Morgunblaðið - 15.09.2003, Qupperneq 1
2003 MÁNUDAGUR 15. SEPTEMBER BLAÐ B
B L A Ð A L L R A L A N D S M A N N A
HEIÐAR OG RAGNHILDUR STIGAMEISTARAR/B12
BJARNI Skúlason, júdókappi, varði í 9.–13. sæti á
HM í júdó sem fram fer í Japan. Bjarni keppti í
-90 kílóa flokki.
Fyrst lagði kappinn Wu frá Taívan á ippon, þá
var Pereteyko frá Úsbekistan felldur mjög
snaggaralega á ippon og röðin komin að Zviad-
ayri frá Georgíu, en hann fékk silfur á HM síðast.
Bjarni varð að játa sig sigraðan en sá georgíski
komst í úrslitaglímuna en tapaði þar fyrir Hee
Tae Hwang frá Kóreu.
Bjarni fékk því uppreisnarglímu og mætti þar
Gabriel Lama frá Chile og tapaði þeirri glímu en
Lama varð í 7.–8. sæti.
Þessi árangur Bjarna tryggir honum ekki sæti
í júdókeppni næstu Ólympíuleika.
Bjarni Friðriksson og Vernharð Þorleifsson
haf báðir náð sjöunda sætinu á HM, Vernharð
2001 en Bjarni 1989.
Bjarni í 9.–13. sæti í
Japan á HM í júdó
Grosswallstadt stöðvaði sigur-göngu Lemgo á laugardaginn
og sigraði, 26:24, í hörkuleik.
Snorri Steinn Guðjónsson skoraði
eitt marka Grosswallstadt en Heiko
Grimm var atkvæðamestur í liðinu
með 6 mörk. Svissnesku landsliðs-
mennirnir Carlos Lima og Marc
Baumgartner skoruðu 5 mörk hvor
fyrir Lemgo. Grosswallstadt er þar
með komið með 5 stig eftir þrjá
leiki og virðist til alls líklegt í vet-
ur.
Einar Örn Jónsson skoraði 5
mörk og Rúnar Sigtryggsson eitt
fyrir Wallau-Massenheim sem vann
góðan heimasigur á Minden, 33:27.
Jan Behrends var í aðalhlutverki
hjá Wallau og skoraði 11 mörk.
Sigfús Sigurðsson skoraði 4
mörk fyrir Magdeburg sem vann
auðveldan sigur á Pfullingen, 38:27.
Staðan var 20:11 í hálfleik og Al-
freð Gíslason byrjaði strax í fyrri
hálfleiknum að hvíla sína bestu
menn.
Gylfi Gylfason skoraði 4 mörk
fyrir Wilhelmshavener sem tapaði
fyrir Gummersbach á útivelli,
29:24. Kyung-Shin Yoon skoraði 8
mörk fyrir Gummersbach í leikn-
um.
Guðmundur Hrafnkelsson og fé-
lagar í Kronau-Östringen eiga erf-
iðan vetur fyrir höndum. Nýliðarn-
ir töpuðu fyrir Nordhorn á heima-
velli, 22:29, og eru án stiga eftir
fjóra fyrstu leiki sína.
Jaliesky Garcia skoraði eitt mark
fyrir Göppingen sem tapaði fyrir
Kiel á heimavelli, 21:26.
Flensburg er á toppi deildarinn-
ar með 8 stig eftir 4 leiki og vann
Eisenach á útivelli, 33:25.
Tíu mörk Guðjóns
Vals gegn Wetzlar
GUÐJÓN Valur Sigurðsson fór á kostum með Essen í þýsku 1. deild-
inni í handknattleik í gær þegar lið hans vann stórsigur á Wetzlar,
32:20. Guðjón skoraði 10 mörk í leiknum, þar af 8 í fyrri hálfleik, og
ekkert þeirra úr vítakasti. Essen fékk þar með sín fyrstu stig á tíma-
bilinu en liðið tapaði fyrstu tveimur leikjum sínum. Gunnar Berg
Viktorsson skoraði 5 mörk fyrir Wetzlar en Róbert Sighvatsson
komst ekki á blað.
FIMM lið eru í mikilli fallhættu fyr-
ir síðustu umferð efstu deildar
karla í knattspyrnu sem leikin verð-
ur á laugardaginn kemur. Und-
anfarin ár hefur oft verið mikil
spenna í fallslag deildarinnar á
lokasprettinum en útlit er fyrir að í
þetta sinn verði síðasta umferðin
spennuþrungnari en nokkru sinni
fyrr.
Fjögur af þessum fimm liðum
mætast í innbyrðis leikjum sem ger-
ir spennuna enn meiri. Grindavík
(22 stig) fær KA (21) í heimsókn og
Fram (20) og Þróttur (22) mætast á
sínum sameiginlega heimavelli,
Laugardalsvellinum. Þar er staðan
sú að Grindavík og Þrótti nægir stig
til að halda sér í deildinni. Valur
(20) sækir Fylki heim í Árbæinn og
Hlíðarendaliðinu dugir ekkert ann-
að sigur til að tryggja sér áfram-
haldandi sæti meðal þeirra bestu.
Ljóst er að 23 stig munu í öllum
tilfellum nægja til að halda sér í
deildinni en Þróttur og Grindavík,
sem nú eru í 6. og 7. sætinu með 22
stig, geta bæði fallið á þeirri stiga-
tölu ef úrslitin verða þeim óhagstæð
í síðustu umferðinni.
Fimm í
fallhættu
fyrir síðustu
umferðina
Morgunblaðið/Þorkell
KR-ingar fengu Íslandsbikarinn afhentan á heimavelli í gær en þeir tryggðu sér Íslandsmeistaratitilinn fyrir nokkru. Meisturunum
tókst ekki að fylgja titlinum eftir með því að vinna í gær þegar þeir tóku á móti ÍBV, þeir töpuðu 2:0. Á myndinni tekur Kristján Finn-
bogason, fyrirliði KR, við Íslandsbikarnum úr höndum Eggerts Magnússonar, formanns KSÍ.
Darko Ristic, körfuknattleiksmað-ur frá Serbíu-Svartfjallalandi,
hefur samið við nýliða KFÍ frá Ísa-
firði um að leika með þeim í úrvals-
deildinni í vetur. Samkvæmt heima-
síðu KSÍ er Ristic væntanlegur til
Ísafjarðar um næstu mánaðamót.
Ristic lék með Skallagrími eftir
áramótin á síðasta tímabili og skoraði
þá 14,2 stig og tók 7,3 fráköst að með-
altali í níu leikjum með Borgnesing-
um. Hann er 27 ára gamall framherji,
um tveir metrar á hæð og lék lengi
með Radnicki í Júgóslavíu, þar af tvö
ár í úrvalsdeildinni. Hann spilaði með
franska 3. deildarfélaginu Briochin
síðasta vetur, þar til hann kom til liðs
við Borgnesinga, og skoraði þar allt
að 40 stigum í leik.
Þar með teflir KFÍ fram þremur
erlendum leikmönnum í vetur en auk
Ristics verða Bandaríkjamennirnir
Anton Collins og Jeb Ivey með Ísa-
fjarðarliðinu. Þeir eru þegar komnir
til landsins og fóru með KFÍ í æf-
ingaferð til Englands fyrr í þessum
mánuði.
Darko Ristic
til Ísfirðinga