Morgunblaðið - 08.09.2003, Blaðsíða 9

KNATTSPYRNA
MORGUNBLAÐIÐ MÁNUDAGUR 8. SEPTEMBER 2003 B 9
Í gærdag var grannaslagur íReykjanesbæ þegar Njarðvík-
ingar tóku á móti Keflvíkingum 1.
deild karla. Fyrir
leikinn mátti búast
við baráttuleik eins
og oft vill verða
þegar nágrannalið
eigast við. Raunin varð hins vegar
önnur og náði leikurinn aldrei að
verða spennandi eða skemmtilegur
en það voru gestirnir úr Keflavík
sem höfðu betur, 2:0.
Leikurinn byrjaði mjög rólega og
voru bæði liðin að þreifa fyrir sér á
vellinum. Njarðvíkingar ætluðu
greinilega að spila sterka vörn og
stilltu því upp fimm manna varn-
arlínu. Keflvíkingar stilltu upp
sama byrjunarliði og hóf leikinn
gegn HK í síðustu umferð. Á 8.
mínútu kom fyrsta markið þegar
Haraldur Guðmundsson skoraði
fallegt skallamark eftir aukaspyrnu
utan af kanti. Haraldur stökk
manna hæst í vítateig Njarðvíkinga
og sendi boltann fram hjá Friðriki
Árnasyni markverði Njarðvíkinga.
Aftur lognaðist leikurinn útaf. Á 23.
mínútu skoruðu Keflvíkingar aftur
og nú var að verki Magnús Þor-
steinsson. Hann fékk góða stungu-
sendingu inn fyrir vörn Njarðvík-
inga frá Hólmari Rúnarssyni og
lagði boltann fram hjá Friðriki.
Laglegt mark hjá Magnúsi. Njarð-
víkingar áttu einnig sínar sóknir og
geta verið ansi skeinuhættir í
skyndisóknum sínum. Eftir hraða
sókn fékk Sverrir Þór Sverrisson
boltann inn í vítateig Keflvíkinga.
Hann sendi boltann fast fyrir og
þar náði Guðjón Antoníusarson að
bjarga á marklínu áður en Eyþór
Guðnason náði að renna sér á bolt-
ann. Seinni hálfleikur spilaðist eins
og sá fyrri ef frá eru talin mark-
tækifæri og mörk, því að í seinni
hálfleik voru engin mörk og færri
marktækifæri. Það var aðeins und-
ir lokin að Njarðvíkingar lögðu allt
undir til þess að setja eitt mark á
Keflvíkinga. Í heildina var leikur-
inn bragðdaufur og ekkert í líkingu
við það sem við má búast þegar um
nágrannaslag er að ræða. Því til
stuðnings má nefna að engin
áminning var gefin í leiknum.
Í liði Njarðvíkinga bar mikið á
þeim Guðna Erlendssyni og Sverri
Þór Sverrissyni í sóknarleiknum og
svo varnarmönnunum Guðbjarti
Halldóri Ólafssyni, Snorra Má
Jónssyni og Bjarna Sæmundssyni.
Í liði Keflvíkinga áttu þeir Þórarinn
Kristjánsson og Magnús Þorsteins-
son góðan leik í framlínunni og
Haraldur Guðmundsson í vörninni.
Maður leiksins: Þórarinn Krist-
jánsson, Keflavík.
Rólegur
granna-
slagur
Atli
Þorsteinsson
skrifar
Mosfellingar voru mættir í Kópa-voginn til að selja sig dýrt og
þeir byrjuðu leikinn mun betur, áttu
skarpari sóknir en
HK-ingar án þess
þó að koma sér í
mjög hættuleg færi.
Á 35. mínútu dró þó
heldur betur til tíðinda þegar Boban
Ristic slapp einn inn fyrir vörn HK
og þegar hann var kominn langleið-
ina inn á markteig klippti Þórður
Jensson, leikmaður HK, hann gróf-
lega niður og var umsvifalaust rek-
inn af leikvelli auk þess sem Aftur-
elding fékk vítaspyrnu sem Albert
Ásvaldsson skoraði úr af öryggi.
Það var ekki bjart útlitið hjá HK í
leikhléi en ræða Goran Kristófers
Micic, þjálfara þeirra, hefur verið
áhrifarík því HK-ingar léku glimr-
andi vel í síðari hálfleiknum og var
ekki að sjá að þeir væru manni færri.
Þeir uppskáru vítaspyrnu á 55. mín-
útu þegar brotið var á Ólafi V. Júl-
íussyni og hann skoraði sjálfur úr
vítinu. Á 75. mínútu var síðan komið
að Harðar þætti Más Magnússonar
en hann átti sannkallaðan stórleik
síðustu 15 mínúturnar, en hafði vart
sést mínúturnar 75 þar á undan. Á
þessum tíma skoraði Hörður Már
þrjú mörk, það fyrsta á 77. mínútu
eftir skelfileg varnarmistök hjá Aft-
ureldingu, en hin mörkin tvö á 84. og
90. mínútu eftir glæsilegt einstak-
lingsframtak þar sem Hörður Már
sýndi allar sínar bestu hliðar.
