framarar loksins komnir úr fallsæti. „Það er mjög gott að vera
komnir úr fallsæti en mótið er langt frá því að vera búið. Við þurfum
að halda áfram að berjast og leika vel því við erum enn í miklum
fallbaráttuslag,“ sagði Steinar.