Þeir voru því niðurlútir Mosfell-
ingar í leikslok en á sama tíma var
andað léttar víða í Kópavoginum auk
þess sem Njarðvíkingar gátu brosað
þrátt fyrir tap gegn grönnum sínum
úr Keflavík.
Maður leiksins: Hörður Már
Magnússon, HK.
Völlurinn í Garðabænum varmjög blautur og þungur og
ástandið ekki gott eftir að íslenska
landsliðið æfði á
honum fyrir lands-
leikinn á laugar-
daginn. Það var því
von á erfiðum leik,
erfitt að spila boltanum og reyndi
mikið á þrek leikmanna, sem fyrir
vikið urðu þreyttir og önugir er leið
á leikinn. Fyrstu mínúturnar voru
samt fjörugar. Stjarnan átti í vök
að verjast eftir tvö góð færi Þórs,
annað þegar Benedikt Árnason
hljóp Þórsarann Alexandre Santos
uppi, en í fyrstu og einu sókn
Garðbæinga fyrsta hálftímann
skoraði Adolf Sveinsson. Pétur H.
Kristjánsson átti á 23. mínútu gott
sem Ólafur Gunnarsson varnar-
maður Stjörnunnar varði á línu. Á
25. mínútu jafnaði Santos leikinn
með þrumuskoti af 25 metra færi
eftir að markvörður Stjörnunnar
var kominn aðeins of langt út úr
marki sínu. Hvort lið fékk tvö færi
áður en flautað var til leikhlés en
markverðir stóðu fyrir sínu.
Þjálfarar Stjörnunnar náði í leik-
hléinu að rétta kúrsinn hjá sínum
mönnum og eftir hlé var spil
Garðbæinga mun betra enda létu
færin ekki á sér standa. Flest voru
þau heimamanna en Þórsarar áttu
samt sínar sóknir og tókst oft að
tvístra vörn Stjörnunnar en ekki að
skapa sér góð færi. Garðbæingar
skiptu inná þremur ferskum ungum
mönnum undir lokin og á 83. mín-
útu skoraði Guðjón Baldvinsson
skallamark eftir góða fyrirgjöf Cal-
um Bett. Það dugði til að kveikja í
gestunum og þeir sóttu af krafti.
Pétur komst í gott færi á 84. mín-
útu en Magnús Pétursson í marki
Stjörnunnar varði vel og á 87. mín-
útu féllu tveir Þórsarar inni í teig í
mikilli sókn en Garðar Örn Hinriks-
son taldi ekkert brotlegt á seyði.
Pressan jókst sífellt fram að loka-
flautinu en Stjarnan stóðst álagið.
„Við vorum lélegir í fyrri hálfleik
en tókum okkur aðeins saman í
andlitinu eftir hlé,“ sagði Ragnar
Gíslason einn af þjálfurum Stjörn-
unnar eftir leikinn. „Þetta var leik-
ur, sem hefði getað farið á hvorn
veg sem er því aðstæður voru þann-
ig að það mátti búast við fullt af
mistökum á báða bóga, eins og kom
á daginn. Það var samt fullt af fær-
um og bæði lið hefðu getað stolið
sigrinum.“ Stjarnan hefur ekki tap-
að í undanförnum tólf leikjum, ekki
síðan þriðji þjálfarinn var kallaður
til. „Það sem klikkar hjá okkur er
byrjun mótsins og öll þessi jafn-
tefli, annars værum við að fara upp
um deild og við höfum hvorki tapað
fyrir Þór né Víkingum í sumar,“
bætti Ragnar við.
Annað hljóð var í strokknum hjá
Hlyn Birgissyni fyrirliða Þórs eftir
leikinn. „Ég er auðvitað bullandi
svekktur því það var bara eitt lið á
vellinum allan leikinn. Við fengum
fullt af færum og það er sérlega
sárt að geta ekki nýtt neitt af
þeim,“ sagði Hlynur eftir leikinn.
Þórsarar verða nú að vinna sinn
síðasta leik og treysta á að Vík-
ingur tapi báðum sínum. „Þetta
verður erfitt en það er möguleiki og
við höldum áfram en það er greini-
legt að við fáum enga hjálp og þessi
dómgæsla er út í hött, hreinlega til
skammar,“ bætti Hlynur við.
Maður leiksins: Dragoslav Stoj-
anovic, Stjörnunni.
Stjarnan setti strik
í reikninginn
GARÐBÆINGAR gerðu Þór frá
Akureyri slæman grikk í gær
þegar þeir lögðu Þórsmenn að
velli í Garðabænum með sig-
urmarki á 83. mínútu í 2:1
sigri. Þórsarar verða því að
bíða og vona að Víkingum fat-
ist flugið í tveimur síðustu
leikjum sínum en þessi tvö lið
eiga möguleika á að fylgja
Keflvíkingum upp í efstu deild.
Stjarnan aftur á móti kemst
ekki ofar í töflunni en heið-
urinn er að veði og með tólfta
leiknum í röð án taps halda
þeir einhverju af honum.
Morgunblaðið/Árni Sæberg
Alexandre Santos skýtur að marki en Ólafur Gunnarsson reynir að komast fyrir skotið.
Stefán
Stefánsson
skrifar
Hörður Már var
hetja HK-liðsins
Það lyftist brúnin á stuðningsmönnum Kópavogsliðanna HK og
Breiðabliks eftir 4:1 sigur þeirra fyrrnefndu á Aftureldingu úr Mos-
fellsbæ í gær en leikurinn fór fram á Kópavogsvelli. Nokkur spenna
var fyrir leikinn því með sigri gat Afturelding haldið í vonina um að
hanga uppi í 1. deild karla en jafntefli eða sigur HK þýddi að mögu-
leikar þeirra væru úr sögunni og um leið myndu HK, Breiðablik og
Njarðvík tryggja sæti sitt í deildinni þegar ein umferð er eftir.
Ingibjörg
Hinriksdóttir
skrifar
BARNSLEY undir stjórn Guðjóns
Þórðarsonar heldur áfram að gera
góða hluti í ensku 2. deildinni en á
laugardag vann grannaliðið Chester-
field á útivelli, 2:0.
Anthony Kay skoraði fyrra markið á
10. mínútu en Craig Ireland bætti við
öðru marki á 67. mínútu.
Markaskorarinn Kay var sendur af
leikvelli þegar stundarfjórðungur var
eftir af leiknum og voru leikmenn
Barnsley einum færri eftir það. Á
sama tíma gerði Port Vale 2:2 jafntefli
við Stocport og er Barnsley með 14
stig að loknum 6 umferðum og hefur
enn ekki tapað leik, unnið fjóra og
gert tvö jafntefli. Port Vale er með 13
stig líkt og Sheffield Wednesday.
Barnsley á
toppnum
DANIR standa með pálmann
í höndunum í 2. riðli Evr-
ópumótsins í knattspyrnu
eftir að Norðmenn töpuðu
1:0 gegn Bosníu á útivelli í
Belgrad.
Dönum nægir því að
leggja Rúmeníu að velli á
miðvikudag til þess að
tryggja sér farseðil í úr-
slitakeppnina sem fram fer í
Portúgal á næsta ári.
Leikur Dana og Rúmena
fer fram á Parken í Kaup-
mannahöfn en Rúmenar
lögðu Luxemborg að velli á
laugardaginn, 4:0, á meðan
Danir fengu frí að þessu
sinni. Norðmenn eru afar
vonsviknir eftir tapið í Bel-
grad en með sigri hefði liðið
náð efsta sætinu og nánast
tryggt sér farseðil á EM í
Portúgal. Þess í stað eru
Norðmenn í þriðja sæti rið-
ilsins á eftir Dönum sem
eru í efsta sæti og Rúmen-
um.
Norðmenn þóttu leika af-
ar illa gegn Bosníu og átti
Nils Johan Semb landsliðs-
þjálfari Norðmanna erfitt
verkefni fyrir höndum er
hann tók á móti norskum
blaðamönnum á Gardemoen
flugvelli í gær.
Danir með pálm-
ann í höndunum
NOKKRIR leikmenn makedónska
landsliðsins, sem mætti Englendingum
í landsleik undankeppni EM í fyrra-
dag, hræktu á David Beckham fyr-
irliða enska liðsins en England vann
leikinn 2:1. Þá segir David Beckham
frá því í samtali við breska dagblaðið
Independent að einn leikmaður í lands-
liði Makedóníu hafi sagt við sig að
hann kæmist ekki lifandi frá við-
ureigninni.Sven-Göran Eriksson, þjálf-
ari enska liðsins, staðfestir að Beck-
ham hafi reiðst í nokkur skipti eftir
aðfarir leikmanna Makedóníu. Er-
iksson segir að hann hafi nýtt hálfleik-
inn til þess að róa Beckham niður eftir
átök inn á vellinum. „Ég held að David
Beckham hafði staðið sig vel. Hann er
mikilvægur leikmaður fyrir okkur og
er hjarta liðsins. Hann vissi hversu
mikilvægur þessi leikur var fyrir okk-
ur, en var í uppnámi þegar hann kom
inn í búningsherbergið í leikhléi. Hann
var hins vegar fljótur að róa sig aftur.
Svo sagði hann strákunum að koma út
á völl og ljúka þessu,“ sagði Eriksson.
Beckham sagði jafnframt að Emile
Heskey, leikmaður Liverpool, hefði
þurft að þola kynþáttafordóma á vell-
inum. Beckham sagði að kynþátta-
fordómar væru greinilega enn við lýði
í nokkrum löndum. „Við vorum við-
búnir kynþáttafordómum í leiknum
þar sem slíkt hafði átt sér stað í ung-
mennalandsleik þjóðanna,“ sagði
Beckham.
Makedóníumenn
hræktu á Beckham